Solapas principales

Departamento de Normalización Lingüística

    • Dirección: Pazo da Peregrina. Avenida de Azcárraga, nº 5, Bertamiráns. 15220 Ames.
    • Teléfono:  662 37 72 15
    • Horario de atención al público: de 9:00 - 14:00h.
    • Responsable municipal: Concejalía de Normalización Lingüística
    • Responsable técnica: Rosa Moreiras Cuñarro, técnica de normalización lingüística
    • Objetivo principal del servicio:
      • Incrementar el uso y el prestigio de la lengua gallega en todos los ámbitos municipales.

El Servicio de Normalización Lingüística del Ayuntamiento de Ames recibe una subvención anual para gastos de personal de la Diputación de A Coruña y otra de la Xunta de Galicia.

Otros Datos: 
  • Funciones:
    • Asesorar y colaborar con la planificación lingüística del Ayuntamiento de Ames
    • Promover actuaciones para aumentar el uso del gallego en el ámbito municipal, de acuerdo con la normativa vigente, y entre el vecindario
    • Contribuir a la formación lingüística del vecindario y del personal municipal
    • Mejorar la calidad lingüística y comunicativa del Ayuntamiento de Ames
    • Informar y asesorar sobre derechos lingüísticos del vecindario y deberes lingüísticos municipales
    • Asesorar sobre cuestiones lingüísticas al vecindario y al personal municipal

Noticias del departamento

Aberto o prazo de inscrición para o obradoiro de masaxes “Música na pel”, incluído no programa Apego

O programa Apego continúa coa súa programación de actividades para as crianzas nestes meses de outono. Nesta ocasión, organizan o vindeiro venres 21 de novembro ás 17.30 horas, na casa da Cultura do Milladoiro, o obradoiro de masaxes “Música na pel” de Arkhé Espazo Educativo. A actividade é de balde e está dirixida para familias que estean agardando un bebé ou con bebés que aínda non gateen. O prazo de inscrición está aberto desde hoxe, 13 de novembro, ata o xoves día 20. Para participar é preciso enviar un correo ao enderezo electrónico normalizacion@concellodeames.gal no que se indique o nome e apelidos das persoas asistentes, a idade das crianzas e un teléfono de contacto.

Aberto o prazo de inscrición para o obradoiro musical “Prende no colo” de Luís Prego e Samuel Soto

O programa Apego arranca o seu programa de actividades o vindeiro mes de febreiro co obradoiro musical “Prende no colo”, de Luís Prego e Samuel Soto, que se vai desenvolver no Pazo da Peregrina de Bertamiráns o xoves 1 de febreiro, ás 18:00 horas. Os/as interesados/as en anotarse poden facelo enviando un correo electrónico ao enderezo normalizacion@concellodeames.gal desde hoxe e ata o 31 de xaneiro, no que se indiquen nome e apelidos das persoas asistentes, idade dos nenos/as e un número de teléfono de contacto. A programación do Apego para o primeiro semestre do 2024 pode consultarse premendo nesta ligazón.

Aberto o prazo de inscrición para o obradoiro “Arrolar”, da Fundación Legar, incluído no programa Apego

O programa Apego continúa o seu programa de actividades durante o mes de maio coa actividade “Arrolar”, da Fundación Legar, que se vai desenvolver no Pazo da Peregrina, en Bertamiráns, o venres 3 de maio, ás 18:00 horas. As persoas interesadas en anotarse poden facelo enviando un correo electrónico ao enderezo normalizacion@concellodeames.gal desde hoxe e ata o 2 de maio, no que se indiquen nome e apelidos das persoas asistentes, idade das crianzas e un número de teléfono de contacto. A programación do Apego para o primeiro semestre do 2024 pode consultarse premendo nesta ligazón.

Aberto o prazo de inscrición para o “Obradoiro de cianotipia” do programa Apego

O proxecto Apego continúa o seu programa de actividades neste mes de xuño coa actividade “Obradoiro de cianotipia”, de Alouette Machine, que se vai desenvolver no parque do Ameneiral o venres 21 de xuño, ás 18:00 horas. As persoas interesadas en anotarse poden facelo enviando un correo electrónico ao enderezo normalizacion@concellodeames.gal desde hoxe e ata o 20 de xuño, no que se indiquen nome e apelidos das persoas asistentes, idade dos nenos/as e un número de teléfono de contacto. A programación do Apego para o primeiro semestre do 2024 pode consultarse premendo nesta ligazón.

Aberto o prazo de inscrición para participar na actividade “Tecendo fíos”, do programa Apego

A última das propostas do programa Apego para o mes de maio é “Tecendo fíos”, unha actividade que se desenvolverá o venres, 26 de maio, no Pazo da Peregrina de Bertamiráns, ás 18:00 horas. Trátase dunha sesión de contos interactivos para rir, xogar, compartir e axudar á relaxación, creando espazos de divertimento e de calma. A actividade diríxese a familias con crianzas a partir de 3 anos. O prazo para anotarse está aberto dende hoxe, día 16. As persoas interesadas en participar deben enviar un correo electrónico ao enderezo normalizacion@concellodeames.gal no que se indique nome, apelidos, idades dos rapaces/as e un número de teléfono de contacto. A programación do Apego para o primeiro semestre do 2023 pode consultarse premendo nesta ligazón.

Aberto o prazo de inscrición para participar na sesión de picadiscos “Marifaltri” do programa Apego

O proxecto Apego continúa coa súa programación neste mes de febreiro coa actividade “Picadiscos Marifaltri” da artista María Faltri, que terá lugar o vindeiro venres 28 de febreiro, ás 18.00 horas, na Casa da Cultura do Milladoiro. O prazo de inscrición para participar nesta actividade está aberto dende hoxe, 20 de febreiro, ata o xoves 27. Para inscribirse é preciso enviar un correo electrónico ao enderezo electrónico normalizacion@concellodeames.gal indicando o nome e apelidos das persoas asistentes, a idade das crianzas e un número de teléfono de contacto.

Aberto o prazo de inscrición para participar no curso de redes sociais incluído nos Premios Lingua e Empresa

O Concello de Ames pon en marcha un curso de redes sociais enmarcado dentro da sétima edición dos Premios Lingua e Empresa, unha iniciativa que promove o uso do galego na actividade empresarial amesá. O prazo para inscribirse nesta acción formativa está aberto ata o venres 15 de novembro ás 14.00 horas. Premendo nesta ligazón podes acceder ao formulario de inscrición. O curso impartirase o martes, 19 de novembro, de 19.00 a 21.00 horas, no espazo colaborativo A Proa, no Milladoiro e a docente será Carolina Buján Diéguez (especialista en marketing dixital e cofundadora de A Masa, Comunicación Artesanal). Está dirixido a empresas que teñan a súa sede ou centro de actividade no Concello de Ames. Ademais, ata o 21 de novembro continúa aberto o prazo para presentar candidaturas aos Premios Lingua e Empresa 2024. Poden optar a este recoñecemento todas as empresas con sede social ou un centro de actividade en Ames.

Aberto o prazo de inscrición para participar no obradoiro de arrolos e colos musicais impartido por Leticia Falcón

Leticia Falcón, especialista en estimulación musical temperá, ofrecerá un obradoiro de arrolos e colos musicais o sábado, 29 de febreiro, na Aula de usos múltiples da Casa da Cultura do Milladoiro. Haberá dúas sesións, unha ás 11.00 e outra ás 12.00 horas. A actividade está destinada a familias que se encontren agardando un bebé ou con crianzas que non anden. A inscrición, dispoñible ata o 28 de febreiro, realizarase enviando un correo a normalizacion@concellodeames.gal.

Aberto o prazo de inscrición para participar no obradoiro “Arrolos con Mamá Cabra” que se desenvolverá o vindeiro venres 22 de novembro

O vindeiro venres día 22 de novembro terá lugar no Pazo da Peregrina de Bertamiráns o obradoiro “Arrolos con Mamá Cabra”. Está programado para as 18.00 horas e está destinado a futuros pais e nais ou familias con crianzas de 0 a 3 anos. A inscrición, dispoñible ata o día 21, realizarase a través do envío dun correo electrónico ao enderezo normalizacion@concellodeames.gal.

Aberto o prazo de inscrición para unha nova edición do Club de Debate

Ata o 25 de novembro está aberto o prazo para que os centros educativos inscriban os seus equipos nunha nova edición do Club de Debate, unha actividade de dinamización lingüística dirixida a mozas e mozos de 3º e 4º da ESO, 1º de bacharelato ou ciclos formativos. Os equipos que se inscriban teñen que ser mixtos e estar formados por entre 4 e 10 persoas máis o/a preparador/a. A inscrición debe facerse a través do formulario que se facilite desde o SNL do Concello de Ames. Os equipos mellor clasificados nas primeiras fases recibirán premios de 500€ e 300€. Na final do Club de Debate participarán os equipos gañadores de toda Galicia e o premio para os que obteñan mellor puntuación será unha viaxe multiaventura dunha fin de semana.

Eventos del departamento

>Concerto infantil: Rockeando con Ramona

O Programa Apego, do departamento de Normalización Lingüística, presenta o concerto infantil "Rockeando con Ramona". Este espectáculo infantil realizarase na Casa da Cultura de Bertamiráns, o venres 9 de abril, ás 18.00 horas. Esta actividade dirixida por Pakolas, está orientada a un público familiar.

>Contacontos "Contos con susto para durmir a gusto"

O mércores 30 de outubro, ás 18:00 horas, Vero Rilo e Sonsoles Penadique chegarán ao Pazo da Peregrina de Bertamiráns con "Contos con susto para durmir a gusto". Dirixida a nenos e nenas a partir de 3 anos, trátase dun pequeno roteiro nocturno cunha sesión de narración oral e música chea de susto, medo e humor para vivir en familia na véspera do Samaín e aprender a rir do medo.

>Contacontos virtual "Contos de chupete"

Este venres, 6 de novembro, ás 18:00 horas, Bea Campos contará “Contos de chupete” de xeito virtual. A actividade está dirixida a bebés de 0 a 3 anos. O prazo para inscribirse comeza o 29 de outubro e remata o 5 de novembro.

>Danzacontos "A marabillosa viaxe da pinga Pingona"

O venres 22 de novembro, ás 18:00 horas, chegarán á Casa da Cultura do Milladoiro os danzacontos "A marabillosa viaxe da pinga Pingona". Dirixido a nenos e nenas de 1 a 6 anos, trátase de contos danzados orientados a explorar múltiples emocións a través da lingua e da música que terán como protagonistas a amizada, o respecto e a natureza. Será unha fermosa historia de empatía, escoita, comprensión e amizade, ao tempo que as crianzas exploran elementos do mar, o ceo, a terra e o ciclo da auga.

>Danzacontos "Viaxando coas anduriñas: ritmos na selva"

Laura Martínez Rey achega ao Pazo da Peregrina de Bertamiráns o venres 22 de setembro ás 18:00 horas o Danzacontos "Viaxando coas anduriñas: ritmos na selva". Trátase dunha serie de contos danzados para explorar múltiples emocións a través da lingua e da música que terán como protagonistas a amizade, o respecto e a natureza.

>Entrega de premios do XXI Certame Literario

O sábado 8 de xuño, ás 12:00 horas, a Casa da Cultura do Milladoiro acollerá a gala de entrega de premios do XXI Certame Literario do Concello de Ames. Nela actuarán a agrupación de violín (iniciación) , o grupo combo folk e o alumnado de Música e Movemento da Escola Municipal de Música de Ames.

>Espectáculo "Cantaxoga"

O venres 11 de outubro, ás 18:00 horas, Migallas Teatro chegará á Casa da Cultura do Milladoiro con "Cantaxoga". María Campos e Carlos Yus, acompañados por unha banda de pulgas, traen un espectáculo de música e teatro no que interpretan as cancións máis populares do grupo Migallas para bailarmos, cantarmos e rirmos a ritmo de rock, cumbia, rap, fusión étnica, etc. O espectáculo está dirixido a público familiar.

>Espectáculo "Con lingua propia"

O venres 4 de outubro, ás 18:00 horas,  Peter Punk chegará á Casa da Cultura de Bertamiráns con "Con lingua propia". Dirixido a público familiar, trátase dun espectáculo de circo, malabares e xogos no que os artista xoga en escena co público, coas palabras e cos aparellos que vai sacando da súa maleta.

>Espectáculo "Contos en familia"

O venres 19 de abril, ás 18:00 horas,  Cris de Caldas e Xabi do Miño levarán á Casa da Cultura do Milladoiro o espectáculo "Contos en familia". Dirixido a público familiar, trátase dun espectáculo de contos, música e presentación dunha ampla escolma de libros esenciais para tratar temas clave na crianza. Un menú de conto pensado para introducírmonos no mundo da literatura infantil e para compartir experiencias e inquedanzas.

>Espectáculo "Son animal"

O venres 8 de novembro, ás 18:00 horas, Paco Nogueiras chegará á Casa da Cultura do Milladoiro con "Son animal". Dirixido a público familiar, trátase dun espectáculo dedicado aos animais máis próximos e aos seus sons convertidos en divertidas cancións; cancións que nos levan polo mundo a través de diferentes estilos musicais: ritmos andinos, portugueses e do leste de Europa, unha balada acústica, un animado rock&roll, unha fanfarria circense...