Solapas principales

Departamento de Deportes

    • Dirección: Praza do Concello, nº 2, Bertamiráns.
    • Teléfono:  981 88 30 02 / 619 84 25 04
    • Horario de atención al público:
      • De lunes a viernes, en horario de 9:00 a 14:00 horas.
    • Responsable municipal: Concejalía de Deportes
    • Responsable técnico: Alberto Viaño Moure
Otros Datos: 
  • Programación escolas deportivas 2023-2024
  • Funciones:
    • Diseñar proyectos deportivos: escuelas deportivas, eventos deportivos...
    • Planificar y gestionar programas deportivos y elaborar estrategias de funcionamiento.
    • Incentivar la participación ciudadana tanto en las actividades como en la creación deportiva.
    • Asesorar e informar a los grupos y entidades deportivas del ayuntamiento, así como al público en general.
    • Colaborar en las programaciones de la Diputación: Campaña de esqui, campamentos deportivos, circuito de carreras populares...
    • Gestionar las subvenciones correspondiente al área de deportes, bien sean las de la Diputación o las convocatorias propias del Ayuntamiento de Ames de apoyo a las asociaciones deportivas y clubes.
    • Gestionar las instalaciones deportivas municipales (pabellones polideportivos, campos de fútbol y piscinas descubiertas municipales).
  • Normativa:
  • Noticias relacionadas
  • Agenda

Noticias del departamento

O Concello de Ames celebra este venres a XVI Gala do Deporte na Casa da Cultura do Milladoiro

A Concellaría de Deporte celebra este venres, 19 de abril, a décimo sexta edición da Gala do Deporte, un evento no que se homenaxeará tanto aos e ás deportistas máis destacados/as do concello, como ás diversas entidades deportivas. O acto terá lugar ás 20:30 horas, na Casa da Cultura do Milladoiro, e será presentado polos xornalistas Lorena Pose e Diego Viaño. Ademais, ofreceranse distintos espectáculos e animacións.

O Concello de Ames celebra este venres a XVII edición da Gala do Deporte na Casa da Cultura de Bertamiráns

O auditorio da Casa da Cultura de Bertamiráns acollerá este venres, 9 de maio, a XVII edición da Gala do Deporte, onde se homenaxeará aos deportistas máis destacados de Ames, xunto coas diversas entidades deportivas do concello. O acto terá lugar ás 20.30 horas e, un ano máis, estará presentado polos xornalistas Lorena Pose e Diego Viaño. A votación do público para escoller o seu deportista favorito/a está aberta ata hoxe ás 23:59, podes votar na seguinte ligazón.

O Concello de Ames e a escola Danzaya organizan para este sábado unha masterclass de baile no parque do Ameneiral

Este sábado, 16 de setembro, celebrarase unha masterclass de baile no parque do Ameneiral en Bertamiráns, a partir das 18:00 horas. Trátase dunha actividade aberta e de balde, pensada para nenos e nenas de todas as idades e para as súas familias. Esta iniciativa, organizada pola Escola de Baile Danzaya, en colaboración co departamento de Deportes do Concello de Ames, ten como obxectivo achegarlle á veciñanza a danza nas súas distintas modalidades e fomentar esta práctica deportiva. Para participar non é necesaria inscrición previa.

O Concello de Ames homenaxea a Fernando Seoane cun partido ante o CD Lugo este domingo 14

Fernando Seoane, veciño de Tapia e segundo xogador con máis partidos disputados na Segunda División de fútbol foi recibido, esta mañá, no  Concello de Ames pola Corporación Municipal como recoñecemento a súa longa e exitosa traxectoria. A homenaxe a Fernando Seoane continuará este domingo, 14 de agosto, ás 19:00 horas cun partido que se vai disputar no campo de fútbol de Bertamiráns no marco das festas da Peregrina. Este partido homenaxe enfrontará ao CD Lugo, o último club en que xogou Fernando Seoane, e a unha selección de Ames formada por amigos e antigos compañeiros do homenaxeado.  A entrada para asistir ao partido é de balde.

O Concello de Ames implanta a plataforma web Cronos para a xestión de actividades culturais e deportivas

O Concello de Ames vén de implantar a plataforma web Cronos, que se pode empregar para a reserva de pistas deportivas (tenis e pádel), así como para a tramitación das inscricións nas Escolas deportivas e culturais. A dita plataforma pódese acceder a través dun banner que está colocado na cabeceira da web municipal. A plataforma Cronos, que está cofinanciada nun 80% polo Fondo Europeo de Desenvolvemento Rexional no marco do eixo 12 do Programa Operativo FEDER de Crecemento Sostible 2014/2020, enmárcase dentro do Plan Impulsa Ames da EDUSI. Para dar a coñecer dita aplicación web vaise organizar o vindeiro luns, 21 de decembro, ás 19.00 horas, unha xornada telemática que é aberta a toda a veciñanza que queira participar, así como ás entidades culturais e deportivas. Pódese participar no webinar a través desta canle: https://www.youtube.com/watch?v=8YMJVGrNfYE

O Concello de Ames informa da suspensión das Escolas deportivas e culturais e do procedemento de devolución das contías cobradas

O Concello de Ames, a través das Concellarías de Deportes e Cultura, informa da suspensión das Escolas deportivas e culturais (curso 2020-2021), debido ás restricións establecidas para frear a expansión da Covid-19. Deste xeito, procederase á devolución das contías abonadas ao Concello polos usuarios e usuarias para a inscrición nas distintas actividades. O/as afectado/as deberán presentar un certificado bancario da conta da persoa que figure na autoliquidación pagada de xeito telemático, a través do Rexistro Xeral por Sede electrónica. Tamén se poderá facer de xeito presencial acudindo ás oficinas de Recadación en Bertamiráns e no Milladoiro.

O Concello de Ames investiu preto de 700.000 euros no ámbito deportivo durante 2020

Cunha partida global de 672.141,51 euros, a Concellaría de Deportes desenvolveu numerosas actuacións para realizar melloras no ámbito deportivo dentro do termo municipal amesán durante o pasado ano. Os investimentos máis destacados foron a adquisición dunha xaula de lanzamentos na pista de atletismo de Ventín; o cambio de céspede e vestiarios no campo de fútbol e a ampliación da zona deportiva de Bertamiráns; a mellora da accesibilidade no pavillón polideportivo do Milladoiro; a reforma da pista multideporte en Covas; ou varios investimentos no campo de fútbol do Milladoiro.

O Concello de Ames organiza o V Día do Deporte no Milladoiro o 22 de setembro

O Concello de Ames, a través da Concellaría de Deportes, organiza un ano máis unha ampla oferta de actividades no Día do Deporte, que se celebrará este venres, 22 de setembro, na área deportiva do Milladoiro, de 16:30 a 20:00 horas. Todas as persoas interesadas en realizar un deporte, pero que aínda non saben por que disciplina decantarse, teñen a ocasión ideal de probar e escoller a que máis lles guste no Día do Deporte de Ames. Dito evento conta coa colaboración da Deputación da Coruña.

O Concello de Ames organiza o VI Día do Deporte o 27 de setembro

O Concello de Ames, a través da Concellaría de Deportes, organiza por sexto ano consecutivo unha ampla oferta de actividades no Día do Deporte, que se celebrará este venres, 27 de setembro, na área deportiva do Milladoiro, de 16:30 a 20:00 horas. Ademais, haberá inchables para os máis pequenos. Todas as persoas interesadas en realizar un deporte, pero que aínda non saben por que disciplina decantarse, teñen a ocasión ideal de probar e escoller a que máis lles guste no Día do Deporte de Ames. Este evento conta coa colaboración da Deputación da Coruña.

O Concello de Ames organiza obradoiros de iniciación e consolidación á marcha nórdica en Bertamiráns e no Milladoiro

A Concellaría de Deportes e Promoción da Saúde, a través do programa Ames Saudable, organiza obradoiros de iniciación e consolidación á marcha nórdica en Bertamiráns e no Milladoiro durante o mes de novembro. O obradoiro de iniciación desenvolverase o sábado 18 de novembro no Milladoiro e o domingo 19 en Bertamiráns. Os obradoiros de consolidación serán o sábado 25 de novembro no Milladoiro e o domingo 26 en Bertamiráns. Todos os obradoiros impartiranse ás 10.00 horas no Milladoiro, na contorna do pavillón municipal, e en Bertamiráns, no Pazo da Peregrina. Para participar neste cursos é necesario inscribirse previamente ata o 15 de novembro, ás 14.00 horas.

Eventos del departamento

>XX Carreira Pedestre Popular Concello de Ames

O Concello de Ames e a Federación Galega de Atletismo organizan este domingo, 20 de outubro a vixésima edición da carreira pedestre do Concello de Ames. Esta proba pertence ao VII Circuíto de carreiras populares da Deputación da Coruña. A saída e chegada de cada proba farase na rúa Alcalde Lorenzo de Bertamiráns, tal como  se veu realizando nas dúas últimas edicións, unha vez que se decidiu trasladar a proba desde o entorno do Pazo da Peregrina ao centro do núcleo urbano para así facer mais partícipe á veciñanza.

>XXIII Carreira Pedestre Popular do Concello de Ames

O Concello de Ames e a Federación Galega de Atletismo organizan o domingo 20 de outubro a XXIII Carreira Pedestre Popular Concello de Ames, unha proba que pertence ao X Circuíto provincial de carreiras populares da Deputación da Coruña. Contará cun circuíto urbano de 10 quilómetros homologado pola Real Federación Española de Atletismo, con saída e chegada en Bertamiráns, na rúa Alcalde Lorenzo, nas inmediacións da Casa do Concello. O percorrido estará debidamente sinalizado e haberá indicacións en cada quilómetro.

>XXXVIII Rally Berberecho de Noia

A edición deste ano do Rally Berberecho de Noia terá un treito que se disputará de forma íntegra por estradas do noso concello. Será en horario de tarde e haberá un reagrupamento, de 17:15 a 19:30 horas, na avenida José Luís Azcárraga, diante do Pazo da Peregrina, en Bertamiráns, polo que pasarán todos os participantes. O tramo de Ames ten unha lonxitude de 11,2 quilómetros e discorre polas parroquias de Ames, Lens e Tapia. A saída do tramo estará instalada no lugar de Outeiro, mentres que a liña de meta será na estrada que vai dende a aldea de A Mámoa cara o lugar de Pedrouzos. Os pilotos farán unha dobre pasada polo tramo de Ames. A primeira pasada comezará ás 16.50 e a segunda ás 19.40 horas, sendo o último tramo do rally. O final do rally está previsto para as 20.20 horas. As estradas polas que discorre o treito de Ames estarán pechadas ao tráfico de 15.30 a 22.30 horas aproximadamente. Consulta o itinerario do tramo de Ames.

O Milladoiro acolle o programa Convivir Deportivo da CRTVG

O auditorio da Casa da Cultura do Milladoiro converterase o próximo luns, 22 de xullo, nun estudo de radio coa retransmisión do programa Convivir Deportivo, da Radio Galega. O programa que conduce Alfonso Pardo aterra en Ames e contará coa participación dun dos máximos expoñentes do deporte amesán, Borja Golán, dezaseis veces campión de España de squash e dúas veces campión de Europa. Convivir Deportivo comezará ás 20:00 horas, con entrada libre e de balde.

XXXIV Descenso do Tambre de piragüismo