Solapas principales

Departamento de Deportes

    • Dirección: Praza do Concello, nº 2, Bertamiráns.
    • Teléfono:  981 88 30 02 / 619 84 25 04
    • Horario de atención al público:
      • De lunes a viernes, en horario de 9:00 a 14:00 horas.
    • Responsable municipal: Concejalía de Deportes
    • Responsable técnico: Alberto Viaño Moure
Otros Datos: 
  • Programación escolas deportivas 2023-2024
  • Funciones:
    • Diseñar proyectos deportivos: escuelas deportivas, eventos deportivos...
    • Planificar y gestionar programas deportivos y elaborar estrategias de funcionamiento.
    • Incentivar la participación ciudadana tanto en las actividades como en la creación deportiva.
    • Asesorar e informar a los grupos y entidades deportivas del ayuntamiento, así como al público en general.
    • Colaborar en las programaciones de la Diputación: Campaña de esqui, campamentos deportivos, circuito de carreras populares...
    • Gestionar las subvenciones correspondiente al área de deportes, bien sean las de la Diputación o las convocatorias propias del Ayuntamiento de Ames de apoyo a las asociaciones deportivas y clubes.
    • Gestionar las instalaciones deportivas municipales (pabellones polideportivos, campos de fútbol y piscinas descubiertas municipales).
  • Normativa:
  • Noticias relacionadas
  • Agenda

Noticias del departamento

Asínase o convenio para a renovación do terreo de xogo do campo municipal de fútbol de Bertamiráns

Esta mañá o alcalde de Ames, José Miñones, e o presidente da Deputación da Coruña, Valentín González Formoso, asinaron o convenio polo cal o organismo provincial e mailo Concello van a investir 357.303 euros nas obras de renovación do campo de fútbol de Bertamiráns, dotándoo dun novo terreo de xogo de céspede artificial de última xeración e dunha bancada máis cómoda para os espectadores. O convenio para cofinanciar ditos traballos foi aprobado o pasado 13 de setembro no pleno da Deputación da Coruña. A Deputación achegará o 80% da contía total, 285.906 euros, mentres que o Concello de Ames porá o 20% restante, 71.397 euros.

Máis de 130 rapaces e rapazas están participando nos cursos de natación e piragüismo

O Concello de Ames organizou para os meses de xullo e  agosto cursos de natación e de piragüismo. Estas actividades desenvólvense nas piscinas descubertas de Bertamiráns e do Milladoiro, así como na praia fluvial de Tapia. Este ano inscribíronse 97 nenos e nenas nos cursos de natación de xullo e agosto e 35 nas actividades de piragüismo.

110 nenos/as das Escolas deportivas de baloncesto e integrantes do club Basquet Ames asisten a un partido do Monbus Obradoiro

Un grupo de 110 rapaces e rapazas que practican dende comezo de curso a modalidade de baloncesto dentro das Escolas deportivas municipais e no club Basquet Ames, acudiron este martes ao Multiusos Fontes do Sar para ver o último partido da liga Endesa que enfrontou ao Monbus Obradoiro contra o Carplus Fuenlabrada. O conxunto obradoirista dominou o partido desde o inicio e impúxose por 102-72. Esta actividade enmárcase dentro do acordo subscrito no pasado mes de agosto entre o Concello de Ames, o Monbus Obradoiro e maila Fundación Obradoiro, para que o equipo filial, que compite na liga EBA, se denomine Obradoiro Ames e dispute os seus encontros como local no pavillón municipal do Milladoiro.

123 atletas participarán este domingo no XXXIV Campionato Xunta de Galicia de marcha en ruta que se celebrará no Milladoiro

A localidade do Milladoiro acollerá este domingo, 5 de febreiro, o XXXIV Campionato Xunta de Galicia masculino e feminino de marcha en ruta, que se disputará nun circuíto que discorre pola Travesía do Porto, rúa das Palmeiras, parte da avenida Muíño Vello e rúa dos Agriños. Debido á celebración desta proba deportiva haberá cortes de tráfico e prohibicións de estacionamento. Trátase dunha proba organizada pola Federación Galega de Atletismo na que están inscritos 123 atletas con ficha da FGA. Participarán 18 atletas dos clubs locais de Ames (8 atletas do Ames Atletismo e 10 atletas do Club de Atletismo Millaraio).

180 persoas participan este domingo 24 na primeira carreira de orientación do Concello de Ames

A Concellaría de Deportes, a través de Xesta Natureza, organiza este domingo 24 de abril a primeira edición da carreira de orientación do Concello de Ames, que se desenvolverá na área deportiva de Bertamiráns, de 10:30 a 13:30 horas. Unhas 180 persoas inscribíronse no evento, que conta con tres categorías de menor a maior dificultade (“Xestiñas”, “Xestas” e “Xesteiras”), nas que poden participar deportistas de todos os niveis e idades.

200 persoas xa se inscribiron no III Trail e Andaina Ribeiras do Tambre, presentado esta mañá

A terceira edición do Trail e Andaina Ribeiras do Tambre, que percorrerá o concello dende Ponte Maceira ata o Real Aeroclub de Santiago, terá lugar o próximo domingo 20 de febreiro. Organizada polo Concello de Ames e a Federación Galega de Atletismo, a proba foi presentada esta mañá no Salón de Plenos da Casa do Concello, en Bertamiráns. Unhas 200 persoas xa se inscribiron nun evento que volve tras un ano de parón por mor da pandemia. Para participar, cómpre inscribirse en carreirasgalegas.com ou en emesports.es, ata o 16 de febreiro ás 23:59 horas. Pódese consultar o regulamento completo do evento premendo nesta ligazón.

234 ciclistas participarán este domingo en Ames na segunda proba da Liga Galaica de 3 horas de Resistencia BTT

Este domingo, 2 de febreiro, desenvolverase na localidade de Bertamiráns a segunda proba da Liga Galaica de 3 horas de Resistencia BTT. Este evento deportivo está composto de tres probas: a primeira realizouse o pasado domingo 26 de xaneiro en Noia e a terceira é última celebrarase o domingo 16 de febreiro. Esta proba está organizada polo club Os Esfola Arrós e conta coa colaboración do Concello de Ames. Para participar neste evento deportivo hai inscritos un total de 234 ciclistas repartidos en diferentes categorías. A Liga conta coa colaboración da Xunta de Galicia, a través de Deporte Galego, da Deputación Provincial da Coruña e de Rótulos Orixinal Imaxe.

343 persoas participarán no III Trail e Andaina Ribeiras do Tambre, este domingo 20 de febreiro

A terceira edición do Trail e Andaina Ribeiras do Tambre celébrase este domingo 20 de febreiro, cunha boa participación malia sufrir un ano de parón pola situación epidemiolóxica. En total, unhas 343 persoas inscribíronse na proba, con 256 dorsais na modalidade trail e outras 87 entradas para a andaina. O evento, organizado polo Concello de Ames e a Federación Galega de Atletismo, arrincará dende Ponte Maceira ás 10:00 horas. Os dorsais poderán recollerse a partir das 8:30 horas nas instalacións do Real Aeroclub de Santiago, en Piñeiro. Pódese consultar o regulamento completo do evento premendo nesta ligazón.

57 nenos e nenas participan na quinta edición do DéporCampus

O campo de fútbol do Milladoiro acolle do 20 ao 24 de xullo a quinta edición do DéporCampus en Ames, no que participan preto de sesenta rapaces e rapazas de entre 6 e 14 anos. Esta iniciativa organizada polo RC Deportivo da Coruña, que conta coa colaboración do Bertamiráns FC e do Concello de Ames, consta de cinco xornadas de adestramento e diversión cos adestradores do Real Club Deportivo, en horario de 10.00 a 14.00 horas. Nos adestramentos emprégase un método que fomenta valores como o xogo limpo, o respecto polo rival, o esforzo, a solidariedade e a amizade a través do deporte.

A amesá Alba Santos acada tres medallas de ouro no campionato de España de halterofilia

Alba Santos, veciña do Milladoiro e deportista do Club Súlyos de Compostela , logrou tres medallas de ouro no campionato de España de halterofilia que se disputou na cidade da Coruña no pasado mes de novembro. Alba Santos, que competiu por primeira vez no campionato nacional absoluto, acadou a medalla de ouro en arrancada, levantando 46 quilos, 65 quilos en dous tempos e 111 quilos no total olímpico.

Eventos del departamento

> 2º etapa da volta ciclista “O Gran Camiño”

Ames acolle a segunda das catro etapas que compoñen a volta ciclista “O Gran Camiño”, que percorrerá as catro provincias galegas do 24 ao 27 de febreiro. A segunda cita do “tour”, con saída en Bertamiráns e final no mirador do Ézaro, arrincará dende a rúa Alcalde Lorenzo o venres 25 de febreiro ás 10:30 horas. Despois, pasará polo Milladoiro, volverá a Bertamiráns pola estrada vella a Santiago e collerá dirección Muxía, pasando antes por Ames, Lens e Ponte Maceira, nun tramo que incluirá un porto de terceira categoría. Os ciclistas chegarán ao Ézaro entre as 14:40 e as 15:20 horas. Preme aquí para consultar o rutómetro da proba (percorrido e horarios estimados).

> Achégate ao piragüismo

O Concello de Ames, a través da Concellaría de Deportes, organiza para o sábado, 18 de xuño, unha xornada de iniciación ao piragüismo que se desenvolverá na praia fluvial de Tapia entre as 11:00 e as 13:30 horas. A través desta actividade búscase que os amesáns e as amesás que o desexen poidan aprender a dominar esta embarcación. A xornada Achégate ao piragüismo consistirá nunha sesión de portas abertas á que poderán asistir todas aquelas persoas maiores de 7 anos interesadas nesta actividade, sempre e cando saiban nadar. Para participar nesta actividade gratuíta, que require inscrición previa a través do correo electrónico info@ribeirasdotambre.es, hai que levar traxe de baño, unha camiseta e chancletas.

> Aprázase a actividade de Diana & Slide

A actividade de  Diana & Slide prevista para o venres 21 de agosto na praza de Manuel Murguía do Milladoiro e para o sábado, 22 no parque do Ameneiral e Bertamiráns adíase por mor da previsión metereolóxica.

A concellaría de Deportes da as grazas e pide desculpas polas molestias que poida ocasionar este cambio.  
Anuncia ademais que se avisará con antelación as datas nas que se recuperen estas actividades.

> Carreira de orientación

A Concellaría de Deportes, a través de Xesta Natureza, organiza para o vindeiro sábado, 15 de abril, ás 17.00 horas, a segunda edición da carreira de orientación do Concello de Ames, que se desenvolverá na área deportiva de Bertamiráns. Haberá tres categorías distintas: Xestiñas (categoría para nenos/as), Xestas (categoría para adultos) e Xesteiras (categoría para persoas con medios/altos coñecementos de orientación). Poderase participar de xeito individual ou en grupo (máximo de 4 participantes por equipo). As inscricións son de balde e pódense facer premendo nesta ligazón. Para dispor de máis información pódese chamar ao número de teléfono 644 567 614, escribir un correo electrónico a info@xestanatureza.com ou visitar a páxina web www.xestanatureza.com.

> Circuíto Transgalaica 2022

Tras un ano de parón por mor da pandemia, Ames volve acoller a segunda etapa do circuíto de ciclismo de montaña Transgalaica 2022 este domingo 13 de marzo. Será a sexta ocasión na que o concello celebre esta cita, unha das máis importantes do ciclismo no noroeste español. A proba está organizada polo club ciclista amesán Os Esfola Arrós e a empresa Team Relay, coa colaboración do Concello de Ames. A saída realizarase dende o Pazo da Peregrina de Bertamiráns ás 9:30 horas, onde comezará un circuíto de 33 quilómetros que haberá que percorrer dúas veces. As inscricións están abertas ata o mércores 9, ás 23:59 horas, premendo nesta ligazón ou accedendo á web magmasports.es.

> Clausura das Escolas deportivas municipais

O curso 2022-2023 das escolas deportivas municipais chega ao seu fin. Como todos os anos, celebrarase un evento de clausura no que os rapaces e rapazas terán a oportunidade de mostrar o aprendido ao longo destes meses nas actividades que participaron. O acto terá lugar este sábado, 17 de xuño, a partir das 16:30 horas, na área deportiva do Milladoiro. Trátase dun evento familiar e festivo, que estará aberto a todas as persoas que desexen asistir. A xornada está organizada polo departamento de Deportes de Ames, en colaboración con ServiPlus.

> Curso de defensa persoal feminina

A Concellaría de Deportes organiza no pavillón municipal de Bertamiráns un obradoiro de defensa persoal feminina, despois de ter acollido talleres similares nos últimos meses tanto no Milladoiro como en Bertamiráns. O curso, que se celebrará o próximo domingo, 8 de maio, desenvolverase de 10:00 a 14:00 horas. A proposta é de balde e conta con 50 prazas, para as que cómpre inscribirse, enviando esta ficha de inscrición cuberta e asinada ao enderezo electrónico deportes@concellodeames.gal.

> Día do Deporte

O Concello de Ames, a través da Concellaría de Deportes, está preparando unha ampla oferta de actividades para a celebración do Día do Deporte que se desenvolverá na área deportiva do Milladoiro. Este venres 16 de setembro, en horario de 16.00 a 20.30 horas, os veciños e veciñas de todas as idades poderán gozar de varias actividades deportivas axeitadas a todos os gustos. Preme nesta ligazón para descargar o programa do Día do Deporte.

> I Carreira de orientación do Concello de Ames

A Concellaría de Deportes, a través de Xesta Natureza, organiza para o vindeiro domingo, 24 de abril, ás 10.30 horas, a primeira edición da carreira de orientación do Concello de Ames, que se desenvolverá na área deportiva de Bertamiráns. Haberá tres categorías distintas: Xestiñas (categoría para nenos/as), Xestas (categoría para adultos) e Xesteiras (categoría para persoas con medios/altos coñecementos de orientación). Poderase participar de xeito individual ou en grupo (máximo de 4 participantes por equipo). As inscricións son de balde e pódense facer premendo nesta ligazón. Para dispor de máis información pódese chamar ao número de teléfono 644 567 614, escribir un correo electrónico a info@xestanatureza.com ou visitar a páxina web www.xestanatureza.com.

> III Trail e Andaina Ribeiras do Tambre

O Concello de Ames e a Federación Galega de Atletismo organizan a III edición do “Trail e Andaina Ribeiras do Tambre”, que se desenvolverá o próximo 20 de febreiro. A saída do trail terá lugar ás 10:00 horas dende Ponte Maceira. Cinco minutos máis tarde, e desde o mesmo lugar, sairá a andaina. Para participar é necesario inscribirse en carreirasgalegas.com ou en emesports.es. O prazo remata o 16 de febreiro ás 23:59 horas. A proba enmárcase dentro da especialidade atlética do trail-running e estará baixo o control técnico do Comité Galego de Xuíces da Federación Galega de Atletismo. Poderá participar calquera deportista, estea ou non federado. Os inscritos e inscritas correrán cunha licenza de día de trail-running, que incluirá un seguro de accidentes deportivos e de responsabilidade civil.