Solapas principales

Departamento de Cultura

    • Dirección: Casa da Cultura do Milladoiro. Travesia do Porto, s/n, O Milladoiro. 15895 Ames.
    • Teléfono:  662 37 74 44
    • Responsable municipal: Concejalía de Cultura
    • Responsable técnico: María José Vázquez Bermúdez, Técnica Animación Sociocultural
Otros Datos: 
  • Programación AmesON agosto 2020
  • Programación AmesOn fin de semá agosto 2020
  • Programación escolas culturais 2020-2021
  • Funciones:
    • Gestionar las actividades y eventos que desde el Departamento de Cultura se ponen en marcha, responsabilizándose de su adecuado desarrollo.
    • Informar y asesorar a los grupos y entidades culturales del ayuntamiento, así como al público en general, valorar las demandas de los ciudadanas e incentivar la participación
    • Gestionar los programas culturales que oferta la Diputación, Red Cultural, Xunta de Galicia, AGADIC y Cultura en el Camino. Solicitud,desarrollo, justificación.
    • Tramitar las ayudas económicas corresponsales al área de cultura, tanto las que se solicitan desde el Ayuntamiento, como las que se convocan desde la Concejalía de Educación y Cultura de apoyo las entidades culturales y comisiones de fiestas.
    • Coordinar y gestionar las Escuelas Culturales Municipales.

Noticias del departamento

A mostra de fotografía “Pinceladas”, de José Luis Gigirey, estará na Casa da Cultura de Bertamiráns ata o 12 de xuño

A Casa da Cultura de Bertamiráns acolle do 2 ao 12 de xuño a exposición fotográfica “Pinceladas”, do veciño de Ames José Luis Gigirey. A mostra inclúe unha serie de fotografías de natureza, coas que o autor busca reivindicar a beleza do cotiá e valores como a paciencia, a dedicación e a experiencia para obter instantáneas que marquen.

A novena edición do Millarock estivo marcada polo compromiso social e o rock reivindicativo

A novena edición do festival Millarock tivo lugar o pasado venres, 2 de agosto, no Milladoiro. Ao longo da noite, pasaron polo escenario os grupos Cuarta Xusta, Zënzar, Nao e Dios ke te crew. Houbo unha boa afluencia de público. Membros da Plataforma Casalonga limpa de residuos estiveron no festival. Os músicos dos grupos que actuaron no Millarock saíron ao escenario con camisetas de dita plataforma, reivindicando que a vella canteira de Casalonga non se converta nun vertedoiro.

A obra de teatro "As alumnas" chega este venres 4 de novembro a Ames

A Casa da Cultura do Milladoiro acolle este venres, 4 de novembro, a representación da obra de teatro “As alumnas”, producida por Culturactiva. Dirixida a un público adulto, trata sobre a figura da pedagoga galega María Barbeito, e sobre o retroceso na educación das mulleres durante o franquismo. Será ás 20:30 horas. A obra enmárcase dentro do convenio asinado entre o Concello de Ames e Axencia Galega de Industrias Culturais (AGADIC). As entradas pódense retirar na billeteira electrónica do Concello de Ames.

A obra de teatro infantil "Don Gaiferos" representarase este venres, 26 de marzo, no Milladoiro

Este venres, 26 de marzo, ás 18.00 horas, os nenos e nenas de Ames poderán desfrutar da obra teatral “Don Gaiferos” na Casa da Cultura do Milladoiro. A peza, que chega da man da compañía Os Monicreques de Kukas, mestura actores, monicreques e músicos que incorporan cancións do folclore galego ao romance popularizado. Xa se poden mercar as entradas na Billeteira electrónica. A entrada xeral ten un prezo de 4 euros, mentres que as entradas con prezo reducido custan 2 euros. Ademais, ata o luns 29 de marzo poderase visitar a exposición "Don Gaiferos polos camiños cara Compostela" na Casa da Cultura do Milladoiro.

A obra de teatro infantil "Redondo" representarase este venres, 16 de abril, en Bertamiráns

Este venres, 16 de abril, volve o teatro infantil ao auditorio da Casa da Cultura de Bertamiráns. O espectáculo de teatro infantil xestual "Redondo" representarase, da man da compañía Caramuxo Teatro, en dous pases, un ás 17.00 horas e outro ás 18.00 horas. Está dirixido a nenos e nenas de entre 6 meses e 3 anos de idade. O evento levarase a cabo en dous grupos de reducidos no escenario. Xa se poden mercar as entradas na Billeteira electrónica. A entrada xeral ten un prezo de 4 euros, mentres que as entradas con prezo reducido custan 2 euros.

A obra de teatro “As Virxes Salvaxes” estréase mañá na Casa da Cultura de Bertamiráns

O auditorio da Casa da Cultura de Bertamiráns acolle este venres, 14 de febreiro, ás 21.00 horas, a estrea do espectáculo “As Virxes Salvaxes”, da compañía Teatro do Noroeste. Cunha duración de 90 minutos, esta peza teatral está destinada a un público adulto. As entradas xa se encontran esgotadas na billeteira electrónica, pero resérvase o 10% do total á venda na billeteira presencial unha hora antes da función.

A obra de teatro “Continente María” representarase en Ames este venres, 24 de marzo

A peza teatral “Continente María”, de Ainé Producións e A Quinta do Cuadrante, chega este venres, 24 de marzo, á Casa da Cultura de Bertamiráns. A obra, dirixida a un público adulto, pretende homenaxear a figura de María Casares, achegándoa ao público, e dar a coñecer a condición dos artistas nun mundo en continuo cambio. Será ás 20:30 horas, e ten unha duración aproximada de 70 minutos. Esta representación, que ten lugar con motivo da conmemoración do Día Mundial do Teatro, celebrado o 27 de marzo, forma parte do convenio de colaboración entre a Axencia Galega da Industrias Culturais (AGADIC) e o Concello de Ames. As entradas xa se poden adquirir na Billeteira electrónica de Ames. A programación cultural de Ames para o primeiro semestre de 2023 pode consultarse ao completo premendo nesta ligazón.

A obra de teatro “Guerra” porá o broche de ouro a un Ames Cultural que encheu o outono de actividades

Este venres, 28 de novembro, a obra de teatro “Guerra”, da compañía galega Teatro do Noroeste, clausurará a programación do Ames Cultural. A Casa da Cultura de Bertamiráns acollerá desde as 20.30 horas unha peza de fervente actualidade, na que a escena xira arredor dunha guerra desatada no corazón de Europa e que mestura secuencias de caos e destrución, así como diversas referencias ás guerras no Teatro Europeo, dende Shakespeare ata Lorca. As entradas poden adquirirse a través da Billeteira electrónica.

A obra de teatro “Morte accidental dun anarquista” representarase en Bertamiráns este venres, 27 de xaneiro

A compañía Talía Teatro achega a Ames unha nova proposta de artes escénicas, a obra “Morte accidental dun anarquista”. A representación terá lugar este venres, 27 de xaneiro, no auditorio da Casa da Cultura de Bertamiráns, ás 20:30 horas. A duración da obra, que se enmarca dentro do convenio asinado entre o Concello de Ames e a Axencia Galega de Industrias Culturais (AGADIC), é duns 85 minutos. As entradas xa se poden adquirir a través da Billeteira electrónica do Concello. Premendo nesta ligazón pódese consultar a programación cultural ao completo para o primeiro semestre de 2023.

A obra de teatro “Vida de Cans” chega á Casa da Cultura de Bertamiráns este venres 18 de decembro

A programación cultural de Nadal continúa este venres, 18 de decembro, co espectáculo “Vida de Cans” da compañía Talía Teatro. Trátase dunha traxicomedia, que está destinada a un público adulto, escrita e dirixida por Cándido Pazó. Aínda hai entradas dispoñibles que se poden adquirir a través da billeteira electrónica do Concello de Ames. O evento terá lugar na Casa da Cultura de Bertamiráns, ás 20.30 horas.

Eventos del departamento

> Novo circo: "Drop"

O itinerario cultural de Ames do primeiro semestre de 2022 seguirá en febreiro con “Drop”, da compañía Pistacatro. Recomendada tanto para público adulto como para rapazada a partir de 10 anos, “Drop” é un espectáculo de novo circo, con teatro, música en directo e malabares, chaves na obra para facer unha comparación coa vida e os equilibrios que todos e todas facemos en certos momentos. Será o venres 4 de febreiro, ás 20:30 horas, na Casa da Cultura de Bertamiráns. As entradas poden adquirirse xa a través da Billeteira electrónica do Concello de Ames.

> Obradoiro da EMMA: teatro musical

A EMMA vai realizar, un ano máis, unha serie de obradoiros de música dunha xornada, co fin de fomentar entre a veciñanza amesá unhas condutas saudables que contribúan na súa motivación cara a música e o lecer, e que propicien unha actitude activa e participativa, repercutindo así na mellora da súa calidade de vida. Estes talleres celebraranse durante todos os sábados o mes de marzo. O día 25, a cantante e actriz Bea García fará unha aproximación ás distintas disciplinas que abarca o teatro musical: a interpretación, a danza, o movemento, a voz... Todo mediante xogos teatrais, nos que se traballarán esas disciplinas. Así, os participantes lograrán adquirir unha certa técnica e tamén aprender a improvisar. O taller finalizará cunha pequena peza musical composta polos propios participantes.

> Obradoiro polo Día Mundial do Teatro en Bertamiráns

Co gallo da celebración do seu Día Mundial, a Escola de Teatro de Ames abrirase á veciñanza ao celebrar un obradoiro de aproximación a esta arte escénica. O taller, de balde, desenvolverase na praza de Chavián, en Bertamiráns, de 12:00 a 14:00 horas. Tratarase dunha actividade aberta e accesible, baseada en exercicios de “clown”, pantomima e teatro cómico para os que non cómpre experiencia previa.

> Os Reis Magos están en Ames

Hoxe, luns, 4 de xaneiro de 2021, os Reis Magos reciben aos nenos e as nenas nos Pavillóns Polideportivos de Bertamiráns e do Milladoiro. 

> Presentación de libros: “Cuestión social: protocolo, boas maneiras e imaxe”

As bibliotecas amesás acollen en xuño unha serie de presentacións de libros. A primeira delas será “Cuestión social: protocolo, boas maneiras e imaxe”, da escritora e experta en protocolo social Margarita Murillo. Será este mércores 8 de xuño, no Pazo da Peregrina de Bertamiráns, ás 20:00 horas. A autora estará acompañada de Fernando Rodríguez de la Torre, director de Con C Comunicación e Briefing Galego, e docente de marketing na Universidade de Santiago de Compostela.

> Presentación de libros: “Retratos en branco e negro”

As bibliotecas amesás acollen en xuño unha serie de presentacións de libros. A segunda será “Retratos en branco e negro”, da escritora, actriz e contacontos Charo Pita. Será este xoves 9 de xuño, no Pazo da Peregrina de Bertamiráns, ás 20:00 horas. No acto, a autora contará coa presenza do escritor Eduardo Rojas; da profesora, autora e investigadora, Loli Vilavedra, e da directora comercial da editorial Galaxia, Tati Mancebo, nun acto presentado pola concelleira de Cultura, Natividade González.

> Presentación do libro fotográfico “100 Lugares Máxicos do Camiño”

A Casa da Cultura do Milladoiro acolle do 13 ao 20 de outubro a exposición fotográfica “100 Lugares Máxicos do Camiño”. A mostra recolle algunhas das instantáneas incluídas no libro homónimo, que será presentado o próximo luns 17 de outubro no Pazo da Peregrina de Bertamiráns, ás 20:00 horas, coa presenza do autor, o fotógrafo Adolfo Enríquez; Cecilia Pereira, comisaria do Xacobeo 2021-2022, e a concelleira de Cultura de Ames, Natividade González.

> Seráns de Ames: "Consertasso na horta"

O programa Seráns de Ames pecha a súa terceira edición coa actuación de Brais das Hortas en Bugallido. O animador presentará "Consertasso na horta". Será a partir das 19:30 horas. 

> Seráns de Ames: "Conto contiño" e "A gran viaxe"

O xoves 10 de agosto haberá dobre sesións dos "Seráns de Ames" en Bugallido. Ás 19:30 horas dará comezo o contacontos "Conto contiño", con Bibiana Calvo e Divina Fernández. Así mesmo, Inventi Teatro representará a obra "A gran viaxe", unha comedia teatral que conta a historia da capitana Centella e o doutor Potasio, dúas personaxes que chegan coa súa nave á terra en busca do Ziscornio, un elemento necesario para salvar ao seu planeta dos bechos malignos que o están a destruír. 

> Seráns de Ames: "La coquette"

O mes de agosto estréase cunha nova actividade dos Seráns de Ames, a representación da obra de teatro "La coquette", de Kanbahiota. Trátase dun espectáculo para todos os públicos con humor, circo e moita diversión. Será en Tapia, a partir das 19:30 horas.