Solapas principales

Departamento de Cultura

    • Dirección: Casa da Cultura do Milladoiro. Travesia do Porto, s/n, O Milladoiro. 15895 Ames.
    • Teléfono:  662 37 74 44
    • Responsable municipal: Concejalía de Cultura
    • Responsable técnico: María José Vázquez Bermúdez, Técnica Animación Sociocultural
Otros Datos: 
  • Programación AmesON agosto 2020
  • Programación AmesOn fin de semá agosto 2020
  • Programación escolas culturais 2020-2021
  • Funciones:
    • Gestionar las actividades y eventos que desde el Departamento de Cultura se ponen en marcha, responsabilizándose de su adecuado desarrollo.
    • Informar y asesorar a los grupos y entidades culturales del ayuntamiento, así como al público en general, valorar las demandas de los ciudadanas e incentivar la participación
    • Gestionar los programas culturales que oferta la Diputación, Red Cultural, Xunta de Galicia, AGADIC y Cultura en el Camino. Solicitud,desarrollo, justificación.
    • Tramitar las ayudas económicas corresponsales al área de cultura, tanto las que se solicitan desde el Ayuntamiento, como las que se convocan desde la Concejalía de Educación y Cultura de apoyo las entidades culturales y comisiones de fiestas.
    • Coordinar y gestionar las Escuelas Culturales Municipales.

Noticias del departamento

O auditorio do Milladoiro acolle este xoves a estrea do espectáculo de danza “Dance Join” de Marta Alonso

O Concello de Ames, a través do departamento de Cultura, continúa coa súa programación de artes escénicas para este 2025, desta volta coa estrea do espectáculo de danza e clown “Dance Join”, de Marta Alonso. A actuación terá lugar este xoves, 20 de marzo, ás 20.30 horas, no auditorio da Casa da Cultura do Milladoiro. As portas abriranse ás 20.15 horas e prégase puntualidade a todas as persoas asistentes. A ocupación ata o momento é do 21% das butacas dispoñibles. Aínda se poden adquirir entradas para asistir na Billeteira electrónica do Concello de Ames. Esta programación forma parte do convenio de colaboración entre a Axencia Galega das Industrias Culturais (AGADIC) e o Concello de Ames.

O auditorio do Milladoiro acolle o venres, 25 de abril, o espectáculo de danza contemporánea “Pioneiras”

O Concello de Ames, a través do departamento de Cultura, continúa coa súa programación de artes escénicas neste primeiro semestre de 2025. Nesta ocasión, o auditorio da Casa da Cultura do Milladoiro acollerá este venres, 25 de abril, ás 20.30 horas, a representación do espectáculo de danza contemporánea Pioneiras, da compañía iXa. As portas abriranse ás 20.15 horas e prégase puntualidade a todas as persoas asistentes. Esta programación forma parte do convenio de colaboración entre a Axencia Galega das Industrias Culturais (AGADIC) e o Concello de Ames. Pódese adquirir as entradas a través da Billeteira electrónica.

O auditorio do Milladoiro acolleu onte a segunda edición dos Recoñecementos Escena Galega das Artes Escénicas

A Casa da Cultura do Milladoiro acolleu onte a segunda edición dos Recoñecementos Escena Galega das Artes Escénicas. O evento foi organizado por Escena Galega, a Asociación Galega de Empresas de Artes Escénicas en colaboración co Concello de Ames e e coa Xunta de Galicia, a través da Axencia Galega das Industrias Culturais. Con esta actividade, a entidade brindou recoñecemento sectorial a profesionais, entidades, instalacións, publicacións e persoal técnico vencellados ás artes escénicas de Galicia. As fotos da gala foron realizadas por Miguel Lamas. Pódese acceder á galería do evento nesta ligazón.

O Centro Cultural Mahía acolle este sábado o encontro literario con Marcos Calveiro, enmarcado no programa “Libro, café, conversa”

A asociación Centro Cultural Mahía, a través do seu club de lectura, organiza este sábado 29 de marzo o encontro literario co escritor Marcos Calveiro e na que se falará da súa obra “O xardineiro dos ingleses”, publicada no 2017. Esta sesión forma parte da iniciativa “Libro, café, conversa”, promovida polo propio club de lectura, na se realizarán varias xornadas de coloquios con diferentes autores literarios. A actividade terá lugar ás 17 h no primeiro andar do centro cultural de Bugallido e a entrada será libre ata completar aforo.

O Centro Cultural Mahía acollerá a primeira edición do Festival Outono Escénico Bugallido, un proxecto que traerá as artes escénicas ao rural amesán

O Centro Cultural Mahía, en colaboración coa Asociación Veciñal de Bugallido e a Sociedade Agraria de Bugallido, Ortoño e Biduído, organizan o Festival Outono Escénico de Bugallido, un novo proxecto cultural que traerá ao longo do mes de outubro e novembro un total de tres propostas culturais á parroquia amesá. Deste xeito, búscase achegar as artes escénicas ás zonas do rural amesán xunto con descentralizar a actividade cultural dos núcleos urbanos do concello. A primeira xornada do festival celebrarase este domingo, 5 de outubro, ás 19.00 horas, coa representación de “SOFÁ (ao pé)" de Cía. martaalonsotejada na planta baixa do Centro Cultural Mahía. A entrada é libre e de balde ata completar aforo.  

O centro social de Bugallido acollerá este domingo a obra de teatro “Moito ruído e poucas noces”

O Centro Cultural A Mahía e a Asociación de Veciños de San Pedro de Bugallido organizan para este domingo, 4 de xuño, a representación da obra teatral “Moito ruído e poucas noces”. Será ás 19:00 horas, no centro social de Bugallido. O acceso será libre e gratuíto. A obra está patrocinada por polo departamento de Cultura do Concello de Ames, no marco de apoio á creación artística e á difusión de obras de grupos amateurs. 

O ciclo de Cinema Documental prosegue o mércores 17 de novembro con “Nación”

A Concellaría de Cultura do Concello de Ames continúa a súa aposta polo cinema galego programando “Nación” de Margarita Ledo. A proxección terá lugar o mércores 17 de novembro na Casa da Cultura de Bertamiráns, ás 20:30 horas. O ciclo inclúe un encontro coa cineasta Margarita Ledo. Os convites gratuítos xa están dispoñibles na billeteira electrónica do Concello de Ames.

O Ciclo Mestre Mateo achega a Ames “A virxe roxa”, gañadora do mellor documental, este mércores 20

O Ciclo Mestre Mateo continúa en abril cunha nova proxección, nesta ocasión co filme gañador na categoría de mellor documental nos XX Premios Mestre Mateo, “A virxe roxa”. A película conta a historia da morte de Hildegart Rodríguez, unha nena prodixio da política dos anos 30, criada pola súa nai Aurora Rodríguez como un experimento de muller intelectual, e que a asasinou con 18 anos ao ver que se distanciaba dela. Será o mércores 20 de abril, ás 20:00 horas, na Casa da Cultura de Bertamiráns. Os convites, de balde, xa se poden retirar na Billeteira electrónica do Concello de Ames. Esta actividade está organizada pola Concellaría de Cultura do Concello de Ames.

O Ciclo Mestre Mateo achega a Ames “Malencolía”, gañadora de dous galardóns, o mércores 19 de outubro

A Concellaría de Cultura prosegue en outubro co Ciclo Mestre Mateo, coa proxección do filme “Malencolía”, nominado na categoría de mellor longametraxe nos XX Premios Mestre Mateo e premiada nas categorías de interpretación de reparto feminina e masculina. A película conta a historia de Sira e Pepe, unha parella que tras vivir unha década en Berlín decide voltar a Galicia e mercar unha casa nunha aldea a priori deshabitada en Ourense. Será o próximo mércores 19 de outubro, ás 20:00 horas, na Casa da Cultura de Bertamiráns. Os convites, de balde, xa se poden retirar na Billeteira electrónica do Concello de Ames.

O Ciclo Mestre Mateo continúa en Ames o mércores, 16 de novembro, coa proxección do filme “Tres”

A Concellaría de Cultura prosegue en novembro co Ciclo Mestre Mateo, coa proxección do filme “Tres”, galardoada con tres premios Mestre Mateo da Academia Galega do Audiovisual (mellor película, mellor interpretación feminina protagonista para Marta Nieto e mellor son para Daniel Fontrodona, Oriol Tarragó, Marc Bech e Marc Orts). A proxección deste filme será o mércores, 16 de novembro, ás 20:00 horas, na Casa da Cultura de Bertamiráns. Este ciclo pecharase o 30 de novembro cunha nova proxección. Os convites, de balde, xa se poden retirar na Billeteira electrónica do Concello de Ames.

Eventos del departamento

XV Festa do chourizo ao viño

A carballeira de San Xoán de Ortoño acolle un ano máis a tradicional festa do chourizo ao viño este domingo, 14 de xullo. A xornada comezará ás 13.00h coa degustación do chourizo ao viño con cachelos e a orella de porco cocida, e está amenizada pola banda de gaitas Os Retranqueiros e a Tuna de Dereito de Santiago. Pola tarde ten lugar o Campionato de Chave por parellas, así como a actuación do dúo Eva e Camilo e o concerto folk de Xabier Díaz e as Adufeiras de Salitre.