Solapas principales

Departamento de Cultura

    • Dirección: Casa da Cultura do Milladoiro. Travesia do Porto, s/n, O Milladoiro. 15895 Ames.
    • Teléfono:  662 37 74 44
    • Responsable municipal: Concejalía de Cultura
    • Responsable técnico: María José Vázquez Bermúdez, Técnica Animación Sociocultural
Otros Datos: 
  • Programación AmesON agosto 2020
  • Programación AmesOn fin de semá agosto 2020
  • Programación escolas culturais 2020-2021
  • Funciones:
    • Gestionar las actividades y eventos que desde el Departamento de Cultura se ponen en marcha, responsabilizándose de su adecuado desarrollo.
    • Informar y asesorar a los grupos y entidades culturales del ayuntamiento, así como al público en general, valorar las demandas de los ciudadanas e incentivar la participación
    • Gestionar los programas culturales que oferta la Diputación, Red Cultural, Xunta de Galicia, AGADIC y Cultura en el Camino. Solicitud,desarrollo, justificación.
    • Tramitar las ayudas económicas corresponsales al área de cultura, tanto las que se solicitan desde el Ayuntamiento, como las que se convocan desde la Concejalía de Educación y Cultura de apoyo las entidades culturales y comisiones de fiestas.
    • Coordinar y gestionar las Escuelas Culturales Municipales.

Noticias del departamento

A praia fluvial de Tapia acollerá mañá a derradeira xornada dos Seráns de Ames coa proposta de xogos miudiño e a actuación de Mary Iglesias

Este xoves, 28 de agosto, celébrase a derradeira sesión dos Seráns de Ames, que desta volta traerá unha proposta lúdica de xogos para a rapazada e unha actuación musical da man de Mary Iglesias. O espectáculo, dirixido ao público familiar, desenvolverase na praia fluvial de Tapia, a partir das 17.30 horas. Estas actividades son de acceso libre e gratuíto.

A praza de Manuel Murguía acolle este xoves, 16 de xullo, o espectáculo infantil “Danzamos No Verán!!!”

O espectáculo musical infantil “Danzamos No Verán!!!” está programado para este xoves, 16 de xullo, na praza de Manuel Murguía do Milladoiro. A Banda do Verán presentará este espectáculo tan completo que conta con música en directo, danza e elementos teatrais e de clown. O acto encóntrase na programación da Rede Cultural da Deputación da Coruña, e ten un aforo limitado de 100 persoas.

A produtora con sede en Ames, Serea Films, recibe o Mestre Mateo a mellor documental por Os espazos en branco

A produtora audiovisual con sede na localidade do Milladoiro, Serea Films, vén de recibir este pasado sábado o premio Mestre Mateo a mellor documental por Os espazos en branco. Trátase dunha crónica na que o director do documental, Bruno Arias, afonda na figura pública de Xela Arias para atopar nela unha persoa: a súa tía. Serea Films conta cun posto no espazo colaborativo A Proa. Ademais, Serea Teatro, que forma parte de Serea Producións, realizou unha residencia no auditorio sa Casa da Cultura do Milladoiro para preparar a obra de teatro A luz do día, nalgún lugar do mundo, a algunha muller, dirixida por Noelia Papín que foi estreada o pasado 14 de decembro no Milladoiro. Tamén cómpre destacar que Lidia Veiga, que presentou a gala dos Mestre Mateo xunto con Miguel Canalejo, participa no espazo de Radio Cidadá de Ames Radio co Exército Mekemeke.

A programación cultural continúa este venres 5 de marzo coa representación dos espectáculo teatrais “Mai Mai” e “Sofía e as Postsocráticas”

A programación cultural de teatro, música e danza de 2021 continúa este venres, 5 de marzo, co espectáculo Mai Mai, da compañía Baobab Teatro.  A obra de teatro está dirixida a nenos e nenas de máis de 5 anos de idade. Terá lugar na Casa da Cultura de Bertamiráns ás 18.00 horas. O mesmo día, 5 de marzo, retómase a actividade cultural dirixida a un público adulto. A obra Sofía e a Postsocráticas, da compañía Inversa Teatro, representarase no Milladoiro ás 20.30 horas. Preme nesta ligazón para ver a programación completa de teatro, música e danza.

A programación cultural do Concello de Ames continúa este venres co espectáculo de danza contemporánea “Nina Ninette”

“Nina Ninette” é a proposta do departamento de Cultura de Ames para comezar este mes de abril. O espectáculo de danza contemporánea terá lugar este venres 14 de abril, ás 18:00 horas. O espectáculo enmárcase dentro do convenio de colaboración entre a Axencia Galega das Industrias Culturais (AGADIC) e o Concello de Ames. As entradas para o espectáculo xa se poden adquirir a través da Billeteira electrónica. Premendo nesta ligazón pódese consultar a programación cultural ao completo para o primeiro semestre do ano.

A programación cultural do Concello de Ames continúa este venres coa obra de teatro “Amantis”

“Amantis” é a terceira proposta teatral do departamento de Cultura de Ames para este mes de marzo. A obra, da man da compañía Rebordelos, terá lugar este venres, día 17, na Casa da Cultura de Bertamiráns, ás 20:30 horas. A representación enmárcase dentro do convenio de colaboración entre a Axencia Galega das Industrias Culturais (AGADIC) e o Concello de Ames. As entradas para o espectáculo xa se poden adquirir a través da Billeteira electrónica. Premendo nesta ligazón pódese consultar a programación cultural ao completo para o primeiro semestre do ano. 

A programación cultural do mes de setembro estréase este venres con Semente

O Concello de Ames retoma a programación cultural este venres 17 de setembro na Casa da Cultura de Bertamiráns. Será con “Semente, o home que plantaba árbores”, unha historia inesquecible sobre o poder que o ser humano ten de influenciar o mundo ao seu redor. A obra está dirixida a un público familiar. Para asistir pódense mercar as entradas na billeteira

A programación de Nadal do Concello de Ames inclúe máis de 100 actividades que se desenvolverán ata o 5 de xaneiro de 2020

Esta mañá o salón de plenos da Casa do Concello acolleu a presentación da programación que se desenvolverá durante as festas de Nadal. Dende este pasado luns 2 de decembro e ata o día 5 de decembro realizaranse máis de 100 actividades. Trátase dunha programación organizada de xeito transversal entre diversos departamentos municipais que ten como obxectivo ter un Nadal de rúa. Ao acto de presentación asistiron o alcalde de Ames, José Miñones, a concelleira de Cultura, Natividade González, a concelleira de Comercio, Innovación e Emprego, Ana Belén Paz, e maila concelleira de Elaboración e Xestión Orzamentaria, Genma Otero. Entre o público estiveron varios/as concelleiros/as do goberno e persoal municipal. Algunhas das actividades programadas son obradoiros, actividades deportivas, presentación de libros, andainas, espectáculos de maxia e baile, inchables, festivais ou obras de teatro.

A programación de primavera do Concello de Ames inclúe máis de 60 actividades

A programación do Concello de Ames para esta última quincena de febreiro, e os meses de marzo, abril e maio, inclúe máis de 60 actividades diferentes. Entre elas, eventos culturais, deportivos, literarios, saudables, de normalización lingüística, especialmente dirixidos á mocidade ou relacionados coa natureza.

A programación de teatro para o primeiro semestre de 2020 arranca este venres, 31 de xaneiro, co espectáculo Curva España

A programación de teatro do Concello de Ames para o primeiro semestre de 2020 arranca con Curva España do Grupo Chévere. A Casa da Cultura de Bertamiráns acollerá está función de teatro contemporáneo este venres, 31 de xaneiro, ás 21.00 horas. Na billeteira electrónica do concello xa non quedan entradas dispoñibles para a venda online, sen embargo, aínda se poden mercar entradas na Casa da Cultura unha hora antes do comezo da función. Resérvase o 10% das entradas para vendar o propio día do espectáculo.

Eventos del departamento

> Teatro: "Non podo máis!"

A Escola Municipal de Teatro de Ames representa o 18 de xuño a obra “Non podo máis!”, na Casa da Cultura de Bertamiráns, ás 18:30 horas. Trátase dunha comedia irreverente sobre os aspectos da vida que conseguen descolocarnos e sacarnos dos nosos cabais. Será a partir das 20:30 horas. O día 8 de xuño, ás 20:30 horas, haberá un novo pase na Casa da Cultura de Bertamiráns. Os convites, que son de balde, pódense retirar xa na Billeteira electrónica do Concello de Ames.

> Teatro: "O mozo da última fila"

Para pechar o mes de xaneiro da programación de artes escénicas de Ames da primeira metade de 2022, o venres 28 de xaneiro, ás 20:30 horas, a compañía Redrum Teatro leva á Casa da Cultura de Bertamiráns “O mozo da última fila”. Trátase dunha comedia que se centra en Claudio, un estudante de dezasete anos que non soporta as clases, e en Xermán, o seu profesor de Lingua e Literatura, co que empeza a compartir relatos a raíz dunha redacción sobre unha fin de semana. As entradas poden adquirirse xa a través da Billeteira electrónica do Concello de Ames.

> Teatro: "O porco de pé"

A compañía Producións Teatrais Excéntricas achega a Ames a obra “O porco de pé”, unha representación da clásica novela de Vicente Risco. A adaptación da sátira, orixinalmente baseada nos anos vinte do século XX, mostrará un relato de corrupción política, amor e personaxes grotescos e caricaturescos. Será o próximo venres 30 de setembro, ás 20:30 horas, no auditorio da Casa da Cultura de Bertamiráns. As entradas poden adquirirse xa na Billeteira electrónica.

> Teatro: "Reino da Extinción"

A derradeira obra da programación cultural de artes escénicas do primeiro semestre de 2022 será “Reino da Extinción”, da compañía Amorodio Teatro. “Reino da Extinción” é unha comedia que conta a historia de catro persoas galegas de diferentes etapas históricas, que son forzadas a convivir nun Alén moi distinto do que imaxinaban, poñendo a proba as ideas do público sobre que é ser galego, vivir en Galicia ou falar a nosa lingua. A representación terá lugar o venres 6 de maio, ás 20:30 horas, na Casa da Cultura de Bertamiráns. As entradas poden adquirirse xa a través da Billeteira electrónica do Concello de Ames.

> Teatro: "Smoke on the water"

A compañía Ibuprofeno Teatro protagoniza unha nova proposta de artes escénicas en Ames neste outono, coa obra “Smoke on the water”. O espectáculo, que combina teatro con música en directo, conta unha historia de amor tinguida de sexo, drogas, e o rock and roll dos anos 70. Será o próximo venres 14 de outubro, ás 20:30 horas, na Casa da Cultura de Bertamiráns. As entradas poden adquirirse xa a través da Billeteira electrónica do Concello de Ames.

> Teatro: Apaga o candil

"Apaga o candil", un espectáculo coproducido polo festival FIOT e por Contraproducións, chega ao auditorio do Milladoiro o 20 de outubro, ás 20:30 horas. Nesta obra, o dramaturgo Cándido Pazó achega ao público unha figura clave da tradición popular: Carlos “O Xestal”, un contador, músico e activista. A representación está financiada pola Deputación da Coruña.

> Teatro: Aquí non paga ninguén

A programación de Ames Cultural arranca no mes de xullo coa estrea do grupo municipal de teatro, que representará o día 16, ás 20.30 horas, na Casa da Cultura do Milladoiro, a obra “Aquí non paga ninguén”.

> Teatro: O auto do Castromil

A segunda das propostas do departamento de Cultura para o mes de outubro terá lugar o venres 6. Trátase da obra O auto do castromil, de Producións Teatrais Excéntricas, que foi merecedora do premio do III Certame Manuel María de Proxectos Teatrais. Terá lugar na Casa da Cultura de Bertamiráns, ás 20:30 horas. As entradas están dispoñibles xa na Billeteira electrónica, e hai descontos e prezos reducidos para colectivos especiais. 

> XVII FestiMax: Gala de novos talentos da maxia

A programación do XVII Festival internacional de Maxia de Ames “FestiMax”, está composta por catro grandes espectáculos que se van a realizar os días 21, 22 e 23 de outubro nas Casas da Cultura de Bertamiráns e do Milladoiro. Neste senso, o venres 21 de outubro ás 20:00 horas, na Casa da Cultura do Milladoiro, desenvolverase o que será a principal novidade desta edición do festival de maxia. Trátase da Gala de novos talentos da maxia, que estará presentada polo mago Rafa e na que participarán Magic Mateo, Mago Iago, El Grand Na, Maga Aldara e Mago Alvart. Os convites para o espectáculo, de balde, poden retirarse xa na Billeteira electrónica do Concello de Ames.

> XVII FestiMax: Gala máxica infantil

A programación do XVII Festival internacional de Maxia de Ames “FestiMax”, está composta por catro grandes espectáculos que se van a realizar os días 21, 22 e 23 de outubro nas Casas da Cultura de Bertamiráns e do Milladoiro. As actividades comezan o venres 21 de outubro, ás 17:00 horas, na Casa da Cultura de Bertamiráns coa Gala máxica infantil. O mago inglés Cliff The Magician presentará o espectáculo Magical Mistery Tour. Este mago é especialista en realizar espectáculos para os máis cativos e cativas. Conta cunha longa traxectoria levando a súa maxia a diferentes teatros e centros educativos de diferentes países. As entradas para o espectáculo xa están dispoñibles na Billeteira electrónica do Concello de Ames.