Pestanas principais

Departamento de urbanismo

    • Enderezo: Alcalde Lorenzo, nº 2, Bertamiráns.
    • Teléfono: 981 88 30 02
    • Horario de atención ao público:
        • De luns a venres, en horario das 9:00 ás 14:00 horas.
    •  Responsable municipal: Concellaría de Urbanismo
Outros Datos: 

Novas do departamento

O Concello aproba licenzas de obra para a construción de tres novos edificios en Bertamiráns con 79 vivendas

A Xunta de Goberno Local aprobou o 19 de xuño e o 3 de xullo tres licenzas de obra para a construción de tres novos edificios en Bertamiráns cun total de 79 vivendas. Un dos edificios albergará 16 vivendas na Travesía da Peregrina; o segundo edificio disporá de 27 vivendas na parcela R-2 APE B7-01 situada na rúa Rueiro; e o terceiro terá 36 vivendas na parcela R-12 APE B7-01, situado tamén na rúa Rueiro. Deste xeito, o Concello de Ames, a través da Concellaría de Urbanismo, aposta de forma decidida por potenciar a vivenda no municipio, tanto de carácter público como privado, coa finalidade de dar resposta á demanda habitacional e facilitar e abaratar o acceso á vivenda en Ames.

O Concello aproba unha licenza de obra para a construción dun novo edificio no Milladoiro con 78 vivendas

A Xunta de Goberno Local aprobou o pasado 20 de novembro unha nova licenza de obra, para a construción dun edificio no Milladoiro cun total de 78 vivendas e dous sotos para garaxes, que estará situado na rúa da Madalena, na esquina coa rúa de Xaquín Lorenzo. Dita construción suporá a demolición dunha edificación preexistente na rúa da Madalena. Deste xeito, o Concello de Ames, a través da Concellaría de Urbanismo, aposta de forma decidida por potenciar a vivenda no municipio, tanto de carácter público como privado, coa finalidade de dar resposta á demanda habitacional e facilitar e abaratar o acceso á vivenda en Ames.

O Concello de Ames avanza no desenvolvemento do polígono empresarial de Bertamiráns e iniciará os trámites para a modificación do Plan Xeral

O Concello de Ames vén de manter unha reunión en San Caetano coa Dirección Xeral de Industria con motivo de establecer a folla de ruta a seguir para o desenvolvemento do polígono empresarial de Bertamiráns. Nesta xuntanza o Concello comprometeuse a iniciar os trámites para a modificación do Plan Xeral para facer efectiva a nova delimitación do polígono.

O Concello de Ames encarga unha modificación puntual do PXOM para regularizar a parcela actual do aparcamento da Telleira

O Concello de Ames acaba de contratar os traballos para levar a cabo unha nova modificación puntual do Plan Xeral de Ordenación Municipal de cara a regularizar a situación actual da parcela que se sitúa no aparcamento da Telleira entre as rúas Lodeiro e Cómaro. A Concellaría de Urbanismo busca a reordenación deste espazo de equipamentos, espazos libres e viario públicos na xa desenvolvida URO B4-11 en confluencia co ámbito APE B4-03. Nesta parcela actualmente existe unha edificación en desuso cun mal estado de conservación, ao igual que unha pequena zona verde que se atopan fóra de ordenación non sendo posible ningún tipo de actuación urbanística, ben sexa de rehabilitación ou derribo. Ademais neste entorno atópase un hórreo que é necesario inscribir para a súa regulación.

O Concello de Ames negociará a cesión de 6 parcelas á Xunta de Galicia para a creación de vivenda de protección pública

O Concello de Ames, a través da Concellaría de Urbanismo, pretende poñer a disposición do Instituto Galego da Vivenda e Solo un total de seis parcelas que se atopan situadas na área residencial do plan parcial do sector S-16 Galdrachán, no Milladoiro. A intención do Goberno municipal é chegar a un acordo coa Xunta de Galicia para o desenvolvemento deste terreo urbano co obxectivo de crear novas vivendas suxeitas ao réxime de protección pública. En total cederíanse 5.338 metros cadrados de terreo, que se poden urbanizar, e na que se poden construír 213 vivendas.

O Concello de Ames volve a solicitarlle á Xunta de Galicia a retirada do valado para poder realizar as obras de urbanización do centro de saúde do Milladoiro

Este luns, 18 de maio, a Consellería de Infraestruturas mantivo unha xuntanza por videoconferencia cos responsables do equipo director das obras de construción do centro de saúde de Milladoiro. A dita xuntanza non se invitou a ningún representante do Concello de Ames, nin do grupo de goberno nin técnico municipal, de cara a poder expoñer o punto de vista da Administración local. Para o goberno de Ames “é unha mostra máis de deslealdade institucional á que nos ten acostumada a Xunta de Galicia”.

O Concello pon a disposición das empresas un impreso para que soliciten superficie no futuro parque empresarial en Bertamiráns

O Concello de Ames, a través da Concellaría de Urbanismo, avanza no desenvolvemento do polígono industrial de Bertamiráns. Para iso está solicitada unha xuntanza coa conselleira de Economía e Industria, María Jesús Lorenzana, para analizar a creación de dito parque empresarial. Ademais, o Concello pon a disposición das empresas un impreso para que acheguen información sobre a superficie que estarían interesadas en ocupar en dito polígono. Con dita información crearase unha relación de empresas interesadas. O novo parque empresarial estará situado no lugar de Caroubáns, próximo á rotonda que dá acceso á estrada AC-544, Bertamiráns – Negreira, e contará cunha extensión de máis de 300.000 metros cadrados. Dende esta zona tería conexión directa coa autovía AG-56 Santiago – Brión. Premendo nesta ligazón podes descargar o impreso de demanda de solo industrial no concello de Ames.

O Concello pon á venda mediante sistema de poxa cinco parcelas municipais para a promoción de vivenda

A Xunta de Goberno Local aprobou hoxe a posta á venda de cinco parcelas de titularidade municipal, integrantes do patrimonio municipal do solo, destinadas á construción de nova vivenda a través da iniciativa privada. As parcelas, que suman unha superficie total de 2.850 metros cadrados, están situadas no sector urbanizable Rego dos Pasos Sur, en Bertamiráns. Na mesma sesión, aprobouse tamén a concesión dunha licenza de obra para a construción dun novo edificio de 50 vivendas na rúa Rueiro, en Bertamiráns. Esta actuación súmase ás licenzas de obra concedidas nos meses de xuño e xullo de 2025 para a construción doutros tres edificios no mesmo núcleo, que suman un total de 79 vivendas.

O Concello pon en marcha unha campaña de identificación das terrazas de Ames

O Concello de Ames, a través da Concellaría de Urbanismo e Administración Xeral, vén de presentar a campaña Terrazas de Ames. Trátase da implantación dun cartel obrigatorio para as terrazas dos bares e restaurantes. Este cartel, que deberá estar visible ao público, contén información clara e concisa sobre a capacidade, os metros cadrados ocupados, e o número da licenza municipal correspondente. Con esta iniciativa búscanse tres obxectivos fundamentais: facilitar as tarefas de inspección, garantir a igualdade de condicións entre todos os hostaleiros, e fomentar o civismo e a responsabilidade compartida. Dende o luns 19 de maio vanse a repartir os carteis entre os establecementos hostaleiros con licencia de terraza. Posteriormente, dende o 26 de maio farase unha inspección para revisar que as terrazas estean dentro da normativa municipal e dispoñan de autorización. As terrazas que non cumpran a normativa terán ata o 26 de maio para iniciar o trámite.

O Concello presenta alegacións ao proxecto de explotación de servizos públicos de transporte metropolitano solicitando máis frecuencias nas liñas existentes, novas liñas e a creación dunha liña nocturna

O Concello de Ames, a través da Concellaría de Mobilidade, vén de presentar ante a Consellería de Infraestruturas e Mobilidade, da Xunta de Galicia, alegacións ao proxecto de explotación de servizos públicos de transporte regular de viaxeiros de uso xeral por estradas. As alegacións presentadas céntranse en seis liñas de transporte: ruta da rúa da Rosa - Bertamiráns – A Gándara; ruta da rúa da Rosa – Ameneiro – Casalonga – Firmistáns; ruta da rúa da Rosa – O Milladoiro; ruta polígono Novo Milladoiro – Bertamiráns; e ruta da rotonda de As Viñas - rúa da Rosa. Ademais, proponse para as fins de semana, a creación dunha liña nocturna con parada segura que sexa circular Bertamiráns – O Milladoiro – rúa da Rosa, comezando ás 23:30h con dúas frecuencias de primeira hora e dúas de volta ás 3:00 e 4:00 horas.