- Enderezo: Praza do Concello, nº 2, Bertamiráns.
- Teléfono: 981 88 30 02
- Horario de atención ao público:
- De luns a venres, en horario das 9:00 ás 14:00 horas.
- Responsable municipal: Concellaría de Promoción Económica
Outros Datos:
Pestanas principais
Departamento de Promoción Económica e Emprego
Servizos e programas
Novas do departamento
A segunda edición do Baila con Ames xa ten gañadores. Preto de 80 artistas participaron este pasado venres, 18 de xullo, neste concurso celebrado no auditorio da Casa da Cultura de Bertamiráns. Na categoría individual a gañadora foi Alba Mourelle, mentres que na categoría de grupos (para formacións de mínimo 4 persoas e un máximo de 12) as gañadores e gañadores foron Laura Marcote, Andrés Parga, Soraya Santos, Naiara Carrwira, Miriam Gómez e, de novo Alba Mourelle. Ademais, na categoría de parellas ou tríos creada nesta edición (dirixida a formacións de 2 ou 3 persoas como máximo) os gañadores foron Andrés Parga e Soraya Santos. Repartíronse un total de 3.900 euros en premios e seis vales de 100 euros cada un para gastar no comercio local. O xurado estivo formado por Daniela Filloy, Magaly Balsa e Dora Iglesias. Nesta ligazón podes acceder á galería de imaxes do evento.
Hoxe, ás 12.30 horas, realizouse un acto público no salón de plenos da Casa do Concello no que se coñeceron os/as gañadores do concurso de ideas para a redacción do proxecto de construción do centro multidisciplinar do Milladoiro. Dito acto tamén se puido seguir de xeito telemático. O xurado ditaminou que a proposta gañadora é a dos arquitectos Alberto Reques Pérez e Diego Penche Pérez. Eles serán os encargados da redacción do proxecto e da dirección de obra. O edificio que se construirá estará dedicado a un centro multifuncional de lecer, cultura e promoción económica. Estará dirixido á mocidade e a persoas en proceso de inserción socio-laboral para favorecer a inclusión social e a loita efectiva contra a discriminación.
Arredor de 10 persoas de Ames, que no seu tempo libre se dedican a elaboración de alfombras florais, participan esta fin de semana no Encontro Internacional de Arte efémera, que se celebra en Bueu os días 26, 27 e 28 de xullo. Trátase dun evento de carácter internacional que reúne delegacións de alfombristas de 6 países diferentes (India, Malta, Portugal, Italia, Alemaña e España). Previamente, este xoves o alcalde e maila concelleira de Promoción Económica estiveron, xunto con varias/os alfombristas de Ames, cunha delegación de alfombristas que visitaron a capela de San Xoanciño de Pousada.
O vindeiro xoves, 4 de decembro, a partir das 17.45 horas, na praza do Concello, en Bertamiráns, está previsto que se celebre o tradicional acto de acendido das luces de Nadal. Actuarán arredor de 50 alumnos/as da Escola Municipal de Música e membros dos coros de Bertamiráns e do Milladoiro do programa Amessán. Ademais, haberá unha degustación gratuíta de chocolate con churros. As persoas encargadas de premer o botón de acendido do alumeado será desvelado no propio acto entre os presentes. As luces de Nadal estarán acendidas en horario de 18.00 a 02.00 horas dende este xoves, 4 de decembro, ata o día 6 de xaneiro (incluído).
Este sábado, 7 de decembro, ás 18.00 horas, na praza do Concello, en Bertamiráns, está previsto que se celebre o tradicional acto de acendido das luces de Nadal. Actuarán arredor de 40 alumnos/as da Escola Municipal de Música e membros da asociación Arcea-Adames. Ademais, haberá unha degustación gratuíta de chocolate con churros. As persoas encargadas de premer o botón de acendido do alumeado será desvelado no propio acto entre os presentes. As luces de Nadal estarán acendidas en horario de 18.00 a 02.00 horas dende este sábado, 7 de decembro, ata o día 6 de xaneiro (incluído).
O espazo colaborativo A Proa, situado no parque empresarial do Milladoiro, acolleu a quinta edición do Encontro de coordinación da Rede Provincial de Espazos de Coworking da Deputación da Coruña. A apertura institucional estivo presidida polo alcalde de Ames, Blas García, a deputada de Industria, Emprego, Política Demográfica e Medio Ambiente, Rosa Ana García López, e a concelleira de Promoción Económica do Concello de Ames, Ana Belén Paz. Durante o encontro realizouse a presentación do Ames AV Lab e unha visita guiada polo espazo A Proa. Realizouse unha mesa redonda na que se expuxo a situación de cada un dos espazos de traballo por parte dos responsables da súa xestión. Tamén houbo unha presentación de novidades, espazo para o debate, aclaración de dúbidas e propostas en común.
O Concello de Ames colabora con REAS Galicia na organización do VI Encontro aberto da Economía Social e Solidaria, que se desenvolverá o próximo sábado, 22 de maio, no Pazo da Peregrina, en Bertamiráns. Haberá charlas dirixidas a representantes de pequenas entidades co fin de potenciar a relación entre o tecido da economía social. As actividades programadas realizaranse en horario de 11.00 a 14.00 horas. Para asistir, xa sexa como público ou para intervir facendo a micro-presentación dun proxecto da túa entidade, é preciso inscribirse cubrindo este formulario.
A Xunta de Goberno Local ven de aprobar o reparto de subvencións para a promoción do comercio local, exercicios 2017-2018, cun importe de 36.137,06 euros. A finalidade destas subvencións é a de favorecer a promoción e o desenvolvemento de actividades realizadas no seo das asociacións de comerciantes e profesionais do Concello de Ames, que estean legalmente constituídas e inscritas no rexistro municipal. As asociacións beneficiarias son a Asociación de Comerciantes de Bertamiráns, a Asociación de Empresarios do Parque Empresarial do Milladoiro e a Asociación de comerciantes Palmira Bulevar. Desde a notificación do acordo, as asociacións contarán co prazo dun mes para xustificar a subvención.
O Concello de Ames inicia o proceso de selección para participar nunha nova edición do Programa Integrado de Emprego. A edición 2021-2022 está destinada a 60 mulleres desempregadas dos concellos de Ames e Brión e 40 persoas menores de 30 anos desempregadas e cunha cualificación máxima de Bacharelato. O proceso comeza logo de que o pasado 8 de novembro rematase a edición 2020-2021 con máis do 50% de inserción das mulleres participantes. As persoas que desexen participar no programa, cun obxectivo de inserción do 40%, poden inscribirse xa no proceso de selección a través desta ligazón.
O Concello de Ames vén de presentar o informe sobre os datos estatísticos referentes á subvención para a contratación de persoal técnico para a realización de actividades de orientación laboral, TR331A. Neste documento recóllese que un total de 340 persoas entre o 1 de febreiro de 2025 e o 31 de xaneiro de 2026 foron atendidas, derivadas do Servizo Público de Emprego de Galicia (SPEG), de xeito presencial, telefónico ou por correo electrónico. A tipoloxía das entrevistas foi variada, requirindo un tempo de atención diferente en cada caso.
- ‹ anterior
- 14 de 66
- seguinte ›
Trámites do departamento
Eventos del departamento
Papá Noel estará na Praza de Chavián, en Bertamiráns, para todo aquel que se queira sacar unha foto con el. Será gratuíto presentando tícket de compra de calquera establecemento do Concello de Ames.
Papá Noel estará na carpa da Praza de Manuel Murguía, no Milladoiro, para todo aquel que se queira sacar unha foto con el. Será gratuíto presentando tícket de compra de calquera establecemento do Concello de Ames.
Será ás 20.30 horas no auditorio da Casa da Cultura do Milladoiro, nun evento destinado a todos os públicos con entrada de balde ata completar aforo. Despois da gala a celebración seguirá no Restaurante Central.
A praza da Maía acolle hoxe, a partir das 20:00 horas, unha nova sesión de “Música na noite”, nesta ocasión a cargo de Habana Group. O concerto é de balde e o aforo limitado para manter a distancia e as medidas de seguridade e hixiene que impón a loita contra a Covid-19.
A Xuntanza de Empresarios de Ames, en colaboración do Concello de Ames e a Xunta de Galicia, organizan a Festa do Comercio 2026 que se vai a realizar o 13 de maio en Bertamiráns e O Milladoiro. Nesta terceira edición haberá pipocas de millo polas rúas, talleres, concursos e concertos co obxectivo de dinamizar as rúas e animar a veciñanza a mercar no comercio local de Ames.
O 26 de xaneiro, a partir das 10:00 horas, o pavillón polideportivo do Milladoiro acollerá a III Xornada InnovAmes, un evento para todos os públicos que busca xerar un espazo para a aprendizaxe e o diálogo, no que as empresas do concello de Ames acheguen as últimas tendencias en innovación e xeren sinerxias que dean lugar a novos proxectos e oportunidades empresariais. Nel tamén participarán varios centros educativos amesás como son o IES de Ames, o IES de Milladoiro, o CEIP Agro do Muíño e o CEIP de Barouta. Estes tres últimos contarán co seu propio stand no evento.
O Concello de Ames contará dende o sábado 20 de setembro co seu propio mercado de produtos da horta e artesanía. O acto de inauguración celebrarase este sábado, 20 de setembro, ás 11.30 horas. Este novo mercado celebrarase na praza da Maía, en Bertamiráns, todos os sábados en horario de 10.00 a 13.30 horas. Inicialmente vai contar con 11 postos de produtos frescos e artesanía, pero o prazo para solicitar un espazo neste novo mercado mantense aberto. Está previsto que durante as próximas semanas se sumen novos postos ao mercado. Ademais de postos de venda haberá cata de produtos, obradoiros de artesanía e cociña e sorteo de produtos. Este sábado haberá unha degustación de froita de tempada e o sábado 27 farase unha demostración de cociña a cargo do chef José Manuel Mallón. Esta iniciativa, enmarcada dentro do Plan de Acción da Axenda Urbana de Ames, pretende fomentar o consumo de produtos de proximidade, dinamizando a economía e a produción local.
O inchable, destinado a nenas e nenos de entre 2 a 6 anos, estará situado na Praza da Madalena no Milladoiro.
Inchable destinado a nenos e nenas de 2 a 6 anos que estará instalado na Praza de Correos no Milladoiro.
O inchable, que está destinado a nenos de 2 a 6 anos, estará na Praza da Maía, en Bertamiráns.
- ‹ anterior
- 14 de 22
- seguinte ›