Pestanas principais

Departamento de Xuventude

    • Enderezo:
      • Luns, mércores e xoves na Casa do Concello. Praza do Concello, nº2 Bertamiráns. 15220 Ames
      • Martes e venres na Casa da Cultura de Milladoiro. Tavesía do Porto s/n Milladoiro. 15895 Ames
    • Teléfono: 616 08 32 29
    • Horario de atención ao público: 09:00 a 14:00 horas.
    • Responsable municipal:  Concellaría de Mocidade
    • Responsable técnico: Pilar Villaverde Cutrín, técnica de mocidade e información xuvenil.
Outros Datos: 
  • Funcións:
    • Orientar e asesorar á mocidade de Ames,  garantindo que toda a poboación xuvenil do concello teña acceso a unha información ampla, obxectiva e actualizada en relacion aos seus intereses e necesidades.
    • Organizar, xestionar e promover programas e actividades formativas no marco da educación non formal orientadas a facer efectivas a igualdade de oportunidades e o desenvolvemento integral da mocidade a nivel formativo, laboral, familiar, etc.
    • Abordar medidas de cara a mellorar a calidade de vida da poboación xuvenil en diferentes ámbitos como o lecer e tempo libre, saude, educación en valores (igualdade de  oportunidades, interculturalidade,  violencia  de xénero, discapacidade…).
    • Favorecer a participación activa da mocidade na vida social e comunitaria, a través da dinamización de grupos informais e asociacións xuvenis.
    • Dar resposta a cantas dúbidas ou inquedanzas xurdan na mocidade apoiando e dando forma ás súas propostas e iniciativas en calquera ámbito de actuación do seu interese (cultural, formativo, ocio,...).
  • Novas relacionadas
  • Axenda.
  • Normativa
    • Lei 6/2012, de 19 de xuño, de xuventude de Galicia (DOG nº 139 do 20 de xullo de 2012).
    • Lei 39/2015 do procedemento administrativo común das administracións públicas
    • Lei 7/2007 do Estatuto básico do empregado público
    • Lei 2/2015 da función pública de Galicia
    • Lei 7/1985 das bases do réxime local

 

Novas do departamento

Execútanse melloras no local de ensaio A Factoría

Durante varias semanas o local de ensaio A Factoría estivo pechado ao público para executar varias melloras no local. O obxectivo foi dotalo de mellor equipamento e que sexa máis acolledor para os usuarios/as que o empregan. Realizáronse melloras en canto ao illamento exterior e equipamento interior. Despois de executar ditas melloras o local volveu abrir as súas portas para que os grupos de música poidan ensaiar. Deste xeito, A Factoría arrinca este 2023 con importantes melloras. O horario de ensaio é de luns a domingo, en horario de 10.00 a 22.00 horas. A concelleira de Xuventude e maila técnica de dito departamento visitaron o local par ver como quedou tralas melloras feitas.

Inscríbete e participa no “CeibaRimas” que se vai desenvolver este venres, 28 de agosto, no anfiteatro do Milladoiro

O anfiteatro do Milladoiro acollerá este venres, 28 de agosto, o obradoiro de rimas en galego “CeibaRimas”, que organiza a Dirección Xeral de Xuventude da Consellaría de Política Social da Xunta e Galicia, en colaboración coa OMIX de Ames. Trátase dun proxecto de rap improvisado en galego que ten como obxectivo prioritario a normalización da lingua galega entre a mocidade. Fran, rapeiro do grupo Rebelión do Inframundo, será o encargado de dinamizar o obradoiro en Ames. Por mor da Covid-19, e para seguir estritamente as normas de seguridade, o grupo que participará no obradoiro redúcese a 15 persoas máximo. As persoas que queiran inscribirse poden facelo xa a través da páxina web www.ceibarimas.gal.

Inscríbete na actividade de barranquismo en Outes incluída no programa Trouleando

A Concellaría de Mocidade ten programada para o martes, 27 de xullo, unha nova actividade do programa Trouleando, que está dirixida a mozos/as de Ames que teñan a partir de 12 anos. Neste caso, organizouse unha xornada de barranquismo en Santa Baia, Outes. O prazo para inscribirse nesta actividade estará aberto do 14 ata o 20 de xullo. Para inscribirse hai que enviar a ficha cuberta ao enderezo omix@concellodeames.gal. As prazas, que son limitadas, cubriranse por orde de chegada das inscricións. Esta actividade é de balde e está organizada pola Oficina Municipal de Información Xuvenil (OMIX).

Inscríbete na actividade de rafting polo río Ulla incluída no programa Trouleando

A Concellaría de Mocidade ten programada para o sábado, 24 de abril, unha nova actividade do programa Trouleando, que está dirixida a mozos/as de Ames que teñan a partir de 12 anos. Neste caso, organizouse un descenso de rafting polo tramo do río Ula que se atopa entre Carcacía e Herbón. O prazo para inscribirse nesta actividade estará aberto do 7 ata o 16 de abril. Para inscribirse hai que enviar a ficha cuberta ao enderezo omix@concellodeames.gal. As prazas, que son limitadas, cubriranse por orde de chegada das inscricións. Esta actividade é de balde e está organizada pola Oficina Municipal de Información Xuvenil (OMIX).

Inscríbete na segunda actividade do programa Trouleando que se desenvolverá no Urban Planet Jump Santiago o venres 21 de febreiro

Durante o mes de febreiro continúa o programa Trouleando (Findes para a mocidade), que desenvolve a Concellaría de Mocidade. Trátase dunha iniciativa a través do cal se organizarán diferentes actividades lúdicas, deportivas e culturais, durante as tardes - noites do fin de semana. Estas actividades en principio vanse a desenvolver nalgún dos fin de semana da última quincena de cada mes do ano. Neste mes de febreiro a mocidade amesá pode participar nunha actividade que se desenvolverá nas instalacións do Urban Planet Jump Santiago, situadas no centro comercial de Área Central. Para participar nesta actividade, que é gratuíta, é necesario inscribirse previamente. O prazo de inscrición remata o 18 de febreiro.

Inscríbete na terceira actividade do programa Trouleando “A rolos polo Cebreiro!” que se desenvolverá o sábado 28 de marzo

Durante o mes de marzo continúa o programa Trouleando (Findes para a mocidade), que desenvolve a Concellaría de Mocidade. Trátase dunha iniciativa a través do cal se organizarán diferentes actividades lúdicas, deportivas e culturais, durante as tardes - noites do fin de semana. Para este mes de marzo proponse unha actividade que conxuga diversión, deporte e socialización entre a mocidade denominada; A rolos polo Cebreiro! Trátase dunha actividade para gozar da neve e das paisaxes que ofrece un lugar como o Cebreiro. Para participar nesta actividade, que é gratuíta, é necesario inscribirse previamente. O prazo de inscrición remata o 16 de marzo.

Inscríbete na `Xincana de humor amarelo´ do programa Trouleando

A Concellaría de Mocidade ten programada para o sábado, 26 de setembro, unha nova actividade do programa Trouleando. Neste caso, organizouse unha `Xincana de humor amarelo´. O prazo para inscribirse nesta actividade estará aberto ata o 18 de setembro. Aínda quedan algunhas prazas libres das 30 ofertadas inicialmente. Para inscribirse hai que enviar a ficha cuberta ao enderezo omix@concellodeames.gal. As prazas, que son limitadas, cubriranse por orde de chagada das inscricións.

Inscríbete nas tardes multiaventura que se desenvolverán os xoves 23 e 30 de xullo dentro do programa Trouleando

Dende a Concellaría de Mocidade lémbrase que está aberto ata este mércores, 15 de xullo, o prazo de inscrición para as tardes multiaventuras que se desenvoverán os xoves 23 e 30 de xullo dentro do programa Trouleando. Nestas xornadas multiaventura faranse actividades de paintball, tirolina, rocódromo, ruta en kaiak, paseo en lancha e manta raia. Para participar é necesario inscribirse previamente. Dito programa comezou no pasado mes de xaneiro. No mes de marzo houbo que suspéndelo temporalmente debido ao estado de alarma declarado pola crise sanitaria da Covid-19. Agora retómase con estas dúas actividades de deporte e aventura.

Inscríbete no curso de monitor/a de actividades de tempo libre do Concello de Ames

O departamento de Mocidade do Concello de Ames organiza para os vindeiros meses un curso de monitor/a de actividades de tempo libre. Este desenvolverase en fins de semana de febreiro, marzo e abril en horario de 9.00 a 14.00 horas e de 16.00 a 21.00 horas, no Pazo da Peregrina de Bertamiráns. As prazas son limitadas e outorgaranse por orde de entrada. O curso ten un prezo de 172 euros e o prazo de inscrición remata o 29 de xaneiro. Ao pé desta nova poden consultarse as bases e a ficha de inscrición.

Inscríbete nos obradoiros de robótica que organiza a OMIX

A Concellería de Mocidade, a través da Oficina Municipal de Información Xuvenil (OMIX), organiza dous obradoiros de robótica para mozos e mozas maiores de 12 anos. O martes 22 e o mércores 23 de decembro impartirase o taller de programación e electrónica, mentres que o luns 28 e o martes 29 de decembro, desenvolverase o taller de deseño 3D. O prazo de inscrición estará aberto do 14 ao 18 de decembro. Para anotarse débese enviar a ficha de inscrición ao enderezo omix@concellodeames.gal.

Eventos del departamento

>Xornada de emprendemento e emprego xuvenil

O departamento de Mocidade organiza na Casa da Cultura do Milladoiro unha xornada sobre emprendemento e emprego xuvenil o mércores 16 de outubro, de 16:30 a 19:30 horas. A esta xornada poden acudir tanto mozos e mozas interesados/as nesta cuestión como público xeral. Para inscribirse é necesario enviar un correo electrónico ao enderezo xuventude@concellodeames.gal.

>Xornada GAMING

O Concello de Ames reúne nun único cartel toda a programación de actividades que se van celebrar durante os meses de xuño, xullo, agosto e setembro en Ames. Deste xeito, ata finais de setembro vanse a realizar numerosas actividades como concertos, seráns ou festas.

>Xornadas de educación sexual

A Concellaría de Mocidade organizou o programa [con]sentido. Con el preténdese inculcar aos mozos e mozas de Ames unha sexualidade positiva e saudable. A Xornada de Educación Sexual será na Casa da Cultura do Milladoiro entre as 10 e as 14 horas.

>Xuntanza do Club xuvenil de Ames

A Concellaría de Mocidade vén de poñer en marcha o Club xuvenil de Ames. Trátase dunha nova iniciativa a través da que se trata de crear un grupo de ata 30 mozos e mozas de entre 13 e 18 anos, para que compartan experiencias e proxectos. O venres, 22 de marzo, ás 19.00 horas, haberá un encontro na Casa da Cultura do Milladoiro. O obxectivo de ir facendo grupo e que os mozos e mozas interesados se unan a este club xuvenil

>Xuntanza do Club xuvenil de Ames

A Concellaría de Mocidade vén de poñer en marcha o Club xuvenil de Ames. Trátase dunha nova iniciativa a través da que se trata de crear un grupo de ata 30 mozos e mozas de entre 13 e 18 anos, para que compartan experiencias e proxectos. O sábado, 23 de marzo, ás 11:00 horas, haberá un encontro no Pazo da Peregrina de Bertamiráns. O obxectivo de ir facendo grupo e que os mozos e mozas interesados se unan a este club xuvenil

>“CeibaRimas” no anfiteatro do Milladoiro

O anfiteatro do Milladoiro acolle hoxe o obradoiro de rimas en galego “CeibaRimas” que organiza a Dirección Xeral de Xuventude da Consellaría de Política Social da Xunta e Galicia en colaboración coa OMIX de Ames. Trátase dun proxecto de rap improvisado en galego que ten como obxectivo prioritario a normalización da lingua galega entre a mocidade.

Obradoiro de métodos anticonceptivos

Celebrase hoxe no Pazo da Peregrina entre as 10:00 e as 13:00 horas.
Os obradoiros están dirixidos a persoas mozas dende os 14 anos, e conta con prazas limitadas.
Para inscribirse débese enviar a ficha de inscrición cuberta a partir do 13 de outubro  con.sentido@agasex.org