Pestanas principais

Departamento de Educación

Novas do departamento

A alumna do IES do Milladoiro, Ainhoa Díaz Pérez, gaña o primeiro premio no Concurso de Imaxes gráficas convocado polo 25N pola Consellería de Política Social e Igualdade

O IES do Milladoiro celebra o éxito da alumna, Ainhoa Díaz Pérez, na Gala de premios do Concurso de imaxes gráficas e pezas audiovisuais con motivo do 25 de novembro, convocado pola Consellería de Política Social e Igualdade da Xunta de Galicia. O cartel creado por Ainhoa destacou entre un gran número de propostas polo seu potente impacto visual e a profundidade da súa mensaxe, que invita á reflexión sobre a urxencia de erradicar a violencia machista. Dende o Concello de Ames danlle os parabén a Ainhoa polo premio acadado.

A ANPA da escola infantil da Madalena organiza un sorteo de Nadal e un reparto de agasallos entre o alumnado

Dende a ANPA da escola infantil municipal da Madalena, organízase un sorteo de Nadal para os/as socios/as co obxectivo de recadar fondos e deste xeito beneficiar aos nenos e nenas e as súas familias. Ademais, levarase a cabo un reparto de pequenos agasallos entre o alumnado. 

A ANPA da Escola infantil municipal da Madalena organiza un programa de actividades formativas para nais e pais

A ANPA da Escola infantil municipal da Madalena invita a participar no programa formativo “Escola de Familias”, que inclúe tres obradoiro sobre a disciplina positiva, a xestión de rabietas e a nutrición pediátrica. Esta iniciativa pretende crear un espazo no que compartir experiencias e aprendizaxes en familia, así como achegar formación acorde ás etapas das crianzas escolarizadas na escola infantil da Madalena. As prazas son limitadas polo que é preciso inscribirse anteriormente. Para máis información pódense por en contacto coa ANPA a través do enderezo electrónico anpamadalena@gmail.com. O Concello de Ames colabora nesta iniciativa.

A ANPA do CEP de Ventín comeza un ciclo sobre tecnoloxía cunha sesión formativa sobre o seu uso responsable

A ANPA do CEP de Ventín, en colaboración co Concello de Ames, inaugura o vindeiro 5 de decembro un ciclo de actividades centradas na formación sobre o uso responsable das tecnoloxías. A primeira sesión, chamada “Para, Pensa, Conéctate contra a violencia de xénero” terá lugar no auditorio da Casa da Cultura do Milladoiro, ás 18:30 horas, e nela falarase sobre prevención contra o ciberacoso e a violencia de xénero dixital. Estas actividades enmárcanse no programa Conéctate, da Fundación Cibervoluntarios. Aqueles que estean interesados/as poderán inscribirse neste enlace.

A Casa do Concello recibe a visita do alumnado de cuarto do CEIP Agro do Muíño para coñecer o funcionamento da Administración local

Esta mañá, o salón de plenos da Casa do Concello, en Bertamiráns, recibiu a visita do alumnado de cuarto curso de educación primaria do CEIP Agro do Muíño, que se achegou á Casa consistorial para coñecer de primeira man o traballo que se realiza neste lugar. Así, acompañados de varios membros do Goberno local e dos grupos municipais do Partido Popular e do BNG, arredor de 75 nenos e nenas aprenderon que é un pleno municipal, o traballo que realizan os edís municipais e as funcións que cumpre a Administración local. Ademais, a rapazada puido trasladar aos membros da Corporación as súas dúbidas e preguntas.

A comunidade educativa de Ames acorda por maioría modificar a ordenanza fiscal reguladora da taxa pola prestación dos servizos complementarios educativos e de conciliación

Pasadas as tres semanas que se deron de prazo para presentar posibles achegas, onte mércores 17 de xullo realizouse unha xuntanza de traballo da comunidade educativa que compón o Consello Escolar Municipal de Ames. En dita xuntanza traballouse na modificación da Ordenanza fiscal reguladora da taxa pola prestación dos servizos complementarios educativos e de conciliación do Concello de Ames.

A Concellaría de Educación destina 65.000 euros á reparación e mantemento de patios escolares

 O concelleiro de Educación, David Santomil, mantivo unha xuntanza cos cinco directores e directoras do CEIP de Barouta, CEIP A Maía, CEIP Agro do Muíño, CEP Ventín e EEI do Milladoiro, no Pazo da Peregrina, para falar do plan de reparación e mantemento de patios escolares. Estas actuacións xa foron autorizadas pola Xefatura Territorial de Educación da Xunta de Galicia. Realizaranse en dúas anualidades, 2021 e 2022, en todos os centros escolares de ensino infantil e primaria de Ames.

A Concellaría de Educación realiza unha enquisa sobre a situación socioeconómica das familias usuarias dos programas de conciliación municipais

A enquisa telefónica realízase a preto de 200 familias usuarias da Rede Municipal de Comedores Escolares que teñen bonificación total no pagamento das cotas (cota cero euros), correspondentes ás rendas inferiores ao 25% do IPREM. As enquisas estanse a realizar dende este pasado luns, 13 de abril, e desenvolveranse ata o 17 de abril. O obxectivo da enquisa é coñecer a situación económica de ditas familias motivada polo impacto do coronavirus (COVID-19).

A Corporación Municipal agradeceu o traballo realizado pola comunidade educativa no curso 2020/21

O luns, día 28 de xuño, os representantes dos grupos municipais da Corporación Municipal recibiron no salón de Plenos do Concello de Ames aos directores/as dos centros escolares públicos de Ames.

A Deputación de Lugo interésase polo modelo de xestión dos comedores de Ames

A deputada provincial, Mónica Freire Rancaño, responsable da Área de Medio Rural, Mar e Mocidade da Vicepresidencia da Deputación de Lugo, realizou unha visita institucional ao concello de Ames, para coñecer o funcionamento dos comedores escolares, a loxística de transporte e a subministración de produtos locais de alimentación. Visitou a Casa do Concello, a cociña do CEIP Agro do Muíño e o comedor do CEIP A Maía. Estivo acompañada polo concelleiro de Educación, David Santomil, e pola técnica do departamento de Educación, Rosa García.

Eventos del departamento

>Romaría fin de curso CEIP de Barouta

O CEIP de Barouta organiza o venres 21 de xuño a celebración da Romaría de Fin de Curso 2024. Trátase dun evento aberto ao público. Será unha xornada lúdica que dará comezo ás 10:00 nas instalacións do centro educativo. Incluirá un roteiro, un xantar colaborativo, xogos, deportes e música, ademais da cerimonia de graduación do alumnado de 6º de Educación Primaria.