Pestanas principais

Departamento de Educación

Novas do departamento

Este luns, 12 de febreiro, comezou unha nova edición do Entroido Lúdico, na que participan 91 nenos e nenas. A finalidade deste programa, que se desenvolve no CEIP da Maía, EEI do Milladoiro e CEP de Ventín, é facilitar a conciliación das familias amesás durante as vacación escolares de entroido. As actividades, impartidas de 7.30 á 16.00 horas cos servizos de Bos Días e comedor incluídos, continuarán até o mércores 14 de febreiro. Nesta edición, baixo o nome “Un mar de Entroido”, o programa céntrase na loita contra o cambio climático e a contaminación, sen esquecer actividades propias do entroido como os disfraces, a música e o baile.

Un total de 2.500 nenos e nenas do concello de Ames deron comezo esta mañá a un novo curso escolar. Os colexios do concello, a escola de educación infantil do Milladoiro e as escolas unitarias abriron as súas portas con total normalidade. Previamente, durante os meses de verán, no marco do plan de mantemento estival que se realiza todos os anos, o Concello executou diversos de traballos de mantemento e reparación nos colexios do municipio. Premendo nesta ligazón poderás consultar os plans de adaptación dos servizos complementarios de educación do Concello De Ames ao contexto Covid-19 para o curso 2021/2022.

Representantes dos partidos políticos con representación municipal e das ANPAS dos centros educativos de Ames reuníronse o pasado martes, 3 de maio, para realizar unha análise da situación educativa na pandemia e trasladar propostas para a mellora das infraestruturas e servizos complementarios. Falouse dos principais avances nos proxectos de ampliación do CEIP Agro do Muíño e do novo CEIP do Milladoiro, así como de diferentes cuestións sobre os comedores escolares, os protocolos Covid. Tamén se realizaron propostas de mellora no mantemento dos centros escolares, en particular nos patios e zonas exteriores.

A Concellaría de Educación pon en marcha un ano máis os servizos complementarios de educación e conciliación co obxectivo de conciliar a vida familiar e laboral de todos os veciños e veciñas de Ames. 1.349 usuarios/as se inscribiron na rede de comedores escolares, 349 no servizo de Bos días cole e 181 en Tardes Divertidas nalgún dos cinco centros de educación infantil e primaria do Concello de Ames. O alcalde de Ames, Blas García, o concelleiro de Educación, David Santomil,de Administración Xeral, Víctor Fernández,  aproveitaron a ocasión para visitar o recentemente estreado comedor do CEIP A Maía.

O Concello de Ames a través da concellería de Educación pon en marcha un ano máis o servizo de conciliación Setembro Lúdico. Este servizo ten como obxectivo fomentar a conciliación das familias amesás ata o inicio do curso escolar. Son 107 os nenos e nenas que se adheriron a esta campaña que vai traballar a idea da inclusión das persoas con diversidade funcional.

Dende o pasado venres, 23 de decembro, e ata o vindeiro 5 de xaneiro, está desenvolvéndose en Ames o programa de conciliación Nadal Lúdico, unha oferta educativa e de ocio organizada pola Concellaría de Educación e co financiamento do programa Corresponsables, dirixida ás familias amesás que precisen compatibilizar a súa vida laboral e familiar. Nel están a participar, en horario de 7:30 a 16:00 horas, 127 nenos e nenas escolarizados no segundo ciclo de Educación Infantil ou en Primaria.

O pasado martes 16 de agosto comezou a última quincena da Escola de Verán, un programa de conciliación polo que este 2022 pasaron 403 crianzas nos meses de xullo e agosto. Durante estas últimas dúas semanas de agosto, a temática das actividades xirará arredor do cambio climático e da sostibilidade, fomentando a actitude responsable das persoas que formamos a nosa sociedade e a acción climática. Nesta última quenda participan uns 143 nenos e nenas, repartidos entre o CEIP da Maía, no CEP de Ventín e na EEI do Milladoiro.

Coa chegada das vacacións de verán, a Concellaría de Educación de Ames puxo en marcha do 23 ao 30 deste mes o programa de conciliación Xuño Lúdico. Ao longo desa semana, os 146 nenos e nenas que participan no programa, 65 deles no CEIP da Maía, de Bertamiráns, 44 no EEI Milladoiro e 37 no CEP de Ventín, realizan diversas actividades centradas na educación da diversidade sexual e os roles de xénero. Esta iniciativa ofrece un amplo abano de actividades educativas e culturais pensadas para os cativos/as de aquelas familias que precisen conciliar a súa vida familiar e laboral unha vez rematado o curso escolar.

Este venres, 16 de agosto, comeza a última quincena da Escola de Verán. No mes de  agosto os nenos e nenas da Escola de Verán converteranse en protagonistas creando os seus propios estilos e bandas musicais. Mediante estes programas, o Concello de Ames, a través da Concellaría de Educación, busca facilitarlle ás familias a conciliación entre a vida laboral e familiar durante a época estival. Nesta segunda quincena do mes de agosto, participan no programa 190 rapaces e rapazas (95 en Bertamiráns e 95 no Milladoiro). Ao longo do verán, 481 rapaces e rapazas asistirán á Escola de Verán 2019 en ambos núcleos.

Coa chegada das vacacións de verán, a Concellaría de Educación de Ames puxo en marcha o programa de conciliación Xuño Lúdico, no que está a participar rapazada do segundo ciclo de Infantil e de Educación Primaria entre o 22 e o 30 de xuño. En total, o Xuño Lúdico acolle a 218 nenos e nenas, que están repartidos do seguinte xeito: 112 no CEIP da Maía, de Bertamiráns; 53 na EEI do Milladoiro e 53 no CEP de Ventín. A iniciativa ofrece un amplo abano de actividades educativas e culturais pensadas para todos os rapaces e rapazas daquelas familias que precisen conciliar a súa vida familiar e laboral unha vez rematado o curso escolar. Nesta edición do programa, os cativos e cativas aprenden sobre o solsticio de verán para pechar o curso e prepararse para novas experiencias.

Eventos del departamento

O Concello de Ames organiza o mércores 31 de agosto un acto na memoria dos once concelleiros da corporación municipal de Boimorto, detidos e asasinados pola represión franquista o 20 de agosto de 1936 nos Batáns. A homenaxe servirá ademais para informar sobre os traballos realizados na parroquia de Ortoño a comezos de agosto pola Asociación para a Recuperación da Memoria Histórica (ARMH), co fin de localizar os corpos de seis dos once represaliados durante a Guerra Civil. Será ás 18:00 horas, na carballeira de Ortoño, ao carón da igrexa parroquial. Trátase dun acto aberto a toda a veciñanza que desexe asistir.

O CEIP de Barouta, dentro do programa Lectura e familias, organiza para o sábado 27 de maio a celebración da Festa da Primavera. Trátase dun evento aberto ao público. Será unha xornada lúdica que dará comezo ás 17:00 na praia fluvial de Tapia. Incluirá xogos populares, unha mesa redonda, narracións orais, contacontos, un concerto e unha tómbola.

Os alumnos e alumnas de sexto de primaria do CEIP de Barouta presentarán este xoves, 15 de decembro, a Gala de Nadal da escola, que ten como obxectivo a recadación de fondos para a realización da excursión de fin de curso. Será ás 18:00 horas, no auditorio da Casa da Cultura de Bertamiráns. As entradas, que teñen un custo de 5 euros, poden adquirirse na tenda Vainilla y Chocolate, en Bertamiráns, na conserxería do centro ou na propia Casa da Cultura, antes de que dea comezo o espectáculo.

A ANPA do CEP de Ventín organiza o 5 dedecembro na Casa da Cultura do Milladoiro, ás 18:30 horas, unha actividade formativa chamada "Para, Pensa, Conéctate contra a violencia de xénero". Nela falarase sobre o uso responsable das tecnoloxías para a prevención contra o ciberacoso e a violencia de xénero dixital.

A ANPA As Brañas e mailo CEP de Ventín organizan unha charla sobre a miopía que está dirixida ás familias. Será o venres, 3 de novembro, ás 17.00 horas, na Casa da Cultura do Milladoiro. Nesta actividade colaboran o Concello de Ames e maila Universidade de Santiago de Compostela.

O auditorio da Casa da Cultura de Bertamiráns acollerá mañá, 8 de marzo, a presentación do libro “Universo Inverso” ás 19:00 horas. Trátase dun libro de haikus que foi creado integramente polo alumnado de 6º de primaria do CEIP de Barouta, desde a redacción dos textos ás ilustracións. Durante o acto, presentado por Belén Xestal, 25 alumnas e alumnos recitarán algúns dos haikus que compoñen o libro acompañados de música en directo e de intérpretes en lingua de signos. Ademais, contarase coa actuación do grupo de danza GoPra Performance. Polo momento, o libro non estará dispoñible en librerías, pero poderá adquirirse durante a presentación ou chamando ao centro escolar para encargar algún exemplar.