Pestanas principais

Departamento de Educación

    • Enderezo: Avenida de Azcárraga, nº 5, Bertamiráns.
    • Teléfono:  981 89 14 76
    • Horario de atención ao público:
      • De luns a venres, en horario das 9:00 ás 14:00 horas.
    • Responsable municipal: Concellaría de Educación
Outros Datos: 

Novas do departamento

Este venres, 16 de agosto, comeza a última quincena da Escola de Verán. No mes de  agosto os nenos e nenas da Escola de Verán converteranse en protagonistas creando os seus propios estilos e bandas musicais. Mediante estes programas, o Concello de Ames, a través da Concellaría de Educación, busca facilitarlle ás familias a conciliación entre a vida laboral e familiar durante a época estival. Nesta segunda quincena do mes de agosto, participan no programa 190 rapaces e rapazas (95 en Bertamiráns e 95 no Milladoiro). Ao longo do verán, 481 rapaces e rapazas asistirán á Escola de Verán 2019 en ambos núcleos.

Esta semana a Escola de Verán comeza a segunda quincena de xullo, durante a que se continuará desenvolvendo a temática do arte urbano iniciada durante o programa Xuño Lúdico. Mediante estes programas, o Concello de Ames a través da Concellaría de Educación e Cultura busca facilitarlle ás familias a conciliación entre a vida laboral e familiar durante a época estival. Así, na primeira quincena participaron un total de 364 nenos e nenas, dos cales 168 o fan en Bertamiráns e 196 no Milladoiro. Ao longo do verán, hai previsto que 481 rapaces e rapazas asistan á Escola de Verán 2019 en ambos núcleos.

As nenas e nenos usuarias da Rede Municipal de Comedores Escolares celebraron este xoves 20 de xuño, penúltimo día de clase, o fin de curso cun xantar moi especial: churrasco con patacas fritas e, de sobremesa, xeado de xeo. O menú foi escollido polos propios rapaces e rapazas, nunhas eleccións organizadas, como noutros anos, polo propio Concello. As eleccións desenvolvéronse durante o horario no que se emprega o servizo de comedores no CEIP Agro do Muíño, CEIP A Maía, CEP de Ventín, CEIP de Barouta e na EEI do Milladoiro. O primeiro prato, ensalada mixta, foi escollido pola nutricionista municipal.

Ames pon en marcha unha nova edición do programa de conciliación Escola de Verán, a través do que a Concellaría de Educación busca facilitarlle ás familias a conciliación entre a vida laboral e familiar durante a época estival. Nesta primeira quincena de xullo están a participar un total de 364 nenos e nenas, dos cales 168 o fan en Bertamiráns e 196 no Milladoiro. Ao longo do verán, hai previsto que 481 rapaces e rapazas asistan á Escola de Verán 2019 en ambos núcleos.

A Xunta de Goberno Local vén de aprobar este xoves, 12 de setembro, a adxudicación da obra de construción do novo comedor do CEIP A Maía. O proxecto, que foi adxudicado á empresa Eulogio Viñal Obras y Construcciones, S.A. por un importe de 389.575,76 euros, está incluído dentro do Orzamento municipal de 2019 e será sufragado con fondos propios do Concello de Ames. Coa construción desta nova infraestrutura preténdese ampliar o número de prazas do servizo municipal de comedor escolar, xa que é unha demanda da comunidade educativa de Ames. Asemade, o alcalde de Ames, José Miñones, e o concelleiro de Educación, David Santomil, achegáronse esta mañá ata o CEIP da Maía para comunicar á dirección do centro educativo a adxudicación das obras de construción do novo comedor, cuxos traballos contan cunha duración estimada de catro meses.

O concelleiro de Educación de Ames, David Santomil, participou este mércores no curso ‘Comedores escolares ecolóxicos: avanzando cara a unha economía circular nas Reservas de Biosfera’ como relator. Durante o seu faladoiro, o concelleiro presentou algúns datos recollidos no Plan Económico e Financeiro da Rede Municipal de Comedores Escolares de Ames, realizado en colaboración coa Universidade de Vigo. Así, a charla xirou en torno a cuestións como o grao nutricional dos menús, a procedencia dos alimentos, proveedores ou os gastos do servizo. O curso, impartido en Allariz do 1 ao 5 de xullo, está organizado pola Universidade de Vigo baixo a dirección de Xavier Simón Fernández, do Grupo de investigación en Economía Ecolóxica, Agroecoloxía e Historia da universidade.

Dende o Concello estase a traballar na posta a disposición da Xunta de Galicia dos terreos necesarios para construír un novo colexio público de infantil e primaria no Milladoiro, que se atopa no último trámite no Rexistro da Propiedade dende o 13 de maio de 2019. A construción do novo CEIP do Milladoiro está incluída no Plan de Infraestruturas 2016-2020 da Xunta de Galicia e conta cun investimento estimado de 4 millóns de euros. Na visita realizada onte pola conselleira de Educación, Universidade e Formación Profesional, Carmen Pomar, ao IES de Ames, ratificou o compromiso da Xunta na construción deste novo colexio para O Milladoiro e na ampliación do CEIP Agro do Muíño.

O alcalde de Ames e responsable de Urbanismo, José Miñones, e o primeiro tenente de alcalde e concelleiro de Educación, David Santomil, mantiveron este mércores, 24 de xullo, unha xuntanza coa conselleira de Educación, Carmen Pomar e o Secretario Xeral Técnico da Consellería, Jesús Oitavén, na que se falou do compromiso común de poñer a disposición da Xunta de Galicia os terreos necesarios para ampliar o CEIP Agro do Muíño e construír o novo CEIP no Milladoiro. Asemade, tamén se falou da necesidade de elaboración do Plan Especial para a dotación de equipamentos na parcela anexa ao IES de Ames, en Bertamiráns. No primeiro dos casos, adquiriuse o compromiso de asinar os convenios necesarios para a posta de disposición dos terreos unha vez pasen os meses de verán, no primeiro trimestre do curso escolar 2019/2020.

A Concellaría de Educación continúa coa súa programación de iniciativas para favorecer a conciliación entre as familias amesás coa posta en marcha do Setembro Lúdico 2019. O prazo de inscrición permanecerá aberto ata o luns 22 de xullo, mentres que o lúdico desenvolverase os días 2, 3, 4, 5, 6, 9 e 10 de setembro. O Setembro Lúdico ofrece, como o resto dos programas lúdicos organizados polo Concello de Ames ao longo do ano, a posibilidade de solicitar o servizo de almorzo ou o de xantar. Premendo nas ligazóns dispoñibles baixo esta nova poderás obter o formulario de inscrición, a listaxe de prezos e o regulamento dos programas lúdicos.

Xa se coñece o resultado das eleccións que se celebraron a pasada semana, co obxectivo de elixir os pratos que conformarán o menú do día 20 de xuño da Rede Municipal de Comedores Escolares. Este é a décimo cuarta vez que se celebran eleccións nos comedores escolares para escoller os pratos cos que se quere despedir o ano académico. As eleccións desenvolvéronse durante o horario no que se emprega o servizo de comedores no CEIP Agro do Muíño, CEIP A Maía, CEP de Ventín, CEIP de Barouta e na EEI do Milladoiro. Co cento por cento dos votos escrutados, o churrasco con patacas fritas e o xeado de xeo (polo de limón ou laranxa) proclamáronse como os gañadores. Votaron 1.042 nenos e nenas.