Pestanas principais

Departamento de Educación

Novas do departamento

160 nenas e nenos amesáns gozan do programa de conciliación Xuño Lúdico

Coa chegada das vacacións de verán, a Concellaría de Educación de Ames puxo en marcha o programa de conciliación Xuño Lúdico, no que está a participar rapazada do segundo ciclo de infantil e de educación primaria entre o 22 e o 30 de xuño. En total, o Xuño Lúdico acolle a 160 nenas e nenos, que están repartidos do seguinte xeito: 72 no CEIP da Maía, de Bertamiráns (dos cales 38 son de infantil e 34 de primaria); 58 no EEI Milladoiro; e 80 no CEP de Ventín.

18 alumnos/as italianos participan nunha bolsa formativa Erasmus no IES de Ames

Un grupo de 18 alumnos/as italianos están participando durante esta semana nunha bolsa formativa Erasmus no IES de Ames, en Bertamiráns. Os mozos e mozas de 17 anos de idade cursan primeiro curso de bacharelato e participarán en clases de español e de tecnoloxía para mellorar as súas competencias académicas. Ademais, teñen previsto facer distintas visitas guiadas por distintas localidades galegas como Santiago de Compostela, Costa da Morte, O Grove, A Toxa, etc. Dita programación comezou esta mañá cunha visita á Casa do Concello de Ames.

190 nenos e nenas participan na última quincena da Escola de Verán

Este venres, 16 de agosto, comeza a última quincena da Escola de Verán. No mes de  agosto os nenos e nenas da Escola de Verán converteranse en protagonistas creando os seus propios estilos e bandas musicais. Mediante estes programas, o Concello de Ames, a través da Concellaría de Educación, busca facilitarlle ás familias a conciliación entre a vida laboral e familiar durante a época estival. Nesta segunda quincena do mes de agosto, participan no programa 190 rapaces e rapazas (95 en Bertamiráns e 95 no Milladoiro). Ao longo do verán, 481 rapaces e rapazas asistirán á Escola de Verán 2019 en ambos núcleos.

218 nenos e nenas amesáns participan no programa de conciliación Xuño Lúdico

Coa chegada das vacacións de verán, a Concellaría de Educación de Ames puxo en marcha o programa de conciliación Xuño Lúdico, no que está a participar rapazada do segundo ciclo de Infantil e de Educación Primaria entre o 22 e o 30 de xuño. En total, o Xuño Lúdico acolle a 218 nenos e nenas, que están repartidos do seguinte xeito: 112 no CEIP da Maía, de Bertamiráns; 53 na EEI do Milladoiro e 53 no CEP de Ventín. A iniciativa ofrece un amplo abano de actividades educativas e culturais pensadas para todos os rapaces e rapazas daquelas familias que precisen conciliar a súa vida familiar e laboral unha vez rematado o curso escolar. Nesta edición do programa, os cativos e cativas aprenden sobre o solsticio de verán para pechar o curso e prepararse para novas experiencias.

3.727 alumnos/as de educación infantil, primaria e secundaria inician o curso escolar en Ames

Dá comezo o curso escolar 23/24 no concello de Ames, cun total de 3.727 alumnos/as de infantil, primaria e secundaria que inician o curso escolar e a posta en funcionamento de novo dos seus servizos complementarios que tan boa acollida teñen entre os usuarios e usuarias, que volveron a superar os 2.200 usuarios/as sumando todos os servizos de conciliación ou complementarios que oferta o Concello.

3.837 alumnos/as de educación infantil, primaria e secundaria iniciaron hoxe o curso escolar en Ames

Un total de 3.837 nenos/as e mozos/as do concello de Ames deron comezo esta mañá a un novo curso escolar. Os colexios, a escola de educación infantil do Milladoiro, as escolas unitarias e mailos institutos abriron as súas portas con total normalidade. Previamente, durante os meses de verán, no marco do plan de mantemento estival que se realiza todos os anos, o Concello executou diversos traballos de mantemento e reparación nos centros escolares do municipio. 2.165 alumnos/as están matriculados en escolas e colexios públicos de infantil e primaria, mentres que 1.332 rapaces e rapazas están matriculados nos dous institutos amesáns. Ademais, hai que engadir 340 rapaces e rapazas que cursan estudos de infantil primaria e secundaria no colexio Alca, que é o único centro concertado do concello.

363 nenos e nenas participan na Escola de Verán que deu comezo o luns 3 de xullo

Este luns, 3 de xullo, deu comezo unha nova edición da Escola de Verán, que se está desenvolvendo no CEIP da Maía, no CEP de Ventín e na EEI do Milladoiro. Un total de 363 nenos e nenas están a participar no programa de conciliación, unha iniciativa que pretende ofrecer unha alternativa de ocio e tempo libre aos nenos e nenas. A programación durante a primeira quincena de xullo xira arredor das emocións.

403 rapaces e rapazas participarán na Escola de Verán durante os meses de xullo e agosto

O pasado venres, 1 de xullo, comezou unha nova edición da Escola de Verán, que este ano se desenvolve no CEIP da Maía, no CEP de Ventín e na EEI do Milladoiro. Durante a primeira quincena deste mes de xullo, 330 nenos e nenas están participando neste programa de conciliación que pretende ofrecer unha alternativa de ocio e tempo libre aos nenos e nenas do concello de Ames no período estival. A temática das actividades durante a primeira quincena de xullo é “O noso contorno: os contornos naturais e humanos máis próximos”. Ao longo do verán, está previsto que 403 rapaces e rapazas asistan á Escola de Verán durante os meses de xullo e agosto.

58 nenos e nenas participan no Setembro Lúdico

Este martes, 1 de setembro, comezou unha nova edición do Setembro Lúdico con 58 participantes. A través deste programa trátase de facilitar a conciliación das familias amesáns antes do inicio do curso escolar. Este programa lúdico estase desenvolvendo no CEIP da Maía, EEI do Milladoiro e CEP de Ventín. Para o desenvolvemento de dito programa estase seguindo un protocolo de seguridade que, entre outras medidas, divide aos rapaces e rapazas en grupos de 15 usuarios/as como máximo, xunto con dous/dúas monitoras. Estes grupos de nenos/as están nunha parte específica das instalacións do centro educativo e non se mesturan cos usuarios/as do resto de grupos.

63 familias de Ames dispoñen de gratuidade para segundos fillos/as nas Escolas Infantís Municipais de Ames

Desde o 1 de xaneiro, só os irmáns e as irmás maiores pagan a atención educativa nas Escolas Infantís Municipais de O Bosque e a Madalena. En Ames son 63 as familias ás que lles afecta esta bonificación. Destas cuestións falouse onte na reunión telemática da Comisión de seguimento do Consorcio Galego de Igualdade e Benestar á que asistiron o concelleiro de Educación, David Santomil, a concelleira de Facenda, Genma Otero e a técnica do departamento de Educación, Rosa García. Na mesma reunión deuse conta do estado das liquidacións e do cofinanciamento das escolas infantís da rede Galiña Azul.

Eventos del departamento

>Romaría fin de curso CEIP de Barouta

O CEIP de Barouta organiza o venres 21 de xuño a celebración da Romaría de Fin de Curso 2024. Trátase dun evento aberto ao público. Será unha xornada lúdica que dará comezo ás 10:00 nas instalacións do centro educativo. Incluirá un roteiro, un xantar colaborativo, xogos, deportes e música, ademais da cerimonia de graduación do alumnado de 6º de Educación Primaria.