Pestanas principais

Departamento de Deportes

    • Enderezo: Praza do Concello, nº 2, Bertamiráns.
    • Teléfono:  981 88 30 02 / 619 84 25 04
    • Horario de atención ao público:
      • De luns a venres, en horario das 9:00 ás 14:00 horas.
    • Responsable municipal: Concellaría de Deportes
    • Responsable técnico: Alberto Viaño Moure.
Outros Datos: 
  • Programación escolas deportivas 2023-2024
  • Funcions:
    • Deseñar proxectos deportivos: escolas deportivas, eventos deportivos...
    • Planificar e xestionar programas deportivos e elaborar estratexias de funcionamento.
    • Incentivar a participación cidadá tanto nas actividades como na creación deportiva.
    • Asesorar e informar aos grupos e entidades deportivas do concello, así como ao público en xeral.
    • Colaborar nas programacións da Deputación: Campaña de esqui, campamentos deportivos, circuíto de carreiras populares...
    • Xestionar as subvencións correspondente á área de deportes, ben sexan as da Deputación ou as convocatorias propias do Concello de Ames de apoio ás asociacións deportivas e clubs.
    • Xestionar as instalacións deportivas municipais (pavillóns polideportivos, campos de fútbol e piscinas descubertas municipais).
  • Normativa:
  • Novas relacionadas
  • Axenda

Novas do departamento

Ames acolle a Volta a España o 5 setembro

A Volta a España 2021 vai atravesar o concello de Ames. Será o domingo 5 de setembro nunha contrareloxo individual. Os corredores sairán de Padrón ás 16:30 e agárdase que os primeiros ciclistas pasen por Bertamiráns ás 16:57 ata percorrer os 33,8 km que os separan da praza do Obradoiro en Santiago de Compostela.

Ames acolle a XVII Carreira Ciclista do Pavo o domingo 22 de decembro

A localidade de Bertamiráns acolle o domingo, 22 de decembro, a partir das 11.00 horas, a décimo sétima edición da Carreira Ciclista do Pavo. Organizada pola Asociación Galega de Ciclistas, en colaboración coa Federación Galega de Ciclismo e co Concello de Ames, nela poderán participar tanto adultos como os máis pequenos da casa. As inscricións para os/as ciclistas federados/as poden facerse na páxina web da federación (tamén o poden facer o propio día da carreira), mentres que as persoas non federadas teñen que enviar un correo electrónico a begonaalonso@mundo-r.com ou chamar ao  número de teléfono 677 555 748. Em ambos casos as inscricións poden tramitarse ata o venres 13 de decembro.

Ames acolle de novo este domingo, 16 de marzo, a segunda proba do circuíto Transgalaica 2025

O concello de Ames acolle un ano máis a segunda proba do circuíto de ciclismo de montaña Transgalaica 2025. Este domingo, 16 de marzo, será a novena ocasión na que o concello acolla este evento deportivo, unha das citas con maior repercusión no mundo do ciclismo no noroeste español. Esta proba, organizada polo club ciclista amesán Os Esfola Arrós e a empresa Team Relay (Transgalaica), conta coa colaboración do Concello de Ames. A saída realizarase dende o Pazo da Peregrina de Bertamiráns ás 9:30 horas, onde comezará un circuíto de 32 quilómetros que haberá que percorrer dúas veces, facendo así en total unha proba de 64 quilómetros. As inscricións están abertas ata este mércores 12 de marzo, ás 23:59 horas. Ata este momento hai inscritos 159 ciclistas. As inscrición pódese facer premendo nesta ligazón ou a través da web magmasports.es.

Ames acolle esta fin de semana a segunda proba do circuíto Transgalaica 2024

O concello de Ames acolle un ano máis a segunda proba do circuíto de ciclismo de montaña Transgalaica 2024. Este domingo, 10 de marzo, será a oitava ocasión na que o concello celebre este evento deportivo, unha das citas máis importantes do ciclismo no noroeste español. Esta proba, organizada polo club ciclista amesán Os Esfola Arrós e a empresa Team Relay, conta coa colaboración do Concello de Ames. A saída realizarase dende o Pazo da Peregrina de Bertamiráns ás 9:30 horas, onde comezará un circuíto de 32 quilómetros que haberá que percorrer dúas veces. As inscricións están abertas ata este mércores 6 de marzo, ás 23:59 horas. Ata este momento hai inscritos 206 ciclistas. As inscrición pódese facer premendo nesta ligazón ou accedendo á web magmasports.es.

Ames acolle este domingo a XV edición da Carreira Ciclista do Pavo

Bertamiráns acollerá unha nova edición da Carreira Ciclista do Pavo este domingo, 18 de decembro. As actividades darán comezo ás 11:00 horas, cunha xincana para os máis pequenos, mentres que a proba se iniciará ás 12:00 horas. Ao remate da carreira realizaráselle unha homenaxe ao ciclista estradense Álex Marque. As inscricións xa están abertas: os participantes federados deberán anotarse a través da páxina web da Federación Galega de Ciclismo, mentres que aqueles que non posúan licenza poden facelo enviando os seus datos ao enderezo electrónico begonaalonso@mundo-r.com.

Ames acolle este domingo un curso gratuíto de defensa persoal feminina

A Concellería de Deportes colabora este domingo 24 de outubro, das 10.00 ás 13.00 horas, nun obradoiro de defensa persoal feminina no Ximnasio Pavillón municipal de Bertamiráns. O curso é de balde e está organizado pola Asociación de artes marciais Bujutsu Sosei. O prazo de inscrición xa está aberto e farase a través do teléfono 665 841 036, aportando nome e apelidos.

Ames acolle este domingo, 12 de marzo, a segunda proba do circuíto Transgalaica 2023

O concello de Ames volve acoller este domingo, 12 de marzo, a segunda proba do circuíto de ciclismo de montaña Transgalaica 2023. Será a sétima ocasión na que o concello celebre este evento deportivo, unha das máis importantes do ciclismo no noroeste español. Esta proba está organizada polo club ciclista amesán Os Esfola Arrós e a empresa Team Relay, e conta coa colaboración do Concello de Ames. A saída realizarase dende o Pazo da Peregrina de Bertamiráns ás 9:30 horas, onde comezará un circuíto de 33 quilómetros que haberá que percorrer dúas veces. As inscricións están abertas ata este mércores 8 de marzo, ás 23:59 horas. Ata este momento hai inscritos 205 ciclistas. As inscrición pódese facer premendo nesta ligazón ou accedendo á web magmasports.es.

Ames acolle este domingo, 8 de marzo, a segunda proba do circuíto Transgalaica 2020

A segunda proba do circuíto Transgalaica 2020 celebrarase este domingo, 8 de marzo, no concello de Ames. O circuíto está composto por catro probas. A primeira realizouse o 23 de febreiro en Cerdedo-Cotobade. As dúas probas restantes desenvolveranse na Estrada e Silleda. Esta mañá tivo lugar a presentación da quinta edición desta proba que se realiza en Ames, grazas á iniciativa do Club de ciclismo amesán os Esfola Arrós e que conta coa colaboración do Concello de Ames. A saída realizarase ás 9:30 horas dende o Pazo da Peregrina de Bertamiráns. O prazo de inscrición remata este mércores, 4 de marzo, ás 23:59 horas. As inscricións pódense realizar en www.magmasports.es.

Ames acolle este sábado o primeiro derbi galego de fútbol sala entre o Noia Portus Apostoli e o Pescados Rubén Burela

O Fútbol Club Meigas e mailo Concello de Ames organizan este sábado, 7 de setembro, ás 19.00 horas, no pavillón de Bertamiráns, o primeiro derbi galego da categoría de primeira de fútbol sala, que enfrontará ao Noia Portus Apostoli e o Pescados Rubén Burela. Trátase dun derbi inédito, xa que vai ser a primeira vez que coincidan estes dous equipos na máxima categoría nacional de fútbol sala masculino. Ademais, na actualidade son os dous únicos equipos que compiten nesta categoría.

Ames acolle o I Torneo Camino De Santiago de Croquet

Os días 3, 4 e 5 de setembro, o Real Aeroclub de Santiago será o escenario do I Torneo Camino de Santiago de Croquet GC, unha competición na que se conta coa participación dos mellores xogadores de España, entre os que destaca Jose Álvarez Sala, Campión de Europeo. O campionato ampárase  pola Federación Española de Croquet.

Eventos del departamento

>Gala de patinaxe artística OMEGA

O sábado 16 de decembro, ás 19:30 horas, terá lugar no Pavillón do Milladoiro a gala do clube de patinaxe artística Omega.

>Gala de patinaxe artística Sarela

O venres 22 de decembro, ás 16:30 horas, terá lugar no Pavillón de Bertamiráns a gala do clube de patinaxe artística Sarela.

>Gladiator Kids

Unha das novidades deste ano no programa de Nadal en Ames é a carreira de obstáculos “Gladiator Kids” o sábado 28, ás 16.30 horas na Área deportiva do Milladoiro. Unha actividade dirixida aos pequenos de entre 3 e 12 anos na que poñerán a proba a súa resistencia e forza con retos adaptados a eles. Con todo, os pais tamén poden inscribirse para participar e pasar así unha xornada familiar diferente.

>I Carreira-Andaina d@s Inocentes

A carreira-andaina, destinada a todos os públicos, realizarase dende a Praza de Chavian en Bertamiráns. Para inscribirse preme neste enlace.

A inscrición é de balde para os menores de idade e cun prezo de 6 euros para os adultos, que serán destinados a SOGAPS (Solidariedade Galega co Pobo Saharaui).

>I Cros Concello de Ames – Campionato Xunta de Galicia de campo a través absoluto por remudas mixto

Ames, que será a súa vez Campionato da Xunta de Galicia de campo a través absoluto por remudas mixto. As probas realizaranse o sábado 12 de outubro, na localidade de Aldea Nova, a carón das pistas municipais de tenis de dita localidade. A saída e chegada de cada proba farase preto dese punto, o cal estará debidamente sinalizado. Para dispor de máis información e tramitar a inscrición preme nesta ligazón.

>I Torneo 3x3 de baloncesto de Ames

O Concello de Ames, a través do departamento de Deportes, organiza para o venres 9 de agosto a primeira edición do Torneo 3x3 de baloncesto. Será de 16.00 a 21.00 horas na área deportiva de Bertamiráns, xunto ao pavillón polideportivo. Haberá cinco categorías diferentes: U13 mixto, U17 masculino, U17 femenino, sénior masculino e sénior feminino. Este torneo completa a programación das festas da Peregrina, en Bertamiráns, que se celebrarán dende o mércores 7 ata o domingo 11 de agosto. Para participar é necesario inscribirse premendo nesta ligazón. A inscrición é gratuíta. As inscrición pódense tramitar ata o 7 de agosto ás 12.00 horas.

>I Torneo de Baloncesto 3X3 XL Milladoiro

O club XL Milladoiro, en colaboración co Concello de Ames, organiza para este domingo, 8 de decembro, o primeiro torneo de baloncesto 3x3. Esta actividade desenvolverase no pavillón do Milladoiro, en horario de 15:30 a 21:00 horas. Haberá unha única categoría mixta que abarca desde os 15 ata os 99 anos. O máximo de xogadores/as por equipo será de 5, mentres o mínimo está establecido en 3. As persoas que non teñan equipo, poden presenten igual no pavillón, xa que entre os/as que asistan formásense equipos. A inscrición é gratuíta e haberá facela de xeito presencial no propio pavillón. Tamén se fará un concurso de triplos.

>I Trofeo de Marcha en Ruta

O domingo 24 de marzo celébrase no Milladoiro a primeira edición do Trofeo de Marcha Atlética en ruta, que puntúa para o Circuíto Galego de Marcha Atlética 2024. Poderán intervir atletas con licenza en vigor pola Federación Galega de Atletismo.

>II Aberto de San Xoán

Entre o 22 e o 30 de xuño, as pistas de tenis de Aldea Nova acollen a segunda edición Aberto de San Xoán, un torneo de tenis organizado polo club de tenis Val da Maía en colaboración co departamento de Deportes do Concello de Ames. As categorías para participar son alevín, infantil, junior, absoluto e veteranos+35. Todas elas contarán con categoría feminina e masculina

>II Trail e Andaina Ribeiras do Tambre

Organizado polo Concello de Ames e maila Federación Galega de Atletismo, o horario de saída do trail será ás 10.00 horas dende Ponte Maceira. Minutos despois, ás 10.05 horas, procederase á saída da andaina. Ambos teñen como meta o real Aeroclub de Santiago (Ameixenda). Para participar é necesario inscribirse en www.carreirasgalegas.com ou en www.emesports.es antes do mércores 19 de febreiro ás 23:59 horas.