Pestanas principais

Departamento de Cultura

    • Enderezo: Casa da Cultura do Milladoiro. Travesia do Porto, s/n, O Milladoiro. 15895 Ames.
    • Teléfono:  662 37 74 44
    • Responsable municipal: Concellaría de Cultura
    • Responsable técnico: María José Vázquez Bermúdez, Técnica de Animación Sociocultural.
Outros Datos: 
  • Funciones:
    • Xestionar as actividades e eventos que desde o Departamento de Cultura se poñen en marcha, responsabilizándose do seu adecuado desenvolvemento.
    • Informar e asesorar aos grupos e entidades culturais do concello, así como ao público en xeral, valorar as demandas dos cidadás e incentivar a participación.
    • Xestionar os programas culturais que oferta a Deputación, Rede Cultural, Xunta de Galicia, AGADIC e Cultura no Camiño. Solicitude,desenvolvemento, xustificación.
    • Tramitar as axudas económicas correspondentes á área de cultura, tanto as que se solicitan desde o Concello, coma as que se convocan desde a Concellaría de Educación e Cultura de apoio as entidades culturais e comisións de festas.
    • Coordinar e xestionar as Escolas Culturais Municipais.

Novas do departamento

Ames pecha o Ciclo Mestre Mateo coa proxección de “Jacinto”, o mércores 30 de novembro

A Concellaría de Cultura de Ames retoma unha vez máis as proxeccións do Ciclo Mestre Mateo, desta volta co filme “Jacinto”, que foi nominado en once categorías nos XX Premios Mestre Mateo. A película conta a historia de Jacinto, un adulto con mentalidade infantil ao que lle cambia a vida a chegada de dúas novas veciñas á súa aldea. Trátase da última das proxeccións deste circuíto, e será o mércores 30 de novembro na Casa da Cultura de Bertamiráns, ás 20:00 horas. Os convites, de balde, xa se poden retirar na Billeteira electrónica do Concello de Ames.

Ames pecha o verán coa actuación da orquestra Olympus no Milladoiro

O Concello de Ames reprogramou a actuación da orquestra Olympus para o venres 19 de setembro. Dita actuación, que se enmarca na programación do Ames en Festas 2025, estaba prevista para o martes 5 de agosto como peche das festas da Madalena, pero tivo que ser cancelada por motivos meteorolóxicos (fortes refachos de vento) ao non garantir a seguridade dos asistentes e do equipo da propia orquestra. Finalmente, a actuación da orquestra Olympus farase o 19 de setembro como festa de final de verán, no aparcadoiro do SuperCor, en horario de 21.00 a 00.00 horas.

Ames presenta unha nova edición do Abril de Cine

O auditorio da Casa da Cultura do Milladoiro acolleu esta mañá o acto de presentación dunha nova edición do ciclo de cinema Abril de Cine para este 2026, que dará comezo o vindeiro 9 de abril e que está enmarcada dentro da programación deseñada polo departamento de Cultura. Durante todo este mes proxectaranse tres películas de actualidade, todas elas os xoves, a partir das 20.00 horas, no auditorio da Casa da Cultura do Milladoiro.  As entradas xa están dispoñibles na Billeteira Electrónica do Concello de Ames.

Ames procura filmes infantís e xuvenís para a sexta edición do festival Cinema Miúdo

O festival de cinema infantil e xuvenil do Concello de Ames, que conta co apoio da Deputación da Coruña, abre a convocatoria de filmes a cineastas de calquera nacionalidade que deberán inscribir os seus traballos antes do 4 de setembro. O certame internacional destinado a público infantil e xuvenil celebrarase do 16 ao 19 de novembro nas Casas da Cultura de Bertamiráns e O Milladoiro. A inscrición de curtametraxes está aberta a realizadoras e realizadores de todo o mundo. Nesta sexta edición a programación xirará arredor das familias, facendo fincapé na súa diversidade e amosando familias de todo tipo e varias partes do mundo.

Ames procura filmes infantís e xuvenís para a VII edición do certame Cinema miúdo

O festival de cinema infantil e xuvenil do Concello de Ames, que conta coa colaboración da Deputación da Coruña, abre a convocatoria para que cineastas de calquera nacionalidade poidan participar cos seus filmes. A inscrición estará aberta ata o 26 de agosto. A sétima edición do certame celebrara do 14 ao 17 de novembro nas Casas da Cultura de Bertamiráns e O Milladoiro. Este ano, a programación xirará arredor do poder educativo e de cambio social que ten o cinema na sociedade. As bases de participación pódense consultar premendo nesta ligazón.

Ames programa a Mostra de Teatro Afeccionado para os días 4, 5, 6, 7 e 8 de decembro

O Concello de Ames, a través da Concellaría de Cultura, volve a programar a Mostra de Teatro Afeccionado. Deste xeito, o auditorio da Casa da Cultura do Milladoiro e mailo local social de Bugallido acollerán, os días 4, 5, 6, 7 e 8 de decembro, cinco representacións teatrais a cargo de compañías de Ames, Teo, Brión, Outes e Ribeira. Os convites poden adquirirse na Billeteira electrónica. No caso de haber convites dispoñibles, tamén se poden coller o propio día do espectáculo. Para ver a obra A Visita en Bugallido a entrada é libre ata completar aforo, non é preciso sacar convites na Billeteira como para as outras representacións teatrais que son no auditorio da Casa da Cultura do Milladoiro.

Ames Radio comeza a emitir os trece programas que forman parte do seu espazo de Radio Cidadá

A radio municipal de Ames, Ames Radio, comezou a emitir durante a última semana de outubro os programas que se enmarcan dentro do proxecto Radio Cidadá, unha iniciativa que ten como obxectivo invitar á veciñanza a crear os seus propios espazos radiofónicos. Este ano hai trece programas, que formarán parte da grella de Ames Radio ata o próximo mes de xuño, dos cales dez xa foran emitidos en edicións pasadas, mentres que outros tres son de nova incorporación. Neles abórdanse diversos temas, como a música, a saúde ou a economía.

Ames recibe o mes de xullo cunha nova edición de Bibliopiscinas

O Concello de Ames dálle a benvida ao verán cunha nova edición do servizo de Bibliopiscinas, que se desenvolve durante os meses de xullo e agosto nas piscinas descubertas de Bertamiráns e Milladoiro, así como na área recreativa de Tapia. Esta iniciativa, impulsada pola Concellaría de Cultura, ten como obxectivo achegarlle á veciñanza os servizos tradicionais das bibliotecas a estas zonas de ocio, para que poidan gozar dos libros, xogos, contos, xornais e outras actividades mentres se refrescan. Nestes primeiros días de xullo, este servizo non se desenvolverá na piscina do Milladoiro por mor dos traballos de acondicionamento que se están a realizar nas instalacións.

Ames retoma a actividade cultural co espectáculo “Mozart á Galega” que se celebrará o 25 de xuño no Pazo da Peregrina de Bertamiráns

Pasada a cautela inicial, o Concello de Ames, a través da Concellaría de Cultura, está organizando a programación cultural de verán, con cambios de data, formato, e adaptándose ás novas necesidades no eido cultural. Deste xeito, a actividade cultural volve este xoves, 25 de xuño, ás 22.00 horas, co espectáculo “Mozart á Galega”, que se desenvolverá no Pazo da Peregrina, en Bertamiráns. A seguinte actuación será o Festival de Jazz, no Pazo da Peregrina de Bertamiráns, o sábado 4 de xullo.

Ames retoma a actividade cultural con espectáculos musicais, teatro e danza

A Concellería de Cultura informa das actividades de artes escénicas que se van realizar, de xeito máis inmediato, durante este mes de decembro. Xa se poden adquirir as entradas a través da billeteira electrónica do Concello de Ames. A programación arranca o vindeiro venres, 11 de decembro, co concerto do grupo Milladoiro. A próxima semana anunciarase a programación de actividades que se desenvolverán durante o Nadal de 2020.

Eventos del departamento

>Cine Outono: "+Cuñados"

O sétimo arte ten un oco na programación de outono a través da iniciativa “Cine Outono”, que recolle a proxección de tres filmes na Casa da Cultura do Milladoiro durante o mes de novembro, sempre ás 20:00 horas. A primeira será “As Neves”, o día 12; de seguido chegará “Cuñados” o 19 de novembro; e pechará o ciclo o filme “Os espazos en branco o día 26.

>Cine Outono: "As Neves"

O sétimo arte ten un oco na programación de outono a través da iniciativa “Cine Outono”, que recolle a proxección de tres filmes na Casa da Cultura do Milladoiro durante o mes de novembro, sempre ás 20:00 horas. A primeira será “As Neves”, o día 12; de seguido chegará “Cuñados” o 19 de novembro; e pechará o ciclo o filme “Os espazos en branco o día 26.

>Cine Outono: "Os espazos en branco"

O sétimo arte ten un oco na programación de outono a través da iniciativa “Cine Outono”, que recolle a proxección de tres filmes na Casa da Cultura do Milladoiro durante o mes de novembro, sempre ás 20:00 horas. A primeira será “As Neves”, o día 12; de seguido chegará “Cuñados” o 19 de novembro; e pechará o ciclo o filme “Os espazos en branco o día 26.

>Cine: "A Illa das Mentiras"

O programa "Abril de Cine", organizado pola Concellaría de Cultura, proxectará a película "A Illa das Mentiras" o mércores 14 de abril. Terá lugar na Casa da Cultura do Milladoiro, ás 20:00 horas.

>Cine: "Negro púrpura"

O mércores 10 de novembro, ás 20.30 horas, na Casa da Cultura de Bertamiráns proxectarase o cine documental, dirixido a aldutos, "Negro púrpura". Reserve o seu convite na billeteira electrónica.

>Cine: "Ons"

O programa "Abril de Cine", organizado pola Concellaría de Cultura, estréase coa proxección da película Ons o mércores 7 de abril. Terá lugar na Casa da Cultura de Bertamiráns, ás 20:00 horas.

>Cine: "Trote"

O programa "Abril de Cine", organizado pola Concellaría de Cultura, proxectará a película "Trote" o mércores 21 de abril. Terá lugar na Casa da Cultura de Bertamiráns, ás 20:00 horas.

>Cinema miúdo

Os días 16, 17, 18 e 19 de novembro, as casas da Cultura do Milladoiro e de Bertamiráns acollen o festival internacional de cine infantil e familiar para promover o gusto polo cinema entre as crianzas.

>Cinema: proxección de O Corno

O Concello de Ames, a través da Concellaría de Cultura, programa un novo ciclo de cine durante o mes de novembro no que se proxectarán os filmes O Corno, de Jaione Camborda, que gañou a Concha de ouro á mellor película no Festival de cine de San Sebastián 2023; e Salta, de Olga Osorio, unha longametraxe que adapta a curta Einstein-Rosen, realizada previamente pola propia directora. Ambas as dúas proxección serán no auditorio da Casa da Cultura do Milladoiro os martes 7 e 14 de novembro ás 20.00 horas. Ao final das proxeccións haberá un coloquio coas directoras dos filmes. As entradas xa se poden adquirir a través da Billeteira electrónica.

>Cinema: proxección de Salta

O Concello de Ames, a través da Concellaría de Cultura, programa un novo ciclo de cine durante o mes de novembro no que se proxectarán os filmes O Corno, de Jaione Camborda, que gañou a Concha de ouro á mellor película no Festival de cine de San Sebastián 2023; e Salta, de Olga Osorio, unha longametraxe que adapta a curta Einstein-Rosen, realizada previamente pola propia directora. Ambas as dúas proxección serán no auditorio da Casa da Cultura do Milladoiro os martes 7 e 14 de novembro ás 20.00 horas. Ao final das proxeccións haberá un coloquio coas directoras dos filmes. As entradas xa se poden adquirir a través da Billeteira electrónica.