Solapas principales

Departamento de Bienestar Social

    • Unidad Municipal de Servicios Sociales de Bertamiráns (UTS BERTAMIRÁNS): Praza de Chavián s/n, Bertamiráns, 15220 - Ames (A Coruña)
      • Teléfono:  981 89 09 64
      • Horario de atención al público: Lunes a viernes de 9:00h a 14:00h
    • Unidad Municipal de Servicios Sociales de O Milladoiro (UTS MILLADOIRO): Rúa de Abaixo, nº 10, O Milladoiro, 15895 - A Coruña
      • Teléfono:981 53 59 41
      • Horario de atención al público: Lunes a viernes de 9:00h a 14:00h
    • Responsable municipal: Concejalía de Bienestar Social
Otros Datos: 
  • Programación actividades Amessan 2020-2021
  • Estructura del servicio:
    UTS : Milladoiro y Bertamiráns
    Las UTS o Unidades de Trabajo Social son la "puerta de entrada" al Sistema de Servicios Sociales y ofrecen un Servicio de Información público, para toda la población, desde donde se facilita de forma profesional y confidencial, información sobre los servicios sociales, recursos y prestaciones a disposición de las ciudadanas y ciudadanos, así como los derechos que tienen tanto a nivel individual como grupal.
  • Funciones
    En ellas se valoran las necesidades, se orienta a los recursos más idóneos, y se interviene cuando las personas así lo demandan, de cara a garantizar una atención personal y social de calidad, ofreciendo:
    • Información , valoración, diagnóstico y orientación  en cuanto a  derechos, recursos e intervenciones sociales.
    • Gestión del Servicio de Ayuda en el Hogar, Xantar na Casa, Hogar de tránsito, Programa de alimentos, Renta Básica Municipal, ayudas de emergencia  social.
    • Actuaciones preventivas de las situaciones de riesgo y necesidad social del conjunto de la población, intervenido para conseguir la integración social.
  • Noticias relacionadas
  • Agenda

Noticias del departamento

Ames celebra unha nova edición do Encontro Intercultural o sábado 17 de xuño no Pazo da Peregrina

O vindeiro sábado, 17 de xuño, a partir das 12.00 horas, celebrase en Ames un novo Encontro Intercultural no Pazo da Peregrina, en Bertamiráns. Ademais da degustación de pratos típicos de diferentes nacionalidades, os asistentes poderán desfrutar dun obradoiro de cociña denominado “Cambio climático no prato”, da peza teatral “Vaia Tea!” de Xucrut Teatre, dunha actuación musical a cargo do músico venezolano Misael Sánchez e dun posto informativo e de venda de comercio xusto. Para participar no obradoiro de cociña hai que inscribirse previamente a través deste formulario web. Trátase dun obradoiro de cociña sostible para concienciar á poboación sobre a cociña de aproveitamento.

Ames celebrará o Día da Muller cunha ruta urbana circular que pon en valor a varias mulleres relevantes, entre elas á escritora amesá Filomena Fraga

Esta mañá presentouse a “Ruta urbana 8M”, un roteiro circular polas zonas verdes de Bertamiráns no que se instalaron monólitos dedicados a mulleres relevantes, entre elas a escritora e veciña de ames, Filomena Fraga. A ruta constitúe a acción principal de “Ames en igualdade”, a campaña coa que o Concello de Ames conmemora este ano o 8 de marzo. Ademais, o propio Día  da Muller, ás 18:30 horas, cos lugares marcados, mantendo as distancias de seguridade e as medidas hixiénico sanitarias que impón a loita contra a pandemia, terá lugar o acto central do 8M na praza do Concello. Como adoita acontecer todos os anos, lerase o Manifesto Institucional. Após da lectura, a celebración continuará na praza da Maía, onde se descubrirá o monólito que se dedica á escritora e veciña de Ames, Filomena Fraga na ruta M8. Ademais, hoxe, 5 de marzo, proxectase o filme “María Soliña” nunha nova sesión de autocine no Milladoiro. Preme nestas ligazóns para descargar as fichas coa biografía das Mulleres Magníficas e mailas postais de 8M Mulleres Magníficas.

Ames celebrou o Día Internacional da Muller cun acto institucional e unha andaina guiada pola ruta 8M

O Concello de Ames conmemorou este martes, 8 de marzo, o Día Internacional da Muller cun acto institucional na praza do Concello, en Bertamiráns. As encargadas de dar lectura ao manifesto institucional foron o alcalde, Blas García; a concelleira de Igualdade, Luísa Feijóo; a concelleira de Economía e Facenda, Genma Otero; a concelleira de Mocidade e Normalización Lingüística, Escarlata Pampín; a voceira do grupo municipal popular, Oliva Agra; e mailo concelleiro de Ames Novo, Quique Costas. Ao rematar, realizouse de forma guiada a ruta urbana 8M partindo dende a praza da Maía, onde o pasado ano se instalara un monólito en honra á escritora amesá Filomena Fraga. Pódense consultar os actos do 8M ao completo premendo nesta ligazón.

Ames colabora co programa galego de acollida temporal a mulleres defensoras de dereitos humanos Galicia Abriga

O Concello de Ames, a través da Concellaría de Benestar Social, vén de aboar o pagamento dunha axuda de 2.000 euros, que se enmarca no convenio subscrito coa entidade Solidariedade Internacional de Galicia, co obxecto de colaborar co programa galego de acollida temporal a mulleres defensoras de dereitos humanos denominado Galicia Abriga. Trátase dun programa de acollida temporal para mulleres que defenden os dereitos humanos en países con presenza da cooperación galega.

Ames colabora na organización da charla informativa sobre o novo regulamento de estranxeiría

A Casa da Cultura do Milladoiro acolle o vindeiro martes, 20 de maio, de 10:00 a 13:30 horas, a charla informativa para persoas migrantes sobre o novo regulamento de estranxeiría. O xefe da Oficina de Estranxeiría da Coruña, Julio Simón, impartirá unha charla informativa; ofrecerase asesoramento en trámites e xestións habituais na Administración electrónica; e abordarase a tramitación de certificado dixital ou cl@ve permanente con informáticos da Subdelegación do Goberno. Esta actividade está financiada polo Ministerio de Política Territorial do Goberno de España. Para participar nesta actividade ofértanse 50 prazas (25 para persoal técnico e 25 para público en xeral). Hai que enviar un correo electrónico a servizos_sociaismilla@concellodeames.gal. A data límite para inscribirse é o venres 16 de maio.

Ames conmemora este venres, 8 de marzo, o Día Internacional da Muller cun acto institucional na praza do Concello

Ames conmemora este venres, 8 de marzo, o Día Internacional da Muller co evento central da súa programación con motivo do 8M, un acto institucional da praza do Concello, en Bertamiráns. Arredor das 11:00 lerase o manifesto institucional e repartirase material promocional. Hoxe, 7 de marzo, a Casa da Cultura de Bertamiráns acolleu a representación de “As Fillas Bravas de Momán”, do Grupo Chévere. Esta representación teatral estivo dirixida ao alumnado dos IES de Bertamiráns e do Milladoiro. A programación completa pode consultarse premendo nesta ligazón.

Ames conmemora o 25N coa lectura do manifesto institucional e a actuación musical de Belén Tajes

O Concello de Ames, a través da Concellería de Igualdade, organizou un ano máis unha programación específica para conmemorar o Día Internacional da eliminación da violencia contra a muller. A programación comezou coa entrega nos colexios de infantil e primaria de lotes de libros sobre o Día Internacional da Eliminación da Violencia contra a Muller. Hoxe martes, 25 de novembro, deuse lectura ao manifesto institucional na praza do Concello e contouse coa actuación musical de Belén Tajes. O venres 28 de novembro celebraranse as Xornadas Achégate á Igualdade, que se desenvolverán na Casa da Cultura do Milladoiro. Ademais, o venres 28 o alumnado do instituto de Bertamiráns participará nunha actividade de formación sobre anti-bulling con defensa persoal.

Ames conmemora o 25N con diversas actividades de concienciación sobre a violencia machista

O Concello de Ames, a través da Concellería de Benestar Social e Igualdade, organiza un ano máis unha programación específica para conmemorar o Día Internacional da eliminación da violencia contra a muller. A programación comeza coa entrega nos colexios de infantil e primaria de lotes de libros sobre o Día Internacional da Eliminación da Violencia contra a Muller. O martes 25 darase lectura ao manifesto institucional na praza do Concello e contarase coa actuación musical de Belén Tajes. O venres 28 de novembro celebraranse as Xornadas Achégate á Igualdade, que se desenvolverán na Casa da Cultura do Milladoiro. Ademais, o venres 28 o alumnado do instituto de Bertamiráns participará nunha actividade de formación sobre anti-bulling con defensa persoal.

Ames conmemora o 25N cunha campaña propia a base de bandeirolas, vinilos e máscaras contra as violencias

A campaña “Ames corta co machismo”, artellada desde o propio departamento de Benestar Social a base vinilos, bandeirolas e máscaras que reflicten mensaxes e frases alusivas a comportamentos machistas, ademais da proxección de dúas películas no marco do Autocine “Ames Drive Cinema”, súmanse este ano, como novidades, ás xa tradicionais Xornadas Acércate á Igualdade e Ames en Negro coas que o Concello conmemora o Día Internacional contra a Violencia de Xénero. As actividades rematarán co acto institucional que se desenvolverá o propio día 25 de novembro na praza do Concello, no que se lerá o manifesto institucional, crearase un lazo lila e repartiranse camisetas e máscaras.

Ames conmemora o día da endometriose tinxindo de luz amarela a Casa do Concello

Marzo é o mes dedicado a enfermidade da endometriose, unha enfermidade que afecta ao 10% das mulleres en idade fértil. Ames colabora coa asociación “QuerEndo, Mulleres con Endometriose”  na conmemoración do día, polo que o vindeiro sábado, 27 de marzo,  iluminará a Casa do Concello de cor amarela.  Esta iluminación é  un símbolo de solidariedade coas mulleres que padecen a enfermidade e pretende tamén lembrar a necesidade de facer revisións e apoiar a investigación sobre a doenza. A iluminación permanecerá acesa tamén o domingo, 29 de marzo.

Eventos del departamento

>Unidade móbil de doazón no Milladoiro

Baixo o lema “Non perdas este bus. Lévate ao Son do Camiño”, a Axencia de Doazón de Órganos e Sangue (ADOS) subministra compoñentes sanguíneos a todos os hospitais de Galicia. Cada día, as doazóns de sangue recollidas nos locais de doazón e nas 10 unidades móbiles que percorren os concellos galegos envíanse ás dependencias de ADOS para o seu procesamento, análise e distribución.

>XIV Xornadas Achégate á Igualdade

A Concellería de Benestar Social e Igualdade organiza para o venres, 22 de novembro, a décimo cuarta edición das Xornadas Achégate á Igualdade, que se desenvolverán na Casa da Cultura de Bertamiráns. A xornada é gratuíta con aforo limitado. Está aberta a todo público interesado, dende profesionais da área ata público xeral, pasando por educadores e educadoras, alumnado, docentes, área da psicoloxía, da orientación, profesionais da administración pública, pais e nais. Para participar hai que inscribirse no enderezo electrónico: xornada.ames@gmail.com. Premendo neste enlace podes descargar o programa completo das xornadas.

>Xornada de baile, combat e ioga

Ás 20.30 horas, o martes 31 de agosto, celebrarase unha xornada de clausura do programa "Saúde nas prazas". O Departamento de Promoción da Saúde, en colaboración ca empresa BeOne, invita a acudir a todos os veciños e veciñas á  praza da Horta de Arriba, xunto á piscina de Bertamiráns, onde se impartirán sesións de baile, combat, ioga e unha merendola saudable. Non é preciso inscrición previa.

>Xornadas Acercáte á Igualdade: "Cara onde vou?, claves para mellorar a empregabilidade"

A Concellería de Benestar Social organiza para os días 17, 18 e 19 de novembro, a décima edición das Xornadas Acércate de igualdade e prevención da violencia de xénero.  O mércores 18 de novembro, Laura Costoya organiza o taller "Cara onde vou?, claves para mellorar a empregabilidade". Esta actividade centrarase no desenvolvemento de competencias e a adquisición de recursos enfocados á procura de emprego feminino. A iniciativa desenvolverase vía online e, para participar, é necesario inscribirse a través desta páxina web.

>Xornadas Acercáte á Igualdade: "Coeducación desde a infancia"

A Concellería de Benestar Social organiza para os días 17, 18 e 19 de novembro, a décima edición das Xornadas Acércate de igualdade e prevención da violencia de xénero. O xoves 19 de novembro, Aixa Permuy organiza o encontro "Coeducación desde a infancia". Nesta xornada destinada a pais, nais e persoas educadoras, exporanse diferentes actividades para traballar a construción e deconstrución de estereotipos. A iniciativa desenvolverase vía online e, para participar, é necesario inscribirse a través desta páxina web.

>Xornadas Achégate á Igualdade

O programa de actividades dará comezo o xoves 16 de novembro coas XIII Xornadas Achégate á Igualdade que este ano teñen como lema  “Queres formar parte? Novas masculinidades, novas oportunidades”. Trátase dunha xornada gratuíta que se vai a organizar no auditorio da Casa da Cultura de Bertamiráns. Para participar é necesario inscribirse previamente enviando un correo electrónico ao enderezo xornada.ames@gmail.com indicando o nome, apelidos e lugar de residencia. As prazas cubriranse por rigorosa orde de inscrición.

>XV Xornadas Achégate á Igualdade

A Concellería de Benestar Social e Igualdade organiza para o venres, 28 de novembro, a décimo quinta edición das Xornadas Achégate á Igualdade, que se desenvolverán na Casa da Cultura do Milladoiro. A xornada é gratuíta con aforo limitado. Está aberta a todo público interesado, dende profesionais da área ata público xeral, pasando por educadores e educadoras, alumnado, docentes, área da psicoloxía, da orientación, profesionais da administración pública, pais e nais. Para participar hai que inscribirse no enderezo electrónico: xornadasachegate@gmail.com. Premendo neste enlace podes descargar o programa completo das xornadas.

A unidade móbil de doazón de sangue está hoxe en Bertamiráns

A unidade móbil de doazón de sangue está hoxe xoves, 27 de agosto en Bertamiráns, en horario de mañá e de tarde.

Situarase na Avnda da Maía, diante da praza.

Os horarios son os seguintes:

Pola mañá estará entre as 9:30 e as 14:30 e pola tarde estará desde as 15:30 até as 21:00 horas.

É necesario pedir cita previa no teléfono  900 100 828

Andaina saudable pola Ruta do Tambre

As Concellarías de Sanidade e Medio Ambiente de Ames organizan o vindeiro sábado, 6 de xullo, unha andaina saudable pola Ruta do Tambre que culminará cun almorzo grupal. O obxectivo desta iniciativa é ofrecer unha alternativa extraordinaria á trintena de andainas xa programadas ao amparo do programa SaudeAndo, ao tempo que busca animar ás e aos amesás a practicar actividade física de forma amena e divertida.