A edición deste ano do programa Encontros Literarios continúa este xoves, 18 de abril, coa presentación do libro “Protocolo e Imagen: Relevancia protocolaria de la imagen”, de Margarita Murillo. O acto, que estará presentado polo alcalde de Ames, Blas García, será ás 20:30 horas no Pazo da Peregrina, en Bertamiráns. Tamén asistirá a concelleira e deputada provincial Natividade González. A entrada será libre ata completar aforo. A autora é responsable do espazo “O protocolo é para todos”, que se emite en Ames Radio os xoves ás 19:00 horas.

Os días 9 e 10 de abril, as bibliotecas municipais acollerán dous encontros literarios nos que se presentarán os libros de literatura infantil “Mambrú volveu da Guerra”, de Carlos Labraña, e “Valentina nunca calas e o monstro da media cara”, de Charo Pita. Ambos eventos forman parte da programación municipal co gallo da celebración do Mes do Libro. A programación completa pode consultarse premendo nesta ligazón.

A edición deste ano do programa Encontros Literarios continúa este xoves, 21 de marzo, coa presentación da obra “El libro que tu perro quiere que leas”, de Patricia Guerrero. O acto, que estará presentado polo alcalde de Ames, Blas García, será ás 20:00 horas no Pazo da Peregrina, en Bertamiráns. A entrada será libre ata completar aforo. É un acto organizado para humanos no que os cans tamén serán benvidos.

O departamento de Bibliotecas do Concello de Ames prepara co gallo da celebración do Día do Cómic un obradoiro de creación de cómic. Esta actividade, dirixida a nenos e nenas a partir de 3º de primaria, levarase a cabo tanto na biblioteca do Milladoiro como na de Bertamiráns. Aquelas familias interesadas en participar, poderán inscribirse desde hoxe e ata o 13 de marzo escribindo a biblioteca@concellodeames.gal ou nos teléfonos 981 530 807 e 981 884 829