Este xoves, 28 de xullo, o Concello de Ames celebra o pleno ordinario correspondente a este mes de xullo. En dita sesión plenaria a Corporación municipal debaterá sobre a aprobación do expediente de licitación do servizo de axuda no fogar; a probación do proxecto modificado de construción de beirarrúas na avenida da Maía e maila solicitude dunha subvención nominativa á Deputación da Coruña para poder executar dito proxecto. Ademais, tamén se abordará a subsanación do proxecto das obras de reforma dos vestiarios do campo de fútbol de Bertamiráns, a aprobación do proxecto modificado das obras de acondicionamento e mellora térmica da cuberta e fachadas das escola infantil municipal O Bosque, e a adxudicación dos tres lotes incluídos no contrato do servizo de limpeza de instalacións municipais e centros educativos. Por último, tratarse a aprobación inicial do regulamento de títulos, honras e distincións do Concello de Ames e a resolución da alegación presentada e maila aprobación definitiva do regulamento do Consello sectorial da cultura.

Este xoves, 27 de febreiro, realizarase o pleno ordinario do mes de febreiro no que a Corporación municipal debaterá sobre a aprobación do plan de subvencións do Concello de Ames para o período 2020-2022. Outros temas que se tratarán serán a aprobación da constitución da asociación do camiño Fisterra e Muxía; o convenio coa Deputación provincial da Coruña para colaborar na inspección do IAE; a revogación do convenio de colaboración para o uso compartido da sede electrónica da Deputación; a inadmisión do recurso de reposición fronte ao acordo plenario de aprobación definitiva da modificación da ordenanza fiscal reguladora do IBI; a aprobación provisional dos regulamentos de réxime interior das escolas infantís A Madalena e O Bosque; e unha proposta presentada polo concelleiro de Ciudadanos sobre o estado da estrada AC-453 entre Tapia e Portomouro. Estes temas foron previamente tratados o pasado venres, 21 de febreiros, nas comisións informativas.

Este martes, 30 de xullo, realizarase o pleno ordinario do mes de xullo no que a Corporación municipal deberá sobre a aprobación do proxecto técnico de mellora do viario de acceso ao polígono do Milladoiro dende a estrada Ventín-Coira. Outros temas que se abordarán serán a modificación do anexo de investimentos do orzamento municipal de 2019; a autorización de compatibilidade para o exercicio de actividade privada de Pilar Martínez Jiménez, María del Carmen Giadáns Dopazo e Amaury Quintero Consuegra. Por último tratarase a aprobación de indemnizacións por asistencias a órganos complementarios e maila aprobación inicial da modificación base de execución 41 do orzamento municipal.

Este xoves, día 27, o Concello de Ames celebrará o pleno ordinario correspondente ao mes de febreiro. Na sesión plenaria, a Corporación municipal debaterá sobre a aprobación dos anteproxectos técnicos, tanto do novo complexo deportivo do Milladoiro como para a mellora da piscina municipal A Telleira de Bertamiráns. Tamén se vai abordar o inicio de expediente para a elección de xuíz/a de paz substituto/a; a sétima rectificación do inventario municipal; a resolución de recursos de reposición presentados fronte ao acordo plenario de resolución de alegacións e aprobación definitiva da décimo segunda modificación da RPT; a aprobación inicial da modificación do regulamento do programa Xantar na casa; a aprobación do convenio do proxecto Compostela Rupestre; e o inicio do segundo expediente de resolución do contrato do servizo de axuda no fogar. Ademais abordaranse tres mocións sobre a situación da Escola Infantil Merlín, a celebración do ano Castelao 2025 en Ames; e a mellora da seguridade viaria da AC-544. O pleno será emitido en directo a través da canle de YouTube do Concello de Ames.