Este xoves, 10 de setembro, celebrarase o pleno ordinario correspondente ao mes de agosto. Na sesión plenaria, a Corporación municipal debaterá sobre o recoñecemento extraxudicial de crédito 1/2026, valorado en 477.413 euros; a ratificación do decreto de aprobación da primeira prórroga do contrato do servizo de axuda no fogar; a ratificación do decreto de aprobación da segunda prórroga do servizo de limpeza nos centros de educación infantil e primaria e escolas unitarias; a ratificación do decreto de aprobación da segunda prórroga do servizo de limpeza nas instalacións de uso municipal; e a aprobación do convenio de colaboración e encomenda de xestión para a xestión compartida do Servizo de Atención Temperá co Concello de Teo 2026-2028. Ademais tratarase unha moción, presentada polo grupo municipal do Partido Popular, para impulsar medidas de ordenación, integración paisaxística e minimización do impacto visual das infraestruturas técnicas e de telecomunicacións. O pleno será emitido en directo a través da canle de YouTube do Concello de Ames.

Este mércores, 15 de xullo, celebrarase un pleno extraordinario e urxente no que se abordará a solicitude dunha subvención nominativa, a través dun convenio de colaboración entre a Consellería de Emprego, Comercio e Emigración, a Deputación Provincial da Coruña e o Concello de Ames, para a construción do mercado municipal de abastos. Este proxecto enmárcase dentro do plan Conecta Ames, incluído dentro da convocatoria para a asignación de senda financeira do Fondo Europeo de Desenvolvemento Rexional aos plans EDIL, no marco do desenvolvemento urbano sostible, con cargo ao FEDER para o período 2021-2027. O pleno será emitido en directo a través da canle de YouTube do Concello de Ames.

Este xoves, 25 de xuño, celebrarase o pleno ordinario correspondente ao mes de xuño. Na sesión plenaria, a Corporación municipal debaterá sobre a  aprobación do Plan Municipal de Emerxencia ante situacións de seca; a aprobación inicial da ordenanza reguladora do estacionamento e pernoita de autocaravanas, vehículos tipo camper e caravanas; a aprobación inicial da modificación da ordenanza reguladora da taxa por prestación do servizo de recollida, transporte e tratamento de residuos; e a aprobación do proxecto de mellora dos viarios de acceso a Firmistáns, Gasamáns e Pedras. Ademais trataranse dúas mocións presentadas polos grupos políticos municipais do Partido Popular e BNG. O pleno será emitido en directo a través da canle de YouTube do Concello de Ames.

Este xoves, 28 de maio, celebrarase o pleno ordinario correspondente ao mes de maio. Na sesión plenaria, a Corporación municipal debaterá sobre a concesión da medalla do Concello de Ames de 2026 ao grupo musical Maianas; a desafectación do camiño Igrexa-Covas; a adhesión á rede española de capitais da cultura; a aprobación inicial da modificación da ordenanza xeral municipal sobre tráfico, circulación de vehículos a motor e seguridade viaria; a aprobación inicial da modificación da ordenanza municipal reguladora das tarxetas de estacionamento e accesibilidade; e sobre o convenio de colaboración entre a Consellería de Infraestruturas e Mobilidade e o Concello de Ames para a implantación dun servizo de interese municipal (SIMU). O pleno será emitido en directo a través da canle de YouTube do Concello de Ames.