Pestanas principais

Departamento de Radio Municipal e Comunicación

  • Departamento de Radio Municipal
    • Enderezo: Avenida da Maía, nº 22, Bertamiráns.
    • Ames Radio:
      • Teléfono: 981 890 452 – 662 37 74 13
      • Frecuencia de emisión: 107.2 da FM
    • Responsable municipal: Concellaría de Comunicación
    • Responsables técnicos: Nazaret López Rodríguez e Juan Luis Silva Regueira.
  • Departamento de comunicación
Outros Datos: 
  • Funcións:
    • Fornecer un servizo público de radiodifusión que fomente a información, o lecer, a formación e a participación dos veciños/as do Concello de Ames en todas as cuestións que afecten ao municipio, contribuíndo á creación dun espazo de comunicación local.
    • Poñer a disposición da veciñanza o espazo físico, o equipamento técnico e o persoal da radio municipal, para que poidan gravar e emitir os seus propios programas.
    • Informar á veciñanza da xestión do goberno municipal; da actividade cultural, deportiva, social, etc; así como do traballo que realizan as distintas asociacións municipais e clubs deportivos municipais.
    • Elaborar os contidos do xornal municipal gratuíto 94kmª, no que se abordan os temas de maior actualidade política e as actividades municipais nos 94 quilómetros cadrados do termo municipal.
  • Novas relacionadas
  • Axenda

Novas do departamento

Ames Radio emitirá entrevistas con todos os gañadores da XV edición do Certame Literario

Os 18 gañadores das distintas categorías de narrativa e poesía serán entrevistados a partir do luns, 2 de novembro de 2020, polo xornalista Juan Luis Silva na radio municipal do concello. As conversas poderán escoitarse no 107.2 da FM ou a través da páxina web municipal entre as 12:30 e as 13:30 horas na revista informativa “Somos Ames” . O espazo poderá escoitarse tamén na remisión do programa das 20:30 horas. Paralelamente, a canle de Facebook da radio municipal emitirá vídeos dos textos premiados lidos polos propios autores e autoras.

Ames Radio emitiu os vídeos dos textos gañadores do XV Certame Literario na voz dos seus autores e autoras

Preto de 16.000 persoas alcanzadas e máis 3.000 interaccións tiveron os 16 vídeos que durante o mes de novembro emitiu a canle de facebook da radio municipal de Ames. Os autores e autoras premiadas na XV edición do Certame Literario de Ames puxéronse diante da cámara para compartir coa veciñanza os seus textos. Ademais, coincidindo co día no que se daba a coñecer cada obra na rede, o xornalista de Ames Radio, Juan Luís Silva, entrevistou no magazine local “Somos Ames” aos galardoados e galardoadas. Todos os vídeos pódense ver na canle de facebook de Ames Radio.

Ames Radio organiza este martes, 16 de maio, un debate entre seis dos sete candidatos/as á alcaldía do Concello de Ames

Seis das sete forzas políticas que concorren ás eleccións municipais do próximo 28 de maio daranse cita no debate electoral que Ames Radio organiza este martes, 16 de maio, ás 19:00 horas, na Casa da Cultura do Milladoiro. As cabezas de lista e candidatas a alcaldía de Ames, Blas García (PSdeG – PSOE); Oliva Agra (Partido Popular); David Santomil (BNG); Vanessa Vidal (Podemos); Luísa Feijóo (Espazo Común); e Andres Pena (VOX), confirmaron a súa presenza nun debate que será retransmitido por Ames Radio e tamén en streaming a través da canle de Youtube do Concello de Ames. O debate será aberto ao público en xeral. O candidato de Unión de Cidadáns Independentes (UCIN) declinou a invitación de Ames Radio a participar no mesmo.

Ames Radio organiza o martes, 21 de maio, un debate electoral na Casa da Cultura de Bertamiráns

Seis das sete forzas políticas que concorren ás eleccións municipais do próximo 26 de maio daranse cita no debate electoral que Ames Radio organiza o próximo martes, 21 de maio, ás 20:30 horas, na Casa da Cultura de Bertamiráns. As cabezas de lista e candidatas a alcaldía de Ames, Ramón Argibay (PP), José Miñones (PSdeG), Quique Costas (Ames Novo), Genma Otero (Contigo Podemos), David Santomil (BNG) e José Ramón Oulego (Ciudadanos Partido de la Ciudadanía), confirmaron a súa presenza nun debate que será retransmitido por Ames Radio e tamén en streaming a través da canle de Youtube de Mediacebstream. O debate será moderado pola xornalista de Ames Radio, Nazaret López, e aberto ao público en xeral. A candidata de Compromiso por Galicia declinou a invitación a participar no mesmo por problemas de axenda.

Ames Radio pecha a temporada de Radio Cidadá cun programa especial dende o Pazo da Peregrina

A radio municipal de Ames, Ames Radio, pecha a temporada de Radio Cidadá cun programa especial que se vai emitir este venres, 13 de xuño, ás 19.30 horas, dende o Pazo da Peregrina. O programa estará dirixido pola xornalista de Ames Radio, Belén Martínez. Participarán en directo os responsables de nove programas que contarán como foi a súa andaina radiofónica deste ano e de tempadas anteriores. Ademais, emitiranse tres audios gravados previamente polos responsables doutros tres programas que non poden asistir en directo. Outros tres programas emitidos durante esta temporada non poden participar neste programa especial. O programa comezará cunha entrevista ao alcalde e concelleiro de Comunicación, Blas García, e pecharase cunha actuación musical de Mad Martin.

Ames Radio retoma as emisións dos programas de Radio Cidadá

Logo dun breve paréntese por mor das festas de Nadal, a radio municipal retoma a próxima semana a emisión dos programas radiofónicos realizados pola veciñanza. Así, desde o próximo luns, 20 de xaneiro, poderemos seguir escoitando os 15 programas que forman parte da grella de Ames Radio ata o próximo mes de xuño. Neles, abórdanse temas tan diversos como a educación dos fillos e fillas, o patrimonio histórico e cultural do concello ou a divulgación de coñecementos culturais e musicais.

Ames Radio retoma as emisións dos programas de Radio Cidadá

Logo dun breve paréntese por mor das festas de Nadal, a radio municipal retomou a emisión dos programas radiofónicos realizados pola veciñanza. Así, xa podemos seguir escoitando os 12 programas que forman parte da grella de Ames Radio ata o próximo mes de xuño. Neles, abórdanse temas tan diversos como a o patrimonio histórico e cultural do concello, saúde, arte ou a divulgación de coñecementos culturais e musicais. Por mor de causas laborais e de saúde, houbo catro propostas máis que non puideron incorporarse á grella de emisión, como nun principio estaba previsto.

Ames Radio saca os micrófonos á rúa para poñer en valor os programas da Radio Cidadá

A radio municipal de Ames, Ames Radio, pechou a temporada de Radio Cidadá cun programa especial que se emitiu este pasado venres, 13 de xuño, pola tarde, dende o Pazo da Peregrina. O programa estivo dirixido pola xornalista de Ames Radio, Belén Martínez. Participaron en directo os responsables de nove programas que contaron como foi a súa andaina radiofónica deste ano e de tempadas anteriores. Ademais, emitíronse tres audios gravados previamente polos responsables doutros tres programas que non puideron asistir en directo. Outros tres programas emitidos durante esta temporada non puideron participar neste programa especial. O programa comezou cunha entrevista ao alcalde e concelleiro de Comunicación, Blas García, e pechouse cunha actuación musical do artista, Mad Martin, acompañado de Nico.

Ames Radio segue ao carón da veciñanza amesá a través da súa nova canle de Facebook

A radio municipal de Ames embarcouse nunha nova aventura para seguir en contacto coa veciñanza amesá nestas circunstancias especiais. A través da súa nova páxina de Facebook, a radio municipal seguirá dando voz ás veciñas e veciños, proporcionando ademais información de servizo nestes tempos de confinamento nos fogares. Para todas aquelas persoas que desexen participar neste novo proxecto contando as súas historias, poden poñerse en contacto a través do teléfono 662 377 413 e o enderezo electrónico radio@concellodeames.gal. 

Ames Radio xa ten a súa propia páxina web

O Concello de Ames presentou esta mañá a nova canle de comunicación coa cidadanía amesradio.gal. Esta radio á carta nace coa vontade de estar presente e, dun xeito, máis accesible no día a día dos amesáns e das amesás. Os ouvintes poderán nun só clic acceder aos contidos que conforman a programación da radio local, consultar a axenda ou participar coas súas preguntas ou suxestións. Ames Radio dá coa creación deste servizo de radio á carta “un gran paso” como expresaba a concelleira de Comunicación, Natividade González.

Eventos del departamento

> Debate electoral

Seis das sete forzas políticas que concorren ás eleccións municipais do próximo 28 de maio daranse cita no debate electoral que Ames Radio organiza o martes, 16 de maio, ás 19:00 horas, na Casa da Cultura do Milladoiro. As cabezas de lista e candidatas a alcaldía de Ames, Blas García (PSdeG – PSOE); Oliva Agra (Partido Popular); David Santomil (BNG); Vanessa Vidal (Podemos); Luísa Feijóo (Espazo Común); e Andres Pena (VOX), confirmaron a súa presenza nun debate que será retransmitido por Ames Radio e tamén en streaming a través da canle de Youtube do Concello de Ames e da páxina web da radio. O debate será aberto ao público en xeral.

>Programa especial Radio Cidadá

A radio municipal de Ames, Ames Radio, pecha a temporada de Radio Cidadá cun programa especial que se vai emitir este venres, 13 de xuño, ás 19.30 horas, dende o Pazo da Peregrina. O programa estará dirixido pola xornalista de Ames Radio, Belén Martínez. Participarán en directo os responsables de nove programas que contarán como foi a súa andaina radiofónica deste ano e de tempadas anteriores. Ademais, emitiranse tres audios gravados previamente polos responsables doutros tres programas que non poden asistir en directo. Outros tres programas emitidos durante esta temporada non poden participar neste programa especial. O programa comezará cunha entrevista ao alcalde e concelleiro de Comunicación, Blas García, e pecharase cunha actuación musical de Mad Martin.