Pestanas principais

Departamento de Radio Municipal e Comunicación

  • Departamento de Radio Municipal
    • Enderezo: Avenida da Maía, nº 22, Bertamiráns.
    • Ames Radio:
      • Teléfono: 981 890 452 – 662 37 74 13
      • Frecuencia de emisión: 107.2 da FM
    • Responsable municipal: Concellaría de Comunicación
    • Responsables técnicos: Nazaret López Rodríguez e Juan Luis Silva Regueira.
  • Departamento de comunicación
Outros Datos: 
  • Funcións:
    • Fornecer un servizo público de radiodifusión que fomente a información, o lecer, a formación e a participación dos veciños/as do Concello de Ames en todas as cuestións que afecten ao municipio, contribuíndo á creación dun espazo de comunicación local.
    • Poñer a disposición da veciñanza o espazo físico, o equipamento técnico e o persoal da radio municipal, para que poidan gravar e emitir os seus propios programas.
    • Informar á veciñanza da xestión do goberno municipal; da actividade cultural, deportiva, social, etc; así como do traballo que realizan as distintas asociacións municipais e clubs deportivos municipais.
    • Elaborar os contidos do xornal municipal gratuíto 94kmª, no que se abordan os temas de maior actualidade política e as actividades municipais nos 94 quilómetros cadrados do termo municipal.
  • Novas relacionadas
  • Axenda

Novas do departamento

Os participantes do IX Concurso Radiofónico de Teatro Lido de Ames “Desata a Lingua” asistiron hoxe pola mañá a unha xornada de formación conxunta. A xornada desenvolveuse de 11.00 a 13.00 horas da mañá na Casa da Cultura do Milladoiro, e nela participaron 104 alumnos de ESO do IES do Milladoiro e do IES de Ames (Bertamiráns), cun incremento de participantes con respecto a outros anos. Este ano presentáronse 33 grupos (8 grupos do IES Milladoiro e 25 grupos do IES de Ames).

A totalidade de veciños e veciñas de Ames que responderon á enquisa sobre a web municipal, afirmaron coñecer a páxina do Concello de Ames. O 45% dos enquisados accede semanalmente a ela  e o 27%, diariamente. 25 dos participantes declárase satisfeitos a niveis xerais co sitio concellodeames.gal, mentres que 8, moi satisfeitos. Non obstante, 17 persoas están insatisfeitas coa páxina web. En canto aos apartados,  as seccións de avisos e de actualidade son as máis valoradas. Ademais, a actualización dos contidos publicados e a súa utilidade foron os aspectos cos que a veciñanza está máis satisfeita,199 e 192 puntos cada un, sendo 275 a puntuación máxima que se podería acadar. O 60% dos enquisados consideran a páxina web do Concello a fonte máis veraz.

Despois da reapertura da Radio Municipal, hoxe despídese “A fiestra de Nazaret”, o espazo a través do que a xornalista do Servizo de Comunicación do Concello de Ames anunciou os contidos que diariamente se subiron a esta canle de Facebook, creada coa intención de manter a relación coa veciñanza durante o estado de alarma. Emporiso, Ames Radio en Facebook seguirá compartindo todos aqueles vídeos que lles envíen e emitirá podcast dalgunhas das entrevistas que se realicen na radio. Desde a posta en marcha da canle a primeiros de abril, Ames Radio en Facebook emitiu preto de 220 gravacións e chegou a alcanzar 28.000 visualizacións de vídeos á semana. As persoas que queiran seguir contando as súas historias nesta canle, e tamén na radio municipal, poden facelo a través do enderezo electrónico radio@concellodeames.gal e do WhatsApp 662 377 413.

A nova versión da web municipal inclúe importantes novidades para mellorar e aumentar a información e as posibilidades de comunicación coa veciñanza. Deste xeito, créase unha nova canle de Telegram para poder transmitir información municipal; e un servizo de envío de incidencias de xeito directo a través dun formulario electrónico, no que ademais da incidencia e dos seus datos de contacto poderá achegar imaxes e xeolocalización do incidente. Ademais, con dita renovación mellórase a transparencia municipal, permítese o acceso pleno e funcional á web mediante dispositivos móbiles, modernizouse o seu deseño, ordenáronse os contidos, garántese a accesibilidade e facilítase a integración da web coas redes sociais.

Os centros de ensino secundario de Ames xa contan coas fichas de inscrición para que o alumnado matriculado en 1º, 2º, 3º e 4º da ESO poida participar dunha nova edición do Concurso Radiofónico de Teatro Lido de Ames “Desata a Lingua”. O certame ten por obxecto dinamizar dun xeito lúdico, e a través da creatividade, o uso oral e escrito do galego entre a mocidade amesá. Fomenta, ademais, o gusto polo teatro e o achegamento á radio municipal. O prazo de inscrición permanecerá aberto ata o venres, 18 de outubro, e as inscricións realizarase nos propios centros de ensino, a través do Equipo de Normalización e Dinamización da Lingua Galega.

O proxecto enmárcase no Programa Operativo Plurirexional de España 2014-2020. O presuposto da licitación ascende a 111.269,75 euros (IVE incluído) e realizarase por procedemento aberto simplificado. O contrato será cofinanciado ao 80% polo Fondo Europeo de Desenvolvemento Rexional e ao 20% polo Concello de Ames. Na operación inclúese o desenvolvemento de todas as accións publicitarias e de comunicación necesarias para facer chegar á cidadanía información sobre as operacións da Estratexia de Desenvolvemento Urbano Sostible e Integrado “Impulsa Ames” no marco do Programa Operativo FEDER 2014-2020. O expediente de licitación pódese consultar na plataforma de contratación do sector público. O prazo de presentación de ofertas remata o 17 de febreiro.

O Concello de Ames abre unha nova convocatoria para presentar proxectos de programas de radio para emitir entre os meses de outubro e xuño de 2020 en Ames Radio. Así, calquera persoa, asociación ou entidade de Ames poderá presentar os seus proxectos para a gravación e emisión dun programa de radio. A presentación dos proxectos realizarase a través dos rexistros do Concello en Bertamiráns ou no Milladoiro e deberá incluír a documentación esixida nas bases. O prazo para a presentación dos proxectos estará aberto ata o 2 de agosto de 2019. Premendo na ligazón dispoñible ao remate desta nova poderás obter as bases e o impreso de participación nesta convocatoria.

Ames Radio pon un ano máis os seus micrófonos a disposición da cidadanía para a elaboración de programas de radio. Calquera persoa, asociación ou entidade pode presentar os seus proxectos desde hoxe e até o día 30 de outubro enviando a ficha de solicitude ao correo electrónico a radio@concellodeames.gal. Esta tempada, por mor da situación sanitaria que estamos padecendo, e aínda que nos proxectos poderán participar até cinco persoas, só poderán acudir á emisora dúas por programa, será obrigatorio o uso de máscara nas instalacións e o mantemento da distancia de seguridade. A emisora municipal pola súa banda garante as condicións hixiénico sanitarias nos procesos de gravación.

A radio municipal de Ames pon en marcha unha nova canle de Facebook -Ames Radio- para seguir mantendo o contacto cos veciños e veciñas de Ames mentres duren estas circunstancias especiais. A través de vídeos, na meirande parte enviados polos propios veciños e veciñas do concello, a páxina amosará as angueiras e os sentires da poboación de Ames nestes tempos de confinamento, ao tempo ofrecerá información de servizo. Ames Radio fai un chamamento especial á veciñanza do concello para que se poñan en contacto coa emisora e conten as súas historias. Poden facelo a través do teléfono 662 377 413 e o enderezo electrónico radio@concellodeames.gal.

Ames Radio pon un ano máis os seus micrófonos a disposición da cidadanía para a elaboración de programas de radio. Calquera persoa, asociación ou entidade pode presentar os seus proxectos desde hoxe e até o día 21 de setembro enviando a ficha de solicitude ao correo electrónico radio@concellodeames.gal. Esta tempada, por mor da situación sanitaria que estamos padecendo, e aínda que nos proxectos poderán participar até cinco persoas, só poderán acudir á emisora dúas por programa, será obrigatorio o uso de máscara nas instalacións e o mantemento da distancia de seguridade. A emisora municipal pola súa banda garante as condicións hixiénico sanitarias nos procesos de gravación.

Eventos del departamento

Seis das sete forzas políticas que concorren ás eleccións municipais do próximo 28 de maio daranse cita no debate electoral que Ames Radio organiza o martes, 16 de maio, ás 19:00 horas, na Casa da Cultura do Milladoiro. As cabezas de lista e candidatas a alcaldía de Ames, Blas García (PSdeG – PSOE); Oliva Agra (Partido Popular); David Santomil (BNG); Vanessa Vidal (Podemos); Luísa Feijóo (Espazo Común); e Andres Pena (VOX), confirmaron a súa presenza nun debate que será retransmitido por Ames Radio e tamén en streaming a través da canle de Youtube do Concello de Ames e da páxina web da radio. O debate será aberto ao público en xeral.