- Enderezo: Praza do Concello, nº 2, Bertamiráns.
- Teléfono: 981 88 30 02
- Horario de atención ao público:
- De luns a venres, en horario das 9:00 ás 14:00 horas.
- Responsable municipal: Concellaría de Promoción Económica
Outros Datos:
Pestanas principais
Departamento de Promoción Económica e Emprego
Servizos e programas
Novas do departamento
Este venres, 14 de outubro, o Concello de Ames e maila empresa amesá do sector da tecnoloxía, Tecalis, que ten a súa sede no parque empresarial do Milladoiro, van a participar en Valencia na sexta edición de Innpulso Emprende, o evento máis representativo da Rede Innpulso, que ten como obxectivo principal facilitar o encontro entre responsables municipais e o tecido emprendedor, á vez que se premian as iniciativas máis innovadoras dos distintos municipios. Acudirán o alcalde de Ames, Blas García, a concelleira de Promoción Económica, Ana Belén Paz, o director xeral de Tecalis, Isidoro Martínez, e maila directora de asuntos corporativos e gobernanza, Berta Caro.
Esta mañá o alcalde de Ames, Blas García, e mailo director xeral de Tecalis, Isidoro Martínez, presentaron o proxecto Tecalis Avatar Identity Technology na sexta edición de Innpulso Emprende que se celebrou en Valencia. Trátase do evento máis representativo da Rede Innpulso, que ten como obxectivo principal facilitar o encontro entre responsables municipais e o tecido emprendedor, á vez que se premian as iniciativas máis innovadoras dos distintos municipios. Tamén acudiron ao evento a concelleira de Promoción Económica do Concello de Ames, Ana Belén Paz; e maila directora de asuntos corporativos e gobernanza de Tecalis, Berta Caro. Dito evento contou coa participación de 53 cidades pertencentes á Rede Innpulso. De Galicia acudiron os Concellos de Ames e da Coruña.
Esta mañá o alcalde de Ames, Blas García, e maila cofundadora e xerente de Territorios Latentes, Natalia Alvaredo López, abordaron a análise do Big Data aplicado ao territorio na oitava edición de Innpulso Emprende que se celebrou en Gijón. Trátase do evento máis representativo da Rede Innpulso, que ten como obxectivo principal facilitar o encontro entre responsables municipais e o tecido emprendedor, á vez que se premian as iniciativas máis innovadoras dos distintos municipios. Tamén acudiu ao evento a concelleira de Promoción Económica do Concello de Ames, Ana Belén Paz. Dito evento contou coa participación de 42 concellos pertencentes á Rede Innpulso. Ames foi o único concello galego que participou en dito evento.
O Salón de Plenos do Concello de Ames acolleu onte a entrega de premios da terceira edición do concurso de fotografía Enfoca Ames.
A Concellaría de Promoción Económica do Concello de Ames continúa poñendo en marcha diversas iniciativas para promocionar o comercio amesá. Desta volta, vén de elaborar un spot publicitario que se emitirá na Televisión de Galicia esta semana, do 30 de novembro ao 4 de decembro, e posteriormente, a semana do 14 ao 18 de decembro. Trátase dun spot publicitario no que se reflicte a variedade existente no comercio local e no que saen actrices, actores, xornalistas e deportistas que viven en Ames.
A Concellaría de Promoción Económica do Concello de Ames estivo traballando coa empresa Xurdir na elaboración dun vídeo promocional do comercio amesá baixo o lema `En Ames témolo todo´. Trátase dun spot publicitario no que se reflicte a variedade existente no comercio local, onde se pode atopar dende florarías a tendas de artesanía e decoración, pasando por tendas de alimentación, moda, deportes, agasallos e complementos. Deste xeito, ponse en valor a potencialidade que ten o sector comercial de Ames e as súas vantaxes respecto a outros centros comerciais pechados de grandes dimensións e ao comercio doutras localidades. Este vídeo promocional foi presentado este luns, 19 de outubro, no acto de presentación do Plan Reactiva Ames.
Os camareiros e camareiras dos establecementos comerciais de Ames xa atenden á clientela ataviados cos mandís que a Concellaría de Promoción Económica lles está entregando co obxectivo de concienciar á cidadanía sobre a norma de utilizar a máscara, agás cando se está bebendo ou comendo. Repártense 600 mandís co lema “Axúdanos a seguir” e a recomendación: Pon a máscara”. Tamén se entregan adhesivos para os escaparates co mesmo lema e a mesma sucesión de viñetas nas que unha persoa aparece co tapabocas posto, quítao para consumir e inmediatamente despois volve poñelo. Se algún hostaleiro, por mor dos festivos ou das restricións, tiña pechado estes días e quere recibir os mandís e os adhesivos pode facer a petición a través do correo promocioneconomica@concellodeames.gal.
O Concello de Ames, a través da Concellaría de Promoción Económica, facilita a relación de establecementos que permanecen abertos durante o estado de alarma. Ao pé desta nova podes consultar tanto os establecementos de alimentación (supermercados, panaderías, froitarías, carnicerías/charcuterías, peixerías/conxelados e comida para levar) como os que ofrecen outro tipo de servizos (farmacias, parafarmacias, clínicas veterinarias, ferreterías, estancos, droguerías, alimentación animal, lavandarías, tinturerías, papelarías, servizos informáticos, estacións de servizo e taxis). Dende a administración local continúase a traballar para ampliar a listaxe de todos os establecementos abertos, coa publicación de novas actualizacións. Se alguén detecta calquera erro ou se decata de que que o seu establecemento non aparece na listaxe, pode enviar un correo electrónico ao enderezo promocioneconomica@concellodeames.gal.
O Concello de Ames está inmerso no desenvolvemento das actuacións recollidas na EDUSI Impulsa Ames como é o programa Ames Emprega e Integra, unha iniciativa do departamento de Promoción Económica e Emprego do Concello de Ames, que está dirixido a colectivos desfavorecidos do municipio. Dito programa está cofinanciado polo Fondo Europeo de Desenvolvemento Rexional (FEDER). De xullo a novembro estanse impartindo un total de 13 cursos de formación transversal, pensados para incrementar o índice de inserción laboral e social no municipio. Na actualidade, estanse impartindo dous cursos; un de deseño e montaxe de instalacións fotovoltaicas e térmicas; e outro de empregados/as domésticos. Queda por impartir un curso de comercial (especialización na factura de enerxía), que comezará o 2 de novembro. Premendo nesta ligazón podes ver un vídeo sobre o programa Ames Emprega e Integra.
O Concello de Ames, tras poñerse en contacto coa Conselleira de Turismo e coa Asociación de Hostaleiros da Provincia da Coruña, confirma que está permitido o servizo de entrega a domicilio por parte do sector hostaleiro durante o estado de alarma provocado polo COVID-19. O que non está permitido é que a clientela recolla o pedido nos establementos hostaleiros.
- ‹ anterior
- 40 de 66
- seguinte ›
Trámites do departamento
Eventos del departamento
O 26 de decembro algunhas das personaxes de Disney achegaranse a Ames para que os nenos e nenas poidan desfrutar con elas. Estarán no Centro Social do Milladoiro, de 11:00 a 13:00 horas e de 17:00 a 19:00 horas.
O 26 de decembro algunhas das personaxes de Disney achegaranse a Ames para que os nenos e nenas poidan desfrutar con elas. Estarán na Casa dos Maiores de Bertamiráns, de 11:00 a 13:00 horas e de 17:00 a 19:00 horas.
A zona verde da travesía do Porto, no Milladoiro, e o parque do Ameneiral, en Bertamiráns, acollerán durante a primeira semana de setembro, por cuarto ano consecutivo, as xornadas “Volta ao cole co comercio”, que organiza a Concellaría de Promoción Económica e colaboración con XEA e coa participación do departamento de Mocidade. Esta iniciativa traerá dúas tardes de actividades para amenizar os preparativos da volta aos centros de ensino, fomentando á vez o comercio e a hostalaría nos dous principais núcleos de Ames.
A xornada de “Volta ao cole co comercio” do Milladoiro celebrarase finalmente este luns, 15 de setembro. Será a partir das 17.00 horas nas pistas deportivas do Milladoiro. A holi party incluída na programación da actividade realizarase no aparcamento da Casa da Cultura do Milladoiro, polo que estará prohibido estacionar no aparcadoiro desde as 14.00 ata as 22.00 horas do luns día 15.
O Concello de Ames reúne nun único cartel toda a programación de actividades que se van celebrar durante os meses de xuño, xullo, agosto e setembro en Ames. Deste xeito, ata finais de setembro vanse a realizar numerosas actividades como concertos, seráns ou festas.
O sábado, 15 de decembro, o Pazo da Peregrina de Bertamiráns acolle unha xornada sobre a economía social. Trátase dunha xornada lúdica, educativa e concienciadora dirixida a todos os públicos e que inclúe unha mesa redonda, a proxección dun documental ou un mercado de inverno entre outros. Desenvolverase entre as 10:30 e as 20:00 horas. O obxectivo desta iniciativa é achegarlle á veciñanza o xeito de vivir asociado á economía social, baseado no traballo colaborativo.
O Concello de Ames, a través da Concellaría de Promoción Económica, organizou unha xuntanza para o vindeiro luns, 13 de outubro, co obxectivo de que o persoal das empresas amesás relacionadas coa hostalería e a restauración poidan coñecer o mercado de horta e artesanía e os produtos alimentarios e artesanais que nel se expoñen e venden todos os sábado na praza da Maía, en Bertamiráns. Dito encontro celebrarase ás 9.30 horas no salón de plenos da Casa do Concello. As persoas que estean interesadas en acudir poden confirmar a súa asistencia enviando un correo electrónico ao enderezo promocioneconomica@concellodeames.gal.
Ames acollerá a vindeira semana as visitas dos personaxes do mundo Disney para saudar e pasar tempo cos nenos e nenas. O día 29 chegarán á Casa dos Maiores de Bertamiráns (praza da Maía) e o 30 pasarán polo antigo centro de saúde do Milladoiro (na rúa Agro do Medio, número 8). Esta actividade enmárcase dentro da programación de Nadal 2025, que comezou o pasado 4 de decembro e se desenvolverá ata o próximo 10 de xaneiro de 2026.
Ames acollerá a vindeira semana as visitas dos personaxes do mundo Disney para saudar e pasar tempo cos nenos e nenas. O día 29 chegarán á Casa dos Maiores de Bertamiráns (praza da Maía) e o 30 pasarán polo antigo centro de saúde do Milladoiro (na rúa Agro do Medio, número 8). Esta actividade enmárcase dentro da programación de Nadal 2025, que comezou o pasado 4 de decembro e se desenvolverá ata o próximo 10 de xaneiro de 2026.
Por mor do anuncio de chuvias, "A praia dos afogados" proxectarase no salón de actos da Casa da Cultura do Milladoiro e non no anfiteatro como estaba previsto.
Baseada na novela do mesmo nome de Domingo Villar e dirixida por Gerardo Herrero, “A praia dos afogados” é un thriller ambientado nas Rías Baixas. Está protagonizado polo inspector Leo Caldas, un dos personaxes emblemáticos das obras do escritor galego. Conta coa participación dun bo número de actrices e actores galegos, entre os que se atopa o veciño de Ames, Pepo Suevos.
A actividade forma parte do programa “Visións”, pertencente á rede cultural da Deputación e está incluída no programa de fomento da Economía e a Cultura en Ames, AmesON. A proxección ´´e de balde até completar aforo.
- ‹ anterior
- 22 de 22