- Enderezo: Avenida de Azcárraga, nº 5, Bertamiráns.
- Teléfono: 981 89 14 76
- Horario de atención ao público:
- De luns a venres, en horario das 9:00 ás 14:00 horas.
- Responsable municipal: Concellaría de Educación
Pestanas principais
Departamento de Educación
Servizos e programas
Novas do departamento
A ANPA da Escola infantil municipal da Madalena invita a participar no programa formativo “Escola de Familias”, que inclúe tres obradoiro sobre a disciplina positiva, a xestión de rabietas e a nutrición pediátrica. Esta iniciativa pretende crear un espazo no que compartir experiencias e aprendizaxes en familia, así como achegar formación acorde ás etapas das crianzas escolarizadas na escola infantil da Madalena. As prazas son limitadas polo que é preciso inscribirse anteriormente. Para máis información pódense por en contacto coa ANPA a través do enderezo electrónico anpamadalena@gmail.com. O Concello de Ames colabora nesta iniciativa.
A ANPA do CEP de Ventín, en colaboración co Concello de Ames, inaugura o vindeiro 5 de decembro un ciclo de actividades centradas na formación sobre o uso responsable das tecnoloxías. A primeira sesión, chamada “Para, Pensa, Conéctate contra a violencia de xénero” terá lugar no auditorio da Casa da Cultura do Milladoiro, ás 18:30 horas, e nela falarase sobre prevención contra o ciberacoso e a violencia de xénero dixital. Estas actividades enmárcanse no programa Conéctate, da Fundación Cibervoluntarios. Aqueles que estean interesados/as poderán inscribirse neste enlace.
Esta mañá, o salón de plenos da Casa do Concello, en Bertamiráns, recibiu a visita do alumnado de cuarto curso de educación primaria do CEIP Agro do Muíño, que se achegou á Casa consistorial para coñecer de primeira man o traballo que se realiza neste lugar. Así, acompañados de varios membros do Goberno local e dos grupos municipais do Partido Popular e do BNG, arredor de 75 nenos e nenas aprenderon que é un pleno municipal, o traballo que realizan os edís municipais e as funcións que cumpre a Administración local. Ademais, a rapazada puido trasladar aos membros da Corporación as súas dúbidas e preguntas.
Pasadas as tres semanas que se deron de prazo para presentar posibles achegas, onte mércores 17 de xullo realizouse unha xuntanza de traballo da comunidade educativa que compón o Consello Escolar Municipal de Ames. En dita xuntanza traballouse na modificación da Ordenanza fiscal reguladora da taxa pola prestación dos servizos complementarios educativos e de conciliación do Concello de Ames.
O concelleiro de Educación, David Santomil, mantivo unha xuntanza cos cinco directores e directoras do CEIP de Barouta, CEIP A Maía, CEIP Agro do Muíño, CEP Ventín e EEI do Milladoiro, no Pazo da Peregrina, para falar do plan de reparación e mantemento de patios escolares. Estas actuacións xa foron autorizadas pola Xefatura Territorial de Educación da Xunta de Galicia. Realizaranse en dúas anualidades, 2021 e 2022, en todos os centros escolares de ensino infantil e primaria de Ames.
A enquisa telefónica realízase a preto de 200 familias usuarias da Rede Municipal de Comedores Escolares que teñen bonificación total no pagamento das cotas (cota cero euros), correspondentes ás rendas inferiores ao 25% do IPREM. As enquisas estanse a realizar dende este pasado luns, 13 de abril, e desenvolveranse ata o 17 de abril. O obxectivo da enquisa é coñecer a situación económica de ditas familias motivada polo impacto do coronavirus (COVID-19).
O luns, día 28 de xuño, os representantes dos grupos municipais da Corporación Municipal recibiron no salón de Plenos do Concello de Ames aos directores/as dos centros escolares públicos de Ames.
A deputada provincial, Mónica Freire Rancaño, responsable da Área de Medio Rural, Mar e Mocidade da Vicepresidencia da Deputación de Lugo, realizou unha visita institucional ao concello de Ames, para coñecer o funcionamento dos comedores escolares, a loxística de transporte e a subministración de produtos locais de alimentación. Visitou a Casa do Concello, a cociña do CEIP Agro do Muíño e o comedor do CEIP A Maía. Estivo acompañada polo concelleiro de Educación, David Santomil, e pola técnica do departamento de Educación, Rosa García.
O Equipo de Dinamización Lingüística da Escola de Educación Infantil do Milladoiro vén de recibir o primeiro premio do programa de realización de curtametraxes “Nós tamén creamos!”, unha iniciativa posta en marcha pola Secretaría Xeral de Política Lingüistica e de Dirección Xeral de Ordenación e Innovación Educativa, en colaboración coa Corporación de Radio e Televisión de Galicia (CRTVG) e de OQO editora. Premendo nesta ligazón podes ver a curta presentada polo alumnado e o profesora de sexto curso da escola amesá, “Tonino: un pingüín en Ames”.
A escola infantil da Madalena, situada no Milladoiro, vén de celebrar o seu vixésimo aniversario cun concerto de Nadal. A escola infantil A Madalena é de titularidade municipal e está xestionada polo Concello. Este centro de ensino ofrece servizo a nenos e nenas que teñen unha idade comprendida entre os tres meses e os tres anos. A escola ten capacidade para 94 nenos e nenas e un cadro de persoal de 21 traballadoras: unha cociñeira, catro PSX, doce educadoras, tres mestras e unha directora.
- ‹ anterior
- 3 de 26
- seguinte ›
Trámites do departamento
Eventos del departamento
O Concello de Ames organiza o mércores 31 de agosto un acto na memoria dos once concelleiros da corporación municipal de Boimorto, detidos e asasinados pola represión franquista o 20 de agosto de 1936 nos Batáns. A homenaxe servirá ademais para informar sobre os traballos realizados na parroquia de Ortoño a comezos de agosto pola Asociación para a Recuperación da Memoria Histórica (ARMH), co fin de localizar os corpos de seis dos once represaliados durante a Guerra Civil. Será ás 18:00 horas, na carballeira de Ortoño, ao carón da igrexa parroquial. Trátase dun acto aberto a toda a veciñanza que desexe asistir.
O CEIP de Barouta, dentro do programa Lectura e familias, organiza para o sábado 27 de maio a celebración da Festa da Primavera. Trátase dun evento aberto ao público. Será unha xornada lúdica que dará comezo ás 17:00 na praia fluvial de Tapia. Incluirá xogos populares, unha mesa redonda, narracións orais, contacontos, un concerto e unha tómbola.
Os alumnos e alumnas de sexto de primaria do CEIP de Barouta presentarán este xoves, 15 de decembro, a Gala de Nadal da escola, que ten como obxectivo a recadación de fondos para a realización da excursión de fin de curso. Será ás 18:00 horas, no auditorio da Casa da Cultura de Bertamiráns. As entradas, que teñen un custo de 5 euros, poden adquirirse na tenda Vainilla y Chocolate, en Bertamiráns, na conserxería do centro ou na propia Casa da Cultura, antes de que dea comezo o espectáculo.
A ANPA do CEP de Ventín organiza o 5 dedecembro na Casa da Cultura do Milladoiro, ás 18:30 horas, unha actividade formativa chamada "Para, Pensa, Conéctate contra a violencia de xénero". Nela falarase sobre o uso responsable das tecnoloxías para a prevención contra o ciberacoso e a violencia de xénero dixital.
A ANPA As Brañas e mailo CEP de Ventín organizan unha charla sobre a miopía que está dirixida ás familias. Será o venres, 3 de novembro, ás 17.00 horas, na Casa da Cultura do Milladoiro. Nesta actividade colaboran o Concello de Ames e maila Universidade de Santiago de Compostela.
O CEIP de Barouta e as familias de sexto de Educación Primaria organizan o sábado, 25 de maio, a celebración da Festa da Primavera. Trátase dun evento aberto ao público. Será unha xornada lúdica que dará comezo ás 17:00 na praia fluvial de Tapia. Incluirá xogos populares, obradoiros, un concerto e unha tómbola. Todo o recadado irá destinado á excursión de fin de curso do alumnado de 6º de primaria.
Durante a xornada haberá diversos xogos populares para os cativos e cativas, unha tómbola con máis de 70 premios e, ao remate, un concerto a cargo de Pakolas.
O auditorio da Casa da Cultura de Bertamiráns acollerá mañá, 8 de marzo, a presentación do libro “Universo Inverso” ás 19:00 horas. Trátase dun libro de haikus que foi creado integramente polo alumnado de 6º de primaria do CEIP de Barouta, desde a redacción dos textos ás ilustracións. Durante o acto, presentado por Belén Xestal, 25 alumnas e alumnos recitarán algúns dos haikus que compoñen o libro acompañados de música en directo e de intérpretes en lingua de signos. Ademais, contarase coa actuación do grupo de danza GoPra Performance. Polo momento, o libro non estará dispoñible en librerías, pero poderá adquirirse durante a presentación ou chamando ao centro escolar para encargar algún exemplar.
O CEIP de Barouta organiza o venres 21 de xuño a celebración da Romaría de Fin de Curso 2024. Trátase dun evento aberto ao público. Será unha xornada lúdica que dará comezo ás 10:00 nas instalacións do centro educativo. Incluirá un roteiro, un xantar colaborativo, xogos, deportes e música, ademais da cerimonia de graduación do alumnado de 6º de Educación Primaria.