Solapas principales

Departamento de Normalización Lingüística

    • Dirección: Pazo da Peregrina. Avenida de Azcárraga, nº 5, Bertamiráns. 15220 Ames.
    • Teléfono:  662 37 72 15
    • Horario de atención al público: de 9:00 - 14:00h.
    • Responsable municipal: Concejalía de Normalización Lingüística
    • Responsable técnica: Rosa Moreiras Cuñarro, técnica de normalización lingüística
    • Objetivo principal del servicio:
      • Incrementar el uso y el prestigio de la lengua gallega en todos los ámbitos municipales.

El Servicio de Normalización Lingüística del Ayuntamiento de Ames recibe una subvención anual para gastos de personal de la Diputación de A Coruña y otra de la Xunta de Galicia.

Otros Datos: 
  • Funciones:
    • Asesorar y colaborar con la planificación lingüística del Ayuntamiento de Ames
    • Promover actuaciones para aumentar el uso del gallego en el ámbito municipal, de acuerdo con la normativa vigente, y entre el vecindario
    • Contribuir a la formación lingüística del vecindario y del personal municipal
    • Mejorar la calidad lingüística y comunicativa del Ayuntamiento de Ames
    • Informar y asesorar sobre derechos lingüísticos del vecindario y deberes lingüísticos municipales
    • Asesorar sobre cuestiones lingüísticas al vecindario y al personal municipal

Noticias del departamento

Ditos, cancións e recitados con “Orella pendella” no Apego de Ames, o venres 30 no Milladoiro

A compañía Migallas Teatro pecha o setembro do programa Apego amesán con “Orella pendella”, un obradoiro para familias con música en directo no que aprender ditos infantís, xogos, contos, recitados e cancións de sempre para interactuar coas crianzas, revitalizar o uso da lingua, e estimular a súa capacidade cognitiva e comunicativa. A actividade, dirixida ás nenas e nenos de 0 a 6 anos, terá lugar o venres 30 de setembro na Casa da Cultura do Milladoiro, ás 18:00 horas. Para participar, cómpre inscribirse dende hoxe ata o 29 de setembro, enviando un correo ao enderezo normalizacion@concellodeames.gal, no que se indiquen nome e apelidos das persoas asistentes, teléfono de contacto e idade das crianzas.

Doce persoas participan no obradoiro de acollemento lingüístico “En galego, co teu acento!", impartido en Bertamiráns

Dende este luns 14 de marzo doce persoas de diferentes orixes aprenden máis sobre a lingua e a cultura galega no taller de acollemento lingüístico “En galego, co teu acento!”, que se desenvolverá no Pazo da Peregrina de Bertamiráns ata o 13 de abril. O curso, de balde, contén quince sesións de dúas horas nas mañás dos luns, mércores e venres. Ao remate, realizarase este mesmo obradoiro no Milladoiro, do 20 de abril ao 25 de maio.

Dous equipos do IES do Milladoiro estarán na final da décima edición do Club de Debate

Once conxuntos de diferentes centros de ensino secundario dos concellos de Ames, Cedeira, Dodro, Negreira, Pontevedra e Teo participaron este pasado martes 5 e mércores 6 na fase clasificatoria do X Club de Debate. Do evento, celebrado na Casa da Cultura de Negreira, saíron seis finalistas, que disputarán a final do certame o próximo 6 de maio en Pontevedra. Neste senso, os equipos “Xente que fala” e “1,2,3 Milladoiro” do IES de Milladoiro estarán nesta fase final, ao remataren en segundo e terceiro lugar nas súas respectivas xornadas.

Entréganse os premios da primeira edición do certame Galetiktokers

O pasado venres, 18 de decembro, celebrouse no auditorio da Casa da Cultura do Milladoiro o acto de entrega dos premios da primeira edición do certame Galetiktokers. A concelleira de Mocidade e Normalización Lingüística, Escarlata Pampín, foi a encargada de facer a entrega dos premios. A dito acto tamén asistiron as técnicas de Normalización Lingüística, Rosa Moreiras, e de Mocidade, Pili Villaverde, así como os/as integrantes do xurado do certame: os youtubeiros, o Aquel-e e Olaxonmario, e maila presentadora do programa da TVG Dígocho Eu, Esther Estévez. Repartíronse catro premios, dous en cada categoría, de 150 euros cada un deles.

Está aberto o prazo de inscrición para participar na primeira Festa do Apego de Ames

O Concello de Ames, a través da Concellaría de Normalización Lingüística, organiza a primeira Festa do Apego de Ames, que se desenvolverá o venres, 11 de setembro, pola tarde e mais o sábado 12 durante todo o día. As actividades desenvolveranse no Pazo da Peregrina e na Casa da Cultura de Bertamiráns. Haberá teatro infantil, contos, cantos de berce, concertos, unha foliada e moitas actividades máis. O prazo de inscrición para participar nas diferentes actividades que se organizan está aberto ata este mércores 9 de setembro. O impreso de inscrición nas actividades, o cartel e mais a programación da Festa do Apego pódese obter premendo nas ligazóns que están ao pé desta nova.

Está aberto o prazo para inscribirse nos obradoiros de lingua e cultura En galego, co teu acento!

Ata o próximo día 23 de setembro está aberto o prazo para inscribirse nunha nova edición dos Obradoiros de Lingua e Cultura En galego, co teu acento! Trátase dunha actividade gratuíta de 30 horas de duración que se desenvolverá de luns a venres nas localidades de Bertamiráns e do Milladoiro, durante os meses de outubro e novembro. Ofrécense un total de 40 prazas (20 para cada localidade).

Está aberto o prazo para participar na segunda edición do Premio Lingua e Empresa que promove o uso do galego na actividade empresarial amesá

O Concello de Ames, a través do Servizo de Normalización Lingüística e do departamento de Promoción Económica, puxeron en marcha por segundo ano consecutivo o Premio Lingua e Empresa, co obxectivo de recoñecer o uso e fomento da lingua galega na actividade empresarial. Optarán a este galardón todas as empresas, con sede social ou centro de actividade no concello de Ames, que sexan propostas ata o 31 de outubro por calquera persoa ou entidade, ou pola propia empresa que queira participar.

Está aberto o prazo para participar na terceira edición do Premio Lingua e Empresa que promove o uso do galego na actividade empresarial amesá

O Concello de Ames, a través do Servizo de Normalización Lingüística e do departamento de Promoción Económica, puxo en marcha por terceiro ano consecutivo o Premio Lingua e Empresa, co obxectivo de recoñecer o uso e fomento da lingua galega na actividade empresarial. Optarán a este galardón todas as empresas, con sede social ou centro de actividade no concello de Ames, que sexan propostas ata as 14.00 horas do 16 de novembro por calquera persoa ou entidade, ou pola propia empresa que queira participar.

Está aberto o prazo para participar no certame Enreguéifate impulsado polos concellos de Ames, Pontevedra, Rianxo, Santiago de Compostela e Teo

O proxecto Enreguéifate ten como obxectivo revitalizar a regueifa valéndose de novos formatos e espazos e  promover o uso do galego a través da improvisación oral en verso. Debido ás circunstancias extraordinarias que estamos a vivir, nesta edición suspendéronse os obradoiros que se ían a impartir nos centros educativos, pero segue en marcha o certame de regueifa en vídeo e reforzáronse os contidos virtuais con titorias e vídeos con ideas para regueifarmos en confinamento. Estes materias están dispoñibes na páxina web e no Facebook e Instagram do proxecto. Dende o pasado 23 de marzo está aberto o prazo para a presentación de vídeos, que se estenderá ata o 29 de maio.

Está aberto o prazo para participar no XVII Certame Literario do Concello de Ames dotado con 3.800 euros en premios

O Concello de Ames, a través da Concellería de Normalización Lingüística, informa de que está aberto o prazo para participar na decimo sétima edición do Certame Literario de narrativa e poesía que se convoca de forma anual. Poderá concorrer neste certame calquera persoa que presente textos inéditos en lingua galega, con temática libre. Os textos poderán enviarse ata o 1 de abril de 2020 (incluído). En cada modalidade do certame, narrativa e poesía, establécense tres categorías, e en cada categoría, tres premios. En total, repartiranse 3.800 euros entre os/as gañadores/as, incrementándose a cifra en 840 euros con respecto ao ano pasado.

Eventos del departamento

>Visita do Apalpador en Bertamiráns

O Apalpador deixa as montañas do Courel para visitar aos nenos e nenas do Concello de Ames. O contador Anxo Moure transfórmase nesta figura e estará no Pazo da Peregrina de Bertamiráns o venres 11 de decembro a partir das 17.00 horas. Ademais, haberá un agasallo sorpresa para cada crianza que se achegue.  Para asistir é imprescindible inscribirse previamente, até o 10 de decembro, escribindo a  normalización@concellodeames.gal.

>Xogos do mundo

Obradoiro de xogos populares e tradicionais de diferentes partes do mundo. Destinado a un público infantil e familiar, desenvolverase na carpa da Praza de Chavián en Bertamiráns.

>Xornadas de Toponimia

O Concello de Ames e a Secretaria Xeral de Política Lingüística organizan unhas xornadas de toponimia dirixidas ao profesorado dos centros de ensino do Concello de Ames. Trátase dunha iniciativa que busca o achegamento, a posta en valor e o aproveitamento dos nomes de lugar como recurso educativo e ferramenta de dinamización lingüística. Desenvolveranse no Pazo da Peregrina, en Bertamiráns, os días 18, 19 e 30 de setembro, en horario de 16.30 a 20.30 horas. Ofértanse 40 prazas que se cubrirán por orde de inscrición. O prazo para apuntarse estará aberto ata o 11 de setembro. Para inscribirse hai que enviar un correo electrónico ao enderezo normalizacion@concellodeames.gal.

>Xornadas de Toponimia

O Concello de Ames e a Secretaria Xeral de Política Lingüística organizan unhas xornadas de toponimia dirixidas ao profesorado dos centros de ensino do Concello de Ames. Trátase dunha iniciativa que busca o achegamento, a posta en valor e o aproveitamento dos nomes de lugar como recurso educativo e ferramenta de dinamización lingüística. Desenvolveranse no Pazo da Peregrina, en Bertamiráns, os días 18, 19 e 30 de setembro, en horario de 16.30 a 20.30 horas. Ofértanse 40 prazas que se cubrirán por orde de inscrición. O prazo para apuntarse estará aberto ata o 11 de setembro. Para inscribirse hai que enviar un correo electrónico ao enderezo normalizacion@concellodeames.gal.

>Xornadas de Toponimia

O Concello de Ames e a Secretaria Xeral de Política Lingüística organizan unhas xornadas de toponimia dirixidas ao profesorado dos centros de ensino do Concello de Ames. Trátase dunha iniciativa que busca o achegamento, a posta en valor e o aproveitamento dos nomes de lugar como recurso educativo e ferramenta de dinamización lingüística. Desenvolveranse no Pazo da Peregrina, en Bertamiráns, os días 18, 19 e 30 de setembro, en horario de 16.30 a 20.30 horas. Ofértanse 40 prazas que se cubrirán por orde de inscrición. O prazo para apuntarse estará aberto ata o 11 de setembro. Para inscribirse hai que enviar un correo electrónico ao enderezo normalizacion@concellodeames.gal.

>“O berce das verbas”, actividade Apego

Caxoto contacontos ofrecerá unha sesión virtual  de contos e música o venres 27 de novembro, a partir das 18.00 horas. Os nenos e as nenas de até catro anos e as súas familias poderán participar no “Berce das verbas” e descubrir recursos para utilizar neses momentos máxicos previos ao sono e aos soños. O prazo de inscrición está aberto ata o xoves 26 de novembro e as familias interesadas en participar deberán enviar un correo a normalizacion@concellodeames.gal.

>“Polo Camiño, Contos da Feira”, marionetas virtuais

A compañía teatral A cova das letras chega a Ames con esta actividade do programa FalaRedes. O venres 20 de novembro, a partir das 18.00, os nenos e as nenas poderán participar nesta sesión virtual de marionetas, contos e cantos. O prazo de inscrición está aberto ata o xoves 19 de novembro e as familias interesadas en participar deberán enviar un correo a normalizacion@concellodeames.gal.

Brincadeiras miudiñas no Milladoiro

A través do programa Apego, Cé Orquestra Pantasma chega a Ames coas xornadas “Brincadeiras Miudiñas”, nas que un inquedo xogueteiro irá guiando aos nenos e nenas no mundo dos xogos e os xoguetes miudiños a través de rimas, música, baile e manualidades.

O mago Dani Polo en Bertamiráns

A Casa da Cultura de Bertamiráns acolle hoxe luns, 21 de decembro a actuación do Mago Dani Polo.

A inscrición pode facerse entre os días 11 e 18 de decembro, enviando un correo electrónico a normalizacion@concellodeas.gal  

No caso de que a situación sanitaria impedise a celebración presencial, esta actividade realizaríase virtualmente para as familias inscritas.