Solapas principales

Departamento de Bibliotecas

    • Biblioteca Municipal de Bertamiráns: Praza de Chavián s/n. 15220. Bertamiráns, Ames
    • Biblioteca Municipal de O Milladoiro: Rúa Raxoeira, nº 14 baixo. 15895. O Milladoiro, Ames
    • Horario de atención al público:
      • Invierno: (16 de septiembre al 15 de junio)
      • De Lunes a Viernes: de 9.00 a 20.50h.
      • Sábados: de 9.00 a 13.50h.
      • Verano: (16 de junio a 15 de septiembre)
      • De Lunes a Viernes: de 9.00 a 14.00h.
    • Responsable municipal: Concejalía de Cultura
Otros Datos: 
  • Programación actividades bilbiotecas outubro-decembro 2020
  • Funciones:
    • Reunir, organizar y poner a disposición de la comunidad un conjunto equilibrado de materiales bibliográficos, gráficos, audiovisuales o en otros soportes, que permitan el acceso a la información y a ahondar en los distintos campos del conocimiento.
    • Ser en sí misma el centro básico de información del área a la que sirve.
    • Promover, estimular y fomentar el uso de sus fondos entre la ciudadanía, mediante los servicios necesarios y las actividades educativas y culturales complementarias, incidiendo en la población infantil y juvenil y en los colectivos de usuarios/as con características especiales.
    • Cooperar con las demás bibliotecas mediante el intercambio de información, préstamo interbibliotecario y realización conjunta de actividades.
  • Normativa:

-Reglamento de la Biblioteca Municipal de Ames

  • Ley de Bibliotecas de Galicia:

-Descargar PDF.

  • Documentos:

-Catálogo de la Biblioteca.

-Guía de la Biblioteca.

-Inscripción en la biblioteca.

  • Centros de interés:

-Descargar PDF.

  • Secciones por edades:

-Descargar PDF.

  • Desideratas:

-Descargar PDF.

 

Noticias del departamento

Tuco Cerviño presenta a súa primeira novela “Un taxi verde e un concerto” dentro do programa Encontros Literarios

A edición deste ano do programa Encontros Literarios continúa este xoves, 8 de febreiro, coa presentación da novela “Un taxi verde e un concerto”,  de Tuco Cerviño. O acto, que estará presentado polo alcalde de Ames, Blas García, será ás 20:00 horas no Pazo da Peregrina, en Bertamiráns. Tamén asistirá o párroco de Ames, José María Ripoll. A entrada será libre ata completar aforo.

A Biblioteca de Ames desenvolverá ao longo desta semana diferentes actividades con motivo da conmemoración do Día do Libro

Este ano, pola crise sanitaria provocada polo coronavirus, a celebración do Día do Libro realízase na maior parte do mundo de maneira virtual e moitas bibliotecas buscaron a maneira de ofrecer servizos e realizar actividades de animación a través das redes sociais. Deste, xeito, a Biblioteca municipal de Ames desenvolverá ao longo desta semana contacontos, retos arredor dos libros para todas as idades, encrucillados, construción de historias… Os usuarios e as usuarias que desexen participar nestas actividades poderán seguir as publicacións e as pistas para os xogos sobre libros no Facebook coa etiqueta #BiblioRetos.

A biblioteca de Bertamiráns acolle este sábado a presentación da colección de libros inclusivos “Lemos +6”

A biblioteca municipal de Bertamiráns acollerá este sábado, 20 de maio, a presentación da colección de libros inclusivos “Lemos +6”, da man da súa autora, Susana Peix. Trátase dun evento que se celebra con motivo do 35 aniversario de Cumio Editorial, e que conta coa colaboración da libraría amesá Lenda. Será ás 12:00 horas. A entrada é libre e de balde ata completar aforo.

A Biblioteca do Milladoiro acolle a sesión de contacontos “Contos do dereito e do revés” este xoves 24 de outubro

Este xoves, 24 de outubro, terá lugar ás 17.30 horas na Biblioteca do Milladoiro a sesión de contacontos “Contos do dereito e do revés”. É unha das actividades que conforman o proxecto “Igual-son” que se leva a cabo nos concellos que desenvolven a Rede de Dinamización Lingüística. Trátase así dunha actividade que combina a dinamización lingüística coa sensibilización fronte á violencia de xénero. A actividade, que é de entrada libre, está destinada a nenos de 3 a 8 anos máis ás súas familias.

A Biblioteca Municipal dá a coñecer ás gañadoras do concurso “Debuxa a túa Rosalía” mentres prepara outro certame de debuxo para o mes de abril

40 nenos/as participaron no concurso “Debuxa a túa Rosalía”, organizado co gallo da celebración do aniversario de Rosalía de Castro desde as Bibliotecas de Ames. A implicación da cidadanía nesta iniciativa tradúcese asemade no elevado número de “Gústame” que recibiron os debuxos. Para  o mes de abril, a Biblioteca ten programado desenvolver outro concurso de debuxo, nesa ocasión a temática versará sobre o libro e a lectura.

A Biblioteca municipal de Ames organiza diferentes actividades na rede con motivo do Día do Libro

O Día Internacional do Libro, o 23 de abril, foi instaurado pola Unesco en 1988 aproveitando as datas do pasamento de autores tan importantes como William Shakespeare e Miguel de Cervantes. Esta data homenaxea os libros e os e as autoras  e fomenta o acceso á lectura para o maior número posíbel de persoas. Tal e como di a Unesco, o libro representa unha das mellores invencións para compartir ideas e encarna un instrumento eficaz para loitar contra a pobreza e construír a paz.

A Biblioteca Municipal de Ames realizou 5.440 préstamos no que vai de ano

Vento Ferido de “Carlos Casares”, na categoría de narrativa en galego para adultos, e “Cinco minutiños máis” de Marta Altés, na de narrativa infantil, foron os libros máis solicitados polos usuarios e usuarias da Biblioteca Municipal de Ames desde o 1 de xaneiro até o 31 de outubro de 2020. Ademais, no mesmo período, 229 adultos e 106 nenos e nenas solicitaron darse de alta neste servizo municipal. O persoal da biblioteca segue a realizar os habituais eventos de animación á lectura e cando as circunstancias sanitarias o requiren traspasa esas actividades á rede para que poidan ser desfrutadas, sen limitación de aforo, por un número maior de persoas. Na actualidade, a biblioteca de Ames conta con 8.786 socios e socias.

A biblioteca municipal do Milladoiro acolle este martes, 25 de outubro, a presentación do libro 'Mireia conta que é o dano cerebral adquirido' con Pepe Carreiro

O mes de outubro está cheo de actividades para conmemorar o Día nacional do Dano Cerebral, que se conmemora o 26 de outubro. Este ano, tamén para nenas e nenos, que poderán coñecer mellor o dano cerebral adquirido grazas a Os Bolechas. E é que a Federación Galega de Dano Cerebral (FEGADACE) editou, coa axuda destes coñecidos personaxes, a guía 'Mireia conta que é o dano cerebral adquirido'. Trátase dunha nova guía 'Os Bolechas' conta ás nenas e nenos como é a nosa discapacidade e cales son as súas causas.

A Biblioteca Municipal inicia hoxe o programa “Dixicontos”

Baixo o título de “Dixicontos, a Biblioteca Municipal inicia hoxe unha serie de sesións de conta contos na rede que emitirá até finais de ano todos os mércores, ás 17:00 horas. Os usuarios e usuarias poderán acceder a esta actividade a través da páxina de facebook da biblioteca. O programa responde á necesidade de trasladar ao entorno dixital as habituais sesións de conta contos que estaban programadas para o último trimestre do ano e que, por mor das restricións que dita a normativa de loita contra da COVID19, non se poden realizar nas propias sedes da biblioteca.

A Casa da Cultura de Bertamiráns acolle a exposición Noroeste cuarta Oeste: roteiros de ficción

A Casa da Cultura de Bertamiráns acolleu hoxe pola mañá a inauguración da exposición Noroeste cuarta Oeste: roteiros de ficción. Trátase dunha mostra enmarcada no proxecto Nortear, que realiza unha singradura a través de temas e obras literarias, cinematográficas, televisivas ou escénicas da nosa contemporaneidade. En modo de navegación polo Atlántico pódese percorrer a ficción galega en diálogo coa do Norte de Portugal. A mostra poderase visitar ata o 30 de xuño na entrada da Casa da Cultura de Bertamiráns.

Eventos del departamento

> 8M | Encontros Literarios en Ames: Ana Veiga

As bibliotecas municipais amesás acollen no seu terceiro encontro literario do ano á escritora Ana Veiga, que presentará o seu primeiro libro “La sonrisa permite respirar al alma”. Será este xoves 3 de marzo no Pazo da Peregrina de Bertamiráns, ás 20:30 horas. Acompañarán á autora Josefa F., amiga da escritora, e a pandeireteira María Fabiola, nun acto presentado pola concelleira de Cultura, Natividade González, e a concelleira de Igualdade, Luísa Feijóo. O evento, con entrada libre ata completar aforo, é parte da programación do 8M do Concello de Ames.

> 8M | Encontros Literarios en Ames: Inma López Silva

Continúan en marzo os encontros literarios do Departamento de Bibliotecas, nesta ocasión con Inma López Silva e a súa novela “O libro da filla”, Premio da Asociación de Críticos Literarios 2020. A presentación terá lugar o mércores 16 de marzo, no Pazo da Peregrina de Bertamiráns, ás 20:30 horas. A autora será presentada polo profesor, autor e crítico literario Xosé Antón López Silva, e acompañada pola concelleira de Cultura, Natividade González. O evento, con entrada libre ata completar aforo, é parte da programación do 8M do Concello de Ames.

> 8M | Encontros Literarios en Ames: Revista MujerArt Magazine

As bibliotecas amesás continúan cos actos polo 8M coa celebración do seu cuarto encontro literario do ano. Neste caso, terá lugar a presentación da revista MujerArt Magazine. Será o sábado 12 de marzo, ás 13:00 horas, no Pazo da Peregrina de Bertamiráns. Presentarán o acto Petronila Daza e Bea López Jerez, cunha “performance” a cargo das artistas multidisciplinares Natalia Horschovski, Celia Pía e Paula Quintas. Acompañan a concelleira de Cultura, Natividade González, e a concelleira de Igualdade, Luisa Feijóo. O evento, con entrada libre ata completar aforo, é parte da programación do 8M do Concello de Ames.

> Actividades polo Día do Libro

Os departamentos de Bibliotecas e de Normalización Lingüística amesáns preparan, co gallo da celebración do Día do Libro este sábado 23 de abril, unha serie de propostas ao longo de todo o día no Pazo da Peregrina, en Bertamiráns. Ao mediodía, ás 12:00 horas, presentarase a compilación dos textos gañadores da edición de 2021 do Certame Literario de Ames. Xa pola tarde, o pazo acollerá dúas sesións de contacontos para público infantil, de 17:30 a 19:30 horas, e outra para as persoas adultas, a partir das 19:30 horas, con servizo de conciliación incluído. Ademais, será o último día para participar no sorteo de 800 euros en vales para catro librarías amesás.

> Contos da radio. Ven a gravar un conto.

Achégate ás bibliotecas a gravar un conto para emitir en Ames Radio na semana de Nadal. Das 11.00 ás 13.00 horas e das 16.00 ás 20.00 horas. A actividade estará dispoñible luns e martes na Biblioteca de Bertamiráns e mércores e xoves na Biblioteca do Milladoiro.

> Encontro literario: Marta Estévez

O departamento de Bibliotecas do Concello de Ames organiza para este xoves, 25 de abril, un novo encontro literario no Pazo da Peregrina de Bertamiráns, ás 20:00 horas. Desta volta, a autora protagonista será Marta Estévez, que presentará a súa primeira novela publicada, “El secreto de las hermanas Asorey”, de Plaza & Janes Editores. Estévez estará acompañada pola tamén escritora e xornalista Andrea Barreira Freije e pola concelleira de Cultura, Natividade González.

> Encontros Literarios en Ames: Alfredo Conde

As Bibliotecas Municipais seguen co seu programa “Encontros Literarios en Ames” coa presentación do libro “En canto a Fraga”, do escritor Alfredo Conde. O acto terá lugar, como é habitual, este xoves 18 de novembro, ás 20:30 horas, no Pazo da Peregrina de Bertamiráns. A entrada será libre ata completar aforo.

> Encontros Literarios en Ames: Celebración de Xela Arias

As bibliotecas municipais amesás celebran un novo encontro literario co fin de presentar o Caderno Ramón Piñeiro número 44, unha obra colectiva dedicada a celebrar a obra da autora Xela Arias, homenaxeada no Día das Letras Galegas de 2021. Será o vindeiro mércores 26 de xaneiro, ás 20:00 horas, no auditorio da Casa da Cultura de Bertamiráns. Presentarán o acto Luís Cochón, editor da publicación; Manuel González, coordinador científico da obra, e o escritor Xosé Ramón Fandiño, acompañados do alcalde de Ames, Blas García, e da concelleira de Cultura, Natividade González. A entrada será libre ata completar aforo.

> Encontros Literarios en Ames: Charo Pita e Carlos Labraña

Durante o mes do libro, o público adulto poderá gozar dos xa habituais encontros literarios, que en abril contarán con varios autores e autoras amesás. O Pazo da Peregrina de Bertamiráns acollerá o xoves 7 a Charo Pita e a Carlos Labraña, mentres que o xoves 21 será a quenda de Mariña Pérez Rei e Rafa Vilar, ambas propostas ás 20:00 horas.

> Encontros Literarios en Ames: Mariña Pérez Rei e Rafa Vilar

Durante o mes do libro, o público adulto poderá gozar dos xa habituais encontros literarios, que en abril contarán con varios autores e autoras amesás. O Pazo da Peregrina de Bertamiráns acollerá o xoves 7 a Charo Pita e a Carlos Labraña, mentres que o xoves 21 será a quenda de Mariña Pérez Rei e Rafa Vilar, ambas propostas ás 20:00 horas.