O Concello de Ames informa de que continúan as activiadades ligadas ao mercado de produtos da horta e artesanía de Ames. Ademais dos postos de venda, cada semana haberá diferentes obradoiros de artesanía e cociña, degustacións e catas e sorteos de produtos. Este sábado, 4 de outubro, de 11.30 a 12.30 horas, haberá unha cata de marmeladas, froita e produtos doces e salgados.

Premendo na ligazón que está ao pé deste aviso pódese obter o menú das escolas infantís municipais de Ames. Este menú foi elaborado pola nutricionista municipal do Concello de Ames.

A Aula Municipal Tecnolóxica da Información e da Comunicación (Aula AmTIC) do Concello de Ames, localizada no Milladoiro, oferta para os vindeiros meses de outubro e novembro novos cursos formativos: cinco dirixidos para persoas adultas e dous para menores. Os contidos dos cursos para adultos abranguen contidos moi amplos, como seguridade dixital, mecanografía ou ofimática. En canto o curso de menores, desta volta ofértase un curso de mecanografía e outro de nivel básico de informática. As persoas interesadas en realizar calquera dos cursos, deben facer a súa inscrición chamando a través do número de teléfono 674 59 48 43, escribindo un correo electrónico a informatica.milladoiro@gmail.com coa correspondente solicitude cuberta e asinada ou de xeito presencial na propia aula AMTIC do Milladoiro.

A semana pasada deu comezo un novo curso na Escola Municipal de Teatro de Ames. En Bertamiráns, as clases comezaron o día 16, mentres que no Milladoiro o inicio foi o mércores 17. Con todo, seguen quedando prazas libres nalgúns grupos da escola.