Pestanas principais

Oficina municipal de Voluntariado

    • Enderezo: Casa da Cultura de Bertamiráns. Praza de Chavián s/n
    • Teléfono: 662 37 70 44
    • Responsable municipal: Concellaría de Benestar Social
    • Responsable técnico: Rubén Ramos Domínguez – Técnico de voluntariado
Outros Datos: 

Novas do departamento

42 voluntarios/as colaboran coa Oficina municipal de voluntariado que ten en marcha varias campañas de recollidas de alimentos, roupa e enseres

Este sábado, 5 de decembro, conmemorase o Día internacional do voluntariado. Dende o ano 2002 o Concello de Ames conta cunha oficina municipal de voluntariado que desenvolve ao longo do ano programas de acción social, de atención socioeducativa, así como outros programas de acción voluntaria e sociocomunitarios. Durante estes 16 anos, máis de 350 voluntarios/as colaboraron con este departamento municipal. Na actualidade, 42 voluntarios/as colaboran activamente coa Oficina municipal de voluntariado nas diferentes accións voluntarias desenvolvidas. A pesar de que este ano, por mor da Covid-19, a programación tivo que cancelarse, a OVA mantén activas campañas de recollidas de alimentos, roupa e enseres. 

A campaña solidaria “Zocos e Trasnos” volve cos seus agasallos a Ames por sexto ano consecutivo

“Zocos e Trasnos” volve na súa sexta edición consecutiva co fin de que toda a rapazada amesá teña agasallos no Nadal. A campaña ten como piar fundamental a participación da cativada, os “Zocos”, que escribirán as súas cartas aos Reis Magos pedindo un regalo concreto de maneira anónima. A veciñanza de Ames, a través da Oficina do Voluntariado do Concello de Ames, actuará como “Trasnos”, os encargados de ler as cartas e achegar os obsequios aos “puntos Trasnos”, que estarán localizados este ano nas Casas da Cultura de Bertamiráns e do Milladoiro. Uns 120 rapaces e rapazas benefícianse cada ano deste acto solidario.

A Casa da Cultura de Bertamiráns acolle un novo obradoiro de acabados en madeira

A Oficina de Voluntariado de Ames (OVA), dependente da concellería de Benestar Social, organiza un novo obradoiro de acabados en madeira. Este desenvolverase na Casa da Cultura de Bertamiráns, todos os luns de 18.30 a 20.30 horas a partir do 10 de febreiro. As prazas son limitadas, polo que é necesario inscribirse chamando ao teléfono 662 377 044.

A iniciativa solidaria “Painting for Others” achégase a Ames coa Oficina de Voluntariado e a ONG Cooperación Internacional

O proxecto solidario da organización Cooperación Internacional, “Painting for Others”, achegouse a Ames da man da Oficina de Voluntariado para rehabilitar vivendas de persoas con menos recursos. Na iniciativa, coa que xa se pintou o fogar dunha familia amesá, mozos e mozas voluntarias pintan no seu tempo libre as paredes de casas en estado de precariedade, á vez que gañan consciencia sobre  as dificultades de persoas da súa contorna, aportando mans de pintura, calidez e proximidade.

A Oficina de Voluntariado de Ames organiza un novo obradoiro de ximnasia e relaxación

A Oficina de Voluntariado de Ames, dependente da Concellaría de Benestar Social, organiza a partir do próximo martes 15 de novembro un obradoiro de relaxación na Casa das Persoas Maiores de Bertamiráns. Impartirase todos os martes e xoves, en horario de 11:00 a 12:00 horas. As prazas son limitadas, polo que é necesario inscribirse enviando un correo electrónico ao enderezo voluntariado@concellodeames.gal.

A Oficina de Voluntariado de Ames pon en marcha unha campaña de recollida de alimentos de Nadal

A Oficina de Voluntariado de Ames, dependente da Concellaría de Benestar Social, pon en marcha unha campaña de recollida de alimentos propios da época de Nadal. As persoas que queiran participar poden doar os seus produtos na Casa do Concello e nas Casas da Cultura de Bertamiráns e do Milladoiro, de luns a venres, en horario de 9.00 a 14.00 horas, e no pavillón municipal de Bertamiráns, en horario de tarde, de 17.00 a 20.00 horas. Os alimentos recolleranse do 23 de novembro ata o 14 de decembro.

A Oficina de Voluntariado de Ames pon en marcha unha campaña de recollida de material escolar

A Concellería de Benestar Social, a través da Oficina de Voluntariado de Ames, acaba de poñer en marcha unha campaña de recollida de material escolar entre o persoal municipal e político do Concello, para tratar de resolver as necesidades dalgunhas familias con menores de Ames. Por mor das consecuencias económicas provocadas pola Covid-19, este curso precísase máis participación e axuda da veciñanza amesá que noutras ocasións. O obxectivo desta campaña é recadar material escolar (mochilas, estoxos, carpetas, lapis, cadernos, etc.) para que ningunha nena/o quedes sen material durante o curso escolar que acaba de comezar.  O material escolar pódese entregar na Casa do Concello e nas Casas da Cultura de Bertamiráns e do Milladoiro.

A Oficina de Voluntariado de Ames volve a pór en marcha a campaña de recollida de material escolar

A Concellería de Benestar Social, a través da Oficina de Voluntariado de Ames, pon en marcha, un ano máis, a campaña de recollida de material escolar para tratar de resolver as necesidades dalgunhas familias con menores de Ames.
 Dende a Oficina de Voluntariado xa se viña dando resposta a estas necesidades pero quixemos ir un pouco mais alá e queremos que todos os nenos e nenas de Ames inicien o seu curso escolar en condicións de igualdade.

A Oficina de Voluntariado organiza un día de campamento en Galipark para as persoas adultas de Ames

A Oficina de Voluntariado de Ames propón unha xornada de campamento para persoas adultas no parque multiaventura Galipark, situado preto da vila de Padrón. Alí poderanse realizar diversas actividades como escalada e rafting, ou pasar por tirolinas e  tobogáns acuáticos. A proposta terá lugar o sábado 28 de maio, con saídas en autobús dende as Casas da Cultura do Milladoiro e Bertamiráns, ás 9:15 e ás 9:30, respectivamente. Para participar, cómpre inscribirse enviando un correo ao enderezo electrónico voluntariado@concellodeames.gal, ata o día 20 de maio. Para máis información, pódese chamar aos teléfonos 662 377 044 ou 683 327 378.

A Oficina de Voluntariado programa un taller de robótica e outro de reciclaxe informática no Milladoiro

A Oficina de Voluntariado e a Oficina de Software Libre e Banco de Reciclaxe de Ames celebran este sábado 15 de outubro dous obradoiros, a partir das 11:00 horas no antigo centro de saúde do Milladoiro. Por unha banda, organízase un taller de robótica para nenas e nenos de 7 a 12 anos, con inscricións de balde premendo nesta ligazón. Ademais, de xeito simultáneo haberá un obradoiro de posta a punto, reciclaxe e instalación de computadores, organizado pola Oficina de Software Libre, para o que tamén se pode confirmar a asistencia de xeito gratuíto nesta ligazón.

Trámites do departamento

Inscrición como voluntario/a

Eventos del departamento

> Excursión da Oficina de Voluntariado á Fortaleza de Valença

A Oficina de Voluntariado de Ames (OVA), dependente da Concellaría de Benestar Social, organiza unha excursión á Fortaleza de Valença do Minho, en Portugal, que terá lugar o mércores 1 de febreiro. A actividade está dirixida a persoas maiores de 60 anos, e os interesados en inscribirse xa poden facelo, ata o 26 de xaneiro, chamando aos números 683 18 63 44 ou 662 37 70 44. O custo é de 25 euros e inclúe xantar e desprazamento.

> Festa do Entroido Amessan

A Festa do Entroido do programa Amessan celebrarase o venres 17 de febreiro, de 17.30 horas a 20.30 horas, na Casa da Cultura de Bertamiráns. Este ano a temática da festa xira arredor do antigo Oeste e anímase aos maiores a acudir disfrazados. Os asistentes poderán gozar de música ao vivo a cargo de Luis Rey e dunha pequena merenda. Haberá autobuses para asistir ao evento dende as paradas de costume, reservando praza chamando aos números 662 377 044 ou 683 327 378 (antes do 15 de febreiro ás 14:00 horas).

> Obradoiro sobre seguridade dixital básica

A Oficina de voluntariado informático de software libre de Ames, xunto co seu Banco de reciclaxe electrónica, continúa coa programación de obradoiros que comezou no pasado mes de xullo. Nesta ocasión o sábado, 1 de outubro, de 11:00 a 13:30 horas, impartirase no edificio do antigo centro de saúde do Milladoiro un obradoiro sobre seguridade dixital básica. Trátase de impartir actividades de divulgación das novas tecnoloxías en software libre entre os grupos sociais menos favorecidos. Aprenderase sobre conceptos básicos da seguridade dixital, para poder usar os nosos ordenadores e smartphones dunha forma mellor e máis segura. As persoas que queiran participar poden confirmar a súa asistencia premendo nesta ligazón.

>Feira do Voluntariado

A I Feira do Voluntariado de Ames rematará o sábado 29 de maio. Podes consultar aquí o programa de actividades. Tamén podes coñecer o horario, as persoas e os temas dos faladorios. A xornada comezará ás 11.00 horas coa actividade "Move o teu corpo", dirixida por BJ trainers. Ao longo do día haberá obradoiros infantis, para adultos, faladorios... Ás 20.00 horas clausurarase a Feira do Voluntariado cun concerto de Arévalo Gianneto Rock Soul.

>Inauguración da mostra de pinturas de Marité Lamas Domínguez

Este venres, 3 de xullo, inaugurase na Casa da Cultura de Bertamiráns a mostra de pinturas de Marité Lamas Domínguez. Unha serie de interpretacións realizadas en acrílicos, lapis e acuarelas, durante os primeiros corenta días da corentena mundial 2020.