Pestanas principais

Departamento de Secretaría e Administración Xeral

    • Enderezo: Praza do Concello, nº 2, Bertamiráns.
    • Teléfono: 981 88 30 02
    • Horario de atención ao público: de 9:00-14:00 horas.
    • Responsable municipal: Concellaría de Administración Xeral.
    • Responsable técnico: María Ofir Aboy García, técnica de secretaría.
    • Estrutura do servizo: Secretaría, Técnica de Secretaría, 3 Auxiliares Administrativos.
Outros Datos: 
  • Funcións:
    • Asesoría xurídica do Concello
    • Informar e asesorar sobre os asuntos plenarios. Conformación dos plenos e comisións, xuntas de goberno
    • Levantar acta das sesións dos órganos colexiados
    • Certificación dos actos ou resolucións da Presidencia e os acordos dos órganos colexiados decisorios, así como dos antecedentes, libros e documentos do Concello.
    • Remitir á Administración do Estado e á Comunidade Autónoma, nos prazos e formas determinados reglamentariamente, copia ou, no seu caso, extracto dos actos e acordos dos órganos decisorios da Corporación, tanto colexiados como unipersonais.
    • Levar e custodiar o Rexistro de Intereses dos membros da Corporación e o Inventario de Bens.
    • Acompañar ao Alcalde-Presidente ou membros da Corporación nos actos de sinatura de contratos ou escrituras.
    • Xestión da área de contratación. Realización do Plan de contratación semestral.
    • Xestión dos RRHH do Concello de Ames.
  • Bolsas de traballo
  • Procesos selectivos
  • Perosal Municipal
  • Novas relacionadas
  • Axenda.

Novas do departamento

O Concello de Ames organiza un dispositivo especial para as eleccións ao Parlamento de Galicia do 12 de xullo

Esta mañá realizouse unha xuntanza para abordar os últimos detalles do operativo especial que vai a montar o Concello de Ames de cara a garantir as normas e medidas de seguridade que rexerán na xornada electoral deste domingo 12 de xullo. Ao fronte de dito dispositivo estarán o concelleiro de Seguridade, Víctor Fernández, e mailo concelleiro de Protección Civil, Blas García. Participarán 20 voluntarios/as da Agrupación de Protección Civil, 10 axentes da Policía Local e 25 traballadores/as do persoal municipal. Un total de 24.319 persoas poderán votar en Ames. Os/as electores terán que acudir ás 35 mesas electorais que estarán repartidas por todo o termo municipal.

O Concello de Ames procede á contratación de servizos e subministros polo procedemento de emerxencia durante o estado de alarma

O Concello de Ames informa de que por medio de decreto de Alcaldía se aprobou a subministración de equipos de protección individual (EPI) para todo o persoal municipal, que deba prestar servizos mínimos no exercicio das súas funcións; a compra de material informático e tecnolóxico, así como dos servizos necesarios para a súa implantación na prestación dos servizos públicos; e mailas subministracións básicas para persoas en situación de emerxencia social ou aquelas necesarias para a prestación de calquera dos servizos socias do concello.

O Concello de Ames procede á suspensión de contratos de diferentes actividades municipais durante o estado de alarma

O Concello de Ames decidiu o pasado 13 de marzo suspender, temporalmente e ata novo aviso, as actividades municipais deportivas, culturais, medioambientais, de ocio e demais programadas, como consecuencia da pandemia do Coronavirus. Debido a dita medida, a través de decreto de Alcaldía, tamén se suspenderon determinados contratos de servizos municipais nos que as prestacións resultan imposibles como consecuencia do COVID-19.

O Concello de Ames procede ao levantamento da suspensión de varios expedientes de contratación administrativa que se tramiten electrónicamente

O Concello de Ames ven de acordar, mediante decreto de alcaldía, o levantamento da suspensión de varios expedientes de contratación administrativa que se tramiten electrónicamente. A vista da previsión contida no Real decreto 17/2020, do 5 de maio, o Concello de Ames pode acordar o levantamento da suspensión dos expedientes de licitación que estaban en tramitación no momento de declararse o estado de alarma, así como iniciar novos expedientes de licitación sempre que sexan licitacións tramitadas por medios electrónicos.

O Concello de Ames realizará as comisións informativas e mailos plenos de xeito telemático durante o período de estado de alarma

O Concello de Ames, a través da aplicación Councilbox subministrada por AVA Soluciones tecnológicas, poderá realizar o vindeiro luns, 13 de abril, as comisións informativas previas ao pleno do 16 de abril, unha sesión plenaria que corresponde co pleno ordinario do mes de marzo, que quedou pendente de celebrar debido ao estado de alarma no que nos atopamos como consecuencia da pandemia do Covid-19. Ademais, a través desta aplicación poderanse celebrar, se fose necesario, xuntas de goberno local, mesas xerais de negociación, etc.

O Concello de Ames recolle un vertedoiro incontrolado en Alto do Vento e iniciará un expediente sancionador

A empresa Urbaser, concesionaria do servizo de limpeza viaria e do punto limpo do concello de Ames, recolleu esta semana un novo vertedoiro incontrolado, que previamente os axentes da Policía Local detectaron xunto aos colectores de lixo da urbanización O Bosque Animado, en Ventosa, na parroquia de Covas. Houbo que recoller unha gran cantidade de lixo nas proximidades dos colectores, composto principalmente por restos de poda, mobiliario de terraza e enseres de todo tipo. Dende o Concello de Ames inciden na importancia de coidar o medio ambiente e fan un chamamento ao sentido común e civismo da veciñanza. O lixo foi trasladado ao Punto Limpo, onde se fixo unha separación adecuada, para o seu posterior tratamento.

O Concello de Ames saca a consulta pública a ordenanza municipal reguladora de actos de benvida social

O Concello de Ames vén de comezar os trámites para establecer unha ordenanza que regule a carta de “Benvida Social”, tamén coñecida en outros concellos como bautizo civil. Segundo os cálculos estimados polos servizos municipais non será ata o mes de agosto cando se poida oficiar a primeira celebración dunha cerimonia civil. Dita ordenanza estará en consulta pública durante 20 días hábiles rematando o prazo o 19 de maio. Posteriormente proporase para a súa aprobación no pleno ordinario de maio.

O Concello de Ames solicitará unha oficina permanente de documentación da Policía Nacional

O Concello de Ames solicitará unha oficina permanente de documentación da Policía Nacional, para que os residentes poidan realizar trámites como a renovación do DNI, pasaportes ou a expedición de tarxetas de identidade para estranxeiros. A posta en marcha desta oficina da Policía Nacional garantiría a prestación dun servizo administrativo moi demandado pola veciñanza amesá. Este tema tratouse nunha xuntanza mantida polo Goberno municipal con representantes do Sindicato Unificado de Policía (SUP).

O Concello de Ames sufragará novos investimentos, gasto corrente, gastos extraordinarios de servizos sociais e reducirá a débeda con cargo ao POS+ 2021

O Pleno aprobou este xoves, 4 de febreiro, a participación do Concello de Ames no plan provincial de cooperación ás obras e servizos de competencia municipal (Plan único de concellos), POS+ 2021, da Deputación provincial da Coruña. O Concello de Ames disporá de 1.272.459,80€, dos cales 1.152.131,60€ (472.496,40€ da achega 2021 e 679.635,24€ da achega de 2020) son para a execución de oito novos proxectos; e 120.328,23€ para a redución de débeda. Ademais, disporase de 34.618,19€ para o financiamento de gastos correntes. No Plan complementario de 2021 recollese unha partida de 972.963,45€ para a execución de cinco proxectos e no POS+ Adicional 1/2021 contémplanse 306.290,04€ para gastos sociais extraordinarios.

O Concello estudará a definición da garantía para as terrazas especiais recollendo a proposta das asociacións hostaleiras e estenderá a conxelación do pago para o ano 2021

O departamento de urbanismo manterá estes días unha xuntanza para analizar a última proposta dos hostaleiros que limita a garantía a aqueles espazos que teñan unha ocupación con elementos fixos ou con tarimas que conleven un maior deterioro da vía pública. Na xuntanza establecerase a redacción final que novamente se achegará ás asociacións e grupos da oposición. Ao longo deste ano, o Goberno mantivo xa varias reunións cos diferentes colectivos implicados para coñecer os distintos puntos de vista e poder acadar un documento sólido, consensuado e cos máximos apoios posibles. É a primeira vez que en Ames se regula o uso das terrazas.

Eventos del departamento

> Pleno ordinario xullo 2023

Este xoves, día 27, o Concello de Ames celebrará o pleno ordinario correspondente ao mes de xullo.

Pleno de investidura

Este sábado, 15 de xuño, celébrase o primeiro pleno do mandato 2019-2023 no que se desenvolverá o acto de investidura. O pleno de constitución da nova Corporación desenvolverase dende as 12:00 horas no auditorio da Casa da Cultura de Bertamiráns. Os concelleiros e concelleiras prometerán o seu cargo e será elixido o alcalde. Os 21 concelleiros/as terán que facer unha votación nominal na que cada edil terá que votar por algún dos candidatos á Alcaldía.

Xuntanza de Portavoces

A Casa do Concello acolle a xuntanza de portavoces a partir das 14.00h este xoves, 11 de xullo.