Pestanas principais

Departamento de Secretaría e Administración Xeral

    • Enderezo: Praza do Concello, nº 2, Bertamiráns.
    • Teléfono: 981 88 30 02
    • Horario de atención ao público: de 9:00-14:00 horas.
    • Responsable municipal: Concellaría de Administración Xeral.
    • Responsable técnico: María Ofir Aboy García, técnica de secretaría.
    • Estrutura do servizo: Secretaría, Técnica de Secretaría, 3 Auxiliares Administrativos.
Outros Datos: 
  • Funcións:
    • Asesoría xurídica do Concello
    • Informar e asesorar sobre os asuntos plenarios. Conformación dos plenos e comisións, xuntas de goberno
    • Levantar acta das sesións dos órganos colexiados
    • Certificación dos actos ou resolucións da Presidencia e os acordos dos órganos colexiados decisorios, así como dos antecedentes, libros e documentos do Concello.
    • Remitir á Administración do Estado e á Comunidade Autónoma, nos prazos e formas determinados reglamentariamente, copia ou, no seu caso, extracto dos actos e acordos dos órganos decisorios da Corporación, tanto colexiados como unipersonais.
    • Levar e custodiar o Rexistro de Intereses dos membros da Corporación e o Inventario de Bens.
    • Acompañar ao Alcalde-Presidente ou membros da Corporación nos actos de sinatura de contratos ou escrituras.
    • Xestión da área de contratación. Realización do Plan de contratación semestral.
    • Xestión dos RRHH do Concello de Ames.
  • Bolsas de traballo
  • Procesos selectivos
  • Perosal Municipal
  • Novas relacionadas
  • Axenda.

Novas do departamento

O Pleno debaterá sobre a prestación do servizo de transporte público de Ames

Este xoves, 26 de xaneiro, o Concello de Ames celebra o primeiro pleno do ano. En dita sesión plenaria a Corporación municipal debaterá sobre o inicio de expediente para a prestación do servizo de transporte público de Ames. Tamén se falará sobre a prórroga obrigatoria do actual contrato do SAF; a resolución de alegacións e aprobación definitiva da modificación puntual do regulamento de funcionamento dos servizos de Comedores escolares, Bos días cole e Tardes divertidas;  a declaración de especial interese das obras de edificación da residencia de persoas maiores no Milladoiro, para a posterior concesión de bonificación na cota do ICIO. Por último, abordarase a aprobación inicial da ordenanza fiscal da taxa pola utilización das instalacións culturais de propiedade municipal, a elección da xuíza de paz substituta e unha moción presentada polo grupo municipal socialista de apoio á mobilización da Atención primaria. O pleno poderase seguir por streaming a través da canle de Youtube do Concello de Ames.

O Pleno debaterá sobre a sinatura dun convenio coa Axencia Galega de Infraestruturas para a mellora do firme da avenida da Maía

Este xoves, 26 de decembro, realizarase o pleno ordinario do mes de decembro no que a Corporación municipal debaterá sobre a aprobación do convenio de colaboración coa Axencia Galega de Infraestruturas para a mellora do firme da avenida da Maía. Outros temas que se tratarán serán a formalización de dous convenios coa Deputación da Coruña, un para o cofinanciamento de obras na ponte Cabirta e outro para o acondicionamento e mellora térmica da cuberta e fachadas da gardería municipal O Bosque. Tamén se debaterá a aprobación dun plan económico-financeiro para o período 2019-2020; a modificación da ordenanza de xestión, recadación e inspección dos tributos e outros ingresos de dereito público; a terceira modificación do ROM; a modificación dos estatutos da Asociación de entidades pola Lingua Galega; a modificación do proxecto de cubrición do parque infantil da praza de Chavián; e dúas propostas. Estes temas foron previamente tratados o pasado venres, 20 de decembro, nas comisións informativas.

O Pleno debaterá sobre o complexo deportivo do Milladoiro e a rectificación do inventario municipal

Este xoves, 30 de marzo, o Concello de Ames celebra o pleno ordinario correspondente ao mes de marzo. En dita sesión plenaria a Corporación municipal debaterá sobre a aprobación da rectificación do inventario municipal 2023; a modificación puntual do PXOM para a reordenación do espazo urbano da avenida da Peregrina e Travesía do Lodeiro; unha transferencia de crédito para realizar melloras térmicas e acústicas no pavillón do Milladoiro; a modificación da base número 50 do orzamento municipal (subvencións nominativas); e a declaración de especial interese das obras de ampliación do CEIP Agro do Muíño para a bonificación na cota do ICIO. Tamén se debaterá sobre o estudo de viabilidade para a creación dunha instalación deportiva no Milladoiro; o nomeamento de Rosalía como filla adoptiva de Ames; e unha proposta en apoio á restauración do texto fidedigno do himno galego para a súa difusión. O pleno poderase seguir por streaming a través da canle de Youtube do Concello de Ames.

O Pleno debaterá sobre o regulamento de xestión do Ciclo Integral da Auga

Este xoves, día 27, o Concello de Ames celebrará o pleno ordinario correspondente ao mes de xullo. Na sesión plenaria a Corporación municipal debaterá sobre a aprobación do regulamento para a xestión do Ciclo Integral da Auga e sobre a aprobación de dous proxectos (pavimentación de viarios en Raíces e Ínsua) incluídos no Plan AGADER. Tamén se vai tratar un expediente de investigación patrimonial dun camiño no lugar de Carballo, a aprobación do proxecto de eficiencia enerxética e de iluminación pública no parque empresarial do Milladoiro, a modificación do lote 3 do contrato do servizo de limpeza nas instalacións de uso municipal, a aprobación do suplemento de crédito 2/2023 e maila aprobación do recoñecemento extraxudicial de crédito 1/2023. O pleno será emitido en directo a través da canle de YouTube do Concello de Ames.

O Pleno debaterá unha cuestión de confianza vinculada á aprobación do orzamento municipal do exercicio 2026

Este xoves, 26 de febreiro, celébrase o pleno ordinario correspondente ao mes de febreiro. Na sesión plenaria, a Corporación municipal debaterá unha cuestión de confianza vinculada á aprobación do orzamento municipal do exercicio 2026, a aprobación inicial da modificación da ordenanza fiscal do ICIO, a solicitude dunha subvención á Deputación da Coruña para financiar e poñer en marcha unha nova liña de axudas para as comunidades enerxéticas, e a aprobación da modificación do convenio de colaboración entre os Concellos de Ames e Brión para a solicitude conxunta dunha subvención á Xunta de Galicia para a realización do obradoiro dual de emprego Renova Verde. Ademais, abordaranse catro mocións presentadas polos grupos municipais do PSdeG-PSOE, Partido Popular e BNG. O pleno será emitido en directo a través da canle de YouTube do Concello de Ames.

O Pleno desestima o recurso especial en materia de contratación presentado no expediente de licitación do servizo de axuda no fogar

Este martes, 29 de novembro, celebrouse un pleno extraordinario sobre o expediente de licitación do servizo de axuda no fogar do Concello de Ames. Primeiro ratificouse por unanimidade a urxencia da convocatoria de dito pleno. Os tres puntos restantes da orde do día foron aprobados por maioría absoluta co voto a favor dos membro do goberno e do concelleiro do grupo mixto, Quique Costas, de Ames Novo. Os concelleiros/as do grupo municipal popular e mailo concelleiro do grupo mixto, José Ramón Oulego, de Ciudadanos, votaron  en contra. Deste xeito, aprobouse a desestimación do recurso especial en materia de contratación presentado no expediente de licitación do servizo de axuda no fogar, a convalidación dos acordos de clasificación de ofertas realizados pola Xunta de Goberno Local, e a delegación do Pleno na Xunta de Goberno Local das competencias como órgano de contratación en dito expediente de licitación.

O Pleno ordinario do mes de abril debaterá sobre o cambio da forma de xestión do Ciclo Integral da Auga

Este xoves, 30 de marzo, o Concello de Ames celebra o pleno ordinario correspondente ao mes de abril. En dita sesión plenaria a Corporación municipal debaterá sobre o cambio da forma de xestión do servizo público do Ciclo Integral da Auga e a aprobación definitiva do texto refundido do regulamento da rede municipal de comedores escolares, Bos Días Cole e Tardes Divertidas. Tamén se debaterá a rectificación do nome da obra de implantación de cociña central en Bertamiráns e a emenda de deficiencias na redacción do proxecto das obras de pavimentación no núcleo de Framil. Ademais debaterase unha proposta na que se lle insta á Consellería de Infraestruturas melloras na estrada AC-544 ao seu paso por Reino e Piñor. Premendo nesta ligazón podes ver a sesión plenaria en directo. 

O Pleno rexeita a cuestión de confianza vinculada á aprobación do orzamento municipal do exercicio 2026

A Corporación municipal rexeitou a cuestión de confianza vinculada á aprobación do orzamento de 2026, polo que se abre un período de 30 días naturais para que os grupos políticos municipais do Partido Popular, BNG e Espazo Común presenten unha moción de censura. No caso de non presentar dita moción ou esta non saía adiante, o orzamento de 2026 pasará a estar en exposición pública durante un prazo de quince días. Na parte resolutiva, aprobouse de xeito inicial a modificación da ordenanza fiscal do ICIO, a solicitude dunha subvención á Deputación da Coruña para financiar e poñer en marcha unha nova liña de axudas para as comunidades enerxéticas, e maila modificación do convenio de colaboración entre os Concellos de Ames e Brión para a solicitude conxunta dunha subvención á Xunta de Galicia, para a realización do obradoiro dual de emprego Renova Verde. Ademais, debatéronse catro mocións presentadas polos grupos municipais do PSdeG-PSOE, Partido Popular e BNG. Podes ver a gravación do pleno na canle de Youtube do Concello de Ames.

O pleno rexeita a modificación e a derrogación de varias ordenanzas fiscais

As sete modificacións e as tres derrogacións de ordenanzas fiscais que, a petición do grupo municipal do Partido Popular, tratáronse onte en Pleno Extraordinario, foron rexeitadas na súa totalidade. Os concelleiros e concelleiras do grupo do goberno votaron en contra de todos os puntos da orde do día, o PP a favor e os concelleiros de Ciudadanos e Ames Novo variaron o seus votos en cada unha das propostas, de xeito que nalgunhas cuestións abstivéronse, noutras votaron a favor e noutras en contra. A sesión, por mor da pandemia da Covid-19, celebrouse coa asistencia presencial do alcalde, secretaria, interventora e tesoureira, e a asistencia telemática do resto dos/as concelleiros/as. Foi retransmitido en streaming a través da canle de directos do concello.

O Pleno rexeita anular o proceso de licitación para a adquisición dun ben inmoble destinado a crear un espazo de traballo colaborativo de coworking

Este martes, 15 de outubro, realizouse un pleno extraordinario a petición dos concelleiros e concelleiras do grupo municipal popular no se debateron dous puntos. O primeiro referíase á anulación do procedemento de adquisición directa dun local para dedicalo a un novo centro de coworking, así como á anulación do expediente que recolle a aprobación da licitación de adquisición dun ben inmoble, por procedemento aberto, para destinalo a un espazo de traballo colaborativo de coworking. No segundo punto solicitábase convocar aos representantes dos grupos municipais a unha xuntanza co fin de afrontar a adquisición dun local, na zona do Milladoiro, para dedicalo a un espazo de coworking. Os dous puntos foron rexeitados co voto en contra dos membros do goberno e do concelleiro de Ames Novo, Quique Costas. Os concelleiros/as do Partido Popular votaron a favor, mentres que o concelleiro de Ciudadanos, José Ramón Oulego, abstívose.

Eventos del departamento

> Pleno ordinario xullo 2023

Este xoves, día 27, o Concello de Ames celebrará o pleno ordinario correspondente ao mes de xullo.

Pleno de investidura

Este sábado, 15 de xuño, celébrase o primeiro pleno do mandato 2019-2023 no que se desenvolverá o acto de investidura. O pleno de constitución da nova Corporación desenvolverase dende as 12:00 horas no auditorio da Casa da Cultura de Bertamiráns. Os concelleiros e concelleiras prometerán o seu cargo e será elixido o alcalde. Os 21 concelleiros/as terán que facer unha votación nominal na que cada edil terá que votar por algún dos candidatos á Alcaldía.

Xuntanza de Portavoces

A Casa do Concello acolle a xuntanza de portavoces a partir das 14.00h este xoves, 11 de xullo.