Pestanas principais

Departamento de Secretaría e Administración Xeral

    • Enderezo: Praza do Concello, nº 2, Bertamiráns.
    • Teléfono: 981 88 30 02
    • Horario de atención ao público: de 9:00-14:00 horas.
    • Responsable municipal: Concellaría de Administración Xeral.
    • Responsable técnico: María Ofir Aboy García, técnica de secretaría.
    • Estrutura do servizo: Secretaría, Técnica de Secretaría, 3 Auxiliares Administrativos.
Outros Datos: 
  • Funcións:
    • Asesoría xurídica do Concello
    • Informar e asesorar sobre os asuntos plenarios. Conformación dos plenos e comisións, xuntas de goberno
    • Levantar acta das sesións dos órganos colexiados
    • Certificación dos actos ou resolucións da Presidencia e os acordos dos órganos colexiados decisorios, así como dos antecedentes, libros e documentos do Concello.
    • Remitir á Administración do Estado e á Comunidade Autónoma, nos prazos e formas determinados reglamentariamente, copia ou, no seu caso, extracto dos actos e acordos dos órganos decisorios da Corporación, tanto colexiados como unipersonais.
    • Levar e custodiar o Rexistro de Intereses dos membros da Corporación e o Inventario de Bens.
    • Acompañar ao Alcalde-Presidente ou membros da Corporación nos actos de sinatura de contratos ou escrituras.
    • Xestión da área de contratación. Realización do Plan de contratación semestral.
    • Xestión dos RRHH do Concello de Ames.
  • Bolsas de traballo
  • Procesos selectivos
  • Perosal Municipal
  • Novas relacionadas
  • Axenda.

Novas do departamento

O Pleno aproba a proposta do goberno sobre a asignación de dedicacións, a contratación de persoal de confianza e a dotación de medios para os partidos da oposición

Este mércores pola tarde desenvolveuse o pleno de organización da nova corporación municipal do Concello de Ames para o mandato 2023-2027. Nesta sesión plenaria aprobáronse as dedicacións e as asignacións económicas que terán os membros do goberno e da oposición. Haberá un total de 13 dedicacións exclusivas e parciais. Deste xeito, o alcalde e mailos sete concelleiros e concelleiras do grupo de goberno terán dedicación (haberá cinco dedicacións exclusivas e tres parciais), mentres que o grupo municipal popular disporá de tres dedicacións parciais e o grupo municipal do BNG terá dúas dedicacións parciais. Ademais, o goberno municipal terá tres postos de persoal de confianza a xornada completa (un técnico de gabinete de Alcaldía e dous administrativos/as). O grupo municipal popular disporá de dous auxiliares administrativo/a a xornada completa; o BGN disporá dun auxiliar administrativo/a a xornada completa; e Espazo Común terá un auxiliar administrativo/a a xornada parcial. Premendo nesta ligazón podes ver a gravación do pleno de organización.

O Pleno aproba a prórroga do contrato do ciclo integral da auga ata abril de 2024

Este xoves, 29 de decembro, celebrouse o pleno ordinario correspondente ao mes de decembro de 2022. En dita sesión plenaria a Corporación municipal aprobou por maioría absoluta a prórroga do contrato do ciclo integral da auga, por un período de 16 meses, ata o 30 de abril de 2024. Ademais, aprobouse por unanimidade a resolución de alegacións e aprobación definitiva da modificación do regulamento de funcionamento do mercado de venda ambulante do Concello de Ames e a ratificación do decreto de Alcaldía sobre a ampliación da prórroga do convenio do servizo de atención temperá. Premendo nesta ligazón podes ver a gravación do pleno ordinario de decembro.

O Pleno aproba a revisión de prezos do contrato do Ciclo Integral da Auga

A Corporación municipal aprobou a revisión de prezos do contrato de xestión do servizo público do Ciclo Integral da Auga. Ademais, rexeitouse a proposta presentada pola empresa adxudicataria para a revisión de prezos do contrato do Servizo de Axuda no Fogar. Por outra banda, aprobouse a moción presentada polo BNG para demandarlle á Xunta de Galicia que desenvolva accións para paliar as consecuencias da “marea plástica” nas costas galegas; e rexeitouse a moción presentada por Espazo Común para a inclusión no vindeiro orzamento municipal dunha partida de carácter participativo para as asociacións veciñais. Podes ver a gravación do pleno na canle de Youtube do Concello de Ames.

O Pleno aproba a subsanación de documentación aportada para optar á subvención de mellora da eficiencia enerxética no alumeado do rural

Este mércores, 13 de novembro, celebrouse un pleno extraordinario no que se aprobou a proposta de subsanación da documentación enviada para optar a unha axuda do Instituto para la Diversificación y Ahorro de la Energía (IDAE), para o desenvolvemento dun proxecto singular de aforro e mellora da eficiencia enerxética da iluminación do rural. Este punto saíu adiante co voto a favor dos membros do goberno municipal e do concelleiro de Ames Novo, Quique Costas. Os concelleiros/as do grupo popular e mailo concelleiro de Ciudadanos, José Ramón Oulego, abstivéronse. Dende o IDAE requiríuselle ao Concello de Ames a subsanación na documentación aportada para acollerse a dita subvención, e que pasa por aportar un novo certificado do acordo do Pleno que aprobe, de forma expresa, todos e cada un dos puntos establecidos no artigo 12.4 do Real decreto 616/2017, e que na memoria do proxecto se inclúa o dato da suma total das potencias contratadas de todos os cadros.

O Pleno aproba de xeito definitivo o Orzamento municipal de 2020

Este xoves, 30 de abril, celebrouse o pleno ordinario correspondente ao mes de abril, a través da aplicación Councilbox. A sesión foi celebrada de forma telemática e reproducida en directo por streaming. A Corporación municipal aprobou todos os puntos da orde do día. Deste xeito, aprobouse de xeito definitivo o Orzamento municipal de 2020, que ascende a cifra de 27.370.000 euros. Ademais, aprobouse a corrección de proxectos do POS 2020; a resolución da alegación e aprobación definitiva da Ordenanza fiscal xeral do Concello de Ames; o expediente de investigación patrimonial dun camiño no lugar do Casaliño; e maila resolución da alegación e aprobación definitiva da terceira modificación puntual do Regulamento Orgánico Municipal.

O Pleno aproba de xeito definitivo o Orzamento municipal de 2021

A Corporación municipal, reunida en sesión plenaria extraordinaria, aprobou de xeito definitivo o Orzamento municipal de 2021, que ascende a cifra de 29.888.000 euros. Trátase do maior orzamento municipal aprobado no Concello de Ames. A aprobación definitiva do orzamento estivo asociada á desestimación dunha alegación presentada polo grupo municipal popular fronte ao acordo de aprobación inicial do orzamento municipal de 2021, e contou cos votos a favor do grupo de goberno, a abstención do concelleiro de Ames Novo, Quique Costas, e o voto en contra do grupo municipal do PP e do concelleiro de Ciudadanos, José Ramón Oulego.

O Pleno aproba de xeito inicial a modificación do regulamento de comedores escolares, Bos días cole e Tardes divertidas

A Corporación municipal aprobou por maioría absoluta a modificación do regulamento da Rede municipal de comedores escolares, Bos días cole e Tardes divertidas. Ademais, aprobouse por unanimidade os modelos de declaracións de bens e actividades dos concelleiros e concelleiras do Concello de Ames, e maila proposta de resolución de alegacións e remisión ao Consello Consultivo de Galicia do expediente de resolución do contrato do servizo de axuda no fogar. Tamén foi aprobada por unanimidade unha moción política do grupo municipal BNG para a implantación de medidas de prevención e resposta fronte ás inundacións. Podes ver a gravación do pleno na canle de Youtube do Concello de Ames.

O Pleno aproba de xeito inicial a ordenanza reguladora do servizo de taxis do Concello de Ames

A Corporación municipal aprobou de xeito inicial a ordenanza do servizo de taxi; o mantemento de tarifas aplicables aos servizos urbanos de taxis; a devolución da garantía definitiva mediante póliza de seguro de caución do servizo público do ciclo integral da auga; a subsanación de deficiencias do proxecto para a mellora e acondicionamento do parque de Pardiñeiros (O Milladoiro); a adhesión ao convenio para o desenvolvemento da rede de Concellos contra o acoso escolar; a modificación do regulamento do programa Xantar na Casa; e unha proposta de anulación de modificacións sobre o orzamento prorrogado, debido á entrada en vigor esta semana do orzamento municipal de 2026. Ademais, aprobáronse tres mocións presentadas polos grupos municipais do Partido Popular e do PSdeG-PSOE e quedou rexeitada unha moción do BNG. Premendo nesta ligazón podes ver a gravación do pleno.

O Pleno aproba de xeito inicial o maior orzamento municipal de Ames cunha cifra de 29.888.000 euros para o exercicio 2021

A Corporación municipal aprobou de xeito inicial o orzamento municipal de Ames para o exercicio 2021, nunha sesión plenaria extraordinaria que se desenvolveu de xeito telemático este xoves, 11 de marzo. Agora, dende a súa publicación no BOP, o documento orzamentario estará en exposición pública durante 15 días hábiles. É o quinto orzamento consecutivo que aproba a Corporación municipal do Concello de Ames dende abril de 2017. O orzamento de 2021 ascende a cifra de 29.888.000 euros, incrementando en 2.518.000 euros (9,20%) respecto do presuposto de 2020. Trátase do maior orzamento municipal aprobado no Concello de Ames. Recolle un forte compromiso en servizos básicos cunha partida para o novo contrato de limpeza viaria; e un incremento de crédito para as áreas de educación e servizos sociais, así como unha forte aposta polo investimento público.

O Pleno aproba de xeito inicial o orzamento de 2023 que se achega aos 30 millóns de euros

A Corporación municipal aprobou de xeito inicial o orzamento municipal de Ames para o exercicio 2023, nunha sesión plenaria extraordinaria que se desenvolveu este mércores, 21 de decembro. Agora, dende a súa publicación no BOP, o documento orzamentario estará en exposición pública durante 15 días hábiles. Trátase do sétimo orzamento que se aproba de xeito consecutivo e nesta ocasión antes de comezar o ano 2023. O orzamento xeral de 2023 ascende á cifra de 29.725.000 euros. Trátase dun orzamento no que se aposta polos servizos básicos que segue a ser á area de maior gasto con 6.047.000 euros (20,34%), seguida de educación con 5.569.000 euros (18,74%) e servizos sociais e promoción social cun crédito asignado de 3.137.000 euros (10,55%). Premendo nesta ligazón podes ver o vídeo do pleno extraordinario sobre o orzamento de 2023.

Eventos del departamento

> Pleno ordinario xullo 2023

Este xoves, día 27, o Concello de Ames celebrará o pleno ordinario correspondente ao mes de xullo.

Pleno de investidura

Este sábado, 15 de xuño, celébrase o primeiro pleno do mandato 2019-2023 no que se desenvolverá o acto de investidura. O pleno de constitución da nova Corporación desenvolverase dende as 12:00 horas no auditorio da Casa da Cultura de Bertamiráns. Os concelleiros e concelleiras prometerán o seu cargo e será elixido o alcalde. Os 21 concelleiros/as terán que facer unha votación nominal na que cada edil terá que votar por algún dos candidatos á Alcaldía.

Xuntanza de Portavoces

A Casa do Concello acolle a xuntanza de portavoces a partir das 14.00h este xoves, 11 de xullo.