- Enderezo: Praza do Concello, nº 2, Bertamiráns.
- Teléfono: 981 88 30 02
- Horario de atención ao público:
- De luns a venres, en horario das 9:00 ás 14:00 horas.
- Responsable municipal: Concellaría de Promoción Económica
Outros Datos:
Pestanas principais
Departamento de Promoción Económica e Emprego
Servizos e programas
Novas do departamento
O Concello de Ames incrementa o servizo ofrecido á veciñanza para consultas relacionadas coas axudas postas a disposición das afectadas e afectados no eido laboral pola situación de emerxencia sanitaria do coronavirus. Deste xeito, as veciñas e veciños de Ames, poderán chamar ao número 669 02 47 33, de luns a venres en horario de 9.00 a 14.00 horas, para formular as súas dúbidas que serán atendidas polo Servizo de Emprego amesá.
Dende a Concellaría de Promoción Económica estase traballando para ampliar o número de postos do mercado de rúa de Bertamiráns. Na actualidade dito mercado conta con 52 postos. A partir do 15 de maio comezaranse a tramitar as novas altas que se irán dando de forma progresiva. Os vendedores ambulantes que queiran pasar a formar parte do mercado deben facer unha solicitude indicando o xénero de venda, os metros que solicitan (máximo 8 metros), e os datos de contacto para poder solicitar dende o departamento toda a documentación pertinente no momento da adxudicación definitiva do posto. Premendo nesta ligazón podes acceder ao regulamento do mercado de rúa.
A Xunta de Goberno Local vén de aprobar, o pasado xoves, 22 de decembro, a concesión de axudas relativas á promoción do comercio local do exercicio 2022. O obxectivo destas subvencións é a de favorecer a promoción e o desenvolvemento de actividades realizadas no seo das asociacións de comerciantes e profesionais do Concello de Ames, que estean legalmente constituídas e inscritas no rexistro municipal. Deste xeito, concédense tanto axudas para a promoción comercial como para infraestruturas. As asociacións beneficiarias son a Xuntanza de Empresarios de Ames (XEA), a Asociación de Empresarios do Parque Empresarial do Milladoiro e a Asociación de pequenos comerciantes Viorneira, Palmira Boulevar, entre as que se repartirán un total de 40.000 euros.
O alcalde de Ames, José Miñones, e o decano do Colexio Oficial de Arquitectos de Galicia, Antonio Maroñas, asinaron o convenio para desenvolver o concurso de ideas do Centro da mocidade, incluído no Plan Impulsa Ames da EDUSI, que está financiado con fondos europeos FEDER. O centro construirase no Milladoiro, na avenida Muíño Vello, xunto ao parque empresarial e nas proximidades do instituto, a área de ocio, o albergue e a Igrexa do Milladoiro. Dito centro situarase na parcela EQ3, que está situada no sector S-16 Galdrachán, e que conta cunha superficie de 4.669,39 metros cadrados.
O Concello de Ames presentou esta mañá na Casa da Cultura do Milladoiro o programa da Gran Festa de Reis, que se celebrará os días 3, 4 e 5 de xaneiro. As súas maxestades visitarán os dous núcleos urbanos de Ames, Milladoiro e Bertamiráns, e tamén farán as súas respectivas paradas polas zonas rurais do concello, ademais da tradicional cabalgata de reis o día 5 de xaneiro. Como novidade deste ano, haberá un servizo de tren que percorrerá Milladoiro e Bertamiráns para que os máis pequenos poidan percorrer as vilas dun xeito diferente. Ao acto asistiron o alcalde de Ames, Blas Garcia; a concelleira de Promoción Económica, Ana Belén Paz; a concelleira de Mocidade, Carmen Porto, e a concelleira de Benestar Social, Uxía García. Percorridos das Cabalgatas de Reis polo Milladoiro e Bertamiráns.
O vindeiro 26 de xaneiro celebrarase no pavillón polideportivo do Milladoiro a III xornada de innovación do Concello. Con este evento búscase achegar a todos os públicos as últimas tendencias no mundo da innovación da man das empresas do concello de Ames, xerando un espazo para a aprendizaxe e o diálogo, onde se comparta coñecemento e xurdan sinerxias que den lugar a proxectos innovadores.
O Concello de Ames, a través da Concellaría de Promoción Económica, presentou esta mañá no Salón de Plenos da Casa do Concello, en Bertamiráns, a programación da cuarta edición das Prebadaladas de fin de ano, unha actividade enmarcada dentro do Nadal en Ames. As xa tradicionais prebadaladas de Ames, presentadas este ano por Fátima Pego, celebraranse o 31 de decembro na Praza do Concello, en Bertamiráns, ás 12.00 horas. O acto contará coas actuacións das gañadoras da última edición do Canta con Ames, unha interpretación en lingua de signos e, ademais, repartiranse bolsas con cotillón, lambetadas e batidos para os máis pequenos e mochilas vibratorias para as persoas con discapacidade auditiva. Na praza instalarase unha carpa para que os asistentes poidan gozar da actividade en caso de previsión meteorolóxica adversa. Premendo nesta ligazón podes ver un vídeo resumo das Prebadaladas de 2023.
O Magosto celebrarase este venres 5 de novembro na praza de Manuel Murguía, no Milladoiro. A festa popular dará comezo ás 17:00 cun taller de Batucada e prosegue ás 18:30 cun concerto da Banda de Nash. Ao longo da tarde vanse repartir, tamén, 50 quilos de castañas asadas entre todos/as os/as asistentes. O presidente da Xuntanza de Empresarios de Ames, Jorge López”, quixo “animar a toda a veciñanza a participar no magosto” e “a gozar do ambiente festivo”.
O Concello de Ames colabora coa Asociación socio-cultural de venezolanos en Santiago na realización do taller “Coñece os teus dereitos laborais”. Esta actividade impartirase este venres, 14 de xuño, de 11.00 a 13.00 horas, no centro cultural do Ensanche (rúa Frei Rosendo Salvado, Santiago de Compostela), por parte dos técnicos do Concello de Ames; Jorge Couñago, axente de emprego local, e Leonardo pena, mediador social intercultural. Asesorarase aos participantes sobre a busca de traballo e os dereitos dos empregados.
Os voluntarios de Protección Civil do Concello de Ames colaboran coa recollida de produtos hixiénicos de primeira necesidade para os afectados pola erupción do volcán Cumbre Vieja organizada pola Asociación Nacional de Protección Civil. A recollida vaise realizar o xoves 21 e o venres 22 no Milladoiro e en Bertamiráns. Ademais, onte pola tarde o alcalde de Ames, a concelleira de Promoción Económica, voluntarios de Protección Civil e representantes de XEA mantiveron unha videoconferencia co Presidente da Agrupación de Protección Civil de Santa Cruz de La Palma para establecer as necesidades da agrupación e manter unha canle de axuda activa.
- ‹ anterior
- 38 de 66
- seguinte ›
Trámites do departamento
Eventos del departamento
O 26 de decembro algunhas das personaxes de Disney achegaranse a Ames para que os nenos e nenas poidan desfrutar con elas. Estarán no Centro Social do Milladoiro, de 11:00 a 13:00 horas e de 17:00 a 19:00 horas.
O 26 de decembro algunhas das personaxes de Disney achegaranse a Ames para que os nenos e nenas poidan desfrutar con elas. Estarán na Casa dos Maiores de Bertamiráns, de 11:00 a 13:00 horas e de 17:00 a 19:00 horas.
A zona verde da travesía do Porto, no Milladoiro, e o parque do Ameneiral, en Bertamiráns, acollerán durante a primeira semana de setembro, por cuarto ano consecutivo, as xornadas “Volta ao cole co comercio”, que organiza a Concellaría de Promoción Económica e colaboración con XEA e coa participación do departamento de Mocidade. Esta iniciativa traerá dúas tardes de actividades para amenizar os preparativos da volta aos centros de ensino, fomentando á vez o comercio e a hostalaría nos dous principais núcleos de Ames.
A xornada de “Volta ao cole co comercio” do Milladoiro celebrarase finalmente este luns, 15 de setembro. Será a partir das 17.00 horas nas pistas deportivas do Milladoiro. A holi party incluída na programación da actividade realizarase no aparcamento da Casa da Cultura do Milladoiro, polo que estará prohibido estacionar no aparcadoiro desde as 14.00 ata as 22.00 horas do luns día 15.
O Concello de Ames reúne nun único cartel toda a programación de actividades que se van celebrar durante os meses de xuño, xullo, agosto e setembro en Ames. Deste xeito, ata finais de setembro vanse a realizar numerosas actividades como concertos, seráns ou festas.
O sábado, 15 de decembro, o Pazo da Peregrina de Bertamiráns acolle unha xornada sobre a economía social. Trátase dunha xornada lúdica, educativa e concienciadora dirixida a todos os públicos e que inclúe unha mesa redonda, a proxección dun documental ou un mercado de inverno entre outros. Desenvolverase entre as 10:30 e as 20:00 horas. O obxectivo desta iniciativa é achegarlle á veciñanza o xeito de vivir asociado á economía social, baseado no traballo colaborativo.
O Concello de Ames, a través da Concellaría de Promoción Económica, organizou unha xuntanza para o vindeiro luns, 13 de outubro, co obxectivo de que o persoal das empresas amesás relacionadas coa hostalería e a restauración poidan coñecer o mercado de horta e artesanía e os produtos alimentarios e artesanais que nel se expoñen e venden todos os sábado na praza da Maía, en Bertamiráns. Dito encontro celebrarase ás 9.30 horas no salón de plenos da Casa do Concello. As persoas que estean interesadas en acudir poden confirmar a súa asistencia enviando un correo electrónico ao enderezo promocioneconomica@concellodeames.gal.
Ames acollerá a vindeira semana as visitas dos personaxes do mundo Disney para saudar e pasar tempo cos nenos e nenas. O día 29 chegarán á Casa dos Maiores de Bertamiráns (praza da Maía) e o 30 pasarán polo antigo centro de saúde do Milladoiro (na rúa Agro do Medio, número 8). Esta actividade enmárcase dentro da programación de Nadal 2025, que comezou o pasado 4 de decembro e se desenvolverá ata o próximo 10 de xaneiro de 2026.
Ames acollerá a vindeira semana as visitas dos personaxes do mundo Disney para saudar e pasar tempo cos nenos e nenas. O día 29 chegarán á Casa dos Maiores de Bertamiráns (praza da Maía) e o 30 pasarán polo antigo centro de saúde do Milladoiro (na rúa Agro do Medio, número 8). Esta actividade enmárcase dentro da programación de Nadal 2025, que comezou o pasado 4 de decembro e se desenvolverá ata o próximo 10 de xaneiro de 2026.
Por mor do anuncio de chuvias, "A praia dos afogados" proxectarase no salón de actos da Casa da Cultura do Milladoiro e non no anfiteatro como estaba previsto.
Baseada na novela do mesmo nome de Domingo Villar e dirixida por Gerardo Herrero, “A praia dos afogados” é un thriller ambientado nas Rías Baixas. Está protagonizado polo inspector Leo Caldas, un dos personaxes emblemáticos das obras do escritor galego. Conta coa participación dun bo número de actrices e actores galegos, entre os que se atopa o veciño de Ames, Pepo Suevos.
A actividade forma parte do programa “Visións”, pertencente á rede cultural da Deputación e está incluída no programa de fomento da Economía e a Cultura en Ames, AmesON. A proxección ´´e de balde até completar aforo.
- ‹ anterior
- 22 de 22