- Enderezo: Praza do Concello, nº 2, Bertamiráns.
- Teléfono: 981 88 30 02
- Horario de atención ao público:
- De luns a venres, en horario das 9:00 ás 14:00 horas.
- Responsable municipal: Concellaría de Promoción Económica
Outros Datos:
Pestanas principais
Departamento de Promoción Económica e Emprego
Servizos e programas
Novas do departamento
O concurso, organizado pola Concellaría de Promoción Económica, celebrará a fase final o domingo 8 de agosto no Parque do Ameneiral, en Bertamiráns. Ás 20.00 horas, os/as 6 finalistas, cada un na súa categoría correspondente, competirán por converterse nas mellores voces do verán. O acto rematará cunha actuación de Sofía Rial, veciña de Ortoño e gañadora do Concurso Recantos do Luar.
O espazo coworking A Proa organiza esta semana unha nova actividade. Este xoves 1 de decembro terá lugar un encontro de networking no que se reunirán profesionais do mundo dixital e tecnolóxico. En dito encontro reuniranse desarrolladores, deseñadores, marketers dixitais, editores e programadores. Todos eles/elas compartirán coñecemento e experiencia sobre o sector. Este evento tamén servirá para coñecer a outros profesionais na zona. A inscrición para participar neste encontro dixital é de balde e pódese facer premendo nesta ligazón. O evento está organizado por Luján Kubrusli e Isabel Viñas.
O centro multifuncional do Milladoiro será un espazo para o lecer, a cultura e a promoción económica
A Casa da Cultura do Milladoiro acolleu este xoves, 3 de novembro, a presentación do proxecto de construción do centro multifuncional de lecer, cultura e promoción económica do Milladoiro, que estará situado na avenida do Muíño Vello, na zona norte do Milladoiro. Interviron no acto a concelleira da unidade executora da EDUSI encargada deste proxecto, Ana Belén Paz, os redactores do proxecto de Tuungoo Arquitectos, Alberto Reques e Diego Penche, e mailo alcalde de Ames, Blas García. Esta actuación está cofinanciada polo Fondo Europeo de Desenvolvemento Rexional (FEDER) no marco do Programa Operativo Plurirrexional de España 2014-2020. O proxecto foi adxudicado á empresa Citanias Obras y Servicios SL por un importe de 1.305.453,52 euros. Preme nesta ligazón para descargar o dítico informativo de dito proxecto.
Até o día 21 de outubro, os vendedores/as ambulantes poderán facer propostas en torno o emprazamento no que queren que se sitúe o mercado de rúa que se desenvolve os sábados pola tarde en Bertamiráns. Por mor da normativa de loita contra a pandemia, o mercado de Bertamiráns trasladouse temporalmente á rúa do Sar, emprazamento que non se axeita ás inclemencias metereolóxicas do inverno. A decisión de facer esta consulta tomouse despois da reunión que o alcalde José Miñones, a concelleira de Promoción Económica, Ana Paz e o técnico do departamento, Jorge Couñago, mantiveron o día 14 cos profesionais da venta ambulante. As suxestións poderán presentarse a través do enderezo electrónico promocioneconomica@concellodeames.gal ou en calquera dos rexistros municipais. Unha vez que se reciban e se avalíen todas as propostas, escollerase por votación á que máis conveña.
O Concello de Ames, a través da Concellaría de Promoción Económica, vén de abrir un prazo extraordinario para a presentación de solicitudes para o Mercado de Nadal 2025. Na actualidade hai 15 solicitudes presentadas para participar no Mercado de Nadal, que se vai celebrar na praza da Maía os días 19, 20 e 21 de decembro. O mercado contará cun total de 18 postos de alimentación e artesanía, polo que quedan tres postos libres. As novas solicitudes poden presentarse dende hoxe, xoves 20, ata o vindeiro mércores 26 de novembro. Os solicitantes deberán presentar pola Sede electrónica do Concello de Ames o modelo de solicitude cuberto xunto coa documentación necesaria enmarcada dentro das bases do mercado que se poden consultar na seguinte ligazón.
A Unión de Consumidores de Galicia vai impartir o mércores 16 de febreiro unha charla informativa dirixida ás persoas consumidoras afectadas polo coñecido como “Cártel dos coches”. A reunión, que terá lugar no Pazo da Peregrina de Bertamiráns ás 20.00 horas, achegaralle aos consumidores e ás consumidoras información dos dereitos que teñen, así como do procedemento a seguir e da documentación que precisan para reclamar os cartos que pagaron a maiores pola compra dun vehículo. Segundo a UCGAL os afectados poden recuperar ata 3.000 euros.
O Izarra centre de Ermua acolleu este pasado martes, 7 e maio, unha xuntanza da “Red Innpulso”, da que o Concello de Ames acaba de pasar a formar parte. Nesta xornada pública de innovación participaron máis de 120 representantes institucionais e empresariais, para a execución de proxectos municipais. En representación do Concello de Ames asistiu o Axente de Emprego e Desenvolvemento Local (AEDL), Jorge Couñago. A xornada desenvolveuse de 12:00 a 16:00 horas e contou coa benvida do alcalde de Ermua, Juan Carlos Abascal, así como con Diana Alonso do Ministerio de Ciencia e Innovación.
600 mandís serán repartidos estes días entre os profesionais do sector hostaleiro de Ames. A iniciativa pretende concienciar á cidadanía da necesidade de consumir gardando sempre as medidas hixiénico sanitarias que dita a loita contra a pandemia da COVID19. Ademais dos mandís, todos os establecementos hostaleiros do concello recibirán un póster pegatina para colocar no seu escaparate onde se lembra a mesma norma de retirar o tapa bocas só para consumir. Ámbolos dous reclamos teñen como lema: “Axúdanos a seguir”
O Concello de Ames, a través do departamento de Persoal, informa sobre o proceso selectivo para a selección e a contratación dun / dunha Axente Local de Innovación, funcionario/a interino, para execución de programa e creación dunha bolsa de emprego. As bases de dito proceso selectivo saíron publicadas este venres 17 de febreiro de 2023, no Boletín Oficial da Provincia (BOP). O prazo de inscrición en dito proceso selectivo é de 5 días naturais contados a partir do día seguinte ao da publicación do anuncio desta convocatoria no BOP da Coruña. Deste xeito, o prazo para a presentación de solicitudes vai dende o 18 ata o 22 de febreiro (incluído).
O Concello de Ames, a través da Concellería de Promoción Económica, retoma o programa de incentivos a través de tarxetas bono, co obxectivo de contribuír á reactivación económica do comercio e da hostalería local. A edición deste ano de Bonos Consuma busca impulsar o consumo local e servir de axuda tanto aos veciños como aos comerciantes durante as festas de Nadal. Os establecementos comerciais e hostaleiros que estean interesados en adherirse ao programa deberán rexistrarse na web www.bonosconsuma.gal entre o 1 e o 15 de decembro, ambos incluídos. Os bonos poderán gastarse do 19 de decembro ao 19 de febreiro de 2026.
- ‹ anterior
- 37 de 66
- seguinte ›
Trámites do departamento
Eventos del departamento
O 26 de decembro algunhas das personaxes de Disney achegaranse a Ames para que os nenos e nenas poidan desfrutar con elas. Estarán no Centro Social do Milladoiro, de 11:00 a 13:00 horas e de 17:00 a 19:00 horas.
O 26 de decembro algunhas das personaxes de Disney achegaranse a Ames para que os nenos e nenas poidan desfrutar con elas. Estarán na Casa dos Maiores de Bertamiráns, de 11:00 a 13:00 horas e de 17:00 a 19:00 horas.
A zona verde da travesía do Porto, no Milladoiro, e o parque do Ameneiral, en Bertamiráns, acollerán durante a primeira semana de setembro, por cuarto ano consecutivo, as xornadas “Volta ao cole co comercio”, que organiza a Concellaría de Promoción Económica e colaboración con XEA e coa participación do departamento de Mocidade. Esta iniciativa traerá dúas tardes de actividades para amenizar os preparativos da volta aos centros de ensino, fomentando á vez o comercio e a hostalaría nos dous principais núcleos de Ames.
A xornada de “Volta ao cole co comercio” do Milladoiro celebrarase finalmente este luns, 15 de setembro. Será a partir das 17.00 horas nas pistas deportivas do Milladoiro. A holi party incluída na programación da actividade realizarase no aparcamento da Casa da Cultura do Milladoiro, polo que estará prohibido estacionar no aparcadoiro desde as 14.00 ata as 22.00 horas do luns día 15.
O Concello de Ames reúne nun único cartel toda a programación de actividades que se van celebrar durante os meses de xuño, xullo, agosto e setembro en Ames. Deste xeito, ata finais de setembro vanse a realizar numerosas actividades como concertos, seráns ou festas.
O sábado, 15 de decembro, o Pazo da Peregrina de Bertamiráns acolle unha xornada sobre a economía social. Trátase dunha xornada lúdica, educativa e concienciadora dirixida a todos os públicos e que inclúe unha mesa redonda, a proxección dun documental ou un mercado de inverno entre outros. Desenvolverase entre as 10:30 e as 20:00 horas. O obxectivo desta iniciativa é achegarlle á veciñanza o xeito de vivir asociado á economía social, baseado no traballo colaborativo.
O Concello de Ames, a través da Concellaría de Promoción Económica, organizou unha xuntanza para o vindeiro luns, 13 de outubro, co obxectivo de que o persoal das empresas amesás relacionadas coa hostalería e a restauración poidan coñecer o mercado de horta e artesanía e os produtos alimentarios e artesanais que nel se expoñen e venden todos os sábado na praza da Maía, en Bertamiráns. Dito encontro celebrarase ás 9.30 horas no salón de plenos da Casa do Concello. As persoas que estean interesadas en acudir poden confirmar a súa asistencia enviando un correo electrónico ao enderezo promocioneconomica@concellodeames.gal.
Ames acollerá a vindeira semana as visitas dos personaxes do mundo Disney para saudar e pasar tempo cos nenos e nenas. O día 29 chegarán á Casa dos Maiores de Bertamiráns (praza da Maía) e o 30 pasarán polo antigo centro de saúde do Milladoiro (na rúa Agro do Medio, número 8). Esta actividade enmárcase dentro da programación de Nadal 2025, que comezou o pasado 4 de decembro e se desenvolverá ata o próximo 10 de xaneiro de 2026.
Ames acollerá a vindeira semana as visitas dos personaxes do mundo Disney para saudar e pasar tempo cos nenos e nenas. O día 29 chegarán á Casa dos Maiores de Bertamiráns (praza da Maía) e o 30 pasarán polo antigo centro de saúde do Milladoiro (na rúa Agro do Medio, número 8). Esta actividade enmárcase dentro da programación de Nadal 2025, que comezou o pasado 4 de decembro e se desenvolverá ata o próximo 10 de xaneiro de 2026.
Por mor do anuncio de chuvias, "A praia dos afogados" proxectarase no salón de actos da Casa da Cultura do Milladoiro e non no anfiteatro como estaba previsto.
Baseada na novela do mesmo nome de Domingo Villar e dirixida por Gerardo Herrero, “A praia dos afogados” é un thriller ambientado nas Rías Baixas. Está protagonizado polo inspector Leo Caldas, un dos personaxes emblemáticos das obras do escritor galego. Conta coa participación dun bo número de actrices e actores galegos, entre os que se atopa o veciño de Ames, Pepo Suevos.
A actividade forma parte do programa “Visións”, pertencente á rede cultural da Deputación e está incluída no programa de fomento da Economía e a Cultura en Ames, AmesON. A proxección ´´e de balde até completar aforo.
- ‹ anterior
- 22 de 22