- Enderezo: Praza do Concello, nº 2, Bertamiráns.
- Teléfono: 981 88 30 02
- Horario de atención ao público:
- De luns a venres, en horario das 9:00 ás 14:00 horas.
- Responsable municipal: Concellaría de Promoción Económica
Outros Datos:
Pestanas principais
Departamento de Promoción Económica e Emprego
Servizos e programas
Novas do departamento
O programa “AmesON” culmina o mes de xullo co concerto de Xosé Constenla Grupo. O cuarteto, formado por músicos de primeiro nivel, será o encargado de poñerlle o broche de ouro ao mes de xullo. O concerto celebrarase o sábado 31 na praza da Madalena, no Milladoiro, ás 20.00 horas.
O pasado sábado 9 de decembro o Concello de Ames comezou a celebrar o Nadal co tradicional acendido das luces. O acto, celebrado na praza do Concello de Bertamiráns, acolleu este tradicional acto no que participaron o combo da Escola Municipal de Música de Ames e os coros Voces de Maía e Elelas, sendo representantes destes últimos coros os encargados de premer o botón de acendido xunto ao alcalde, Blas García.
Música, cine, literatura, teatro, obradoiros, xogos... preto de setenta actividades compoñen o programa “AmesON” co que as distintas concellerías xuntan forzas este verán para dinamizar a cultura e a economía en Ames durante os meses de verán. Cómpre salientar que moitos e moitas das artistas que desfilarán polo AmesON son veciños e veciñas de Ames. Dará comezo o xoves 16 de xullo coa actuación de Xoan Curiel no Milladoiro e a presentación do fotopoemario “Os exilios que somos” de Xabier Ron e Irene Tomé no Milladoiro. A programación espallarase polas rúas, as prazas, os parques e mesmo os escaparates de varios comercios de Ames cun investimento próximo aos 100.000 euros. O obxectivo é dinamizar os sectores culturais e comerciais de Ames e como peza de arranque do Plan Reactiva Ames, de reactivación económica e social do concello trala Covid-19. Listaxe completa das actividades do programa Ames On.
A comisión de festas de Bertamiráns, en colaboración co Concello de Ames e a Xuntanza de Empresarios de Ames, organiza a festa de Samaín de Bertamiráns este venres, 4 de novembro, co obxectivo de recadar fondos para a celebración das festas de Bertamiráns de 2023. Dita festa estaba prevista para o luns 31 e outubro, pero houbo que adiala debido ás inclemencias meteorolóxicas. Haberá un espectáculo infantil para nenos e nenas ás 18.00 horas, da man de Nelson Quinteiro, e actuará tamén o grupo Urakán, a partir das 20.30 horas. A festa será no aparcadoiro da Telleira. Entre as persoas que acudan á festa disfrazadas sortearase unha cesta para facer un cocido. Haberá servizo de cantina.
Este sábado, 31 de agosto, pechouse a primeira edición do concurso Baila con Ames. Unhas 650 persoas acudiron de público e estiveron nas gradas da praza de Chavián de Bertamiráns desfrutando das distintas actuacións dende as 19.00 horas. Nicolás Fuentes Romero e Balancé Lírica foron os gañadores individual/dúo e grupal do evento organizado polo Concello de Ames e recibiron 1.000 e 1.500 euros en premios respectivamente. Premendo nestas ligazóns pódense acceder á primeira e á segunda galería de fotos do evento. Ademais, a través desta ligazón podes acceder ao vídeo resumo da final do Baila con Ames.
O auditorio da Casa da Cultura do Milladoiro acolleu este xoves pola tarde a Gala de entrega da sexta edición dos premios Lingua e Empresa organizados pola Concellaría de Normalización Lingüística. As empresas galardoadas foron, Nós Televisión, situada no parque empresarial Novo Milladoiro, na categoría de Uso consolidado da lingua galega; e mais o establecemento hostaleiro O Transistor, que está situado na rúa do Pedregal, en Bertamiráns, na categoría de Nova incorporación á lingua, ao ser unha empresa que se creou nos últimos dous anos. Os dous representantes das empresas gañadoras recibiron unha figura conmemorativa e un diploma, que se engaden á dotación de 1500 euros e á campaña de difusión en Ames Radio cos que se premiaba a cada categoría.
Esta semana o alcalde de Ames, Blas García, a concelleira de Promoción Económica, Ana Belén Paz, e mailo técnico de desenvolvemento local, Juan Carlos Carreja, visitaron as instalacións do estudo de postprodución Alfonsín Digital LAB, que está situado na rúa do Agrelo, en Bertamiráns. Trátase dunha empresa punteira nos servizos de edición; postprodución; DIT - traballo en set; dixital cinema – DCP; laboratorio dixital; e calibración - xestión de cor. Realizaron traballos de postprodución en series e longametraxes emitidas nas plataformas Amazon Prime Vídeo, HBO Max, Netflix e Movistar como Operación Marea Negra; Rapa; El desorden que dejas; ¿Dónde está Marta?; Hierro; Auga Seca; La Unidad; Néboa; etc.
O Concello de Ames, a través da Concellaría de Promoción Económica e Emprego, acollerá os días 23 e 24 de marzo, no Milladoiro e en Bertamiráns, respectivamente, o relatorio Entende a túa factura eléctrica para aforrar enerxía. A charla impartirase na Casa de Cultura do Milladoiro e no Salón de Plenos da Casa do Concello, en Bertamiráns, ambos días ás 19.30 horas. Esta actividade enmárcase no acordo que teñen asinado o Concello de Ames e a Unión de Consumidores de Galicia (UCGAL).
O Concello de Ames está inmerso no desenvolvemento das actuacións recollidas na EDUSI Impulsa Ames como o Ames Emprega e Integra, unha iniciativa do departamento de Promoción Económica e Emprego do Concello de Ames, que está dirixido a colectivos desfavorecidos do municipio.
Numerosos veciños e veciñas encheron a praza do Concello para participar nas Prebadaladas de Aninovo
O Concello de Ames, a través da Concellaría de Promoción Económica, organizou este pasado martes, 31 de decembro, unha novidosa actividade que se enmarca dentro da programación de Nadal. Numerosos veciños e veciñas asistiron ás Prebadaladas 2020, que se desenvolveron na praza do Concello, en Bertamiráns. O actor e humorista, veciño de Ames, Pepo Suevos, encargouse de amenizar o evento dende as 11.00 horas. Houbo degustación gratuíta de chocolate con churros, castañas, algodón de azucre, flocos de millo e roxóns. Tralas prebadaladas actuou a artista Thais Rudiño, veciña de Ames e finalista da cuarta edición do programa televisivo “La Voz”.
- ‹ anterior
- 33 de 66
- seguinte ›
Trámites do departamento
Eventos del departamento
O 26 de decembro algunhas das personaxes de Disney achegaranse a Ames para que os nenos e nenas poidan desfrutar con elas. Estarán no Centro Social do Milladoiro, de 11:00 a 13:00 horas e de 17:00 a 19:00 horas.
O 26 de decembro algunhas das personaxes de Disney achegaranse a Ames para que os nenos e nenas poidan desfrutar con elas. Estarán na Casa dos Maiores de Bertamiráns, de 11:00 a 13:00 horas e de 17:00 a 19:00 horas.
A zona verde da travesía do Porto, no Milladoiro, e o parque do Ameneiral, en Bertamiráns, acollerán durante a primeira semana de setembro, por cuarto ano consecutivo, as xornadas “Volta ao cole co comercio”, que organiza a Concellaría de Promoción Económica e colaboración con XEA e coa participación do departamento de Mocidade. Esta iniciativa traerá dúas tardes de actividades para amenizar os preparativos da volta aos centros de ensino, fomentando á vez o comercio e a hostalaría nos dous principais núcleos de Ames.
A xornada de “Volta ao cole co comercio” do Milladoiro celebrarase finalmente este luns, 15 de setembro. Será a partir das 17.00 horas nas pistas deportivas do Milladoiro. A holi party incluída na programación da actividade realizarase no aparcamento da Casa da Cultura do Milladoiro, polo que estará prohibido estacionar no aparcadoiro desde as 14.00 ata as 22.00 horas do luns día 15.
O Concello de Ames reúne nun único cartel toda a programación de actividades que se van celebrar durante os meses de xuño, xullo, agosto e setembro en Ames. Deste xeito, ata finais de setembro vanse a realizar numerosas actividades como concertos, seráns ou festas.
O sábado, 15 de decembro, o Pazo da Peregrina de Bertamiráns acolle unha xornada sobre a economía social. Trátase dunha xornada lúdica, educativa e concienciadora dirixida a todos os públicos e que inclúe unha mesa redonda, a proxección dun documental ou un mercado de inverno entre outros. Desenvolverase entre as 10:30 e as 20:00 horas. O obxectivo desta iniciativa é achegarlle á veciñanza o xeito de vivir asociado á economía social, baseado no traballo colaborativo.
O Concello de Ames, a través da Concellaría de Promoción Económica, organizou unha xuntanza para o vindeiro luns, 13 de outubro, co obxectivo de que o persoal das empresas amesás relacionadas coa hostalería e a restauración poidan coñecer o mercado de horta e artesanía e os produtos alimentarios e artesanais que nel se expoñen e venden todos os sábado na praza da Maía, en Bertamiráns. Dito encontro celebrarase ás 9.30 horas no salón de plenos da Casa do Concello. As persoas que estean interesadas en acudir poden confirmar a súa asistencia enviando un correo electrónico ao enderezo promocioneconomica@concellodeames.gal.
Ames acollerá a vindeira semana as visitas dos personaxes do mundo Disney para saudar e pasar tempo cos nenos e nenas. O día 29 chegarán á Casa dos Maiores de Bertamiráns (praza da Maía) e o 30 pasarán polo antigo centro de saúde do Milladoiro (na rúa Agro do Medio, número 8). Esta actividade enmárcase dentro da programación de Nadal 2025, que comezou o pasado 4 de decembro e se desenvolverá ata o próximo 10 de xaneiro de 2026.
Ames acollerá a vindeira semana as visitas dos personaxes do mundo Disney para saudar e pasar tempo cos nenos e nenas. O día 29 chegarán á Casa dos Maiores de Bertamiráns (praza da Maía) e o 30 pasarán polo antigo centro de saúde do Milladoiro (na rúa Agro do Medio, número 8). Esta actividade enmárcase dentro da programación de Nadal 2025, que comezou o pasado 4 de decembro e se desenvolverá ata o próximo 10 de xaneiro de 2026.
Por mor do anuncio de chuvias, "A praia dos afogados" proxectarase no salón de actos da Casa da Cultura do Milladoiro e non no anfiteatro como estaba previsto.
Baseada na novela do mesmo nome de Domingo Villar e dirixida por Gerardo Herrero, “A praia dos afogados” é un thriller ambientado nas Rías Baixas. Está protagonizado polo inspector Leo Caldas, un dos personaxes emblemáticos das obras do escritor galego. Conta coa participación dun bo número de actrices e actores galegos, entre os que se atopa o veciño de Ames, Pepo Suevos.
A actividade forma parte do programa “Visións”, pertencente á rede cultural da Deputación e está incluída no programa de fomento da Economía e a Cultura en Ames, AmesON. A proxección ´´e de balde até completar aforo.
- ‹ anterior
- 22 de 22