A concelleira de Promoción Económica, Ana Paz, non dubidou en cualificar este programa como unha “referencia en materia de inclusión e integración dos colectivos que máis difícil teñen acceder ao mercado laboral” e destaca que “un dos ámbitos prioritarios de intervención do Concello de Ames é poñer en marcha actuación en materia de prevención, detección e intervención da exclusión social”.

Os novos cursos que se impartirán no marco desta iniciativa serán unha formación de camareiro/a de pisos do 5 ao 15 de setembro e unha de dependente/a de comercio do 6 ao 16 de setembro. Ámbalas dúas formacións se impartirán no centro Forga, no parque industrial Novo Milladoiro (rúa Palmeiras, 21A). Poderán participar todas as persoas residentes en Ames que conten coa demanda de emprego de alta.

Os cursos son gratuítos, e para inscribirse neles é preciso acceder á web de Ames Emprega e Integra ou chamar ao 674 59 48 43 en horario de 8:10 a 15:00 horas.

Formación ocupacional
O Ames Emprega e Integra inclúe un total de 13 cursos de formación sectorial que comezaron o 3 de xullo e se desenvolverán ata o vindeiro mes de novembro.

En setembro dan comezo dúas formacións: camareiro/a de pisos e dependente/a de comercio. O curso de camareiro/a de pisos empeza o día 5, e desenvolverase ata o venres 15, en horario de 9:00 a 14:35 horas. En total, 110 horas (50 de formación presencial e outras 50 de prácticas).

Pola súa banda, o curso de dependente/a de comercio (caixa, reposición e atención ao cliente) empezará o día 6 e alongarase ata o martes 26, en horario de 9:00 a 14:30 horas. En total, 150 horas (80 de formación presencial e 70 de prácticas).