- Enderezo: Praza do Concello, nº 2, Bertamiráns.
- Teléfono: 981 88 30 02
- Horario de atención ao público:
- De luns a venres, en horario das 9:00 ás 14:00 horas.
- Responsable municipal: Concellaría de Promoción Económica
Outros Datos:
Pestanas principais
Departamento de Promoción Económica e Emprego
Servizos e programas
Novas do departamento
O Concello de Ames, a través da Concellaría de Promoción Económica, informa de que a Xunta de Galicia publicou unha liña de axudas para proxectos de investimento en actividades non agrícolas. As subvencións cubrirán un máximo do 45% do gasto realizado para adquirir maquinaria e equipamento en empresas existentes, ou ben para poñer en marcha novas actividades empresariais de carácter non agrícola en aldeas modelo. O prazo para solicitar as axudas está aberto dende hoxe ata o 25 de febreiro de 2022, cuxo trámite debe realizarse en liña a través da Axencia Galega de Desenvolvemento Rural (Agader).
Os Concellos de Ames e Brión poñen en marcha unha nova edición do programa integrado de emprego. Ata o día 12 de xaneiro está aberto o prazo para solicitar praza no programa integrado de emprego 2023-2024. Esta edición o programa está aberto a 100 persoas desempregadas que se formarán nos sectores do comercio, almacén, ocio e tempo libre, turismo, idiomas e novas tecnoloxías. O pasado 16 de novembro rematou a edición 2022-2023, superando o obxectivo de inserción fixado inicialmente do 40% do total das persoas participantes chegando case ao 50%.
Os Concellos de Ames e Brión poñen en marcha unha nova edición do programa integrado de emprego. Ata o día 29 de novembro está aberto o prazo para solicitar praza no programa integrado de emprego 2024-2025. Esta edición o programa está aberto a 100 persoas desempregadas que se formarán nos sectores do comercio, almacén, limpeza, administración e xestión, ocio e tempo libre, e turismo. Na actualidade estase desenvolvendo a edición 2023-2024, que rematará o vindeiro 12 de novembro de 2024. Ata o de agora están a traballar ou traballaron o 50% dos participantes, superando obxectivo de inserción inicial.
O prazo para solicitar un novo posto no novo mercado de horta e artesanía estará aberto ata o vindeiro 21 de agosto. Esta iniciativa comezará a funcionar a partir da terceira semana do mes de setembro e celebrarase todos os sábados pola mañá, en horario de 10.00 a 13.30 horas, na praza da Maía. O mercado conta con 13 postos de venda. Cómpre lembrar que o prazo de solicitudes estará aberto durante todo o ano por se, no caso de existencia dun posto libre, este poida ser cuberto por outro comerciante interesado. As solicitudes poden presentarse enviando o impreso de solicitude cuberto a través da Sede electrónica ou de forma presencial nas oficinas municipais de Bertamiráns e do Milladoiro.
Volven as decoracións de Nadal aos establecementos amesás, cun total de 3.400 euros en premios para as persoas empresarias e autónomas que participen na XIV edición do Concurso de Escaparates. As inscricións para o certame, organizado pola Concellaría de Promoción Económica, están abertas ata o luns 20 de decembro ás 14:00 horas, presentando esta solicitude nos diferentes rexistros municipais ou na sede electrónica do Concello. O xurado valorará as montaxes pola súa capacidade de atracción, a orixinalidade, e a elaboración propia, así como o emprego de obxectos propios ou de materiais de refugallo.
O Concello de Ames, a través da concellaría de Promoción Económica, informa de que este venres 16 de xullo, comeza o prazo para que novos establecementos comerciais se adhiran á campaña de tarxetas bono “Reactiva Ames”. O prazo para inscribirse permanecerá aberto ata o 15 de agosto e, tan só, terán que inscribirse aqueles establecementos que non participaran na primeira parte da campaña. Está previsto que a segunda fase da campaña se desenvolva do 1 de setembro ao 31 de outubro. A clientela do comercio local poderá mercar dous tipos de bonos: un polo que se pagarán 30 euros e se obterán 50€ para gastar, e outro que custará 60 euros e terá un valor á hora de realizar as compras de 100€. A través desta iniciativa trátase de fomentar as compras no comercio local de Ames
O Concello de Ames, a través da Concellaría de Promoción Económica, desenvolve un ano máis a campaña dos “Bonos Consuma”, unha iniciativa para fomentar o consumo no comercio local. O prazo para descargar os bonos estará aberto desde mañá, sábado 14 de decembro. Cada persoa maior de 18 anos poderá descargar un único bono con importe de 50 euros que poderá usar nos 105 establecementos adheridos á campaña deste ano. Para descargar os bonos hai que entrar no apartado de clientes da páxina web dos bonos consuma e introducir os datos persoais do beneficiario. Os bonos poderán usarse dende o 14 de decembro ata o 14 de febreiro, exceptuando que o orzamento do programa se esgote antes, que este ano ascende ata os 60.000 euros. No caso de que se esgote o orzamento do programa, os vales descargados deixarán de ter saldo, polo que non se poderán empregar. Pódese consultar as empresas adheridas á campaña na seguinte ligazón.
O Concello de Ames, a través da Concellaría de Promoción Económica, desenvolve un ano máis a campaña dos Bonos Consuma, unha iniciativa para fomentar o consumo no comercio local. O prazo para descargar os bonos estará aberto desde mañá, venres 19 de decembro. Cada persoa maior de 18 anos poderá descargar un único bono con importe de 50 euros que poderá usar nos 109 establecementos adheridos á campaña deste ano. Para descargar os bonos hai que entrar no apartado de clientes da páxina web dos bonos consuma e introducir os datos persoais do beneficiario. Os bonos poderán gastarse do 19 de decembro ao 19 de febreiro de 2026, ou ata que se esgote o orzamento do programa. Este ano o orzamento da campaña é de 60.000 euros. No caso de que se esgote o orzamento do programa, os vales descargados deixarán de ter saldo, polo que non se poderán empregar. Pódese consultar as empresas adheridas á campaña na seguinte ligazón.
Tras o éxito acadado na edición actual do programa InserAmes Brión XI (período 2018-19), cunha porcentaxe de inserción laboral superior ao 60% das persoas participantes, os concellos de Ames e Brión porán en marcha un novo programa que comezará nas próximas semanas e que rematará en outubro do 2020. Para a décimo segunda edición do InserAmes Brión búscanse 100 persoas desempregadas, inscritas no servizo Público de Emprego de Galicia, residentes nos concellos de Ames e Brión e que pertenzan aos colectivos de menores de 30 anos e maiores de 45 anos.
O Concello de Ames abre o prazo para inscribirse no “AMES AV LAB”, un laboratorio pioneiro de aceleración de proxectos audiovisuais destinado a potenciar a produción audiovisual no municipio. A iniciativa, cofinanciada pola Deputación provincial da Coruña, representa un paso significativo cara adiante no desenvolvemento do sector audiovisual local. O período de presentación de solicitudes estará aberto ata o 12 de abril. Premendo nesta ligazón podes obter as bases e mailo impreso de solicitude.
- ‹ anterior
- 12 de 66
- seguinte ›
Trámites do departamento
Eventos del departamento
13 actuacións musicais compoñen o programa “AmesON” co que, a Concellaría de Promoción Económica xunto coa de Cultura, xuntan forzas este verán para dinamizar a cultura e a economía en Ames durante os meses de xuño, xullo, agosto e setembro. Dará comezo o sábado19 de xuño coa actuación de Sond de Caracas na Praza de manuel Murguía, Milladoiro, ás 20.00 horas. Podése ver o cartel ca programación nesta ligazón.
O venres 13 de agosto o Programa Ames On continúa coa actuación de Sond de Caracas na Praza de Manuel Murguía, Milladoiro, ás 20.00 horas. O evento soará a ritmos latinos con cumbias, merengues e bachatas.
Este venres, 18 de xullo, vaise a celebrar a segunda edición do concurso Baila con Ames. Será a partir das 18.00 horas no auditorio da Casa da Cultura de Bertamiráns. Nesta edición están inscritos un total de 77 participantes, que estarán divididos nas categorías individual, parellas ou tríos (dirixida a formacións de 2 ou 3 persoas como máximo) e grupos (para formacións de mínimo 4 persoas e un máximo de 12). O xurado, formado por Daniela Filloy, Magaly Balsa e Dora Iglesias, terá que decidir os catro premios que se outorgan por cada categoría. Repartirase un total de 3.900 euros en premios e seis vales de 100 euros cada un para gastar no comercio local. A entrada será libre ata completar aforo.
A final do concurso celebrarase de xeito presencial en Bertamiráns o día 31 de agosto, ás 19.00 horas, nunha única xornada na que participarán as persoas clasificadas na fase de selección. Na fase final os 20 aspirantes (grupos, dúos ou individual) interpretarán un baile por participante. Nesta fase o ditarase o fallo do xurado cos premiados, que será inapelable. Os ganadores/as daranse a coñecer ese mesmo día.
A gran final do concurso terá luagr o 11 de agosto, ás 19.00 horas, no parque do Ameneiral, en Bertamiráns. Na fase final as 12 persoas aspirantes interpretarán dous temas completos por participante e de diferente estilo musical.
Os días 12 e 13 de xullo Ames acolle a fase de preselección do concurso Canta con Ames. respectivamente. O venres 12 de xullo será no Milladoiro, na praza de Manuel Murguía; e o sábado 13 será en Bertamiráns, no parque do Ameneiral. En ambas localidade será ás 19:00 horas.
A semifinal do concurso Canta con Ames será o 3 de agosto, ás 19.00 horas, na praza de Manuel Murguía, no Milladoiro. A ela terán acceso as persoas clasificadas na fase de preselección, un máximo de 20 persoas en total, cada unha na categoría que lle corresponda. O xurado escollerá, ese mesmo día, un máximo de 12 seleccionados, tres por categoría, para pasar á final
Creación da árbore de Nadal cos Alfombristas de Ames con materiais da natureza. Terá lugar na carpa da Praza de Chavián en Bertamiráns pola mañá e na Praza de Manuel Murguía no Milladoiro pola tarde.
É unha actividade para nenos de entre 8 a 15 anos. Para asistir é necesario inscribirse enviando un correo a promocioneconomica@concellodeames.gal. O prazo remata o 18 de decembro.
Entre o 16 e o 22 de setembro, os diferentes espazos de traballo que integran a Rede Provincial de Coworking da Deputación da Coruña, acollerán o evento Rede Coworking Fest, unha semana dedicada a promover a innovación, a colaboración e a cultura emprendedora a través dunha ampla variedade de actividades culturais e formativas. No espazo colaborativo A Proa, situado no parque empresarial do Milladoiro, vanse organizar dúas actividades: un encontro de emprendemento feminino o mércores 18 de setembro; e un obradoiro de mentalidade e vendas o 19 de setembro. Preme nesta ligazón para consultar a programación completa e inscríbete nas actividades.
A praza de Manuel Murguía no Milladoiro acolle hoxe ás 20:00 un concerto do dúo Eva e Camilo. A actividade encádrase dentro do programa AmesON, a través do cal o Concello traballa para dinamizar os sectores comercial e cultural de Ames. O concerto é de balde até completar aforo e realízase seguindo todas as normas de seguridade que impón a loita contra o COVID19.
- ‹ anterior
- 12 de 22
- seguinte ›