Pestanas principais

Departamento de Deportes

    • Enderezo: Praza do Concello, nº 2, Bertamiráns.
    • Teléfono:  981 88 30 02 / 619 84 25 04
    • Horario de atención ao público:
      • De luns a venres, en horario das 9:00 ás 14:00 horas.
    • Responsable municipal: Concellaría de Deportes
    • Responsable técnico: Alberto Viaño Moure.
Outros Datos: 
  • Programación escolas deportivas 2023-2024
  • Funcions:
    • Deseñar proxectos deportivos: escolas deportivas, eventos deportivos...
    • Planificar e xestionar programas deportivos e elaborar estratexias de funcionamento.
    • Incentivar a participación cidadá tanto nas actividades como na creación deportiva.
    • Asesorar e informar aos grupos e entidades deportivas do concello, así como ao público en xeral.
    • Colaborar nas programacións da Deputación: Campaña de esqui, campamentos deportivos, circuíto de carreiras populares...
    • Xestionar as subvencións correspondente á área de deportes, ben sexan as da Deputación ou as convocatorias propias do Concello de Ames de apoio ás asociacións deportivas e clubs.
    • Xestionar as instalacións deportivas municipais (pavillóns polideportivos, campos de fútbol e piscinas descubertas municipais).
  • Normativa:
  • Novas relacionadas
  • Axenda

Novas do departamento

Ampla participación do club Atletismo MillaRaio nas fases zonal e provincial de campo a través do programa XOGADE

Durante este mes de decembro celebráronse as fases zonal e provincial de campo a través do programa XOGADE de categorías escolares. Na fase zonal, celebrada en Acea de Ama (Culleredo) o 2 de decembro, o club Atletismo MillaRaio tivo representación en todas as categorías masculinas e femininas, enviando a un total de 51 atletas. Os catro equipos femininos conseguiron a clasificación para a fase provincial que se celebrou en Santiago de Compostela o pasado sábado 16 de decembro.

Amplíase ata o 29 de setembro o prazo para preinscribirse nas Escolas deportivas e culturais do curso 2020-2021

Dende o pasado luns, 21 de setembro, está aberto o prazo de preinscrición na nova programación das Escolas deportivas e culturais do Concello de Ames para o curso 2020-2021. O prazo de preinscrición amplíase ata o día  29 de setembro (martes 29 incluído). A xestión realizarase telematicamente a través da plataforma Cronos. Non se admitirá ningún tipo de inscrición presencial. Este ano non se permite a renovación de praza. Todas as persoas que queiran participar nas actividades das Escolas deportivas e culturais terán que facer a preincrición. Nas actividades que haxa máis preinscricións que prazas ofertadas realizarase un sorteo. Non se conceden as prazas por orde de inscrición. A listaxe de admitidos publicarase o 1 de outubro na páxina web do Concello de Ames. Ademais, cada persoa só poderá inscribirse nunha escola deportiva e nunha escola cultural. Non se permite a inscrición en máis dun grupo da mesma actividade.

Anímase á veciñanza a participar nas clases online de xadrez o xoves 1 e o sábado 3 de outubro

O Club de Xadrez Millarengo organizou un curso intensivo online de xadrez para o xoves 1 e o sábado 3 de outubro. Trátase dunha iniciativa para animar á veciñanza amesá na iniciación e perfeccionar das destrezas na práctica do xadrez. As clases son totalmente gratuítas e impartiranse a través da plataforma Sky.

Antía Lourido, do club Ágora, clasificada para o Campionato Nacional de Patinaxe Artística

A patinadora amesá Antía Lourido Villasenín, do club Ágora,  acadou a terceira posición no Campionato Galego de Patinaxe Artística libre celebrado os días 5 e 6 de xuño en Ribeira. A deportista clasificouse  no Campionato de España que terá lugar os días 1 e 2 de xullo en Tarragona.

Anxo Lorenzo e Carlota Pazos gañan na categoría sénior da segunda proba da Liga Galaica de 3 horas de Resistencia BTT

Este domingo, 2 de febreiro, desenvolveuse na localidade de Bertamiráns a segunda proba da Liga Galaica de 3 horas de Resistencia BTT. Este evento deportivo está composto de tres probas: a primeira realizouse o pasado domingo 26 de xaneiro en Noia e a terceira é última celebrarase o domingo 16 de febreiro. Esta proba estivo organizada polo club Os Esfola Arrós e contou coa colaboración do Concello de Ames. Participaron 155 ciclistas repartidos en diferentes categorías. A Liga conta coa colaboración da Xunta de Galicia, a través de Deporte Galego, da Deputación Provincial da Coruña e de Rótulos Orixinal Imaxe.

Anxo Lorenzo e Susana Alonso gañan a segunda proba do circuíto Transgalaica 2020 que se disputou en Ames

O Club de ciclismo Os Esfola Arrós e o Concello de Ames organizaron, por quinto ano consecutivo, unha das probas do circuíto Transgalaica. Así, este domingo o municipio amesán acolleu a segunda proba do circuíto Transgalaica 2020, que finalmente cotou coa participación de 286 ciclistas. Na modalidade masculina o primeiro ciclista en chegar á liña de meta foi Anxo Lorenzo Segade, do Club Máster da Louriña. Na categoría xeral feminina a gañadora foi Susana Alonso Carballo, do Club deportivo Extol MTB Team. Trala proba organizada en Ames, quedan dúas probas máis, que se desenvolverán na Estrada e Silleda.

Apolonia Bermúdez e Manuel Piñeiro, gañadores absolutos do V Trail e Andaina Ribeiras do Tambre

Onte domingo 17 de marzo celebrouse a quinta edición do Trail e Andaina Ribeiras do Tambre, unha proba na que se inscribiron 522 persoas. A primeira en cruzar a meta na categoría absoluta feminina no trail longo foi Apolonia Bermúdez, cun tempo de 1:41:15, mentres que o primeiro posto masculino neste trail foi para Manuel Piñeiro, do Club Atletismo Cambados Seguros Noval, que obtivo unha marca de 1:12:04. Pola súa banda, o club gañador foi o C.A. Cambados – Seguros Noval, que repite a vitoria de 2023. Nesta ligazón pódese acceder á galería de imaxes da competición.

Apróbase a concesión de 10.000 euros en bolsas para deportistas de Ames

A Xunta de Goberno Local aprobou o pasado 8 de agosto unha nova liña de achegas para a concesión de bolsas para deportistas do Concello de Ames no ano 2024. O importe das bolsas que se van a conceder ascende a 10.000 euros.  A finalidade desta convocatoria é apoiar aos/as deportistas individuais de Ames, como medio para promover o deporte do municipio e, desta forma, conseguir logros deportivos para o concello. Premendo nesta ligazón pódense consultar as bases da convocatoria.

Apróbase a concesión de 80.000 euros en axudas para asociacións e club deportivos

A Xunta de Goberno Local aprobou o pasado 18 de xullo a concesión de axudas para a promoción de actividades levadas a cabo por clubs e asociacións deportivas de Ames no exercicio 2023. O importe das subvencións que se van a conceder ascende a 80.000 euros chegando ao 100% do importe dedicado a esta liña de axudas. Un total de 20 entidades beneficiaranse destas subvencións municipais, que buscan achegar a práctica deportiva ao maior número de veciños/as posible, así como promover unha vida deportiva estable dentro do concello. Os clubs e entidades deportivas beneficiarias teñen de prazo de xustificación das axudas ata o 31 de xullo de 2024.

Apróbase a concesión de preto de 80.000 euros en axudas para asociacións e club deportivos

A Xunta de Goberno Local aprobou a concesión de axudas para a promoción de actividades levadas a cabo por clubs e asociacións deportivas de Ames no exercicio 2022. O importe das subvencións ascende a 78.809,34 euros. Un total de 20 entidades beneficiaranse da axuda, que busca achegar a práctica deportiva ao maior número de veciños/as posible, así como promover unha vida deportiva estable dentro do concello.

Eventos del departamento

>XVI Carreira Ciclista do Pavo

O 17 de decembro, ás 12:00 horas, celébrase a XVI Carreira Ciclista do Pavo nos arredores do Paseo Fluvial de Bertamiráns.

>XVI Gala do Deporte

A Concellaría de Deporte celebra este venres, 19 de abril, a décimo sexta edición da Gala do Deporte, un evento no que se homenaxeará tanto aos e ás deportistas máis destacados/as do concello, como ás diversas entidades deportivas. O acto terá lugar ás 20:30 horas, na Casa da Cultura do Milladoiro, e será presentado polos xornalistas Lorena Pose e Diego Viaño. Ademais, ofreceranse distintos espectáculos e animacións.

>XVII Carreira do Pavo

A localidade de Bertamiráns acolle o domingo, 22 de decembro, a partir das 11.00 horas, a décimo sétima edición da Carreira Ciclista do Pavo. Organizada pola Asociación Galega de Ciclistas, en colaboración coa Federación Galega de Ciclismo e co Concello de Ames, nela participarán tanto adultos como os máis pequenos da casa. As inscricións para os/as ciclistas federados/as poden facerse na páxina web da federación (tamén o poden facer o propio día da carreira), mentres que as persoas non federadas teñen que enviar un correo electrónico a begonaalonso@mundo-r.com ou chamar ao  número de teléfono 677 555 748. Em ambos casos as inscricións poden tramitarse ata o venres 13 de decembro.

>XVII Gala do Deporte

A Concellaría de Deporte celebra este venres, 9 de maio, a décimo sétima edición da Gala do Deporte, un evento no que se homenaxeará tanto aos e ás deportistas máis destacados/as do concello, como ás diversas entidades deportivas. O acto terá lugar ás 20:30 horas na Casa da Cultura de Bertamiráns. Ademais, ofreceranse distintos espectáculos e animacións.

>XX Carreira Pedestre Popular Concello de Ames

O Concello de Ames e a Federación Galega de Atletismo organizan este domingo, 20 de outubro a vixésima edición da carreira pedestre do Concello de Ames. Esta proba pertence ao VII Circuíto de carreiras populares da Deputación da Coruña. A saída e chegada de cada proba farase na rúa Alcalde Lorenzo de Bertamiráns, tal como  se veu realizando nas dúas últimas edicións, unha vez que se decidiu trasladar a proba desde o entorno do Pazo da Peregrina ao centro do núcleo urbano para así facer mais partícipe á veciñanza.

>XXIII Carreira Pedestre Popular do Concello de Ames

O Concello de Ames e a Federación Galega de Atletismo organizan o domingo 20 de outubro a XXIII Carreira Pedestre Popular Concello de Ames, unha proba que pertence ao X Circuíto provincial de carreiras populares da Deputación da Coruña. Contará cun circuíto urbano de 10 quilómetros homologado pola Real Federación Española de Atletismo, con saída e chegada en Bertamiráns, na rúa Alcalde Lorenzo, nas inmediacións da Casa do Concello. O percorrido estará debidamente sinalizado e haberá indicacións en cada quilómetro.

>XXXVIII Rally Berberecho de Noia

A edición deste ano do Rally Berberecho de Noia terá un treito que se disputará de forma íntegra por estradas do noso concello. Será en horario de tarde e haberá un reagrupamento, de 17:15 a 19:30 horas, na avenida José Luís Azcárraga, diante do Pazo da Peregrina, en Bertamiráns, polo que pasarán todos os participantes. O tramo de Ames ten unha lonxitude de 11,2 quilómetros e discorre polas parroquias de Ames, Lens e Tapia. A saída do tramo estará instalada no lugar de Outeiro, mentres que a liña de meta será na estrada que vai dende a aldea de A Mámoa cara o lugar de Pedrouzos. Os pilotos farán unha dobre pasada polo tramo de Ames. A primeira pasada comezará ás 16.50 e a segunda ás 19.40 horas, sendo o último tramo do rally. O final do rally está previsto para as 20.20 horas. As estradas polas que discorre o treito de Ames estarán pechadas ao tráfico de 15.30 a 22.30 horas aproximadamente. Consulta o itinerario do tramo de Ames.

O Milladoiro acolle o programa Convivir Deportivo da CRTVG

O auditorio da Casa da Cultura do Milladoiro converterase o próximo luns, 22 de xullo, nun estudo de radio coa retransmisión do programa Convivir Deportivo, da Radio Galega. O programa que conduce Alfonso Pardo aterra en Ames e contará coa participación dun dos máximos expoñentes do deporte amesán, Borja Golán, dezaseis veces campión de España de squash e dúas veces campión de Europa. Convivir Deportivo comezará ás 20:00 horas, con entrada libre e de balde.

XXXIV Descenso do Tambre de piragüismo