Pestanas principais

Departamento de Cultura

    • Enderezo: Casa da Cultura do Milladoiro. Travesia do Porto, s/n, O Milladoiro. 15895 Ames.
    • Teléfono:  662 37 74 44
    • Responsable municipal: Concellaría de Cultura
    • Responsable técnico: María José Vázquez Bermúdez, Técnica de Animación Sociocultural.
Outros Datos: 
  • Funciones:
    • Xestionar as actividades e eventos que desde o Departamento de Cultura se poñen en marcha, responsabilizándose do seu adecuado desenvolvemento.
    • Informar e asesorar aos grupos e entidades culturais do concello, así como ao público en xeral, valorar as demandas dos cidadás e incentivar a participación.
    • Xestionar os programas culturais que oferta a Deputación, Rede Cultural, Xunta de Galicia, AGADIC e Cultura no Camiño. Solicitude,desenvolvemento, xustificación.
    • Tramitar as axudas económicas correspondentes á área de cultura, tanto as que se solicitan desde o Concello, coma as que se convocan desde a Concellaría de Educación e Cultura de apoio as entidades culturais e comisións de festas.
    • Coordinar e xestionar as Escolas Culturais Municipais.

Novas do departamento

Ames acollerá o 8 de xullo a xornada inaugural do Festival Internacional de Danza e Movemento “Abanea”

O vindeiro mércores, 8 de xullo, o concello de Ames acollerá a xornada inaugural do Festival Internacional de Danza e Movemento “Abanea”, organizado pola asociación IS.MO Cultura. Do 8 ao 12 de xullo desenvolveranse diversas actividades arredor da danza e do movemento, co obxectivo de impulsar esta disciplina entre a veciñanza. A programación do festival foi presentada hoxe na Cidade da Cultura, en Santiago de Compostela. En representación do Concello de Ames acudiu a concelleira de Promoción Económica, Ana Belén Paz. O acto incluíu unha breve actuación en directo a cargo do bailarín Martín Blanco coa peza Máis.

Ames acollerá unha nova edición da Mostra de Teatro Afeccionado do 5 ao 8 de decembro

O Concello de Ames, a través da Concellaría de Cultura, volve a programar un ano máis a Mostra de Teatro Afeccionado. Deste xeito, o auditorio da Casa da Cultura do Milladoiro acollerá do 5 ao 8 de decembro un total de catro representacións teatrais a cargo de compañías de Ames, Brión, Muxía e Santa Comba. Os convites poden adquirirse na Billeteira electrónica. No caso de haber convites dispoñibles, tamén se poden coller o propio día do espectáculo. 

Ames acolleu a xornada inaugural do Festival Internacional de Danza e Movemento Abanea 2026

A localidade de Bertamiráns acolleu este mércores, 8 de xullo, a xornada inaugural do Festival Internacional de Danza e Movemento Abanea, organizado pola asociación IS.MO Cultura, e que conta co apoio da Consellería de Cultura, Lingua e Xuventude. Arredor de 300 persoas asistiron en Ames a ver os espectáculos que se realizaron nos xardíns do Pazo da Peregrina. Ata o 12 de xullo, o festival reúne 11 compañías e artistas nacionais e internacionais en cinco concellos galegos e incorpora como principal novidade ABANEA CANLE, unha nova liña documental que ampliará a memoria do proxecto. Premendo nesta ligazón podes consultar a programación completa do Abanea 2026. 

Ames acolleu a xornada inaugural do Festival Internacional de Danza e Movemento “Abanea” 2025

A localidade de Bertamiráns acolleu este pasado mércores, 16 de xullo, a xornada inaugural do Festival Internacional de Danza e Movemento “Abanea”, organizado pola asociación IS.MO Cultura. Do 16 ao 20 e xullo desenvólvense diversas actividades arredor da danza e do movemento, co obxectivo de impulsar esta disciplina entre a veciñanza. Pola mañá realizouse un podcast en directo, conducido por Carlota Mosquera, e fíxose na praza da Maía o acto de apertura do festival coa representación de dúas pezas de danza breves a cargo de Andrea Castro e Martín Blanco. Pola tarde, desenvolveuse un foro sobre distribución nacional e internacional da danza de Galicia; un obradoiro de danza aberto; e un happening danza-clown. A programación da primeira xornada pechouse no Pazo da Peregrina cunha programación de catro espectáculos. Premendo nesta ligazón podes consultar a programación completa do Abanea 2025.

Ames acolleu unha xornada do Festival Internacional de Danza e Movemento “Abanea”

O Pazo da Peregrina acolleu este venres, 19 de xullo, por primeira vez, unha das xornadas do Festival Internacional de Danza e Movemento “Abanea”, organizado pola asociación ISMO Cultura. Así, ao longo desta xornada desenvolvéronse diversas actividades arredor da danza e do movemento, co obxectivo de impulsar esta disciplina entre a veciñanza. Houbo encontros para os profesionais da danza, impartíronse os obradoiros “Danza en Familia” e “A danza como lugar de recreo”, e púidose gozar das actuacións a cargo de Suevia Rojo, Paulina Espinosa, Mariana Oliveira, Angel Durán e Mounqup. A artista amesá vinculada ao apoio bienal, Suevia Rojo, estreou “Pensar a contratempo”.

Ames aposta en novembro polo cinema documental galego, con tres proxeccións firmadas por mulleres

A Concellaría de Cultura do Concello de Ames continúa a súa aposta polo cinema galego, programando no mes de novembro tres documentais firmados por directoras e guionistas do país. “Negro Púrpura”, de Sabela Iglesias e Adriana P. Villanueva; “Nación”, de Margarita Ledo, e “As silenciadas”, dirixido por Pablo Ces e guionizado por Aurora Marco e o propio Ces. As sesións terán lugar os mércores 10, 17 e 24 de novembro, respectivamente, na Casa da Cultura de Bertamiráns, ás 20:30 horas, e incluirán encontros coas cineastas Margarita Ledo, Pablo Ces e Aurora Marco. Os convites gratuítos xa están dispoñibles na billeteira electrónica do Concello de Ames.

Ames aposta pola inclusión coa creación dun grupo inclusivo de teatro formativo e lúdico

O Concello de Ames, a través da Concellaría de Cultura, creou durante o curso 2025-2026, por primeira vez, un grupo inclusivo de teatro formativo e lúdico, que se enmarcou dentro da Escola municipal de teatro de Ames. Este grupo pechou a súa actividade neste curso 2025-2026 coa representación do espectáculo A eclipse. Os 7 intérpretes que compoñen o grupo representaron unha peza sobre a infancia e o paso do tempo, a través da eclipse solar do vindeiro 12 de agosto. Esta clausura súmase aos demais peches do resto de grupos da Escola municipal de teatro de Ames, que se celebrarán esta semana, e a estrea de Mobilizad@s por parte do grupo municipal de teatro.

Ames aposta pola volta da programación cultural adaptada á nova normalidade

Pasada a cautela inicial, o Concello de Ames vai continuar programando con cambios de data, formato, e adaptándose ás novas necesidades no eido cultural. A programación cultural volverá a principios do mes de xullo, sabendo que a planificación de actividades en espazos públicos terá que estar supeditada ás normativas esixidas polas diferentes institucións en relación aos límites de aforo, separación coas medidas de seguridade, locais, e co plantexamento de cumplir de forma optimista coa nova normalidade. A primeira actuación prevista será a celebración do Festival de Jazz, no Pazo da Peregrina de Bertamiráns, o 4 de xullo.

Ames celebra a edición máis internacional e comprometida de Cinema Miúdo

Esta mañá presentouse a oitava edición do festival internacional de cinema infantil de Ames, que se vai a celebrar do 13 ao 16 de novembro no auditorio da Casa da Cultura de Bertamiráns. Trátase da edición máis internacional e comprometida de Cinema Miúdo. Esta iniciativa está organizada polo Concello de Ames en colaboración coa Deputación da Coruña. Os abonos para o festival, que teñen un prezo de 3 euros, xa están dispoñibles na Billeteira electrónica do Concello de Ames. O festival propón un programa cinematográfico amplo de curtametraxes internacionais, actuacións e obradoiros que combina calidade artística, orixinalidade e compromiso social. Nesta edición unha das sesións da selección oficial contará cun subtitulado específico para persoas con discapacidade auditiva. Proxectaranse filmes procedentes de 21 países diferentes, entre eles Corea do Sur, Croacia, Dinamarca ou os Países Baixos, o que reflicte o carácter internacional e plural do certame.

Ames celebra as festas na honra de Santo Tomé o 1 e o 2 de xullo

A parroquia de Santo Tomé de Ames organiza esta fin de semana dous días de festas para conmemorar o día de Santo Tomé, patrón da localidade. A celebración estará marcada polas actuacións musicais nas sesións vermús e as verbenas, así como polos pasarrúas que recorrerán a parroquia. Os festexos realizaranse no campo da festa de Ames.   

Eventos del departamento

>"Soño dunha noite de San Xoán" (no Milladoiro)

O vindeiro venres 6 de xuño, o grupo municipal de teatro estreará no auditorio do Milladoiro, ás 20.30 horas, a obra “Soño dunha noite de San Xoán”, pechando así a actividade do grupo neste curso. Ademais da estrea, realizarán un pase da peza en Bertamiráns o vindeiro venres 13 de xuño, tamén ás 20.30 horas. Os convites xa se poden adquirir a través da Billeteira electrónica do Concello de Ames. No caso de que queden convites dispoñibles, poderán adquirirse o día da función correspondente nas Casas da Cultura de Bertamiráns ou Milladoiro.

>"Ubasute" de Berrobambán

O Concello de Ames, a través do departamento de Cultura, continúa coa súa ampla oferta de espectáculos no ámbito das artes escénicas. Neste lugar, o martes 25 de marzo, ás 20.30 horas, o auditorio do Milladoiro acollerá a representación da obra “Ubasute” de Berrobambán. Os convites para esta obra pódense descargar de xeito gratuíto na Billeteira electrónica do Concello de Ames. Esta programación é unha actividade de mediación que a compañía Berrobambán desenvolve por estar a facer unha residencia artística no noso concello.

>Abril de cine: "Filmei paxaros voando"

O Concello de Ames, a través da Concellaría de Cultura, desenvolve, un ano máis, o programa cultural Abril de Cine no que a veciñanza poderá gozar ao longo de todo o mes de diferentes propostas de cinema galego. Desta volta, todos os filmes teñen un mesmo nexo en común: o desarraigamento. Esta edición estará composta por tres sesións; nas dúas primeiras proxectaranse longametraxes en formato documental e na última das citas, exhibiranse catro curtametraxes de temáticas e formatos moi amplos, como a comedia filosófica ou, de novo, o formato documental. Todas as sesións se desenvolverán ás 20.00 horas no Auditorio da Casa da Cultura do Milladoiro.

>Abril de Cine: "In the mood for love"

Dentro do ciclo Abril de Cine, o martes 23 de abril proxéctase a películaIn the mood for love (Desexando amar), un filme asiático que se desenvolve no Hong Kong de 1962. Neste contexto, Chow, redactor xefe dun diario local, múdase a un edificio habitado principalmente por residentes de Shaghai onde coñece a Li-zhen, unha moza que acaba de instalarse no mesmo edificio co seu esposo. Un día, ambos descubrirán algo inesperado respecto ás súas parellas que o cambiará todo. Nesta ocasión será a directora do aclamado filme “O Corno”, Jaione Camborda, a que acompañe ao público durante o coloquio posterior á proxección. A proxección será na Casa da Cultura do Milladoiro, ás 20:00 horas

>Abril de Cine: "Les 400 Coups"

Dentro do ciclo Abril de Cine, o xoves 11 de abril proxéctase a película Les 400 Coups (Os 400 golpes), unha obra clave da “nouvelle vague” na que se conta a historia de Antoine Doinel, quen con 14 anos non só é testemuña dos problemas de parella dos seus pais senón que tamén debe soportar as esixencias dun severo profesor. O escritor, xornalista e guionista Diego Ameixeiras será o convidado desta sesión. A proxección será na Casa da Cultura do Milladoiro, ás 20:00 horas.

>Abril de cine: "Prefiro condenarme"

O Concello de Ames, a través da Concellaría de Cultura, desenvolve, un ano máis, o programa cultural Abril de Cine no que a veciñanza poderá gozar ao longo de todo o mes de diferentes propostas de cinema galego. Desta volta, todos os filmes teñen un mesmo nexo en común: o desarraigamento. Esta edición estará composta por tres sesións; nas dúas primeiras proxectaranse longametraxes en formato documental e na última das citas, exhibiranse catro curtametraxes de temáticas e formatos moi amplos, como a comedia filosófica ou, de novo, o formato documental. Todas as sesións se desenvolverán ás 20.00 horas no Auditorio da Casa da Cultura do Milladoiro.

>Abril de Cine: "The Straigth Story"

Dentro do ciclo Abril de Cine, o martes 16 de abril proxéctase a película The Straigth Story (Unha historia verdadeira), de David Lynch. Baseada nunha historia real, narra a viaxe de Alvin Straight, un ancián que vive coa súa filla con discapacidade, para ver ao seu irmán enfermo no único medio de transporte do que dispón: unha máquina cortacéspede. Nesta ocasión, o coloquio posterior contará coa participación do realizador, guionista e produtor galego Alfonso Zarauza. A proxección será na Casa da Cultura do Milladoiro, ás 20:00 horas

>Abril de cine: Noite de curtas

O Concello de Ames, a través da Concellaría de Cultura, desenvolve, un ano máis, o programa cultural Abril de Cine no que a veciñanza poderá gozar ao longo de todo o mes de diferentes propostas de cinema galego. Desta volta, todos os filmes teñen un mesmo nexo en común: o desarraigamento. Esta edición estará composta por tres sesións; nas dúas primeiras proxectaranse longametraxes en formato documental e na última das citas, exhibiranse catro curtametraxes de temáticas e formatos moi amplos, como a comedia filosófica ou, de novo, o formato documental. Todas as sesións se desenvolverán ás 20.00 horas no Auditorio da Casa da Cultura do Milladoiro.

>Abril de Cine: Romería

O programa Abril de Cine é unha iniciativa promovida polo departamento de Cultura do Concello de Ames co obxectivo de achegar o cinema galego actual á veciñanza amesá. Durante todo este mes proxectaranse tres películas do panorama cinematográfico galego, todas elas os xoves, a partir das 20.00 horas, no auditorio da Casa da Cultura do Milladoiro.

>Abril de Cine: Rondallas

O programa Abril de Cine é unha iniciativa promovida polo departamento de Cultura do Concello de Ames co obxectivo de achegar o cinema galego actual á veciñanza amesá. Durante todo este mes proxectaranse tres películas do panorama cinematográfico galego, todas elas os xoves, a partir das 20.00 horas, no auditorio da Casa da Cultura do Milladoiro.