Pestanas principais

Departamento de Bibliotecas

    • Biblioteca Municipal de Bertamiráns: Praza de Chavián s/n. 15220. Bertamiráns, Ames
    • Biblioteca Municipal do Milladoiro: Rúa Raxoeira, nº 14 baixo. 15895. O Milladoiro, Ames
    • Horario de atención ao público:
      • Inverno: (16 de setembro a 15 de xuño)
      • De Luns a Venres: de 9.00 a 20.50h.
      • Sábados: de 9.00 a 13.50h.
      • Verán: (16 de xuño a 15 de setembro)
      • De Luns a Venres: de 9.00 a 14.00h.
    • Responsable municipal: Concellaría de Cultura
Outros Datos: 
  • Programación actividades bilbiotecas outubro-decembro 2020
  • Funcións:
    • Reunir, organizar e pór a disposición da comunidade un conxunto equilibrado de materiais bibliográficos, gráficos, audiovisuais ou noutros soportes, que permitan o acceso á información e a afondar nos distintos campos do coñecemento.
    • Ser en si mesma o centro básico de información da área á que serve.
    • Promover, estimular e fomentar o uso dos seus fondos entre a cidadanía, mediante os servizos necesarios e as actividades educativas e culturais complementarias, incidindo na poboación infantil e xuvenil e nos colectivos de usuarios/as con características especiais.
    • Cooperar coas demais bibliotecas mediante o intercambio de información, préstamo interbibliotecario e realización conxunta de actividades.
  • Normativa:

-Regulamento da Biblioteca Municipal de Ames

  • Lei de Bibliotecas de Galicia:

-Descargar PDF.

  • Documentos:

-Catálogo da Biblioteca.

-Guía da Biblioteca.

-Inscrición na biblioteca.

  • Centros de interese:

-Descargar PDF.

  • Seccións por idades:

-Descargar PDF.

  • Desideratas:

-Descargar PDF.

 

Novas do departamento

A Biblioteca Municipal de Ames realizou 5.440 préstamos no que vai de ano

Vento Ferido de “Carlos Casares”, na categoría de narrativa en galego para adultos, e “Cinco minutiños máis” de Marta Altés, na de narrativa infantil, foron os libros máis solicitados polos usuarios e usuarias da Biblioteca Municipal de Ames desde o 1 de xaneiro até o 31 de outubro de 2020. Ademais, no mesmo período, 229 adultos e 106 nenos e nenas solicitaron darse de alta neste servizo municipal. O persoal da biblioteca segue a realizar os habituais eventos de animación á lectura e cando as circunstancias sanitarias o requiren traspasa esas actividades á rede para que poidan ser desfrutadas, sen limitación de aforo, por un número maior de persoas. Na actualidade, a biblioteca de Ames conta con 8.786 socios e socias.

A biblioteca municipal do Milladoiro acolle este martes, 25 de outubro, a presentación do libro 'Mireia conta que é o dano cerebral adquirido' con Pepe Carreiro

O mes de outubro está cheo de actividades para conmemorar o Día nacional do Dano Cerebral, que se conmemora o 26 de outubro. Este ano, tamén para nenas e nenos, que poderán coñecer mellor o dano cerebral adquirido grazas a Os Bolechas. E é que a Federación Galega de Dano Cerebral (FEGADACE) editou, coa axuda destes coñecidos personaxes, a guía 'Mireia conta que é o dano cerebral adquirido'. Trátase dunha nova guía 'Os Bolechas' conta ás nenas e nenos como é a nosa discapacidade e cales son as súas causas.

A Biblioteca Municipal inicia hoxe o programa “Dixicontos”

Baixo o título de “Dixicontos, a Biblioteca Municipal inicia hoxe unha serie de sesións de conta contos na rede que emitirá até finais de ano todos os mércores, ás 17:00 horas. Os usuarios e usuarias poderán acceder a esta actividade a través da páxina de facebook da biblioteca. O programa responde á necesidade de trasladar ao entorno dixital as habituais sesións de conta contos que estaban programadas para o último trimestre do ano e que, por mor das restricións que dita a normativa de loita contra da COVID19, non se poden realizar nas propias sedes da biblioteca.

A biblioteca programa para esta semana dúas presentacións de libros, un obradoiro infantil e continúa co concurso de debuxo e o sorteo de libros

O Pazo da Peregrina acolle este xoves, 15 de abril, a presentación de “Movendo os marcos do patriarcado: o pensamento feminista de Pardo Bazán”, das escritoras Marilar Aleixandre e María López Sández, e o venres, 16, a de “O sono de Liam” de David Navarro. O obradoiro “Autores con pegada”, dirixido a nenos e nenas de 3º e 4º de Primaria, o sorteo de libros que continúa até o 24 de abril e o concurso de debuxo cuxo prazo remata o 21 de abril complementan a programación da biblioteca municipal para esta semana.

A Casa da Cultura de Bertamiráns acolle a exposición Noroeste cuarta Oeste: roteiros de ficción

A Casa da Cultura de Bertamiráns acolleu hoxe pola mañá a inauguración da exposición Noroeste cuarta Oeste: roteiros de ficción. Trátase dunha mostra enmarcada no proxecto Nortear, que realiza unha singradura a través de temas e obras literarias, cinematográficas, televisivas ou escénicas da nosa contemporaneidade. En modo de navegación polo Atlántico pódese percorrer a ficción galega en diálogo coa do Norte de Portugal. A mostra poderase visitar ata o 30 de xuño na entrada da Casa da Cultura de Bertamiráns.

A Concellería de Cultura inviste máis de 12.000 euros na renovación dos equipamentos da biblioteca municipal de Bertamiráns

O Concello de Ames, a través da Concellería de Cultura, vén de realizar melloras nos equipamentos da biblioteca municipal de Bertamiráns. Nas últimas semanas renovouse o mobiliario e melloráronse os equipos tecnolóxicos e informáticos. Investíronse 12.693,02 euros, dos cales 4.793,09 euros foron concedidos a través da subvención a entidade locais de Galicia para o equipamento e mellora das instalacións e locais utilizados para a realización de actividades culturais, e o importe restante, 7.899,93 euros, foi asumido polo Concello de Ames.

A música dos Beatles e as aventuras de "Little Neno", este xoves 31 en Bertamiráns

As bibliotecas de Ames presentan unha nova sesión de música e de contos para a cativada, nesta ocasión con "Little Neno descobre... Os Beatles". A editorial A Reixa combina teatro, narrativa e música en directo para dar a coñecer a un dos grupos de maior renome da historia da música pop. A proposta, orientada ao público familiar, terá lugar o xoves 31 de marzo ás 18:00 horas, na Casa da Cultura de Bertamiráns. Os convites, de balde, poden retirarse xa na Billeteira electrónica do Concello de Ames. O espectáculo poderá seguirse en lingua de signos.

A programación das bibliotecas municipais polo Mes do Libro inclúe once iniciativas de animación á lectura

O departamento de Bibliotecas do Concello de Ames prepara co gallo da celebración do Mes do Libro, abril, unha serie de obradoiros, sesións de narrativa oral, concursos, teatro e encontros literarios. As actividades, que xa están postas en marcha dende comezos de mes, estenderanse ata o xoves 27. 

A programación do mes das letras en Ames combina literatura, artes escénicas e música ao longo de maio

O Concello de Ames celebra en maio o mes das letras cunha programación de actividades na que a literatura, a música e o teatro serán os protagonistas. A oferta inclúe as propostas de animación á lectura habituais das bibliotecas, como as presentacións de libros, as sesións de contacontos e os obradoiros, aos que se suman a obra de teatro “Reino de extinción”, a foliada do programa Apego, a entrega de premios do XIX Certame Literario e dous encontros musicais. Preme aquí para consultar ao completo a programación do mes das letras en Ames.

A revista MujerArt protagoniza o segundo dos “Encontros Literarios en Ames” da programación do 8M

As bibliotecas amesás continúan cos actos polo 8M coa celebración do seu cuarto encontro literario do ano. Neste caso, terá lugar a presentación da revista MujerArt Magazine. Será o sábado 12 de marzo, ás 13:00 horas, no Pazo da Peregrina de Bertamiráns. Presentarán o acto Petronila Daza e Bea López Jerez, cunha “performance” a cargo das artistas multidisciplinares Natalia Horschovski, Celia Pía e Paula Quintas. Acompañan a concelleira de Cultura, Natividade González, e a concelleira de Igualdade, Luisa Feijóo. O evento, con entrada libre ata completar aforo, é parte da programación do 8M do Concello de Ames.

Eventos del departamento

> Encontro literario: Marta Estévez

O departamento de Bibliotecas do Concello de Ames organiza para este xoves, 25 de abril, un novo encontro literario no Pazo da Peregrina de Bertamiráns, ás 20:00 horas. Desta volta, a autora protagonista será Marta Estévez, que presentará a súa primeira novela publicada, “El secreto de las hermanas Asorey”, de Plaza & Janes Editores. Estévez estará acompañada pola tamén escritora e xornalista Andrea Barreira Freije e pola concelleira de Cultura, Natividade González.

> Encontros Literarios en Ames: Alfredo Conde

As Bibliotecas Municipais seguen co seu programa “Encontros Literarios en Ames” coa presentación do libro “En canto a Fraga”, do escritor Alfredo Conde. O acto terá lugar, como é habitual, este xoves 18 de novembro, ás 20:30 horas, no Pazo da Peregrina de Bertamiráns. A entrada será libre ata completar aforo.

> Encontros Literarios en Ames: Celebración de Xela Arias

As bibliotecas municipais amesás celebran un novo encontro literario co fin de presentar o Caderno Ramón Piñeiro número 44, unha obra colectiva dedicada a celebrar a obra da autora Xela Arias, homenaxeada no Día das Letras Galegas de 2021. Será o vindeiro mércores 26 de xaneiro, ás 20:00 horas, no auditorio da Casa da Cultura de Bertamiráns. Presentarán o acto Luís Cochón, editor da publicación; Manuel González, coordinador científico da obra, e o escritor Xosé Ramón Fandiño, acompañados do alcalde de Ames, Blas García, e da concelleira de Cultura, Natividade González. A entrada será libre ata completar aforo.

> Encontros Literarios en Ames: Charo Pita e Carlos Labraña

Durante o mes do libro, o público adulto poderá gozar dos xa habituais encontros literarios, que en abril contarán con varios autores e autoras amesás. O Pazo da Peregrina de Bertamiráns acollerá o xoves 7 a Charo Pita e a Carlos Labraña, mentres que o xoves 21 será a quenda de Mariña Pérez Rei e Rafa Vilar, ambas propostas ás 20:00 horas.

> Encontros Literarios en Ames: Mariña Pérez Rei e Rafa Vilar

Durante o mes do libro, o público adulto poderá gozar dos xa habituais encontros literarios, que en abril contarán con varios autores e autoras amesás. O Pazo da Peregrina de Bertamiráns acollerá o xoves 7 a Charo Pita e a Carlos Labraña, mentres que o xoves 21 será a quenda de Mariña Pérez Rei e Rafa Vilar, ambas propostas ás 20:00 horas.

> Encontros Literarios en Ames: Miguel Alonso

O departamento de Bibliotecas organiza unha nova edición dos seus encontros literarios, nesta quenda coa presentación de “O caso dos amantes de París”, de Miguel Alonso. O acto terá lugar o xoves 17 de febreiro, ás 20:30 horas, no Pazo da Peregrina de Bertamiráns. Ao autor acompañarano Irene Quinteiro, profesora e contacontos, e Edurne Baines, editora, nun evento presentado pola concelleira de Cultura, Natividade González. A entrada será libre ata completar aforo.

> Encontros literarios en Ames: Salvador Lladó

Os “Encontros Literarios en Ames” retoman a súa andaina coa presentación do libro de Salvador Lladó “A bolsa ou a vida, o 99% contra a emerxencia climática”, que terá lugar ás 20.00 horas no Pazo da Peregrina de Bertamiráns. Os encontros, que terán lugar cada dous xoves, enmárcanse no Programa de Animación á Lectura da Biblioteca Municipal de Ames, dirixido a público adulto. A entrada é libre e gratuíta até completar aforo. A presentación de Salvador Lladó será telemática. O autor estará en Catalunya, namentres que no pazo da Peregrina estará o profesor Manuel Casal, veciño de Ames e prologuista da obra; Patricia Buxán, tradutora e editora de Catro Ventos; a concelleira de Cultura, Natividade González e o concelleiro de Medio Ambiente, Manuel Lens.

> Encontros Literarios en Ames: Xosé Luís Santos Cabanas

As Bibliotecas Municipais celebran o último “Encontros Literarios en Ames” do ano co escritor Xosé Luís Santos Cabanas e o seu libro, “É todo conto?”. A presentación será este xoves 16 de decembro, ás 20:30 horas, no Pazo da Peregrina de Bertamiráns. Acompaña ao autor o filósofo e editor Roberto Abuín, nun acto presentado pola concelleira de Cultura, Natividade González. A entrada será libre ata completar aforo.

> Encontros literarios: "Mitos e lendas da vella Grecia"

O xoves, 8 de xuño, terá lugar un novo encontro literario, organizado polo departamento de bibliotecas do Concello de Ames, no Pazo da Peregrina de Bertamiráns. Desta volta, a protagonista será Anisia Miranda, autora do libro “Mitos e lendas da vella Grecia”, publicado en 1966 e reeditado pola editorial Galaxia. Sobre a obra e a autora falarán Fernando Redondo Neira, xornalista, docente e presidente da Fundación Xosé Neira Vilas; e Xosé Antonio López Silva, crítico, autor e experto en cultura clásica.

> Encontros literarios: Alfonso Pexegueiro

O segundo dos encontros literarios organizados pola bibliotecas municipais de Ames neste ano 2023 será con Alfonso Pexegueiro, este xoves, 19 de xaneiro, ás 20:00 horas, no Pazo da Peregrina de Bertamiráns. Pexegueiro estará acompañado polo tamén autor Alfredo Conde, así como por Estrela Gómez Viñas, que será a encargada do acompañamento musical ao violín. A presentadora do evento será a concelleira de Cultura, Natividade González.