O departamento de Bibliotecas do Concello de Ames vén de anunciar a súa programación para os meses de setembro, outubro, novembro e decembro, e que ademais dos habituais obradoiros e sesións de narrativa oral para os máis pequenos, que se desenvolverán tanto na biblioteca do Milladoiro como na de Bertamiráns, inclúe obradoiros creativos e lúdicos que están pensados para conmemorar e traballar aquelas datas sinaladas no calendario do libro e da lectura. A programación comezará os días 29 e 30 de setembro, con Contos con miga, de Migallas, e Contos con xeito, de Bea Campos. As ilustracións centrais do cartel xeral do curso 2026/2027 foron elaboradas por Marcela López Leal e Elvia Pérez Álvarez, gañadoras da terceira categoría do concurso de debuxo organizado polas bibliotecas con motivo do Día do Libro 2026.

O vindeiro 12 de febreiro o Pazo da Peregrina acolle, ás 20.00 horas, a presentación da obra María Vázquez, a mestra socialista eliminada polo franquismo, da autora galega Aurora Marco. Un revelador ensaio onde expón a vida de loita e compromiso de María Vázquez Suárez. Na presentación tamén estará o editor da obra Henrique Alvarellos.

Este xoves, 5 de febreiro, o Pazo da Peregrina acolle, ás 20.00 horas, unha nova sesión dos Encontros literarios coa presentación da obra DES A MAR, ultrasónico, da autora galega Elba Pedrosa, quen gañou o Premio Aritmar á mellor poesía do ano 2025 por Que facer. Na presentación tamén estará o catedrático e ensaísta Xosé Antonio López Silva. 

O próximo xoves, 18 de decembro, o Pazo da Peregrina acolle ás 20.00 horas unha nova presentación dentro do marco dos Encontros Literarios, organizados polo departamento de Bibliotecas Municipais de Ames. Nesta ocasión será a quenda de “Las verdades incómodas de la transición energética”, de Manuel Casal Lodeiro. Durante a presentación tamén intervirá Rosa María Regueiro Ferreira, profesora de economía aplicada na USC. Coma sempre nestas sesións, a entrada será de balde ata completar aforo.