O Concello de Ames, a través da Concellaría de Xestión do Medio Natural e Atención ao Rural, lémbralle os/as propietarios/as de terreos forestais, que estean incluídos nas faixas de protección contra incendios forestais, a obriga de manter sempre limpos ditos terreos e en todo caso sempre antes do 31 de maio de cada ano. O Concello publicou un bando no que se fai un recordatorio das obrigas dos responsables de terreos forestais contemplados na Lei 3/2007 de prevención de incendios forestais de Galicia, modificadas pola Lei de 7/2012 de montes de Galicia. Premendo neste enlace pódense consultar as faixas de protección.

O Concello de Ames, a través da Concellaría de Xestión do Medio Natural e Atención ao Rural, pon en marcha unha nova campaña para tratar de mitigar a expansión da especie invasora da avespa velutina. Deste xeito, comenzarase co reparto do material para o trampeo da avespa velutina no municipio. O persoal do departamento de Medio Ambiente será o encargado de ceder 200 unidades de líquido atrainte de raíñas. Ao mesmo tempo, achéganse unhas instrucións básicas sobre a colocación das trampas e a utilización do líquido atrainte. Dende o Concello farase un seguimento e avisarase, unha vez finalizado o período de trampeo, sobre a conveniencia de retirar as trampas para non danar outras especies. Cómpre lembrar que cando se atopa un niño de avespa velutina hai que chamar ao 012.

Un ano máis, o Concello de Ames presenta a súa programación municipal de campamentos para este verán. A través deste programa ofértanse 450 prazas repartidas en 10 campamentos, que se desenvolverán en diferentes localidades galegas e na Aula da Natureza de Ames. Estas actividades terán lugar do 21 de xuño ao 24 de xullo. O prazo de solicitude de praza estará aberto desde o 30 de marzo ao 13 de abril. As inscricións poderanse tramitar presentando a ficha de solicitude a través do rexistro telemático, no catálogo de trámites: campamentos 2026, ou de xeito presencial nos rexistros de calquera administración pública adherida á plataforma de intercambio rexistral (SIR). Consulta as bases ao completo premendo nesta ligazón. O impreso de solicitude de praza pódese descargar nesta ligazón.

O Concello de Ames, a través da Concellaría de Xestión do Medio Natural, avanza na implantación das comunidades enerxéticas en Ames. Para iso vén de contratarse o servizo da asistencia técnica para a contratación dun servizo destinado a apoiar ao Concello de Ames e as Comunidades Enerxéticas de Ames na execución do seu primeiro proxecto de autoconsumo colectivo. O obxectivo é dispor de asesoramento técnico no proceso de instalación de plantas fotovoltaicas e na xestión cos diferentes comercializadoras de electricidade. Ademais, creouse a páxina web Ames Enerxia para proporcionar información e axudar a veciñanza que estes interesada en participar en dita comunidade enerxética.