A Corporación municipal aprobou por unanimidade o crédito extraordinario 1/2024, o proxecto de mellora da mobilidade no parque empresarial do Milladoiro, a primeira prórroga do lote 1 do servizo de monitores e persoal na rede de comedores escolares e do lote 3 de servizo de monitores e merendas no programa de Tardes Divertidas. Tamén se aprobou por unanimidade o expediente para a elección de xuíz/a substituto/a do Concello de Ames, o convenio de colaboración para a xestión compartida da promoción turística da ruta rosaliana As pegadas de Rosalía e a modificación da ordenanza para a protección dos camiños e vías públicas municipais do concello de Ames. Por último, aprobouse por maioría absoluta a corrección de erros no texto da ordenanza reguladora do prezo público pola prestación do servizo das escolas infantís municipais. Podes ver a gravación do pleno na canle de Youtube do Concello de Ames.

Este xoves, 26 de decembro, realizouse o pleno ordinario do mes de decembro no que a Corporación municipal aprobou por unanimidade que se asine un convenio de colaboración coa Axencia Galega de Infraestruturas para a mellora do firme da avenida da Maía e que está vía pase a ser de titularidade municipal. Ademais, aprobouse por unanimidade a formalización de dous convenios coa Deputación da Coruña, un para o cofinanciamento de obras na ponte Cabirta e outro para o acondicionamento e mellora térmica da cuberta e fachadas da gardería municipal O Bosque. Tamén se lle deu luz verde á aprobación dun plan económico-financeiro para o período 2019-2020; a modificación da ordenanza de xestión, recadación e inspección dos tributos e outros ingresos de dereito público; a terceira modificación do ROM; a modificación dos estatutos da Asociación de entidades pola Lingua Galega; a modificación do proxecto de cubrición do parque infantil da praza de Chavián; e a unha proposta sobre emigración á instancia da plataforma social Vía Galega.

A Corporación municipal aprobou por unanimidade o suplemento de crédito 1/2025 financiado con remanente de tesouraría para gastos xerais e amortización de debéda por valor de 1.065.089,51 euros. Tamén se aprobou por unanimidade o acordo de fiscalización previa limitada; a ratificación do decreto de subsanación de deficiencias na redacción do proxecto das obras de acondicionamento da rúa Agro da Vella incluído no POS+2025; a modificación das bases de execución do orzamento para inclusión dunha subvención nominativa ao programa Galicia Abriga; a elección xuíz/a de paz substituto 2025; a aprobación inicial da modificación (revisión excepcional de tarifas) da ordenanza reguladora do servizo de taxis; e a concesión da medalla do Concello de Ames 2025 ao reitor da USC Antonio López Díaz. Ademais, aprobouse por maioría absoluta a ratificación do decreto de personación e defensa do recurso contencioso administrativo contra a desestimación de recursos de reposición relativos á décimo segunda modificación RPT. Por último, abordáronse tres mocións presentadas polos grupos municipais do BNG e Espazo Común; e unha declaración institucional presentada polo PSdeG-PSOE. Podes ver a gravación do pleno na canle de Youtube do Concello de Ames.

Este xoves, 29 de abril, celebrouse a sesión ordinaria do pleno de abril no que a Corporación municipal aprobou por unanimidade o inicio da tramitación para a creación dunha mancomunidade co Concello de Brión para a xestión conxunta da ETAP Ames-Brión e maila proposta de corrección de solicitude de POS+ 2021. Ademais, aprobouse por maioría absoluta a ratificación do acordo da Xunta de Goberno Local sobre o desistimento do expediente de licitación do servizo de limpeza viaria e xestión do Punto Limpo e a prórroga do contrato de xestión do servizo público do Ciclo Integral da Auga subscrito coa empresa Espina & Delfín. O obxectivo do Goberno municipal é crear unha empresa pública municipal para a xestión do Ciclo integral da auga. Tamén se aprobaron tres propostas e unha moción.