Solapas principales

Departamento de Deportes

    • Dirección: Praza do Concello, nº 2, Bertamiráns.
    • Teléfono:  981 88 30 02 / 619 84 25 04
    • Horario de atención al público:
      • De lunes a viernes, en horario de 9:00 a 14:00 horas.
    • Responsable municipal: Concejalía de Deportes
    • Responsable técnico: Alberto Viaño Moure
Otros Datos: 
  • Programación escolas deportivas 2023-2024
  • Funciones:
    • Diseñar proyectos deportivos: escuelas deportivas, eventos deportivos...
    • Planificar y gestionar programas deportivos y elaborar estrategias de funcionamiento.
    • Incentivar la participación ciudadana tanto en las actividades como en la creación deportiva.
    • Asesorar e informar a los grupos y entidades deportivas del ayuntamiento, así como al público en general.
    • Colaborar en las programaciones de la Diputación: Campaña de esqui, campamentos deportivos, circuito de carreras populares...
    • Gestionar las subvenciones correspondiente al área de deportes, bien sean las de la Diputación o las convocatorias propias del Ayuntamiento de Ames de apoyo a las asociaciones deportivas y clubes.
    • Gestionar las instalaciones deportivas municipales (pabellones polideportivos, campos de fútbol y piscinas descubiertas municipales).
  • Normativa:
  • Noticias relacionadas
  • Agenda

Noticias del departamento

O Milladoiro acolle o Campionato de España absoluto de squash

As instalacións do Squash Club Santiago do Milladoiro acolleron as finais do Campionato de España absoluto de squash, nas que se proclamaron gañadores/as; a galega Marta Domínguez, na categoría feminina, e mailo catalán Iker Pajares, na categoría masculina. O alcalde de Ames, Blas García, e mailo concelleiro de Urbanismo, Administración xeral e Mobilidade, Víctor Fernández, asistiron ás finais de dito campionato e ao acto de entrega de premios.

O Milladoiro acolle sete anos despois a XVI Milla Urbana Concello de Ames, o domingo 25 de setembro

Tras sete anos de parón dende a súa anterior edición, a Milla Urbana Concello de Ames volve neste 2022 ao Milladoiro. Trátase dunha carreira curta, na que as persoas participantes deberán percorrer un circuíto urbano de entre 200 metros e unha milla, dependendo da idade. Calquera persoa pode participar nesta proba, con ou sen licenza federativa e sen límites de idade. A proba desenvolverase o domingo 25 de setembro a partir das 9:00 horas, na zona da área deportiva da travesía do Porto, no Milladoiro. A inscrición, de balde, poderá realizarse ata o mércores 21 ás 23:59 horas, premendo nesta ligazón.

O Milladoiro acollerá o venres pola tarde a cuarta edición do Día do Deporte

O Concello de Ames, a través da Concellaría de Deportes, está preparando unha ampla oferta de actividades para a celebración do Día do Deporte que se desenvolverá na área deportiva do Milladoiro. Este venres 16 de setembro, en horario de 16.00 a 20.30 horas, os veciños e veciñas de todas as idades poderán gozar de varias actividades deportivas axeitadas a todos os gustos. Todas as persoas que participen en cinco actividades, recibirán un agasallo. Haberá actividades como fútbol sala, baloncesto, patinaxe, piragüismo, judo, taekwondo, actividades dirixidas, tenis, atletismo, golf, criquet, etc. Tamén se fará unha exhibición de spinning e ioga.

O Milladoiro conta cunha nova zona de percorridos ambientais na zona sur da localidade

O vindeiro luns, 3 de xullo, está previsto que sexan recibidas as obras de creación de novos percorridos ambientais na zona sur do Milladoiro. Dito proxecto foi adxudicado á empresa MGM Edificaciones e Infraestructuras SL por un importe de 144.690,36 euros (IVE incluído). Esta actuación está cofinanciada polo Fondo Europeo de Desenvolvemento Rexional (FEDER) no marco do Programa Operativo Plurirrexional de España 2014-2020. Deste xeito, creáronse dúas novas sendas peonís para pasear e facer deporte no monte, que se atopa na contorna das rúas do Rego e da Costa Grande, e por debaixo do viaduto da AP-9.

O Milladoiro SD gaña o XXXVIII Trofeo de fútbol Concello de Ames

O pasado domingo, 2 de xuño, disputouse o XXXVIII Trofeo de fútbol Concello de Ames 2019 no campo municipal do Milladoiro. Este ano decidiuse xuntar todo o torneo nun mesmo día cun formato triangular. No primeiro encontro o Bertamiráns FC e mailo Milladoiro SD empataron 1-1. O segundo partido rematou coa vitoria por 3-1 do Biduído SR fronte ao Bertamiráns FC, mentres que no terceiro partido do triangular o Milladoiro SD gañoulle ao Biduído SR por 1-0. Deste xeito, o Milladoiro SD proclamouse campión do torneo con 4 puntos, mentres o Biduído SR sumou 3 puntos e o Bertamiráns FC, obtivo 1 punto.

O MillaRaio acada catro medallas no Campionato Xunta de Galicia de Marcha en Ruta

Os atletas do Club de atletismo MillaRaio, que participaron este sábado, 8 de maio, no Campionato Xunta de Galicia de Marcha en Ruta acadaron catro medallas (unha de ouro, unha de prata e dúas de bronce). O club amesán participou con 9 atletas de todas as categorías. O club do Milladoiro tamén participou na Copa Deputación de Lugo con Alfonso Labella, que se clasificou para o campionato de España de lanzamento de martelo sub16. O MillaRaio competiu, ademais, no Campionato Xunta de Galicia de Probas Combinadas por clubs onde os atletas conseguiron mellorar as súas marcas.

O MillaRaio leva dúas medallas no galego absoluto de atletismo e participa nos nacionais sub16 e sub20

O Club Atletismo MillaRaio vén de poñer fin á súa tempada de aire libre, participando nunha serie de competicións nas dúas últimas fins de semana. Deste xeito, o club do Milladoiro contou con representación nos campionatos de España sub16 e sub20, celebrados en Avilés e Torrent, e no campionato galego absoluto, que se desenvolveu nas pistas de Elviña, na Coruña. Neste último, o atleta sub18 Roi Rial conseguiu dúas medallas, un bronce no salto de altura e unha prata nos 4x100 metros de remudas.

O MillaRaio proclámase campión de Galicia sub16 masculino

Os atletas do club de atletismo MillaRaio que participaron este sábado, 22 de maio, no XXVII Campionato de Galicia de Clubs sub16 acadaron o primeiro posto. O evento celebrouse nas pistas do Centro Galego de Tecnificación Deportiva de Pontevedra.  O club amesán participou con 9 atletas, 5 deles conseguiron o ouro, 2 foron prata e outros 2 conseguiron a medalla de bronce. Por unanimidade, os membros do equipo elixiron a Diego Fagúndez, para que os representase no máis alto dun podio restrinxido pola normativa Covid-19 a un só atleta. No outro campionato de clubs, celebrado tamén o 22 de maio, da categoría sub20, a atleta sub18 do MillaRaio, Salomé Segade, venceu na proba dos 5.000 metros marcha.

O MillaRaio, único club galego que participará no VII Campionato Nacional

O equipo Sub14 masculino do Club Atletismo MillaRaio participará a vindeira fin de semana no VII Campionato de España que se celebrará en nerja. Deste xeito, os atletas de Ames serán os únicos representantes de Galicia nesta competición na que foron seleccionados 15 equipos españois.

O Monbus Obradoiro realiza unha sesión de adestramento no pavillón de Bertamiráns

Hoxe, 25 de abril, os xogadores do Monbus Obradoiro realizaron unha sesión de adestramento no pavillón de Bertamiráns. O adestramento realizouse a porta pechada de 11.00 a 13.00 horas. De seguido, de 13:00 a 14:00 horas, abríronse as portas a todos os afeccionados/as que quixeron acudir a dito adestramento. Ademais, acudiron un gran número de rapaces e rapazas do CEIP A Maía, que se atopa moi preto do pavillón polideportivo. Unha vez rematado o adestramento os xogadores e técnicos asinaron autógrafos e fixéronse fotos cos afeccionados/as.

Eventos del departamento

>XX Carreira Pedestre Popular Concello de Ames

O Concello de Ames e a Federación Galega de Atletismo organizan este domingo, 20 de outubro a vixésima edición da carreira pedestre do Concello de Ames. Esta proba pertence ao VII Circuíto de carreiras populares da Deputación da Coruña. A saída e chegada de cada proba farase na rúa Alcalde Lorenzo de Bertamiráns, tal como  se veu realizando nas dúas últimas edicións, unha vez que se decidiu trasladar a proba desde o entorno do Pazo da Peregrina ao centro do núcleo urbano para así facer mais partícipe á veciñanza.

>XXIII Carreira Pedestre Popular do Concello de Ames

O Concello de Ames e a Federación Galega de Atletismo organizan o domingo 20 de outubro a XXIII Carreira Pedestre Popular Concello de Ames, unha proba que pertence ao X Circuíto provincial de carreiras populares da Deputación da Coruña. Contará cun circuíto urbano de 10 quilómetros homologado pola Real Federación Española de Atletismo, con saída e chegada en Bertamiráns, na rúa Alcalde Lorenzo, nas inmediacións da Casa do Concello. O percorrido estará debidamente sinalizado e haberá indicacións en cada quilómetro.

>XXXVIII Rally Berberecho de Noia

A edición deste ano do Rally Berberecho de Noia terá un treito que se disputará de forma íntegra por estradas do noso concello. Será en horario de tarde e haberá un reagrupamento, de 17:15 a 19:30 horas, na avenida José Luís Azcárraga, diante do Pazo da Peregrina, en Bertamiráns, polo que pasarán todos os participantes. O tramo de Ames ten unha lonxitude de 11,2 quilómetros e discorre polas parroquias de Ames, Lens e Tapia. A saída do tramo estará instalada no lugar de Outeiro, mentres que a liña de meta será na estrada que vai dende a aldea de A Mámoa cara o lugar de Pedrouzos. Os pilotos farán unha dobre pasada polo tramo de Ames. A primeira pasada comezará ás 16.50 e a segunda ás 19.40 horas, sendo o último tramo do rally. O final do rally está previsto para as 20.20 horas. As estradas polas que discorre o treito de Ames estarán pechadas ao tráfico de 15.30 a 22.30 horas aproximadamente. Consulta o itinerario do tramo de Ames.

O Milladoiro acolle o programa Convivir Deportivo da CRTVG

O auditorio da Casa da Cultura do Milladoiro converterase o próximo luns, 22 de xullo, nun estudo de radio coa retransmisión do programa Convivir Deportivo, da Radio Galega. O programa que conduce Alfonso Pardo aterra en Ames e contará coa participación dun dos máximos expoñentes do deporte amesán, Borja Golán, dezaseis veces campión de España de squash e dúas veces campión de Europa. Convivir Deportivo comezará ás 20:00 horas, con entrada libre e de balde.

XXXIV Descenso do Tambre de piragüismo