Solapas principales

Departamento de Deportes

    • Dirección: Praza do Concello, nº 2, Bertamiráns.
    • Teléfono:  981 88 30 02 / 619 84 25 04
    • Horario de atención al público:
      • De lunes a viernes, en horario de 9:00 a 14:00 horas.
    • Responsable municipal: Concejalía de Deportes
    • Responsable técnico: Alberto Viaño Moure
Otros Datos: 
  • Programación escolas deportivas 2023-2024
  • Funciones:
    • Diseñar proyectos deportivos: escuelas deportivas, eventos deportivos...
    • Planificar y gestionar programas deportivos y elaborar estrategias de funcionamiento.
    • Incentivar la participación ciudadana tanto en las actividades como en la creación deportiva.
    • Asesorar e informar a los grupos y entidades deportivas del ayuntamiento, así como al público en general.
    • Colaborar en las programaciones de la Diputación: Campaña de esqui, campamentos deportivos, circuito de carreras populares...
    • Gestionar las subvenciones correspondiente al área de deportes, bien sean las de la Diputación o las convocatorias propias del Ayuntamiento de Ames de apoyo a las asociaciones deportivas y clubes.
    • Gestionar las instalaciones deportivas municipales (pabellones polideportivos, campos de fútbol y piscinas descubiertas municipales).
  • Normativa:
  • Noticias relacionadas
  • Agenda

Noticias del departamento

O balonmán súmase por primeira vez ás propostas de campus deportivos de verán de Ames, do 17 ao 31 de agosto

O Club Balonmán Ribadosar vai desenvolver do 17 ao 31 de agosto un campus de verán de balde no pavillón polideportivo de Bertamiráns, no que poderá participar a rapazada dos 6 aos 14 anos. Trátase da primeira vez na que se inclúe o balonmán como proposta no período estival, que se engade aos outros 12 campus e campamentos organizados por clubs e entidades deportivas coa colaboración do Concello de Ames, que se veñen desenvolvendo dende o mes de xuño. Pódese premer nesta ligazón para inscribirse e obter máis información sobre o campus de balonmán do Club Balonmán Ribadosar.

O Campionato de Galicia sub14 en Pista ao aire libre contou coa participación de nove atletas do Millaraio

Este sábado, 22 de xuño, desenvolveuse en Lugo o Campionato de Galicia sub14 en Pista ao aire libre. No evento deportivo, que constou de 18 probas, participaron os e as atletas inscritas coas dezaseis mellores marcas da tempada actual. O campionato contou coa participación de nove atletas do Millaraio, entre os que destacaron Alejandro Jiménez, que se proclamou campión masculino nos 80 metros e subcampión do salto de lonxitude, Noel Ferraces, que acadou a cuarta posición no salto de altura, e Antía Figueiras, cun quinto posto nesta mesma proba.

O Centro Deportivo Municipal da Telleira puxo en marcha medidas de seguridade e hixiene para adaptar o servizo á "nova normalidade"

Logo da posta en marcha de amplas medidas de seguridade e hixiene, os abonados e abonadas ao Centro Deportivo Municipal da Telleira gozan xa dos servizos que ofrece este complexo deportivo. Reforzo en limpeza e desinfección, toma de temperatura, renovación constante de aire, desinfección continua de filtros de ventilación, puntos de desinfección de calzado e mans, horario preferente para maiores de 65 anos e control de aforo para poder respectar sempre a distancia de seguridade mínima entre usuarios/as son algunhas destas medidas. O Centro, xestionado por BeOne, implantou estes protocolos para adaptar as súas instalacións e o seu funcionamento á “nova normalidade”. Cómpre salientar  que todo o persoal do Centro recibiu formación en medidas de seguridade Covid-19. O día 29  comezarán as actividades dirixidas con reserva previa a través da app do centro e xa están abertas as inscricións para os cursos de verán de ioga e pilates.

O ciclista amesán, Uxío Canosa, subcampión galego de ciclocross na categoría Máster 30

O ciclista amesán, Uxío Canosa, do club Os Esfola Arrós (OEA’S) de Ames, proclamouse onte en Porriño subcampión galego de ciclocross na categoría Máster 30. Tras unha gran temporada que deu comezo no mes de outubro, Uxío culminou onte tres meses de duro traballo e sacrificio que o levaron a gañar a medalla de prata nos campionatos autonómicos da modalidade.

O circuíto Transgalaica 2022 volve a Ames por sexto ano este domingo 13 de marzo

Tras un ano de parón por mor da pandemia, Ames volve acoller a segunda etapa do circuíto de ciclismo de montaña Transgalaica 2022 este domingo 13 de marzo. Será a sexta ocasión na que o concello celebre esta cita, unha das máis importantes do ciclismo no noroeste español. Esta mañá foi presentada a proba, organizada polo club ciclista amesán Os Esfola Arrós e a empresa Team Relay, coa colaboración do Concello de Ames. A saída realizarase dende o Pazo da Peregrina de Bertamiráns ás 9:30 horas, onde comezará un circuíto de 33 quilómetros que haberá que percorrer dúas veces. As inscricións están abertas ata este mércores 9, ás 23:59 horas, premendo nesta ligazón ou accedendo á web magmasports.es.

O club Ames Atletismo logra a súa primeira medalla a nivel nacional no Campionato de España de Marcha

O pasado 8 de decembro celebrouse o Campionato de España de Marcha atlética en ruta, na localidade cántabra de Castro Urdiales, onde participaron dous atletas de Ames Atletismo, Nicolás Collazo e Icía Ares. Nicolás acadou a terceira posición na categoría sub 18 nos 5 quilómetros marcha, conseguindo así a súa primeira medalla nacional e tamén a primeira a nivel nacional para o club amesán. Ademais, o atleta tamén rompeu o récord galego nesta proba, finalizándoa en 21 minutos e 19 segundos. Pola súa banda, Icía acadou unha fantástica cuarta praza na súa categoría e bateu tamén a súa propia marca persoal en máis de 30 segundos.

O club Ames Atletismo organiza unhas xornadas de portas abertas no mes de setembro

Durante este mes de setembro o club Ames Atletismo está organizando unhas xornadas de portas abertas os luns, mércores e venres, ás 18:00 horas, nas instalacións de Biduído (detrás do colexio de Ventín). Poderán asistir mozos e mozas nados dende o 2016 en adiante. O club aceptará persoas de tódalas categorías, dende prebenxamín ata veterán/máster. Para máis información, enviar un email a amesatletismo@gmail.com

O club Ames Atletismo organiza unhas xornadas de portas abertas no mes de setembro

Durante este mes de setembro o club Ames Atletismo está organizando unhas xornadas de portas abertas os luns, mércores e venres, as 18:00 horas, nas instalacións de Biduído (detrás do colexio de Ventín). Ames Atletismo é un novo club de atletismo de base que nace co propósito de ensinar tódalas disciplinas do atletismo dun modo divertido e formando en valores coma o esforzo, a constancia e o compañeirismo, tan presentes neste gran deporte.

O club Ames Atletismo Savante logra seis medallas nos campionatos galegos de marcha en ruta e de lanzamento longos

O club Ames Atletismo Savante participou durante este mes de febreiro en dous campionatos galegos cun excelente resultado para os seus atletas. O domingo 9 de febreiro acudiron 7 atletas ao campionato galego de marcha en ruta celebrado na Pobra do Caramiñal onde todos fixeron marca persoal e lograron 5 medallas, mentres que o sábado 8 de febreiro participaron 4 atletas no campionato galego de lanzamentos longos sub 18/20, onde conseguiron 1 medalla máis. En total, lograron 6 medallas nestes dous campionatos.

O club Ames Xadrez consegue tres medallas no torneo provincial por equipos infantís

Un total de doce nenos e nenas do club Ames Xadrez participaron no torneo provincial por equipos infantís celebrado o pasado sábado en Santiago de Compostela. Os rapaces puideron gozar dunha xornada na que compartiron experiencias e divertimento con outros xogadores, intercambiando ademais os seus coñecementos. Os equipos de sub10 e sub 12 conseguiron o ouro, e o equipo sub14 a prata.

Eventos del departamento

>XVII Gala do Deporte

A Concellaría de Deporte celebra este venres, 9 de maio, a décimo sétima edición da Gala do Deporte, un evento no que se homenaxeará tanto aos e ás deportistas máis destacados/as do concello, como ás diversas entidades deportivas. O acto terá lugar ás 20:30 horas na Casa da Cultura de Bertamiráns. Ademais, ofreceranse distintos espectáculos e animacións.

>XX Carreira Pedestre Popular Concello de Ames

O Concello de Ames e a Federación Galega de Atletismo organizan este domingo, 20 de outubro a vixésima edición da carreira pedestre do Concello de Ames. Esta proba pertence ao VII Circuíto de carreiras populares da Deputación da Coruña. A saída e chegada de cada proba farase na rúa Alcalde Lorenzo de Bertamiráns, tal como  se veu realizando nas dúas últimas edicións, unha vez que se decidiu trasladar a proba desde o entorno do Pazo da Peregrina ao centro do núcleo urbano para así facer mais partícipe á veciñanza.

>XXIII Carreira Pedestre Popular do Concello de Ames

O Concello de Ames e a Federación Galega de Atletismo organizan o domingo 20 de outubro a XXIII Carreira Pedestre Popular Concello de Ames, unha proba que pertence ao X Circuíto provincial de carreiras populares da Deputación da Coruña. Contará cun circuíto urbano de 10 quilómetros homologado pola Real Federación Española de Atletismo, con saída e chegada en Bertamiráns, na rúa Alcalde Lorenzo, nas inmediacións da Casa do Concello. O percorrido estará debidamente sinalizado e haberá indicacións en cada quilómetro.

>XXXVIII Rally Berberecho de Noia

A edición deste ano do Rally Berberecho de Noia terá un treito que se disputará de forma íntegra por estradas do noso concello. Será en horario de tarde e haberá un reagrupamento, de 17:15 a 19:30 horas, na avenida José Luís Azcárraga, diante do Pazo da Peregrina, en Bertamiráns, polo que pasarán todos os participantes. O tramo de Ames ten unha lonxitude de 11,2 quilómetros e discorre polas parroquias de Ames, Lens e Tapia. A saída do tramo estará instalada no lugar de Outeiro, mentres que a liña de meta será na estrada que vai dende a aldea de A Mámoa cara o lugar de Pedrouzos. Os pilotos farán unha dobre pasada polo tramo de Ames. A primeira pasada comezará ás 16.50 e a segunda ás 19.40 horas, sendo o último tramo do rally. O final do rally está previsto para as 20.20 horas. As estradas polas que discorre o treito de Ames estarán pechadas ao tráfico de 15.30 a 22.30 horas aproximadamente. Consulta o itinerario do tramo de Ames.

O Milladoiro acolle o programa Convivir Deportivo da CRTVG

O auditorio da Casa da Cultura do Milladoiro converterase o próximo luns, 22 de xullo, nun estudo de radio coa retransmisión do programa Convivir Deportivo, da Radio Galega. O programa que conduce Alfonso Pardo aterra en Ames e contará coa participación dun dos máximos expoñentes do deporte amesán, Borja Golán, dezaseis veces campión de España de squash e dúas veces campión de Europa. Convivir Deportivo comezará ás 20:00 horas, con entrada libre e de balde.

XXXIV Descenso do Tambre de piragüismo