A Aula da Rede de Centros para a Modernización e Inclusión Tecnolóxica da Xunta de Galicia (Rede CeMIT) do Concello de Ames continúa a súa oferta formativa durante os meses de novembro e decembro, con dous cursos dirixidos a adultos. Os contidos impartidos abarcan aspectos como o deseño vectorial con Inkscape e as compras seguras a través de internet. A inscrición aos cursos pódese facer chamando ao número de teléfono 682 373 753, escribindo ao enderezo electrónico cemit.ames@xunta.gal ou presencialmente, nas instalacións da aula (no primeiro andar da Casa da Cultura de Bertamiráns).

A Aula da Rede de Centros para a Modernización e Inclusión Tecnolóxica da Xunta de Galicia (Rede CeMIT) do Concello de Ames reforza a súa actividade presencial para os meses de verán, organizando catro talleres dende o 9 de xuño ata o 28 de xullo, que inclúen propostas de mecanografía, programación e informática lúdica. Ademais, engaden á oferta tres talleres en liña para público adulto, centrados nas buscas en Internet e nos programas Gimp e Inkscape. O acceso á aula aberta continuará nestes meses, de luns a venres de 9:30 a 13:00, e manterase a atención telefónica e por correo, de luns a venres dende as 16.00 ata as 18.30.

A aula CEMIT organiza para os meses de marzo e abril unha morea de novos cursos tanto para adultos como para menores de idade en horarios de mañá, de luns a venres dende as 9.05 ata as 12.55 horas, e de tarde, de luns a xoves dende as 16.35 ata as 18.55. Os cursos estarán dirixidos á mellora de habilidades dixitais, para os adultos, e á introdución no mundo dixital aos máis cativos. Para poder participar en calquera dos cursos é necesario estar dado de alta na rede do CEMIT.

A Aula da Rede de Centros para a Modernización e Inclusión Tecnolóxica da Xunta de Galicia (Rede CeMIT) do Concello de Ames continúa a súa oferta formativa durante os meses de marzo e abril, con catro cursos para os adultos e outros dous que van dirixidos á rapazada. Os contidos impartidos abarcan aspectos como as redes sociais e o uso do móbil, o emprego de programas como o LibreOffice ou a linguaxe de programación. A inscrición aos cursos pódese facer chamando ao número de teléfono 682 373 753, escribindo ao enderezo electrónico cemit.ames@xunta.gal ou presencialmente, nas instalacións da aula (no primeiro andar da Casa da Cultura de Bertamiráns).