Actualidad

Por ejemplo, 28-06-2022
Por ejemplo, 28-06-2022
Martes, 10 de mayo de 2022
A Aula CeMIT organiza no verán sete talleres presenciais e telemáticos para todos os públicos

A Aula da Rede de Centros para a Modernización e Inclusión Tecnolóxica da Xunta de Galicia (Rede CeMIT) do Concello de Ames reforza a súa actividade presencial para os meses de verán, organizando catro talleres dende o 9 de xuño ata o 28 de xullo, que inclúen propostas de mecanografía, programación e informática lúdica. Ademais, engaden á oferta tres talleres en liña para público adulto, centrados nas buscas en Internet e nos programas Gimp e Inkscape. O acceso á aula aberta continuará nestes meses, de luns a venres de 9:30 a 13:00, e manterase a atención telefónica e por correo, de luns a venres dende as 16.00 ata as 18.30.

Viernes, 25 de febrero de 2022
A Aula CeMIT propón para marzo e abril cinco cursos presenciais e un ciclo de ofimática a distancia

A Aula da Rede de Centros para a Modernización e Inclusión Tecnolóxica da Xunta de Galicia (Rede CeMIT) do Concello de Ames celebra os seus cinco primeiros cursos presenciais de 2022. A formación na aula comezará en Entroido e continuará ata finais de abril, con catro propostas para menores de idade e outra máis para adultos. Ademais, continúan os cursos en liña, cun ciclo de ofimática na suite LibreOffice, e o acceso á aula aberta, de luns a venres de 9:30 a 13:00, e os martes e xoves, tamén das 16:30 ás 19:00 horas. Para anotarse nos cursos, limitados a 9 prazas, cómpre reservar praza chamando ao 682 373 753, ou ben enviar un correo ao enderezo electrónico cemit.ames@xunta.gal.

Jueves, 23 de diciembre de 2021
A Aula CeMIT continúa a formación durante as vacacións de Nadal e o mes de xaneiro, con sete cursos telemáticos para rapazada e adultos

A Aula da Rede de Centros para a Modernización e Inclusión Tecnolóxica da Xunta de Galicia (Rede CeMIT) do Concello de Ames continúa a súa oferta formativa durante os últimos días de ano e o mes de xaneiro, con dous cursos en liña para a rapazada e outros cinco para as persoas adultas, que se desenvolverán na canle de YouTube do centro. Así, o persoal informa de que dende o 24 de decembro ata o 6 de xaneiro, a aula permanecerá pechada de maneira presencial, mantendo a atención telefónica e por correo electrónico de luns a venres, de 9:00 a 13:00 e de 16:00 a 18:00 horas.

Viernes, 05 de noviembre de 2021
A Aula CeMIT volve á presencialidade, que acompañará á formación telemática en cinco cursos para adultos nos meses de novembro e decembro

A Aula da Rede de Centros para a Modernización e Inclusión Tecnolóxica da Xunta de Galicia (Rede CeMIT) do Concello de Ames retoma por primeira vez dende o comezo da pandemia a presencialidade, con dous cursos de iniciación ás novas tecnoloxías para adultos nos meses de novembro e decembro. A actividade volve tamén á aula aberta, que estará dispoñible de luns a venres, dende as 9:30 ata as 13:00 horas. Tanto este espazo coma os cursos terán un aforo máximo de 8 persoas, para os que cómpre reservar praza chamando ao 682 373 753, ou ben enviando un correo ao enderezo electrónico cemit.ames@xunta.gal. Ademais, continúan as propostas de formación en liña a través da canle de YouTube do centro, con tres cursos telemáticos en horario de tarde.

Viernes, 25 de junio de 2021
Aula Cemit Xuño e Xullo

A Aula da Rede de Centros para a Modernización e Inclusión Tecnolóxica da Xunta de Galicia (Rede CeMIT) do Concello de Ames, programou novos cursos telemáticos para os meses de xuño e xullo, tanto para nenos e nenas como para adulto/as. Esta aula formativa, situada na Casa da Cultura de Bertamiráns, ten como obxectivo facilitar o acceso dos veciños e veciñas de Ames aos diferentes cursos que imparte. A Aula Aberta cambiará de horario no mes de xullo. Estará aberta de 8.00 a 14.00 horas os luns, mércores e venres para que os interesados e interesadas poidan pasar a rexistrarte nas actividades, solicitar axuda ou outra clase de información, e usar os ordenadores.

Viernes, 14 de mayo de 2021
Aula CeMIT.

A Aula da Rede de Centros para a Modernización e Inclusión Tecnolóxica da Xunta de Galicia (Rede CeMIT) do Concello de Ames, programou o ciclo “Sácalle partido o teu móbil”. A través de 4 cursos independentes pero relacionados, durante os meses de maio e xuño, ensinarase como sacarlle o máximo partido aos móbiles. Esta aula formativa, situada na Casa da Cultura de Bertamiráns, ten como obxectivo facilitar o acceso dos veciños e veciñas de Ames aos diferentes cursos que imparte, ademais de dispor dun horario de Aula Aberta para que os interesados e interesadas poidan pasar a rexistrarte nas actividades, solicitar axuda ou outra clase de información, e usar os ordenadores.

Lunes, 16 de noviembre de 2020
A Aula CeMIT continúa en novembro e decembro con clases telemáticas para nenos e adultos

O luns 23 de novembro comezan os novos cursos da Aula da Rede de Centros para a Modernización e Inclusión Tecnolóxica da Xunta de Galicia, Rede CeMIT, do Concello de Ames, que continuarán até o 30 de decembro.Esta aula formativa ten como obxectivo facilitar o acceso dos veciños e veciñas de Ames aos diferentes cursos que oferta ao longo dos vindeiros meses, ademais de dispor dun horario de Aula Aberta para que os interesados e interesadas poidan pasar a rexistrarte nas actividades, solicitar axuda ou outra clase de información, e usar os ordenadores.Por mor da Covid-19, os cursos programados para os meses de outubro e novembro realizaranse de xeito telemático.

Lunes, 28 de septiembre de 2020
Cartel Aula CeMIT.

A Aula da Rede de Centros para a Modernización e Inclusión Tecnolóxica da Xunta de Galicia, Rede CeMIT, do Concello de Ames programou novos cursos para os meses de outubro, novembro e decembro. Esta aula formativa, situada na Casa da Cultura de Bertamiráns, ten como obxectivo facilitar o acceso dos veciños e veciñas de Ames aos diferentes cursos que oferta ao longo dos vindeiros meses, ademais de dispor dun horario de Aula Aberta para que os interesados e interesadas poidan pasar a rexistrarte nas actividades, solicitar axuda ou outra clase de información, e usar os ordenadores. Por mor da Covid-19 o aforo será limitado para poder manter a distancia de seguridade entre os/as usuarios/as. Ademais, adoptáranse as medidas hixiénico – sanitarias marcadas polas autoridades sanitarias.

Martes, 02 de junio de 2020
Aula CeMIT de Ames

O Concello de Ames ven de asinar un convenio de colaboración entre a Axencia para a Modernización Tecnolóxica de Galicia, a Universidade de Santiago de Compostela, a Universidade da Coruña, a Universidade de Vigo e a Federación Galega de Municipios e Provincias para dispor da Rede CeMIT para facilitar a realización dos exames correspondentes ao curso universitario 2019-2020.

Lunes, 01 de junio de 2020
Cartel Aula CeMIT xuño

As instalacións da Aula CeMIT de Ames permanecen pechadas ao público debido ao estado de alarma provocado pola COVID19, pero a súa actividade segue funcionando. A Aula, seguirá ofrecendo durante o mes de xuño cursos semanais de temática moi variada coa intención de seguir acollendo á maior cantidade de xente posible. Ademais, procedeuse á creación dunha web sinxela na que centralizan a información de todas as actividades á que podes acceder premendo neste enlace.