Solapas principales

Aula CeMIT de Ames

Noticias del departamento

A aula CeMIT propón oito cursos de formación que se desenvolverán durante o último cuadrimestre do ano

A Aula da Rede de Centros para a Modernización e Inclusión Tecnolóxica da Xunta de Galicia (Rede CeMIT) do Concello de Ames anuncia a súa oferta formativa para o último cuadrimestre do ano 2023, que inclúe cinco cursos para adultos e outros tres para nenos. Os contidos que se van impartir abarcan dende a iniciación á informática e a mecanografía ata a edición de imaxes con GIMP ou a busca de emprego a través de Internet. As instalacións da aula permanecerán pecharon durante todo o mes de agosto, polo que as inscricións deben facerse de xeito telemático, escribindo ao enderezo electrónico cemit.ames@xunta.gal ou premendo nesta ligazón.

A Aula CeMIT propón once novos cursos de formación para rapazada e adultos

A Aula da Rede de Centros para a Modernización e Inclusión Tecnolóxica da Xunta de Galicia (Rede CeMIT) do Concello de Ames continúa a súa oferta formativa durante os últimos días do ano e o mes de xaneiro, con seis cursos para a rapazada e outros cinco que están dirixidos a adultos. Así mesmo, o persoal informa que o horario de apertura da Aula entre o 26 de decembro e o 5 de xaneiro será, de luns a venres, dende as 8:05 ata as 13:50 horas, excepto cando se celebren cursos presenciais.

A Aula CeMIT propón once novos cursos para o último trimestre do ano

A Aula da Rede de Centros para a Modernización e Inclusión Tecnolóxica da Xunta de Galicia (Rede CeMIT) do Concello de Ames continúa a súa proposta formativa para todos os públicos en outono, cun total de once cursos que inclúen temas como a ofimática, a Administración electrónica ou o traballo na nube. Mentres, a aula aberta seguirá dispoñible para toda a veciñanza de luns a venres de 9:30 a 13:00, e manterase a atención telefónica e por correo, os luns, mércores e venres dende as 16:00 ata as 18:30 horas.

A Aula CeMIT propón para marzo e abril cinco cursos presenciais e un ciclo de ofimática a distancia

A Aula da Rede de Centros para a Modernización e Inclusión Tecnolóxica da Xunta de Galicia (Rede CeMIT) do Concello de Ames celebra os seus cinco primeiros cursos presenciais de 2022. A formación na aula comezará en Entroido e continuará ata finais de abril, con catro propostas para menores de idade e outra máis para adultos. Ademais, continúan os cursos en liña, cun ciclo de ofimática na suite LibreOffice, e o acceso á aula aberta, de luns a venres de 9:30 a 13:00, e os martes e xoves, tamén das 16:30 ás 19:00 horas. Para anotarse nos cursos, limitados a 9 prazas, cómpre reservar praza chamando ao 682 373 753, ou ben enviar un correo ao enderezo electrónico cemit.ames@xunta.gal.

A Aula CeMIT volve á presencialidade, que acompañará á formación telemática en cinco cursos para adultos nos meses de novembro e decembro

A Aula da Rede de Centros para a Modernización e Inclusión Tecnolóxica da Xunta de Galicia (Rede CeMIT) do Concello de Ames retoma por primeira vez dende o comezo da pandemia a presencialidade, con dous cursos de iniciación ás novas tecnoloxías para adultos nos meses de novembro e decembro. A actividade volve tamén á aula aberta, que estará dispoñible de luns a venres, dende as 9:30 ata as 13:00 horas. Tanto este espazo coma os cursos terán un aforo máximo de 8 persoas, para os que cómpre reservar praza chamando ao 682 373 753, ou ben enviando un correo ao enderezo electrónico cemit.ames@xunta.gal. Ademais, continúan as propostas de formación en liña a través da canle de YouTube do centro, con tres cursos telemáticos en horario de tarde.

A Aula CeMIT volve en outubro con clases telemáticas e presenciais

A Aula da Rede de Centros para a Modernización e Inclusión Tecnolóxica da Xunta de Galicia, Rede CeMIT, do Concello de Ames programou novos cursos para os meses de outubro, novembro e decembro. Esta aula formativa, situada na Casa da Cultura de Bertamiráns, ten como obxectivo facilitar o acceso dos veciños e veciñas de Ames aos diferentes cursos que oferta ao longo dos vindeiros meses, ademais de dispor dun horario de Aula Aberta para que os interesados e interesadas poidan pasar a rexistrarte nas actividades, solicitar axuda ou outra clase de información, e usar os ordenadores. Por mor da Covid-19 o aforo será limitado para poder manter a distancia de seguridade entre os/as usuarios/as. Ademais, adoptáranse as medidas hixiénico – sanitarias marcadas polas autoridades sanitarias.

A Casa da Cultura de Bertamiráns acollerá o vindeiro mércores, 11 de xaneiro, unha conferencia sobre ciberseguridade

O auditorio da Casa da Cultura de Bertamiráns acollerá o vindeiro mércores, 11 de xaneiro, ás 17:30 horas, unha nova charla sobre ciberseguridade e fraudes nas redes. A mesma conferencia xa fora organizada no mes de novembro pola Aula Municipal Tecnolóxica da Información e da Comunicación do Milladoiro en dito municipio, logrando unha gran acollida entre a veciñanza. Nesta ocasión, ademais, clausuraranse os cursos do segundo módulo de alfabetización dixital nas parroquias de Tapia, Ameixenda, Augapesada, Covas e Ortoño. Deste xeito, entregaráselle un diploma a arredor de medio cento de veciños que asistiron a estas clases.

A programación da Aula CeMIT de setembro inclúe un curso en familia e maila ampliación nos horarios de cursos para adultos

Este luns, 2 de setembro, abren as instalacións da Aula CeMIT de Ames, situada no primeiro andar da Casa da Cultura de Bertamiráns, despois de estar pechadas durante o mes de agosto por descanso do axente TIC que coordina e imparte as actividades formativas de dita Aula. A programación de cursos deste mes de setembro inclúe varias novidades como un curso en familia e maila ampliación nos horarios de cursos para adultos. Para obter máis información ou para reservar praza en calquera das actividades de setembro, as persoas interesadas pódeno facer a través da páxina web do CeMIT ou enviando un correo electrónico ao enderezo cemit.ames@xunta.gal.

Novos contidos online da Aula CeMIT para o mes de xuño

As instalacións da Aula CeMIT de Ames permanecen pechadas ao público debido ao estado de alarma provocado pola COVID19, pero a súa actividade segue funcionando. A Aula, seguirá ofrecendo durante o mes de xuño cursos semanais de temática moi variada coa intención de seguir acollendo á maior cantidade de xente posible. Ademais, procedeuse á creación dunha web sinxela na que centralizan a información de todas as actividades á que podes acceder premendo neste enlace.

Novos cursos da Aula CeMIT programados para xaneiro e febreiro

Co arranque do novo ano, chegan 13 novos cursos da Aula CeMIT para os meses de xaneiro e febreiro. Ciclos de informática, de ofimática, empregabilidade e cursos especialmente dedicados para os menores son algunhas das propostas da Aula CeMIT (situada na Casa da Cultura de Bertamiráns) para estes primeiros meses do ano.