Premendo na ligazón que está ao pé deste aviso pódese obter o menú das escolas infantís municipais de Ames. Este menú foi elaborado pola nutricionista municipal do Concello de Ames.

Desde o departamento de Normalización Lingüística infórmase de que se esgotaron as prazas para o espectáculo “Peter Punk e o neno imperdible”. Esta actividade vaise a realizar o vindeiro venres, 20 de febreiro, ás 18.00 horas, na Casa da Cultura do Milladoiro.

Infórmase de que quedan cortadas ao tráfico as pistas que comunican a DP-0205 coa EDAR de Sisalde ("a pista da depuradora") debido ao risco de caída de árbores como consecuencia do temporal. Na actualidade tense constancia da caída dunha árbore, que será retirada polos servizos municipais coa maior brevidade posible. Por motivos de seguridade, as pistas permanecerán pechadas mentres duren as condicións meteorolóxicas adversas. Rógase extremar a precaución e respectar a sinalización existente.

Dende hoxe e ata o vindeiro 18 de febreiro está aberto o prazo para votar polo/a mellor deportista de Ames do ano 2025, a través dunha enquisa que se pode atopar neste aviso. A finalidade desta iniciativa é a participación da veciñanza nun dos premios que se entregarán na XVIII Gala do Deporte. O evento celebrarase o sábado 21 de febreiro, ás 20:30 horas, na Casa da Cultura do Milladoiro, e nel daranse a coñecer tamén os/as gañadores/as do resto de galardóns.