Pestanas principais

Departamento de urbanismo

    • Enderezo: Alcalde Lorenzo, nº 2, Bertamiráns.
    • Teléfono: 981 88 30 02
    • Horario de atención ao público:
        • De luns a venres, en horario das 9:00 ás 14:00 horas.
    •  Responsable municipal: Concellaría de Urbanismo
Outros Datos: 

Novas do departamento

Xunta de Galicia e Concello de Ames asinan un protocolo de cesión de seis parcelas para a construción de 218 vivendas de protección oficial no Milladoiro

O Milladoiro acolleu hoxe o acto de sinatura do protocolo de cesión de seis parcelas, subscrito entre a Xunta de Galicia e o Concello de Ames, para a construción de vivendas de protección oficial en Ames. Deste xeito, póñense a disposición do Instituto Galego da Vivenda e Solo un total de seis parcelas situadas no Milladoiro. Cinco parcelas atópanse situadas na área residencial do plan parcial do sector S-16 Galdrachán; e outra no plan parcial do sector S-15, Travesía do Porto Sur. En total cédense 6.152 metros cadrados de terreo, que se poden urbanizar, e na que se poden construír 218 vivendas. Estímase que nas cinco parcelas situadas en Galdrachán se van construír 140 vivendas (28 en cada parcela), mentres que na parcela que linda coa rúa dos Agriños construiranse 78 vivendas.

Eventos del departamento

>Foro sobre vivenda “Horizonte fogar digno”

O Concello de Ames, en colaboración con La Voz de Galicia, vai celebrar o vindeiro martes, 7 de xullo, no auditorio da Casa da Cultura do Milladoiro, o foro “Horizonte fogar digno”. Ás 12.00 horas abrirase o foro coa benvida institucional e unha exposición sobre a situación da vivenda en Ames e acción municipal que se está realizando. Ás 12.30 horas haberá unha mesa redonda sobre como se aborda a problemática da vivenda dende as distintas administracións e a colaboración interinstitucional. Tamén haberá tempo para as preguntas e dúbidas que se formulen dende o público. O peche institucional e clausura será ás 13.35 horas. O foro será transmitido por streaming a través das canles de La Voz de Galicia.