Pestanas principais

Departamento de Turismo

    • Enderezo: Casa do Concello. Praza do Concello, número 2, Bertamiráns.
    • Teléfono: 981 88 30 02, extensión 9966.
    • Horario de atención ao público: 09:00 a 14:00 horas
    • Responsable municipal:
    • Responsable técnico:
      • Sonia Moure Oliveira, técnica de turismo.
Outros Datos: 

Novas do departamento

O Concello de Ames coloca unha escultura no parque do Ameneiral para marcar o inicio da última etapa do Camiño da Ría Muros Noia

A localidade de Bertamiráns é o punto de partida do último tramo do Camiño de Santiago da Ría Muros Noia. Este camiño, que conxuga mar e montaña, ofrece a posibilidade de realizar unha peregrinación marítima, para o que hai que realizar 90 millas náuticas e 12 quilómetros a pé. Para marcar o inicio da última etapa a pé de dito Camiño, o Concello de Ames vén de colocar unha escultura no parque do Ameneiral. A escultura foi deseñada e executada polo alumnado de segundo curso do Ciclo superior de Técnicas da Escultura da EASD Mestre Mateo. Dita escultura representa o mar.

O Concello de Ames invita aos locais hostaleiros a adherirse á iniciativa “Caldo de Gloria” con motivo da celebración do Día de Rosalía

Con motivo da celebración do Día de Rosalía 2020, unha efeméride que terá lugar o vindeiro 24 de febreiro, o Concello de Ames, xunto cos municipios de Brión, Padrón e Santiago, e coa colaboración da Fundación Rosalía de Castro, organiza a actividade denominada “Caldo de Gloria”. Deste xeito, convídase aos establecementos do sector hostaleiro de Ames a que durante os días 22, 23 e 24 de febreiro sirvan cuncas de caldo de tapa, tanto durante as comidas como pola tarde nas ceas. Os locais adheridos recibirán un cartel e manteis de papel para utilizar esas datas. O prazo para apuntarse na devandita campaña estará aberto ata o vindeiro martes 18 de febreiro. Asemade, dentro desta iniciativa, o venres 21 servirase caldo galego na Rede municipal de comedores escolares.

O Concello de Ames participa na presentación do proxecto "A Gastronomía Galega fai camiño" e na degustación final organizada polo GDR Terras de Compostela

Dende a Asociación de Grupos de Desenvolvemento Rural de Galicia, en colaboración cos Grupos de Desenvolvemento Rural, están a levar a cabo o proxecto “A gastronomía fai camiño” que forma parte do programa “O teu Xacobeo”, impulsado pola Xunta de Galicia. Esta mañá no Hostal dos Reis Católicos, en Santiago de Compostela, realizouse a presentación de dito proxecto e unha degustación final, na que participou a Restaurante Casa Abelleira, de Bertamiráns, cos seus famosos chicharróns Val da Maía. Por parte do Concello de Ames asistiron o alcalde, José Miñones, e maila técnica de Turismo, Sonia Moure.

O Concello de Ames participará dos actos de conmemoración da Batalla de Altamira

O concelleiro de Transición Ecolóxica, Medio Rural e Turismo, Manuel Lens, e a técnica de Turismo do Concello de Ames, Sonia Moure, participaron esta semana nunha xuntanza con representantes da Deputación da Coruña e do Concello de Brión para a posta en marcha dos actos de conmemoración da Batalla de Altamira. O día 13 de xuño de 1471 foi o día en que aconteceu a grande batalla que tivo lugar no entorno da Ponte Maceira e, con posterioridade, ao pé das Torres de Altamira, un acontecemento histórico que os Concellos de Ames e Brión, xunto coa Deputación da Coruña -propietaria do monumento- queren conmemorar con especial atención de camiño ao ano 2021, cando se conmemoren os 550 anos deste acontecemento histórico.

O Concello de Ames participou no Encontro Internacional: O Vákner, un monstro do medievo no camiño de Fisterra e Muxía

O concelleiro de Turismo, Manuel Lens, e maila técnica municipal de Turismo, Sonia Moure, participaron o pasado 18 de outubro no Encontro Internacional. O Vákner, un monstro do medievo no camiño de Fisterra e Muxía, celebrado no concello de Dumbría. Ames é un dos concellos polos que discorre o Camiño Real de Santiago a Fisterra-Muxía. Existe constancia deste monstro, O Vákner, grazas a un bispo de Armenia que peregrinou no século XV durante oito anos dende o seu país ata Fisterra. Este bispo deixou constancia da presenza dun monstro nos montes situados entre Compostela e Fisterra, ao que chamou O Vákner, e que asaltaba aos peregrinos.

O Concello de Ames participou no II Encontro Leader Galicia celebrado en A Estrada

O concelleiro de Transición Ecolóxica e Medio Rural, Manuel Lens, e a técnica de Turismo, Sonia Moure, participaron en A Estrada do II Encontro Leader Galicia que, baixo o epígrafe “O Leader e o turismo como dinamizadores do rural”, serviu para poñer de relevancia o investimento, a innovación e a cooperación que necesita Galicia para impulsar o rural galego. Asemade, púxose en valor o respaldo prestado desde esta medida a proxectos asociados ao desenvolvemento turístico, que entre 2007 e 2013 levou a cabo 644 iniciativas que posibilitaron a creación de 161 postos de traballo e a consolidación doutros 268.

O Concello de Ames pon en marcha as iniciativas Café con verso e Caldo de Gloria para homenaxear a Rosalía de Castro

O Concello de Ames, a través da Concellaría de Turismo, abre o prazo de inscrición para que os establecementos hostaleiros se adhiran á iniciativa Café con Verso, posta en marcha un ano máis para renderlle homenaxe a Rosalía de Castro. Para inscribirse hai que enviar este impreso, ata ás 14.00 horas do 20 de febreiro, ao enderezo de correo electrónico turismo@concellodeames.gal. O Café con Verso estará amenizado por actuacións musicais a cargo de Luis O’Caruncho e Oli Xiráldez nos locais que se inscriban. Os músicos repartirán unhas tarxetas con versos rosalianos para difundir a obra, o pensamento e a figura de Rosalía ao tempo que se promove a hostalaría amesá. Ademais, con motivo da celebración do Día de Rosalía o Concello de Ames organiza a actividade denominada Caldo de Gloria. Esta actividade realizarase nos comedores escolares do CEP de Ventín, CEIP de Barouta, CEIP de Agro do Muíño e CEIP da Maía.

O Concello de Ames subscribe o Acordo de Melgaço de apoio á Vía Mariana Luso Galaica

O alcalde de Ames, Blas García, e mailo concelleiro de Turismo, Manuel Lens, participaron esta mañá na xuntanza de Concellos da Vía Mariana Luso Galaica na se aprobou o Acordo de Melgaço. A Vía Mariana Luso Galaica, que une os antigos santuarios de devoción mariana entre Braga e Muxía, constitúe un itinerario cultural e natural de primeira orde europea, que se recoñece como un legado da historia que recolle o inmenso patrimonio cultural etnográfico e natural do territorio histórico da antiga Gallaecia.

O Concello de Ames súmase á celebración do centenario do Seminario de Estudos Galegos

O Concello de Ames, xunto con outras institucións,  colabora na organización da programación do centenario do Seminario de Estudos Galegos. Deste xeito, o vindeiro xoves 12 de outubro farase unha andaina conmemorativa entre Compostela e Ortoño, emulando a andaina fundacional que realizaron algúns dos membros do Seminario de Estudos Galegos hai 100 anos. As persoas que estean interesadas en participan en dita andaina xa poden inscribirse premendo nesta ligazón. A saída será ás 9.00 horas dende de a Alameda de Santiago. A chegada a Ortoño está prevista para as 12.30 horas aproximadamente. Ás 13.00 horas haberá un acto institucional coa lectura dun manifesto conxunto de todas as institucións participantes e unha ofrenda floral. Posteriormente, farase unha romaría na Carballeira de Ortoño con música e xantar.

O Concello de Ames súmase aos actos institucionais do 8M cunha andaina pola Ruta Rosaliana

Os concellos da Ruta Rosaliana (Ames, Brión, Dodro, Padrón e Santiago de Compostela) organizan para o Día Internacional da Muller a andaina “Rosalías da Vida” que terá unha distancia de 20 quilómetros. A saída será dende Lestrobe, en Dodro, ás 9.00 horas, e rematará as 18.00 horas coa chegada ao acto institucional que se realizará na praza do Obradoiro, en Santiago de Compostela. Os/as participantes de Ames uniranse á andaina en Padrón, na praza de Rodríguez Cobián, ás 9.30 horas. Haberá dous puntos de avituallamento, en Padrón e no Milladoiro. O obxectivo é conmemorar o 8M tendo presente a Rosalía de Castro, unha muller que marcou un antes e un despois na nosa historia.

Eventos del departamento

>"Altamira Brilla": presentación do proxecto

A conmemoración da histórica Baralla de Altamira dará comezo o venres 10 de xuño coa presentación do proxecto e posta en valor das Torres de Altamira e as investigacións e os avances nos traballos para a elaboración do plan director das Torres de Altamira nunha sesión na que intervirá o arquitecto Mario Crecente. Será no Pazo da Peregrina, en Bertamiráns ás 20:00 horas.

>"Altamira Brilla": ruta histórica, representación e concertos

A festa histórica do val da Maía, que organizan os Concellos de Ames e Brión, xunto coa Deputación da Coruña, para conmemorar a histórica Batalla de Altamira, chega esta semana á súa segunda edición. Na xornada do sábado os participantes poderán gozar dunha ruta histórica, da representación teatral a cargo do grupo Os Quinquilláns e dos concertos de Caldo e de Grande Amore. Para participar nestas actividades é necesaria inscrición previa.

>Andaina polo Mar de Ovellas

O Concello de Ames, a través dos departamentos de Normalización Lingüística e Turismo, organizou para o domingo 7 de xuño unha andaina polo Mar de Ovellas. Esta actividade, incluída na programación de Rosalía 2026, estará teatralizada polos Quinquilláns e Lupe Blanco. A andaina rematará no local social de Trasmonte cunha pequena festa con música e degustación de petiscos. As persoas que queiran participar teñen que escribir un correo electrónico ao enderezo normalizacion@concellodeames.gal.

>Andaina “Rosalías da Vida” en conmemoración do 8M

Os concellos da Ruta Rosaliana (Ames, Brión, Dodro, Padrón e Santiago de Compostela) organizan para o Día Internacional da Muller a andaina “Rosalías da Vida” que terá unha distancia de 20 quilómetros. A saída será dende Lestrobe, en Dodro, ás 9.00 horas, e rematará as 18.00 horas coa chegada ao acto institucional que se realizará na praza do Obradoiro, en Santiago de Compostela. Os/as participantes de Ames uniranse á andaina en Padrón, na praza de Rodríguez Cobián, ás 9.30 horas. Haberá dous puntos de avituallamento, en Padrón e no Milladoiro. O obxectivo é conmemorar o 8M tendo presente a Rosalía de Castro, unha muller que marcou un antes e un despois na nosa historia.

>Batalla de Altamira

Despois de adiar varias actividades no mes de xuño debido á meteoroloxía adversa por choiva, volve “Altamira Brilla”, a festa histórica do Val da Maía, organizada polos Concellos de Ames e Brión, xunto coa Deputación da Coruña, para conmemorar a histórica Batalla de Altamira. O programa inclúe a representación teatral “A Batalla de Altamira”, a cargo do grupo Os Quinquilláns; a actuación dos grupos de pandeireteiras de Ames e Brión; e o concerto do grupo Carmela, que se van celebrar o domingo 21 de setembro en horario de mañá e tarde. Todas as actividades son de acceso libre ata completar aforo.

>Café con Verso e Caldo de Gloria

 O xoves 22 de febreiro desenvolverase unha nova edición das iniciativas “Caldo de Gloria” e “Café con verso” nos locais de hostalaría de Ames. Deste xeito, repartiranse nos locais de hostalaría unhas tarxetas con versos rosalianos para difundir a súa obra, pensamento e figura. A iniciativa Café con verso xurdiu no ano 2017 froito da colaboración entre o Concello de Ames e mailo poeta amesán Carlos Negro. Así mesmo, a hostalaría tamén servirá o caldo que a escritora describe no seu poema “Miña casiña, meu lar” de Follas Novas.

>Exposición: "A Casa de Galicia. 50 anos da Casa de Rosalía"

Ata o 2 de xuño, a Praza da Maía, en Bertamiráns, acolle a exposición "A Casa de Galicia. 50 anos da Casa de Rosalía", na que se repasa a historia deste museo e se lembra o fito que supuxo en pleno franquismo conseguir mercar, restaurar e musealizar esta casa grazas á colaboración de milleiros de persoas. A mostra está comisariada por Pepe Barro, tamén autor da museoloxía da Casa-Museo.

Esta exposición fai un repaso pola historia da Casa-Museo, que se abriu ao público o 15 de xullo de 1971, en pleno franquismo grazas, á implicación de milleiros de persoas e entidades de todo o país e da emigración. O Patronato Rosalía, creado en 1947, converteuse en refuxio do galeguismo, con actos como a Misa de Rosalía en Bonaval, que se constituíron como auténticos encontros de afirmación galeguista.

>Lugares Rosalianos: Pazo da Peregrina

O Concello de Ames, a través do departamento de Turismo, organizou para o sábado 20 de maio, ás 12.00 horas, unha visita ao Pazo da Peregrina de Bertamiráns, que se enmarca dentro do programa de visita aos Lugares Rosalianos que marcaron a vida e obra de Rosalía. Ditas visitas están teatralizadas polos Quinquilláns. Esta actividade enmárcase dentro do convenio asinado polos Concellos de Ames, Brión, Dodro e Padrón para promover a ruta As pegadas de Rosalía. Para participar hai que enviar un correo electrónico ao enderezo turismo@concellodeames.gal.

>Ruta "Pegadas de Rosalía"

O Concello de Ames programa para o sábado 14 de setembro unha saída pola ruta rosaliana que transcorre polos lugares máis emblemáticos da vida de Rosalía de Castro e o seu legado literario. Trátase dun itinerario que segue o trazado orixinal proposto por Avelino Abuín de Tembra na década dos noventa, actualizado polo presidente da Fundación Rosalía de Castro, Anxo Angueira, no ano 2017, e presentado na feira de turismo Fitur en colaboración con esta entidade, convertido nun proxecto turístico intermunicipal denominado “As Pegadas de Rosalía”, en xaneiro do ano 2018