Pestanas principais

Departamento de Secretaría e Administración Xeral

    • Enderezo: Praza do Concello, nº 2, Bertamiráns.
    • Teléfono: 981 88 30 02
    • Horario de atención ao público: de 9:00-14:00 horas.
    • Responsable municipal: Concellaría de Administración Xeral.
    • Responsable técnico: María Ofir Aboy García, técnica de secretaría.
    • Estrutura do servizo: Secretaría, Técnica de Secretaría, 3 Auxiliares Administrativos.
Outros Datos: 
  • Funcións:
    • Asesoría xurídica do Concello
    • Informar e asesorar sobre os asuntos plenarios. Conformación dos plenos e comisións, xuntas de goberno
    • Levantar acta das sesións dos órganos colexiados
    • Certificación dos actos ou resolucións da Presidencia e os acordos dos órganos colexiados decisorios, así como dos antecedentes, libros e documentos do Concello.
    • Remitir á Administración do Estado e á Comunidade Autónoma, nos prazos e formas determinados reglamentariamente, copia ou, no seu caso, extracto dos actos e acordos dos órganos decisorios da Corporación, tanto colexiados como unipersonais.
    • Levar e custodiar o Rexistro de Intereses dos membros da Corporación e o Inventario de Bens.
    • Acompañar ao Alcalde-Presidente ou membros da Corporación nos actos de sinatura de contratos ou escrituras.
    • Xestión da área de contratación. Realización do Plan de contratación semestral.
    • Xestión dos RRHH do Concello de Ames.
  • Bolsas de traballo
  • Procesos selectivos
  • Perosal Municipal
  • Novas relacionadas
  • Axenda.

Novas do departamento

Habilítase un acceso directo na web municipal para obter cita previa e poder realizar trámites presenciais en Rexistro e no Padrón municipal

Para acudir a facer trámites presenciais ás oficinas municipais é necesario sacar cita previa. Para iso habilitouse un sistema online de obtención de cita previa, a través da Sede electrónica do Concello de Ames, para a realización de trámites presenciais no Rexistro Xeral e no Padrón municipal, así como para facer trámites a través do Sistema de Interconexión de Rexistros (SIR). Para acceder a dito servizo vén de colocarse un acceso directo na web municipal, dentro do apartado de Atención cidadá, información e participación.  Ademais, existe unha listaxe de números de teléfono e enderezos de correo electrónico para poder contactar cos diferentes departamentos municipais.

Habilítase un sistema online de obtención de cita previa para a realización de trámites presenciais en Rexistro e no Padrón municipal

Para acudir a facer trámites presenciais ás oficinas municipais é necesario sacar cita previa. Para iso ponse a disposición da veciñanza unha listaxe de números de teléfono e enderezos de correo electrónico para poder contactar cos diferentes departamentos municipais. Ademais, está activo na Sede electrónica do Concello de Ames un sistema online para a obtención de cita previa, imprescindible para realizar trámites presenciais relacionados co Rexistro Xeral, Padrón municipal e trámites a través do Sistema de Interconexión de Rexistros (SIR).

José Miñones é reelixido alcalde de Ames cos votos do PSdeG-PSOE, BNG e Contigo Podemos

Esta mañá desenvolveuse o pleno de constitución da nova Corporación municipal do Concello de Ames. José Miñones foi reelixido alcalde de Ames co apoio dos 13 concelleiros e concelleiras pertencentes aos grupos políticos do PSdeG-PSOE, BNG e Contigo Podemos. Despois de realizar a votación para ditaminar o novo alcalde, a decana do pleno, María Dolores Fernández Álvarez, foi a encargada de entregarlle o bastón de mando a José Miñones. A sesión plenaria celebrada na Casa da Cultura de Bertamiráns contou cun gran número de persoas que se achegaron a coñecer aos concelleiros e concelleiras que forman a nova Corporación municipal.

Mañá abre o prazo para solicitar permiso para realizar cacharelas na noite de San Xoán 2025

O Concello de Ames abre o prazo para solicitar permiso para a realización de cacharelas na noite de San Xoán, o vindeiro 23 de xuño. No caso dos espazos públicos, o prazo comprende do 5 ao 17 de xuño, ás 13:30 horas; mentres que para os espazos privados será do 5 ata o 20 de xuño, tamén ás 13:30 horas. As normas faranse extensivas á celebración de cacharelas/sardiñadas durante todo o mes de xuño. As solicitudes deberán presentarse preferentemente por rexistro telemático, a través da Sede electrónica do Concello de Ames. Tamén poderá facerse de maneira presencial nas Oficinas de asistencia en materia de rexistro do Concello. Podes descargar o impreso de solicitude na seguinte ligazón. 

O alcalde anuncia no pleno sobre o estado do Concello que está en fase de redacción o proxecto de humanización do Milladoiro

O auditorio da Casa da Cultura do Milladoiro acolleu este xoves, 7 de abril, o quinto pleno de estado do Concello de Ames. Esta sesión plenaria serviu para facer balance sobre a xestión do goberno local durante o último ano. Os aspectos máis destacados foron que o Goberno municipal avanzou que o goberno do Estado está redactando o proxecto de humanización do Milladoiro e que se está traballando nun Plan de loita contra a fraude e nun inventario turístico, que recolla o patrimonio material e inmaterial do municipio. Dende a oposición reclamaron a baixada dos impostos e comezar de xeito en inmediato coa tramitación da modificación do PXOM. O pleno retransmitiuse por streaming a través da canle de Youtube do Concello de Ames. Durante o transcurso do pleno producíronse 79 conexións de distintos usuarios/as.

O alcalde asina o decreto coas delegacións de cada concellaría do novo goberno municipal

O alcalde de Ames, José Miñones, vén de asinar o decreto coas delegacións de cada unha das concellarías do novo goberno municipal. As competencias repártense en doce concellarías e mailas atribucións que lle corresponden ao alcalde. Ademais, realizouse o nomeamento dos/as tenentes de alcalde e dos/as concelleiros/as que formarán a Xunta de Goberno Local. Agora, queda por realizar o pleno de organización no que se decidirán as dedicacións de cada grupo municipal, así como a periodicidade coa que se celebrarán os plenos e as xuntas de goberno local, entre outros asuntos.

O alcalde de Ames, Jose Miñones, envíalle unha mensaxe de apoio á veciñanza amesá para encarar con forza esta nova etapa tralo estado de alarma pola Covid-19

O rexedor municipal quere dirixirse a toda a veciñanza de Ames, despois dos duros e complicados momentos vividos nos últimos meses. Deste xeito, envía unha mensaxe de apoio á veciñanza amesá para encarar con forza esta nova etapa tralo estado de alarma pola Covid-19. Ademais, aproveita para dar a coñecer que o Concello de Ames traballou para poder ofrecer unha resposta seria e rápida ante a situación sen precedentes que houbo que asumir en tódalas áreas municipais. Tamén pide seguir extremando as precaucións para evitar rebrotes indesexados. Preme nesta ligazón para consultar o comunicado íntegro.

O auditorio da Casa da Cultura de Bertamiráns acolle este mércores, 17 de abril, o pleno sobre o estado do Concello de Ames

Este mércores, 17 de abril, ás 20:30 horas, celebrarase o pleno extraordinario sobre o estado do Concello de Ames. Será a sexta sesión plenaria aberta despois das feitas en 2017, 2019 e 2022, no Milladoiro, e das celebradas en 2018 e 2021, en Bertamiráns. En 2020 debido ao confinamento pola pandemia da Covid-19 non houbo pleno do estado do Concello. En 2023 tampouco se convocou debido á proximidade das eleccións municipais do mes de maio. Ademais, poderase seguir o pleno vía streaming a través da canle de Youtube do Concello de Ames.

O auditorio da Casa da Cultura do Milladoiro acolle este xoves, 7 de abril, o pleno sobre o estado do Concello de Ames

Este xoves, 7 de abril, ás 20:30 horas, celebrarase o pleno extraordinario sobre o estado do Concello de Ames. Será a quinta sesión plenaria aberta despois das feitas en 2017 e 2019, no Milladoiro, e das celebradas en 2018 e 2021, en Bertamiráns. En 2020 debido ao confinamento pola pandemia da Covid-19 non houbo pleno do estado do Concello. Ademais, poderase seguir o pleno vía streaming a través da canle de Youtube do Concello de Ames.

O avance de Ames marcou o debate do pleno extraordinario sobre o estado do concello

O auditorio da Casa da Cultura de Bertamiráns acolleu este mércores, 17 de abril, o sexto pleno de estado do Concello de Ames. Esta sesión plenaria serviu para facer balance sobre a xestión do goberno local e da situación na que se atopa o municipio amesán. Dese xeito, fíxose balance da execución das actuacións incluídas na EDUSI Impulsa Ames e da actividade doutras áreas como educación, emprego, comercio, axenda urbana, mocidade, medio ambiente, cultura, etc. Tamén se abordaron cuestións de gran importancia como a elaboración da Axenda Urbana, a humanización do Milladoiro ou a creación da Entidade Pública Empresarial Augas de Ames. Premendo nesta ligazón podes acceder á gravación do pleno de estado do concello. 

Eventos del departamento

> Pleno ordinario xullo 2023

Este xoves, día 27, o Concello de Ames celebrará o pleno ordinario correspondente ao mes de xullo.

Pleno de investidura

Este sábado, 15 de xuño, celébrase o primeiro pleno do mandato 2019-2023 no que se desenvolverá o acto de investidura. O pleno de constitución da nova Corporación desenvolverase dende as 12:00 horas no auditorio da Casa da Cultura de Bertamiráns. Os concelleiros e concelleiras prometerán o seu cargo e será elixido o alcalde. Os 21 concelleiros/as terán que facer unha votación nominal na que cada edil terá que votar por algún dos candidatos á Alcaldía.

Xuntanza de Portavoces

A Casa do Concello acolle a xuntanza de portavoces a partir das 14.00h este xoves, 11 de xullo.